باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇڭگو ەل ساياسئي كەڭەش ماملەكەتتىك كومىتەتى جاڭى جىلدىق چاي چوعۇلۇشۇن ۅتكۅزدۉ
   2017-01-03 11:51:56     xjbs   

جۇڭگو ەل ساياسئي كەڭەش ماملەكەتتىك كومىتەتى ۉچتۉن ايىنىن 30-كۉنۉ جە 12-ايدىن 30-كۉنۉ تۉشتۅن مۇرۇن ماملەكەتتىك ساياسئي كەڭەشتىن زالىندا جاڭى جىلدىق چاي چوعۇلۇشۇن ۅتكۅزدۉ.

 پارتئيا جانا ماملەكەت جەتەكچىلەرىنەن شئى جئنپىڭ، لئى كىچىياڭ، جاڭ دىجياڭ، يۉ جىڭشىڭ، لىيۇ يۉنشان، ۋاڭ چئشان، جاڭ گاۋلى قاتارلۇۇلار ارقايسى دىموكراتىك پارتئيا توپتوردۇن بوربوردۇق كومىتەتتەرى، ماملەكەتتىك سوودا ۅنۅرجايچىلار بىرلەشمەسىنىن جووپتۇۇلارى جانا پارتئياسىز توپتۇن ۅكۉلدۅرۉ، بوربور جانا ماملەكەت ورگانىنىن قاتىشتۇۇ جووپتۇلارى جانا بوربوردوعۇ ارۇلۇت، ارسالاانىن ۅكۉلدۅرۉ، ىشمەرلەرى مەنەن بئر جەرگە چوعۇلۇپ، بىردىكتە 2017-جىلدىق جاڭى جىلدى توسۇپ الدى.

ج ك پ بوربوردۇق كومىتەتىنىن باش شۇجئسى، ماملەكەت تۅراعاسى، بوربوردۇق اسكەرىي ىشتەر كومىتەتىنىن تۅراعاسى شئى جئنپىڭ چاي چوعۇلۇشۇندا زارىل سۅز سۉيلۅدۉ. ال مىنابۇلاردى تااقىدى: بئر دووردۇن ۅزۉنۅ جاراشا تەماسى بولوت، بئر دوور كىشىلەرىنىن ۅزۉنچۅ ارقالاعان مىلدەتى بولوت. جاڭى ۇزۇن ساپاردا، اربئر جۇڭگولۇق باش كەيىپكەر، اربئرىنىن ۅزۉنۉ تىيەشەلۉۉ جووپكەرچىلىگى بار. كۅپچۉلۉك زور كۉچ مەنەن يۉگوڭدۇن توونۇ تومورۇۇ روحۇن جايىلتىپ، كۅڭتۅرۉشتۉ اقىرىنا چەيىن الىپ بارۇۇ روحۇن زور كۉچ مەنەن جايىلتىپ، جۇڭگو جانا دۉينۅنۉن العا ىلگەرىلۅۅ تارىحي اعىمىندا، ۇلۇۇ ىشتەرىبىزدى شاڭدۇۇ بەلەسكە قاراي تەرمەلبەستەن ۉزگۉلتۉكسۉز الدىعا جىلدىرۇۇبۇز كەرەك.

شئى جئنپىڭ ج ك پ بوربوردۇق كومىتەتى، بوربوردۇق ەل ۅكۉمۉت جانا بوربوردۇق اسكەرىي ىشتەر كومىتەتى اتىنان، ارقايسى دىموكراتىك توپ، سوودا ۅنۅرجايچىلار بىرلەشمەسى جانا پارتئياسىز ىشمەرلەر، ارقايسى ەلدىك توپتورعو، بۉت ماملەكەتتەگى قالىڭ جۇمۇشچۇلار، دىيقاندار، زىيالىلارى، كادىرلار جانا ارسالااداعى ىشمەرلەرگە، ەل ازاتتىق ارمئياسىنىن كوماندىر-جووكەرلەرى، قۇرالدۇۇ ساقچى بۅلۉك وفىسىر-اسكەرلەر جانا قووم قووپسۇزدۇق مەكەمەسىنىن كادىر-ساقچىلارىنا، شىياڭگاڭ ۅزگۅچۅ اكىمچىلىك رايونۇنداعى بوردوشتورعو، اۋمىن ۅزگۅچۅ اكىمچىلىك رايونۇنداعى بوردوشتورعو، تايۋاندىق بوردوشتورعو جانا چەت ەلدەگى مااجىرلارعا، ارى جۇڭگونۇن زامانداشتىرۇۇ قۇرۇلۇشۇنا كۅڭۉل بۇرعان جانا قولدوعون ەل ارالىق دوستورعو قاراتا مايرامدىق سالام جولدوپ جانا قووز تىلەگىن بئلدىرىپ، كۅپچۉلۉكتۉن جاڭى جىلىن قۇتتۇۇقتادى. شئى جئنپىڭ مىنابۇلاردى بەلگىلەدى: 2016-جىلى جۇڭحۇا ۇلۇتتارىنىن ۇلۇۇ گۉلدۅنۉۉ ساپارىنداعى ەڭ زارىل بئر جىل بولدۇ.

 جۇڭگو كوممۇنىستىك پارتئياسى بوربوردۇق كومىتەتى بۉت ماملەكەتتەگى ارۇلۇت ەلىن ىنتىماقتاشتىرىپ، ماملەكەت ئچى، ەل ارالىق جالپى قىردالدى ىيگەرىپ، جالپى بەتكەي الدۇۇ قووم قۇرۇۇنۇن چەچۉۉچۉ باسقىچىنداعى ۇلۇۇ جۉرۉشۉنۉن بەتىن اچىپ، جانداما قامدوو قۇرۇلما مۉنۅزدۉۉ ىسلااتقا ات سالۇۇ كۉرۅشۉن باشتاپ، كەمباعالدىقتان ارىلتۇۇ چابۇۇلۇنۇن چاقىرىق ۉنۉن جاڭىرتىپ، بئر نىيەتتە ىنتىماقتاشىپ، ۅتكۅلگۅ ات سالىپ قىينچىلىقتى جەڭىپ، ەكونومكا قۇرۇلۇشۇ، ساياسئي قۇرۇلۇش، مادانئيات قۇرۇلۇش، ەكولوگىيالىق مادانىيلىك قۇرۇلۇش جانا پارتئيا قۇرۇلۇشۇن ىلگەرى سۉرۉپ جاڭى ناتئيجالارعا قول جەتكىرىپ، «13-بەش جىلدىق جوسپور»دۇن جاقشى باشتالۇۇ جىلىن ىشكە اشىردى.

 شئى جئنپىڭ مىنابۇلاردى باسا بەلگىلەدى: بۇل بئر جىلدا، بئز جۇڭگو كوممۇنىستىك پارتئياسى قۇرۇلعاندىعىنىن 95-جىلدىعىن سالتاناتتۇۇ قۇتتۇۇقتاپ، بۉت پارتئياداعىلاردى العاچقى ماقساتتى ۇنۇتباي، ۇلاندۇۇ العا ىلگەرىلۅۅگۅ چاقىردىق؛ جۇڭگو جۇمۇشچۇ-دىيقاندار قىزىل ارمئياسى ۇزۇن ساپارىنىن جەڭىشكە جەتكەندىگىنىن 80 جىلدىعىن سالتاناتتۇۇ ەسكە الىپ، ۇلۇۇ ۇزۇن ساپار روحۇن ۅرچۉتۉپ، جاڭى ۇزۇن ساپاردى باسىپ ۅتۉۉگۅ بولعون ىشەنىمدى بەكەمدەدىك.

بئز جۇڭگو كوممۇنىستىك پارتئياسى 18-كەزەكتۉۉ بوربوردۇق كومىتەتىنىن 6-جالپى جىينالىشىن اچىپ، پارتئيانى جالپى بەتكەي قاتااڭ باشقارۇۇنۇ اتايىن تەما بويۇنچا تالقۇۇلاپ، 3-4-5- جالپى جىينالىش مەنەن بىردىكتە، «تۅرت جالپى بەتكەي» ىستىراتەگىيالىق ورۇنداشتىرۇۇنۇن ەڭ جوعورقۇ قاتمارداعى دولبوورۇن بۉتۉردۉك. شئى جئنپىڭ مىنابۇلاردى كۅرسۅتتۉ: بۇل بئر جىلدا، بئز ۇلاندۇۇ جالپى بەتكەي الدۇۇ قووم قۇرۇۇنۇ جىلىشتاتىپ، ەكونومكانى ارتتىرۇۇدا ۉزگۉلتۉكسۉز دۉينۅنۉن الدىنقى قاتارىنا ۅتۉپ، داعى 10 مئلىيون كەمباعال جانساندى كەمباعالدىقتان ارىلتۇۇنۇ ىشكە اشىردىق. بئز ۇلاندۇۇ جالپى بەتكەي ىسلااتتى تەرەڭدەتىپ، 97 ورچۇندۇۇ ىسلاات مىلدەتىن اتقاردىق.

 بوربور جانا ماملەكەت ورگاندارىنىن بايلانىشتۇۇ تارماقتارى مەنەن 194 ىسلاات مىلدەتتى اتقارىپ، ارقايسى جاقتان 419 ىسلاات دولبوورۇن ورتوعو چىعارىپ، نەگىزگى سالااداعى قاار جانا تۉركۉك مۉنۅزدۉۉ ىسلاات نەگىزگى تۇلقۇ قاندىرعاسى نەگىزىنەن بەكىتىلدى. بئز ۉزگۉلتۉكسۉز جالپى بەتكەي زاكون بويۇنچا ماملەكەت باشقارىپ، ادئلىيا تۉزۉم ىسلااتىن تەرەڭدەتۉۉنۉ جىلىشتاتابىز. بئز ۉزگۉلتۉكسۉز جالپى بەتكەي پارتئيانى قاتااڭ باشقارۇۇنۇ جىلىشتاتىپ، «ەكىنى ۉيرۅنۉپ بىردە تولۇمدۇۇ بولۇۇ» ۉيرۅنۉۉ تاربئياسىن قۇلاچ جايدىرىپ، پارتئيا ىچىندەكى ساياسئي تۇرمۇشتۇ قاتااڭداشتىرىپ، پارتئيا ىچىندە كۅزۅمۅلدۅۅنۉ كۉچۅتۉپ، تارتئپ اتقارۇۇ بويۇنچا جووپكەرچىلىكتى سۉرۉشتۉرۉۉنۉ كۉچۅتۉپ، جالپى بەتكەي پارتئيانى قاتااڭ باشقارۇۇنۇن تەرەڭدىككە جانا كەڭدىككە قاراي ۅنۉگۉۉسۉن جىلىشتاتابىز.

 شئى جئنپىڭ مىنابۇلاردى باسا بەلگىلەدى: 2017-جىلى بئز جۇڭگو كوممۇنىستىك پارتئياسىنىن 19-قۇرۇلتايى اچىلات، بۇل بۉت پارتئيا، بۉت ماملەكەتتەگى ارۇلۇت ەلىنىن ساياسئي تۇرمۇشۇنداعى ەڭ ۇلۇۇ ئش. 2017-جىلى «13-بەش جىلدىق جوسپور»پئلاانىنداعى زارىل بئر جىلدى جولعو قويۇپ، جانداما قامدوو قۇرۇلما مۉنۅزدۉۉ ىسلاات تەرەڭدەتىلگەن بئر جىل سانالات.

چاي چوعۇلۇشۇن ج ك پ بوربوردۇق كومىتەتى ساياسئي بئيوروسۇنۇن تۇرۇقتۇۇ مۉچۅسۉ، ماملەكەتتىك ساياسئي كەڭەشتىن تۅراعاسى يۉ جىڭشىڭ باشقاردى. ال مىنابۇلاردى تااقىدى: باش شۇجئى شئى جئنپىڭدىن سۉيلۅگۅن سۅزۉندۅ، 2016-جىلى ج ك پ بوربوردۇق كومىتەتى بۉت ماملەكەتتەگى ارۇلۇت ەلىن جۇڭگوچو سوتىسىيالىزىم ىشتەرىندە قول جەتكىزگەن جاڭى ناتئيجالارىندا بەكەم تۇرۇۇعا جانا ۅنۉكتۉرۉۉگۅ ىنتىماقتاشتىرىپ جەتەكتەپ، بئزدىن ازىر تۇش كەلگەن قىردالىبىز جانا مىلدەتىبىزدى انالئز قىلىپ، كەلەرجىلى پارتئيا جانا ماملەكەت ورتوعو قويعون زارىل تالاپتاردى جاقشى اتقارۇۇبۇز كەرەك.

 چاي چوعۇلۇشۇندا، شئى جئنپىڭ قاتارلۇۇلار ارقايسى سالااداعى ىشمەرلەردىن اراسىنا بارىپ، كۅپچۉلۉك مەنەن چىن ىقلاستۇۇ سالامداشىپ، ۅزارا جاڭى جىلدى قۇتتۇۇقتاشىپ، ۅزارا سالام بەرىپ جاڭى جىلعا دەگەن تىلەكتەرىن بئلدىردى. ارتىنان، بئر بۅلۉك ماملەكەتتىك ساياسئي كەڭەشتىن مۉچۅلۅرۉ ادابئيات كۅركۅم ۅنۅر قىزماتكەرلەرى مەنەن قىزىقتۇۇ ويۇن نومۇر كۅرسۅتتۉ. ەڭ ارتىندا، بۉت مايداندا «جۇڭگو كوممۇنىستىك پارتئياسى بولبوسو جاڭى جۇڭگو بولبويت ەلە» دەگەن ىردى جوعورۇ دووشتو ىرداپ، جىيىن مايدانىن قىزۇۇ مايرامدىق ماناايعا بۅلۅدۉ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.