باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
گۉلزىيا ۋالىي قىزى
   2012-05-10 23:12:22     xjbs   


اقىن جانا جازۇۇچۇ، مىقتى الپارۇۇچۇ گۉلزىيا ۇالىي قىزى 1995-جىلى شئنجاڭ قىرعىز ادابئياتىندا جارىيالانعان « تاعدىردىن تارتۇۇسۇ» اتتۇۇ اڭگەمەسى مەنەن  چىعارماچىلىق تۇشووسۇن قىيعان. وشوندون تارتىپ «شئنجاڭ قىرعىز ادابئياتى»ندا  «ۉزۉلگۅن ۉمۉت»، «ەنە مەەرى»، «ۇرپاق» ۅڭدۉۉ ون چاقتى اڭگەمە، تۉرمۅكتۉۉ دئل مايەك جانا 300 پارچادان ارتىق ىرلارى وقۇرماندار مەنەن بەت كۅرۉشكۅن. انىن «شئنجاڭ قىرعىز ادابئياتى» جۇرنالىندا جارىيالانعان «كەلىڭىز سىرداشالى» اتتۇۇ تۉرمۅكتۉۉ دئل مايەگىنەن بئر تۉرمۅك قىزىلسۇۇ قىرعىز ەل باسماسى جاعىنان چىعارىلعان «جۇڭگو قىرعىزدارىنىن تاندالعان چىعارمالارى» انتولوگىياسىندا بەرىلگەن. وشوندوي ەلە، بئر تۉركۉم ىرلارى مامىلەكەتىبىز قۇرۇلعاندىعىنىن 60 جىلدىعىن قۇتتۇقتوو ۇچۇرۇندا از ساندۇۇ اقىن-جازۇۇچۇلاردىن تاندالعان چىعارمالارى توپتومۇندا حانزۇچاعا قوتورۇلۇپ تانىشتىرىلسا، بئر بۅلۉم ىرلارى قىرعىزىستان رەسپۇبلىكاسىنىن «االام قىرعىزدارى» جۇرنالىندا اتايىن بەرىلگەن.

  2006-جىلدان باشتاپ ادابئي كۅركۅم چىعارماچىلىقتىن داعى بئر تۉرۉ بولعون دىرامماعا ات سالىپ، تۇرسۇن جۇمالى ۇۇلۇ مەنەن بىرگەلەشىپ جازعان 53  سەرىيالۇۇ «بااتىر ماناس»، ۅز قالەمىنە تااندىق «ۅرنۅكتۉۉ  ۅمۉر»، «كەرمە توو قىزى» ۅڭدۉۉ رادىيو دىرامماسىن جازىپ، قالىڭ ۇعارماندارعا سۇنۇپ، دىرامما جانىرىنداعى ۅزگۅچۅلۉگۉن  ايگىنەلەگەن.

2011-جىلى قىزىلسۇۇ باسماسى جاعىنان « مۇنارىق تاڭ» اتتۇۇ تۅل باشى رومانى جارىق كۅرگۅن. بۇل رومان قىرعىز ايالدارىنان تۇنعۇچ جولۇ رومان جانىرىنا قادام تاشتاپ، جۇڭگو قىرعىز ايالدارىنىن رومانچىلىق كۅشۅگـۅسۉن اچىپ، جۇڭگو قىرعىز ايالدارىنىن رومان جازباستاي تارىحىنا چەكىت قويدۇ.

ەكىنچى رومانى «باقالۇۇ كۅل» ۉستۉبۉزدۅگۉ جىلى 5-ايدىن باشىندا  قىزىلسۇۇ قىرعىز باسىماسى جاعىنان جارىق كۅردۉ.

  گۉلزىيا ۇالىي قىزى شئنجاڭ ەل رادىيو ئستانسىياسى قىرعىز بۅلۉم كۅركۅمۅنۅر گۇرۇپپاسىندا «گۉل ازىق»، «دئل قايرىق»، «االام قايرىق» اتتۇۇ كۅركۅمۅنۅر بەرۉۉلۅرۉنۉن الپارۇۇچۇسۇ. ال 2011-جىلى «شئنجاڭ قىرعىز ادابئياتى» جۇرنالى جاعىنان «سالىم قوشۇۇچۇ» سىيلىعىنا، باشقالار مەنەن بىرگە ىشتەگەن «بااتىر ماناس» اتتۇۇ رادىيو دىرامماسى ماملەكەت جاعىنان ەكىنچى داراجالۇۇ سىيلىققا،

«اقىندىن چىعارماچىلىق جولۇ»، «ۅرنۅكتۉۉ ۅمۉر» قاتارلۇۇ بئر قانچا تاانىشتىرۇۇ  ماقالالارى مامىلەكەت جانا اپتونوم رايون جاعىنان 2-3-داراجالۇۇ سىيلىقتارعا تاتىقتۇۇ بولعون.

  گۉلزىيا ۇالئي قىزى شئنجاڭ جازۇۇچۇلار قوومۇنۇن، شئنجاڭ ادابئي قوتورموچۇلار قوومۇنۇن مۉچۅسۉ، شئنجاڭ جازۇۇچۇلار قوومۇنۇن توقتومدۇۇ جازۇۇچۇسۇ.

.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.