باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«تاكلاماكانداعى ۉيلۅنۉۉ تويۇ» اۋات وودانىندا ۅتتۉ
   2014-05-08 11:24:44     xjbs   

قۇلجانىن 4-كۉنۉ، 2014-جىلدىق ىنتىرنەت مادانئيات مايرامى «تاكىلاماكانداعى توي» اۋات ارنالۇۇ تويۇ اۋات وودانىنداعى دولاندىقتار كۅرك رايونۇندا كۅشۅگۉسۉن اچتى.

وشول كۉنۉ تۉشتۅ، اۋات وودانىنداعى دولاندىقتار وردۇ كۉلكۉ ۉنۉ باشقاچا قىزىپ كەتتى. 15 جۇپ قىز جىگىت مودا توي كىيمىن كىيپ ەشەك اراباسىنا ولتۇرۇپ، سۇرناي جانا دۇمباقتىن قوشتووسۇندا كىيىنكى ارىمدا توي ساحناسىنىن بوربورۇنا كىرىپ كەلدى. جاڭى جىگىت-قىز، جاقىن تۇۇعان دوستورۇ وشوندوي ەلە 6 مىڭدەن اشۇۇن ساياقاتچى الاردىن جاڭى توي ازەمىنە كۉبۅ بولدۇ.

اۋات وودانىنداعى ەلدىك كۅركۅم ۅنۅرچۉلۅرۉ اتقارعان «دولان مۇقامى» مەنەن تويدۇ قىزۇۇ دۇۇمانعا كۅتۅردۉ. اقسۇۇ تارىم ىر-بئي انسامبئلىنىن ارتىسى پالىۋار روزى بۇل قىيمىلدان قابار تاپقاندان كىيىن، سۉيگۅن جارى مەنەن مۇردا بئر بۉتۉمۅ كەلگەنىن ايتىپ مىنداي دەدى: «بۇل تويدۇ اياباي جوعورۇ دەڭگەەلدە ۅتۉپ، اياباي دۇۇماندۇۇ بولدۇ، بئزدىن تۇۇعان ۇرۇق دوستورۇبۇز بىزگە باقىت تىلەدى، وشونۇ مەنەن بئر ۇباقىتتا انسايىن كۅپ ادامدىن بىزگە باقىت تىلەگىن كۅردۉك. جاڭى تۇرمۇشۇبۇز ەمى باشتالات، ەكۅۅبۉز ابدان قۇبانىپ جاتابىز.»

اۋات وودانىنىن دولان ايىلىنداعى دىيقان اكبار تۇرعۇن تىلەگىنە جەتىپ بۇل ىرەتكى كوللەكتىپ تويعو قاتىشتى، انىن ەنەسى ايىمنىسا بۇل تويدۇن سالتاناتتۇۇ، اياباي دۇۇماندۇۇ بولعونۇن كۅرۉپ قۇبانعانىنان مىنداي دەدى: « اياباي قۇبانىپ، ىراازى بولدۇم. مىنچا كۅپ ادامدىن كۉبۅ بولۇۇسۇندا،ۇۇلۇم جانا كەلىنىم سۅزسۉز باقتىلۇۇ بولۇشات، بئزدىن ۉي قىشتاقتا جول باشتاپ بەردى، مىندان كىيىن قىشتاقتاعى انسايىن كۅپ ادامداردىن ۇشۇنداي قىيملعا قاتىشۇۇسۇن ۉمۉت قىلامىن.»

اۋات ووداندىق پارتكومدۇن شۇجئسى لۇ شاۋجوڭ: اۋات وودانىنىن مىندان كىيىن ۇشۇنداي كوللەكتىپ توي ۅتكۅرۅرۉن ايتىپ مىنداي دەدى: «كوللەكتىپ توي اۋات وودانىنىن جاڭىچا توي ۅتكۅرۉۉدۅي فورماسى بولۇپ، زامانباپ مادانئيات ارقىلۇۇ توي سالااسىندا جەتەكچى قىلۇۇداي كونكىرەت بەينەسىن تولۇق چاعىلدىردى. مەنىمچە ازىرقى دوور جاشتارىنىن موداعا بەت الۇۇسۇ، قووزدۇققا تالپىنعان ەمگەك جەمىشتەرىنىن ايگەلەندىرۉۉسۉ ايرىقچا زارىل رول وينويت.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.