باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ىنتەرنەت ىشمەرى جۇماالى وروزو ۇۇلۇ
   2012-05-10 21:11:51     xjbs   

جۇماالى وروزو ۇۇلۇ 1966-جىلى 4-ايدىن 10-كۉنۉ قىزىلسۇۇ وبلاستى ارتىش شاارىنا قاراشتۇۇ قاراجۉل ايىلىندا جارىق دۉينۅگۅ كۅز اچقان. 4 جاشىندا اتا-ەنەسى مەنەن بىرگە تەگىرمەتى ايىلىنىن ىدىراڭ (قورۇمدۇق) قىشتاعىنا كۅچۉپ بارىپ، ۅرۉشۉ مالعا، ۅۅنۉ دانعا تولعون، كەڭ تالاا، ادىرلۇۇ جەرگەدە ۅسۉپ چوڭويعون. 1973-جىلى 7-ايدان تارتا، ىدىراڭ قىشتاعىنىن باشتالعىچ مەكتەبىندە جانا تەگىرمەتى ايىلدىق تولۇقسۇز ورتو مەكتەپتە (1979 ~ 1981) وقۇدۇ. 1981-جلى 9-ايدان 1983-جىلى 7-ايعا چەيىن قىزىلسۇۇ وبلاستتىق 3-ورتو مەكتەپتە وقۇعان. 1983-جىل 9-ايدان 1988-جىلى 7-ايعا چەيىن شئنجاڭ ۇنىۋەرسىتەتىنىن زاكون ئلىمى فاكۇلتەتىندە وقۇعان، 1988-جىلى 7-ايدان 2004-جىلى 4-ايعا چەيىن شئنجاڭ ەل رادىيو ىستانسىياسىنىن قىرعىز رەداكسىياسىندا قوتورموچۇ، قابارچى، قوشۇمچا پىروگىرامما جۉرگۉزۉۉچۉ، «زاكوندون كەڭەش»، «ادام جانا زاكون» پىروگىرامماسىنىن جووپتۇۇ جۉرگۉزۉۉچۉسۉ بولۇپ ىشتەپ، رادىيو ۇعارماندارىنىن كۅڭۉل تۅرۉنۅن تۉنۅك تاپقان. 2004-جىلى 4-ايدان 2006-جىلى 4-ايعا چەيىن وشول ەلە مەكەمەنىن قورعوو باشقارمالىعىندا ىشتەگەن. 2006-جىلى 4-ايدا قىزماتتىن تالابى بويۇنچا، مەكەمەنىن ىنتەرنەت قابارلار بوربورۇنا جۅتكۅلۉپ، مەكەمەنىن قىرعىزچا سايتىنا جووپتۇۇ بولۇپ ىشتەپ كەلەت.
جۇماالى وروزو ۇۇلۇ جان جاقتىلۇۇ بئلىم-ۅنۅرگۅ ەە قوومدۇق ىشمەر قاتارى بەلگىلۉۉ، ازىرعا دەيرە قىرعىزچا جانا ۇيعۇرچا گەزىت-جۇرنالداردا 150 بارچادان اشۇۇن ىرلارى، وي تولعوو ماقالالارى، تئل ىزىلدۅۅ ماقالالارى جارىق كۅرگۅن. ال سىتۇدەنتتىك كەزىندە «قىزىلسۇۇ گەزىتى»ندە «ماناسچى جۉسۉپ اتاما» (1986) دەگەن ارنوو ىرى مەنەن تۇشووسۇن قىيعان. «شئنجاڭ قىرعىز ادابئياتى» جۇرنالىندا بئر توپ ىرلارى جارىيالانعان، «تئل جانا قوتورمو» جۇرنالىندا قوتورمولورۇ جانا كۅركۅم جازۇۇ جۅنۉندۅگۉ ماقالالارى، تئل ىزىلدۅۅ ماقالالارى جارىق كۅرگۅن، كىتەپتەر جانا ۉن تاسمالارىنىن مۇقابالارىن ىشتەگەن، اعارتۇۇ باسماسى جاعىنان چىعارىلعان بئر قانچا قىرعىزچا وقۇۇلۇقتاردى قوتورۇۇعا قاتىشقان. 2000-جىلى شئنجاڭ ەل باسماسىنان «قىزعىلت تاڭ» اتتۇۇ ىرلار جىيناعى باسىلىپ چىققان، 2002 - 2003-جىلدارى «شئنجاڭ گەزىتى» جانا «شئنجاڭ جاشتارى» قاتارلۇۇ ۇيعۇرچا گەزىت-جۇرنالداردا 20 بارچادان اشۇۇن وي تولعوو ماقالالارى ۇيعۇر تىلىندە جارىق كۅرگۅن. ۅمۉر بايانى «جۇڭگو كۅركۅم ۅنۅر سالااسىنداعى ىشمەرلەر» تومۇنا كىرگىزىلگەن. كەەبئر ماقالالارى اپتونوم رايون داراجالۇۇ سىيلىقتارعا تاتىقتۇۇ بولعون. «اق تىلەك» سايتىن اچىپ ەلىنە تارتۇۇلاعان.
ال شئنجاڭ جازۇۇچۇلار قوومۇ جانا ەل ووز ادابئياتچىلار قوومۇنۇن مۉچۅسۉ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.