باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«جۇڭگو تەرەزەسى» بەرۉۉسۉنۉن 10 جىلدىعىنا ارنالعان كانسەرت
   2014-06-12 18:05:31     xjbs   

تەكەنىن 9- كۉنۉ، شئنجاڭ ەل رادىيو ىستانسىياسى قىرعىزچا ۇنىۋەرسال رادىيوسۇ «جۇڭگو ۉنۉ» جە «قىتاي تەرەزەسى» بەرۉۉسۉنۉن قىرعىزىستاندا ۇلاپ تاراتىلعاندىعىنىن 10 جىلدىعىن قۇتتۇقتوو كانسەرتى جانا اتالعان بەرۉۉنۉ ۇلاندۇۇ قىرعىزىستاندا ۇلاپ تاراتۇۇ بويۇنچا كەلىشىمگە قول قويۇشۇۇ ازەمى شئنجاڭ ۇيعۇر اپتونوم رايوندۇق رادىيو كىنو تەلە مەكەمەسى شئنجاڭ ەل رادىيو ىستانسىياسىندا ۅتتۉ.
     2004- جىلى تەكەنىن 10- كۉنۉ، كۉنۉنۅ بئر سااتتان «جۇڭگو ۉنۉ» جە «قىتاي تەرەزەسى» بەرۉۉسۉ تۇنعۇچ جولۇ قىرعىزستاندا تاراتىلىپ، جۇڭگونۇن قووم، ەكونومىكا، مادانئيات، تارىح جاقتارىنداعى ماالىماتتارىن ماالىندا جەتكىرىپ، قىرعىزستان ەلىنىن جۇڭگونۇ تۉشۉنۉۉدۅكۉ التىن كۅپۉرسۉنۅ ايلانعان.
بۇل جولقۇ ئش- چاراعا قاتىشۇۇعا كەلگەن قىرعىزىستاندىق قونوقتور، قىرعىز رەسپۇبلىكاسى قوومدۇق تەلە-رادىيو كورپوراتسىياسىنىن باشقى دىرەكتورۇ قۇبات وتوربايەۋ، قىرعىز رەسپۇبلىكاسى قوومدۇق تەلە-رادىيو كورپوراتسىياسىنىن ورۇن باسار دىرەكتورۇ، قوومدۇق ىشمەر، ماملەكەتتىك جاشتار سىيلىعىنىن ەەسى، بەلگىلۉۉ دراماتورك قايرات ئمانالىيەۋ، قىرعىز رەسپۇبلىكاسى قوومدۇق تەلە-رادىيو كورپوراتسىياسىنىن بايقووچۇ كەڭەشىنىن مۉچۅسۉ، قىرعىز رەسپۇبلىكاسىنىن مادانئياتىنا ەمگەك سىڭىرگەن ىشمەر، ماملەكەتتىك جاشتار سىيلىعىنىن ەەسى، بەلگىلۉۉ دراماتورك جانا اقىن جەڭىشكۉل ۅزۉبەكوۋا، قىرعىز رەسپوبىلىكاسىنىن مادانئياتىنا ەمگەك سىڭىرگەن ىشمەر، قىرعىز تەلە-رادىيوسۇنۇن جوعورۇ داراجاداعى دەكتورۇ گۉلشان مولدويەۋ، بەلگىلۉۉ ىرچى، ەۋرازىيا جىلدىزى گۉلجىگىت قالىقوۋ، اتاقتۇۇ جاش قومۇزچۇ، بئر قانچا جولقۇ ماملەكەتتىك جانا ەل ارالىق كانسەرت- كونكۇرۇستاردىن جەڭۉۉچۉسۉ زاكىربەك دۉيشۅبەك ۇۇلۇ سىياقتۇۇلار.
 تەكەنىن 10-كۉنۉ  ۉرۉمچۉ ماالى ساات 2 دە شئنجاڭ ۇيعۇر اپتونوم رايوندۇق رادىيو كىنو تەلە مەكەمەسى پارتگۇرۇپپاسىنىن سەكراتارى ان سىگۇ مىرزا مەنەن قىرعىز رەسپۇبلىكاسىنىن قوومدۇق تەلە رادىيو كارپاراتسىياسىنىن باشقى دىرەكتورۇ قۇبات وتوربايەۋ «جۇڭگو ۉنۉ» جە «قىتاي تەرەزەسى» بەرۉۉسۉنۉن ۇلاندۇۇ قىرعىزىستاندا ۇلاپ تاراتۇۇ بۉتۉمۉنۅ قول قويۇشتۇ. كەلىشىمدەگى باسا كۅرسۅتۅ كەتۉۉگۅ ارزىي تۇرعان تۉيۉن: ەكى تاراپ جىلىنا دىكتور- الىپ بارۇۇچۇ، رەداكتور، قوتورموچۇ جانا تەحنىك قىزماتكەرلەرىن بئر ايلىق تاجىرىيبا الماشتىرۇۇعا جىبەرۉۉ ورتوعو قويۇلدۇ، وشوندوي ەلە  باشقا قىزماتتاشتىق تاراپتارىن كەڭىرتۉۉگۅ قوشۇلدۇ. كەلىشمگە قول قويۇلعاندان كىيىن، ەكى تاراپ كۅركۅم ۅنۅرچۉلۅرۉنۉن اتقارۇۇسۇندا بئر سااتتىق «جۇڭگو تەرەزەسى» بەرۉۉسۉنۉن قىرعىزىستاندا ۇلاپ تاراتىلعاندىعىنىن 10 جىلدىعىن ەسكەرۉۉ كانسەرتى ۅتتۉ. باشتالۇۇ ازەمىندە جۇڭگو شئنجاڭ رادىيو -كىينو-تەلە مەكەمەسى پارتپارتگۇرۇپپاسىنىن سەكرەتارى ان سىگو مىرزا سۅز مەنەن قىرعىزىستان قوومدۇق تەلە-رادىيوبەرۉۉلۅر كارپاراتسىياسىنىن باشقى دىرەكتورۇ قۇبات وتوربايەۋ سۅز سۉيلۅپ، ەكى ەلدىن دوستۇعۇن داڭازالاپ، اتالعان بەرۉۉنۉن ەكى ەلدىن دوستۇق كۅپۉرۅسۉنۅ ايلانىپ كۅپتۅگۅن ىيگىلىكتەر قولعو كەلتىرىلگەنىن ايتىپ، مىندان نارى داعى جاقشى شەيكەشىپ كۅمۅكتۅشۅرۉن بىلدىردى. قىرعىزىستاندان جۇڭگوعو كەلىپ وقۇپ جاتقان ىستۇدەنتتەر جانا سوودا قىلىپ جاتقان ازاماتتار دا كەلىپ بۇل ئش چاراعا قاتىشىپ ۅز تااسىرلەرىن سۉيلۅپ بەرىشتى. كانسەرتتە بەلگىلۉۉ ىرچى كۉلجىگىتتىن ىرى جانا اتاقتۇۇ قومۇزچۇ زاكىربەكتىن اتقارعان كۉۉسۉ كۅرۉۉچۉلۅردۉن قىزۇۇ القىشىنا ەە بولدۇ. كانسەرتكە شئنجاڭ ۇيعۇر اپتونوم رايوندۇق رادىيو كىنو تەلە مەكەمەسى، قىرعىز رەسپۇبلىكاسىنىن قوومدۇق تەلە رادىيو كارپاراتسىياسى، شئنجاڭ ەل رادىيو ىستانسىياسىنىن جەتەكچىلەرى جانا قىزماتكەرلەرى، ۉرۉمچۉدۅكۉ ار قايسى سالاالاردا ەمگەكتەنىپ جاتقان قىرعىزداردىن ۅكۉلدۅرۉ كەلىپ كانسەرتكە كۉبۅ بولۇشتۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.