باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
باش شۇجئى جازعان قات قۇربان تۇلۇم ابانىن ايىلىن اياباي تاسىرلەندىردى
   2017-01-18 14:02:21     xjbs   

 

قۇربان تۇلۇمدۇن ابانىن ايىلىنداعى قالق- قالايىق باش شۇجئ شئ جئنپىڭدىن زارىل جووپ قاتىنىن رۇحۇن ۅزدۉگۉنۅن ۉيرۅنۉپ، قۇربان ابانىن رۇحۇنا مۇراستىق قىلدى ارى ۅۅرچۉتتۉ.

ۇشۇل ەكى كۉندۅ، قۇربان تۇلۇمدۇن ايىلى- حوتەن ايماعى كىرىيا وودانىنداعى ار ۇلۇت قالق- قالايىق ارت- ارتىنان قۇربان تۇلۇمدۇن قىزى توحتىعان قۇرباندىن ۉيۉنۅ كەلىپ، ج ك پ بوربوردۇق كومىتەتىنىن باشى شۇجئسى، ماملەكەت تۅراعاسى، بوربوردۇق اسكەرىي ىشتەر كومىتەتىنىن تۅراعاسى شئى جئنپىڭدىن جووپ قاتىن ۅز كۅزدۅرۉ مەنەن كۅرۉشتۉ.

ايىلداشتار باش شۇجئنىن قامقوردۇعۇ مەنەن كۅڭۉل بۇرعانىنا ىراازى بولۇشۇپ، قۇربان تۇلۇمدۇن پارتئياعا ىراازى بولعون، مەكەندى سۉيگۅن، ۇلۇتتار ىنتىماعىن قادىرلاعان رۇحۇنا مۇراسكەردىك قىلارىن جانا ۅرچۉتۅرۉن، پارتئيانىن جەتەكچىلىگىندە ىنتىماقتاشىپ كۉچ جىيناپ قووز جۇرت مەكەن قۇرارىن بئلدىرىشتى.

 ىستانسىيابىز قابارچىلارى لئ گاڭ، عالىپ مەمەتىمىن، قاسىم تۇرسۇننئياز، حوتەن ىستانسىياسىنىن قابارچىسى ليۇ شانفاڭداردىن قابارى: تۅراعا شئى جئنپىڭ كىرىيە وودانى ىشەنبى بازار اسىل ۉرۅۅن مايدانى قىشتاعىنداعى قۇربان تۇلۇمدۇن چوڭ قىزى توحتىحان قۇربانعا جووپ قات جازىپ، توحتىحان قۇربان جانا ۉي- بۉلۅسۉندۅگۉلۅر، ارى ايىلداشتارىنا باقىت تىلەدى، قابار ەڭ الدى مەنەن قىشتاققا تارادى، كۅپچۉلۉك ىرداپ- بىيلەپ، قۇبانىچقا بۅلۅندۉ.

 ۇلاندۇۇ بئر نەچە كۉن، ۅزدۉگۉنۅن توحتىحان قۇرباندىن ۉيۉنۅ كەلىپ باش شۇجئنىن جووپ قاتىن كۅرگۅن قىشتاق تۇرعۇندارىنىن اياعى ۉزۉلبۅدۉ. اسىل ۉرۅۅن مايدانىنىن تۇرعۇنۇ ابدۇرىشىت قادىر مىنداي دەدى:- باش شۇجئى شاشىلىش تۇرسا داعى ۇباقىت چىعارىپ بىزدەن ال سۇراپتىر، قايرا- قايرا وقۇدۇق، ابدان تااسىرلەندىك، باش شۇجئ بئزدى ەسىندە ساقتاپتىر. ۇشۇل جىلداردا، بئزدىن قىشتاقتىن ۅنۉگۉۉسۉ ابدان تەز، ىنتىماقتى، وموقتۇۇلۇقتۇ بۇزعان ەچ قانداي ئش كۅرۉلبۅگۅن.

مەن بئر پارتئيا مۉچۅسۉمۉن، قۇربان تۇلۇمدۇن پارتئيانى، مەكەندى سۉيگۅن، ۇلۇتتار ىنتىماعىن قورعوعون رۇحۇن انسايىن ۅۅرچۉتۉپ، قىشتاق ەلىن ىنتىماقتاشتىرىپ، ار بئر جۇمۇشتۇ جاقشى ىشتەيبىز. قۇربان تۇلۇمدۇن مۇرداعى قوڭشۇسۇ، بىيىل 67 جاشقا چىققان اسىل ۉرۅۅن مايدانى قىشتاعىنىن تۇرعۇنۇ دۅلۅتنىياز قۇربان كىچىنەسىنەن ەلە قۇربان تۇلۇمدۇن جانا انىن ۉي- بۉلۅسۉندۅگۉلۅردۉن ىشتەگەن ىشتەرى قۇلاعىنا سىڭگەن، ايىلىنىن جارىم قىلىمدان اشۇۇن ۅنۉگۉۉسۉنۅ داعى كۉبۅ بولعون.

 ال مىنداي دەدى:- مەن 12 جاشىمدا قۇربان اعايدى تاانىعانىمدا، ال ەمگەك ارداگەرى بولعون ەلە، كىيىن شئنجاڭدىقتاردىن ەمگەك ارداگەرىنە ايلاندى. بۇل نەچە ون جىلدان بەرى، پارتئيانىن جەتەكچىلىگىندە، ايلىبىزدا زور ۅزگۅرۉۉلۅر بولدۇ، تۇرمۇش انسايىن قووز، ايىل- قىشتاق جولۇ داعى قاراماي جول بولدۇ، وورۇ كۅرسۅتسۅك دارىلوو قامسىزداندىرۇۇسۇ بار، بالدار مەكتەپتە اقسىز وقۇيت، اقسىز تاماقتانات، پارتئيا جانا ۅكۉمۅتكۅ چىن نەەتىبىزدەن ىراقمات ايتابىز.

 مەن تۇۇعاندارىما جانا بالدارىما قۇربان ابادان جاقشى ۉيرۅنۉپ، ايىلىنىن ۅنۉگۉۉسۉ ۉچۉن سالىم قوشۇۇعا چىمىرقانۇۇسۇن ايتام. جاڭى ەلە ەل ساقچىسى بولعون اسىل ۉرۅۅن مايدانى قىشتاعىنىن تۇرعۇنۇ ابدۇسالام، تۇرسۇن توحتى مىنداي دەدى:- باش شۇجئ شئ جئنپىڭدىن قامقوردۇعۇ جانا كۅڭۉل بۇرۇۇسۇن قىيمىلداتقىچ كۉچ قىلىپ، قۇربان ابادان ۉيرۅنۉپ، پارتئيانى، مەكەندى، سوتسىيالئزدىمدى سۉيۉپ، ۇلۇتتار ىنتىماعىنىن شاڭدۇۇ جۅرۅلگۅسۉن ۇرپاقتان- ۇرپاققا ۇلاپ، ۅۅرچۉتۅبۉز. مەن مەكتەپ وقۇعاندا قۇربان ابانىن كۅپتۅگـۅن اڭگەمەلەرىن ۉيرۅنگۅم، كەزىندە اندان ۉيرۅنۉۉگۅ قايراتتانعام. باش شۇجئنىن مىنداي تەز ەلە بىزگە جووپ قات جازعانىن ويلوبوپتۇرمۇن، بۇل قات بئزدىن قىشتاقتاعى ار بئ كىشىگە جازىلعان. مىندان ارى چىمىرقانىپ ىشتەپ، قووز جۇرت- مەكەن قۇرابىز.

 ىشەنبى بازار تۅمۅن سايباق قىشتاعىنىن تۇرعۇنۇ مەمەتتۇرسۇن بارات مىنداي دەدى:- مەن كىچىنەمدە ەلە قۇربان اعانىن ماۋجۇشئ مەنەن كۅرۉشكۅنۉن بىلەت ەلەم، ازىر باش شۇجئ بئزدىن قۇربان ابانىن ۉيۉندۅگۉلۅرگۅ جووپ قات جازدى، بۇل پارتئيا بوربوردۇق كومىتەتىتىن بئزدى ەستەپ تۇرعانىن تۉشۉندۉرۅت، باش شۇجئنىن بىزدەن ال سۇراعانىنان ابدان ووراقتاندىق. ازىر مەنىن بئر بالام ۇنۋەرىستىتەتتى بۉتۉردۉ، داعى بىرۅۅ ۇنۋەرسىتەتتە وقۇيت، مەن دايىما الارعا قۇربان اعانىن مەكەن سۉيگۅن، پارتئيانى سۉيگۅن رۇحۇن سۉيلۅپ بەرەم، بالداردى مەكەندىن كەرەگىنە جاراعان ادام قىلىپ تاربئيالاسام دەپ ويلويم.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.