باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قاشقارباي تۇردالى ۇۇلۇ
   2012-05-14 17:34:52     xjbs   

 

قاشقارباي تۇردالى ۇۇلۇ، ادئس قوتورموچۇ، الىپ بارۇۇچۇ، داسىققان قابارچى. 1968-جىلى 2-ايدىن 5-كۉنۉ قىزىلسۇۇ وبلاستى ۇلۇۇچات وودانى تويۇن ايىلىندا تۇۇلعان.

1977-جىلدان 1981-جىلعا چەيىن ايىلدا باشتالعىچ مەكتەپتە، 1981-جىلدان 1983-جىلعا چەيىن مال چارباچىلىق 3- دئۋىزىيا تويۇن 2-مال چارباچىلىق فەرماسى تولۇقسۇز ورتو مەكتەبىندە تولۇق ورتو مەكتەپتە، 1983-جىلدان 1985-جىلعا چەيىن ارتىش شاارىنداعى قىزىلسۇۇ قىرعىز اپتونوم وبلاستىق 3-ورتو مەكتەپتە تولۇق ورتو مەكتەپتە وقۇعان.

1985-جىلدان 1989-جىلعا چەيىن شئنجاڭ پەداگوگىكالىق ۇنىۋەرسىتەتى جۇعراپئيا فاكولتەتىنىن جاراتىلىشتىق جۇعراپىيا كەسىبىندە وقۇعان.

1989-جىلى شئنجاڭ ەل رادئيو ىستانسىياسىنىن قىرعىز بۅلۉمۉنۅ قىزماتقا بۅلۉنۉپ، العاچىندا قابار قوتورموچۇلۇق قىزماتىن ىشتەگەن. 1990-جىلدان 1991-جىلعا چەيىن تارباعاتاي ايماعى ساۋان وودانىندا بئر جىل تۅمۅنگۅ تۉشۉپ قىزمات مەنەن تاقشالۇۇدا بولعون. 1993-جىلى شئنجاڭ ەل رادئيو ىستانسىياسى قىرعىز بۅلۉمۉ قابارلار گۇرۇپپاسىنىن ورۇنباسار باشچىسى بولۇپ دايىندالعان. بۇل ارالىقتا قابار قوتورموچۇلۇعۇ جانا قابارچىلىق جۇمۇشتارىن ىشتەگەن. 2000-جىلى شئنجاڭ ەل رادئيو ىستانسىياسى ارنالۇۇ بەرۉۉلۅر گۇرۇپپاسىنىن ورۇنباسار باشچىسى بولۇپ دايىندالىپ، اتالعان گۇرۇپپانى جەتەكتۅۅ مەنەن بىرگە «بۉگۉنكۉ مايەك»، «ئلىم-ۅنۅر دۉينۅسۉ» اتتۇۇ بەرۉۉلۅردۉ ىشتەپ وبوعو الىپ چىققان. 2001-جىلدان تارتا اتالعان گۇرۇپپانىن باشچىسى بولۇپ دايىندالىپ، ازىرعا دەيرە تۉز وبوعون بەرىلچۉ «بۉگۉنكۉ مايەك»، «التىن اچقىچ» قاتارلۇۇ بەرۉۉلۅردۉن الىپ بارۇۇچۇسۇ بولۇپ ىشتەپ كەلەت.

قاشقارباي تۇردالى ۇۇلۇ كۅپ جىلدىق رادئيو قوتورموچۇلۇق قىزماتى بارىشىندا تىرىشىپ ۉيرۅنۉپ، بئلىمىن مولۇقتۇرۇپ، قوتورموچۇلۇقتۇن مىقتى چەبەرچىلىكتەرىن ىيگەرىپ، بۅلۉمدۅ قىزماتتاشتارى جانا جەتەكچىلەردىن جاقشى باالارىنا تاتىقتۇۇ بولعون. شئنجاڭ ەل باسماسى، شئنجاڭ اعارتۇۇ باسماسى جاعىنان بئر توپ قوتورمو چىعارما كىتەپتەرى جارىق كۅرگۅن. شئنجاڭ «تئل جانا قوتورمو» جۇرنالىندا قوتورمو نازارىياسى بويۇنچا بئر قانچا ئلىمىي ەمگەگى جارىيالانعان. بئر قانچا قوتورمو چىعارماسى شئنجاڭ اقپارات سىيلعى بويۇنچا قوتورمو سىيلىعى، قازاق قىرعىز ۇيعۇر ماملەكەتتىك تەلە- رادئيو اقپارات سىيلىعى بويۇنچا 1-، 2- داراجالۇۇ سىيلىقتارعا تاتىقتۇۇ بولعون.

قاشقارباي تۇردالى ۇۇلۇ جوعورۇدا ايتىلعان قوتورموچۇلۇق، الىپ بارۇۇچۇلۇق ەلە ەمەس، قابارچىلىقتادا داسىعىپ، كۅپتۅگۅن قابار- ماقالالارى، وچەرىكتەرى، ۉن العى وچەرىكتەرى رادئيودو جارىيالانىپ، جالپى جۇرتچۇلۇق اراسىندا كۉچتۉۉ تااسئر قوزعوپ، كۅپتۅگۅن اقپارات چىعارمالارى شئنجاڭ اقپارات سىيلىعى، قازاق، قىرعىز، ۇيعۇر ماملەكەتتىك رادئيو- تەلە اقپارات سىيلعى قاتارلۇۇ سىيلىقتار بويۇنچا 1-، 2-، 3- داراجالۇۇ سىيلىقتارعا تاتىقتۇۇ بولعون.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.