باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تويچۇ قۇلمامەت ۇۇلۇ
   2013-06-26 18:24:24     xjbs   

 

 

    تويچۇ قۇلمامەت ۇۇلۇ 1964-جىلى 9-ايدىن 28-كۉنۉ ۇلۇۇچات وودانىنا قاراشتۇۇ تەرەك ايىلىنىن قاراتەكە قىشتاعى اياقچاناق قونۇشۇندا دىيقان ۉي بۉلۅسۉندۅ تۇۇلعان. فىلوسوفىيا ئلىمدەرى بويۇنچا باكلاۋىردىق اتاقتىن ەەسى، باشقى ادئس قوتورموچۇ، جۇرنالىت.  
 1972-جىلى 9-ايدان 1982-جىلى 7-ايعاچەيىن تەرەك اياقچاناق، بايقۇرتقا تولۇقسۇز ورتو جانا ۇلۇچات ووداندىق 1-تولۇق ورتو مەكتەپتەردە  مەكتەپ تاربئياسىن العان. 1982-جىلى 9-ايدان 1987-جىلى 7-ايعاچەيىن شئنجاڭ ۇنىۋەرسىتەتى ساياسئي فاكۇلتەتىنىن ساياسئي نازارىيا كەسىبىن بۉتۉرۉپ، شئنجاڭ ەل رادىيو ئستانسىياسىنىن قىرعىز بۅلۉمۉنۅ قىزماتقا بۅلۉنگۅن.  25 جىلدان بەرى قىرعىز بۅلۉمدۅن تاپ جىلباي اقپارات كەسىپىن جانداي سۉيۉپ  كەسىپ جاقتا قوتورموچۇ، قابارچى، رەداكتور بولۇپ ىشتەگەن. اكىمچىلىك جاعىندا الدى-ارتى بولۇپ قىرعىز بۅلۉم قابارلار  گۇرۇپپاسىنىن ورۇن باسارى، باشچىسى، مۇدۇر جاردامچىسى، بەرۉۉلۅ كۅزۅمۅلدۅۅچۉسۉ بولۇپ ىشتەگەن.
2000-جىلى 9-ايدا قىرعىزچا ۇقتۇرۇۇ ەكى سااتتان 4 سااتقا ۇزارتىلعان مەزگىلدە، ال ۅزۉنۉن كەسىپتىك جۅندۅمۉن ۅرچۉتۉپ، رادىيونۇن بەرۉۉلۅرۉن ەلگە جاقىنداتۇۇعا، جاڭىلووعو بەلگىلۉۉ كۉچ قوشۇپ، رادىيو قابارلارىن قوتورۇۇدا اتالما-تەرمىندەردى قالىپتاشتىرۇۇعا ەمگەك سىڭىرگەن. 2011-جىلى 6-ايدان باشتاپ قىرعىز بۅلۉمدۅكۉ كۅپ قىردۇۇ تالانت ەەلەرىنىن  جاشىرۇۇن جۅندۅمۉن انسايىن ۅۅرچۉتۉۉگۅ شىقتاندىرىپ، ىسكەرلەردى ۅز جۅندۅمۉنۅ جاراشا ىشكە قويۇپ، بۅلۉمدۅكۉلۅردۉن ىنتىماعىن بەكەمدەپ، موڭعۇلچا-قىرعىزچا رادىيونۇن بئر جىشتىقتان ايرىلىپ چىعۇۇسۇنا داياردىق قىزماتتارىن بەلسەنە ۇيۇمداشتىرىپ، ۇباقىت ۇزارعاندان كىيىن مازمۇنۇ مول، فورماسى تۉركۉن، ەلگە جاتىق جاڭى بەرۉۉلۅردۉ الىپ چىعۇۇسۇ ۉچۉن  جان ۉرۅپ قىزمات ىشتەدى.  ال داعى  «حانزۇچا قىرعىزچا چوڭ سۅزدۉك»تۉ تۉزۉۉ، ەلەكتىروندۇق ئرپان «حانزۇچا-قىرعىزچا سۅزدۉك» تۉ تەكشەرىپ- بەكىتۉۉ ىشىنە قاتىشقان. شئنجاڭ اعاتۇۇ باسماسىنىن بئر قانچا وقۇۇلۇق كىتەپتەرىن قوتورۇۇعا قاتىشتى. كۅپ بۅلۉكتۉۉ رادىيو دىرامماسى »چوڭ ماناسچى جۉسۉپ ماماي" ۅڭدۉۉ كۅپتۅگۅن رادىيو دىراممالارىن حانزۇچادان قىرعىزچاعا قوتوردۇ، بئر قانچالاعان ساياسئي كىتەپتەردى قوتورۇۇعا قاتىشتى. قوتورمو جانا اقپارت كەسىبى بويۇنچا جازعان«اقپارات ۉگۉت قوتورمو قىزماتىندا بايقاس قىلۇۇعا تىيىشتۉۉ ماسەلەلەر»، «قوتورمونۇن تۉشۉنۉ جانا تۇيۇنتۇ باسقىچىنا ايالداعاندا»، »رادىيو تىشقى ۉگۉت قابارلارىن قوتورۇۇدا بايقاس قىلۇۇعا تىيىشتۉۉ تاراپتار»، "قابارچىلار  چىعارماچىل وي جۉگۉتۉۉگۅ ماانئي بەرۉۉسۉ تئيىش" سىياقتۇۇ 10دون اشۇۇن ئلىمىي ىزىلدۅۅ ماقالالارى «تئل جانا قوتورمو»، «قاباچىلار جۇمۇشۇ» سىياقتۇۇ جۇرنالداردا جارىيالانىپ، كەسىپتەشتەرى ىچىندە جاقشى بااعا تاتىپ كەلەت. 10 پارچادان اشۇۇن قوتورمو جانا اقپارات چىعارمالارى ماملەكەتتىك ۇيعۇرچا، قازاقچا، قىرعىزچا چىعاان رادىيو-تەلە چىعارمالارىن باالوودو كۅپ جولۇ1-، 2-داراجالۇۇ سىيلىقتارعا تاتىقتۇۇ بولعون. ال شئنجاڭ ەل رادىيو ئستانسىياسى قىرعىزچا ۇنىۋەرسال رادىيو ۇقتۇرۇۇ بۅلۉمۉنۉن جەتەكچىسى  بولۇپ ىشتەپ كەلەت.
تويچۇ قۇلمامەت ۇۇلۇ اپتونوم رايوندۇق قوتورموچۇلار قوومۇنۇن تۇرۇقتۇۇ اتقارۇۇ مۉچۅسۉ، اپتونوم رايوندۇق تئل-جازۇۇ كومىتەتى اتالما تەرمىندەردى قالىپتاشتىرۇۇ ئشقاناسىنىن مۉچۅسۉ. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.