باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇز كۅكتۅم مايرامىندا كوللىكتىپ ايتتۇۇ چوعۇلۇشۇن ۅتكۅردۉ
   2017-01-29 14:57:12     xjbs   

بئردىن ايىنىن جە 1- ايدىن 25- كۉنۉ تۉشتۅ، اپتونوم رايونۇبۇز كۅكتۅم مايرامىندا كوللىكتىپ ايتتۇۇ چوعۇلۇشۇن ۅتكۅردۉ، اپتونوم رايوندۇق پارتكوم، ۅكۉمۅت، ارمئيا، بىڭتۇان جەتەكچىلەرىنەن چىن چۇانگو، شۅحىرەت زاكىر، نايىم ياسىن، نۇرلان ابىلماجئن، سۉ جئنلوڭ، جۇ حايلۉن، لئى پىڭشئن قاتارلۇۇلار ار ۇلۇت، ار سالاا ۅكۉلدۅرۉ مەنەن چوعۇۇ بئر جەرگە چوعۇلۇپ، كۅكتۅم مايرامىن قۇتتۇقتاشتى.
كوللىكتىپ ايتتوو چوعۇلۇشۇ باشتالۇۇنۇن الدىندا، چىن چۇانگو، شۅحىرەت زاكىر قاتارلۇۇلار ار ۇلۇت ەلى ار سالاا ۅكۉلدۅرۉ مەنەن قول الىشىپ كۅرۉشۉپ، ۅز ارا سالامداشىپ، كۅكتۅم مايرامىن قۇتتۇقتاشتى.

اپتونوم رايوندۇق پارتكوم شۇجئسى، شئنجاڭ اسكەرىي رايون پارتكومۇنۇن بئرىنچى شۇجئسى، شئنجاڭ ۅندۉرۉش قۇرۇلۇش بىڭتۇان پارتكومۇنۇن بئرىنچى شۇجئسى، بئرىنچى ساياسى كوممۇسسارى چىن چۇانگو كوللىكتىپ ايتتوو چوعۇلۇشۇن باشقارىپ، اپتونوم رايوندۇق پارتكوم، ەل قۇرۇلتاي، ۅكۉمۅت، ساياسئي كەڭەش، شئنجاڭ اسكەرىي رايون، شئنجاڭ ۅندۉرۉش قۇرۇلۇش بىڭتۇانى اتىنان اپتونوم رايونۇبۇزداعى ار ۇلۇت ەلى، قالىڭ جۇمۇشچۇلار، دىيقاندار، زىيالىلار جانا كادىرلار، شئنجاڭدا تۇرۇشتۇۇ ەل ازاتتىق ارمئياسىنىن كوماندىر-جووكەرلەرى، قۇرالدۇۇ ساقچى بۅلۉك وفىسىر- جووكەرلەرى جانا قووم قووپسۇزدۇق ساقچىلارى، ار قايسى دەموگىراتىك پارتئيا توپتور، سوودا ۅنۅر جايچىلار بىرىكمەسى، پارتئياسىز ىشمەرلەرى، ار قايسى ەلدىك توپتور، بۉت اپتونوم رايونۇبۇزداعى ەس الۇۇعا، پەنسىياعا چىققان قارت كادىرلار، قارت جولدوشتور، شئنجاڭدىن وموقتۇۇ، ۅنۉگۉۉسۉنۅ كۅڭۉل بۅلگۅن ار سالاا ىشمەرلەرىنىن كۅكتۅم مايرامىن قۇتتۇقتاپ، وشوندوي ەلە كۅكتۅم مايرامدىق تىلەك جانا چىن ىقىلاستۇۇ سالام جولدودۇ.
 
چىن چۇانگو مىنداي دەدى: جاڭى جىلدا جاڭى ۉمۉت، جاڭى جىلدا جاڭى ساپار بولوت، بئز جولدوش شئى جئنپىڭدى ۅزۅك قىلعان پارتئيا بوربوردۇق كومىتەت ايلاناسىنا داعىدا تىعىز ىنتىماقتاشىپ، «بەشتى بئر تۇلقۇلاشتىرۇۇ» جالپى قىرداالىن ىلگەرى سۉرۉ جانا «تۅرت جالپى بەتكەي» ىستىراتەگىيالىق ورۇنداشتىرۇۇسۇن شايكەشتۉۉ باچىمداتۇۇنۇ بئر كەلكى پئلانداپ، تۇرۇقتۇۇلۇق نەگىزىندە العا ۇمتۇلۇۇ قىزمات نەگىزگى ماقساتىندا بەكەم تۇرۇپ، قووم وموقتۇۇلۇعۇ جانا ۇزاققا بەيپىل باشقارۇۇ باش نىشاانىن تىعىز ىمىرچىكتەپ، زاكون بويۇنچا شئنجاڭ باشقارۇۇ، ىنتىماقتاشىپ شئنجاڭدى تۇرۇقتاندىرۇۇ، ۇزۇققا چەيىن شئنجاڭدى قۇرۇۇ بەكەم تۇرۇپ، قىزمات ئستىلىن ۅزگۅرتۉۉنۉ بەكەم قارماپ جۉزۅلۅشتۉرۉپ، كۉچتۉ كۉچكۅ ۇلاپ، ىنتىماقتۇۇ، شايكەشتۉۉ، گۉلدۅنگۅن، بايكەر، مادانئياتتۇۇ العا ىلگەرىلەگەن، بەيپىل قونۇشتانىپ، كەسپىن گۉلدۅندۉرگۅن سوتسىيالىستىك شئنجاڭدى قۇرۇ ۉچۉن توقتوبوي كۉرۅش قىلىپ، شئنجاڭدىن داعىدا قووز كەلەچەگىن جاراتىپ، جۇڭحۇا ۇلۇتتارىنىن ۇلۇۇ گۉلدۅنۉۉسۉنۅن تۇرعان جۇڭگو اڭسۇۇنۇن شئنجاڭ بۅلۉگۉن جاقشى جازىپ چىعىپ، وزوت ناتىيجاعا ارقىلۇۇ، پارتئيا 19-قۇرۇلتايىنىن جەڭىشتۉۉ اچىلۇۇسۇن كۉتۉپ الۇۇبۇز كەرەك.

اپتونوم رايوندۇق پارتكومدۇن ورۇن باسار شۇجئسى، اپتونوم رايون تۅراعاسى شۅحىرەت زاكىر كوللىكتىپ ايتتوو چوعۇلۇشۇندا سۅز سۉيلۅپ مىنداي دەدى: ۅتكۅن بئر جىلدا جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن كۉچتۉۉ جەتەكچىلىگىندە، بۉت اپتونوم رايوندوعۇ ار ۇلۇت كادىرلار جۇرتچۇلۇعۇ جول اچىپ جاڭىلىق جاراتىپ، باتىلدىق مەنەن العا ىلگەرلەپ، تۉردۉۉ قىزماتتاردا باشقالارعا شىق بەرەتۇرعان جاڭى تابىلعالارعا قول جەتكىردى، بۇل تابىلعالار جولدوش شئى جئنپىڭدى ۅزۅك قىلعان پارتئيا بوربوردۇق كومىتەتتىن شئنجاڭعا قىلعان قامقوردۇعۇ جانا ۅزگۅچۅ كۅڭۉل بۅلۉۉسۉنۅن، شئنجاڭعا نىشااندۇۇ جاردام بەرۉۉچۉ ۅلكۅ، شاار جانا ماملەكەتتىك مىنىستىرلىك، كومىتەتتەردىن شئنجاڭ قىزماتىنا بولعون قان- تەرىنەن، اپتونوم رايونۇبۇزداعى ار ۇلۇت ەلىنىن ئش جۉزۉندۉ جاپالۇۇ ىشتۅۅسۉنۅن جانا ۅزۉمسۉز سالىم قوشۇۇسۇنان كەلگەن. 
      
شۅحىرەت زاكىر مىنداي دەدى: جاڭى بئر جىلدا بئز قووم وموقتۇۇلۇعۇ جانا ۇزاققا بەيپىل باشقارۇۇ باش نىشاانىن مىقتۇۇلاپ، وموقتۇۇلۇق باردىق نەرسەدەن جوعورۇ تۇرات دەگەن ساياسئي مىلدەتتە بەكەم تۇرۇپ، ار تۉردۉۉ تىروردۇققا قارشى تۇرۇۇ، وموقتۇۇلۇقتۇۇ قورعوو ئش- چاراسىن جالپى بەتكەي جۉزۅلۅشتۉرۉپ، تۇرۇقتۇۇلۇق نەگىزىندە العا ىلگەرلۅۅ نەگىزگى ماقساتىن بەكەم قارماپ، جانداما قامدوودوقۇ قۇرۇلما مۉنۅزدۉۉ ىسلاات نەگىزگى جولۇن ىلگەرى سۉرۉپ، جىبەك جولۇ كونومىكالىق القاعى ۅزۅكتۉۉ رايونۇن قۇرۇۇداي مۅرتتۅن جاقشى پايدالانىپ، وموقتۇۇلۇقتۇۇ ساقتوو، تۇرۇقتۇۇ ارتۇۇ، ىسلااتتى ىلگەرى سۉرۉۉ، قۇرۇلمانى تەسكۅۅ، ەل تۇرمۇشۇنا نارىپ جەتكىرۉۉ، قووپتۇن ساقتانۇۇ سىياقتۇۇ ار تۉردۉۉ قىزماتتاردى جاقشى ىشتەپ،  پارتئيانىن ۇلۇت دئن ساياساتىن استايدئل تاامايلاشتىرىپ، جۉزۅلۅشتۉرۉپ، ۇلۇتتار ىنتىماقتۇۇلۇعۇن جانا دئن شايكەشتۉۉلۉگۉنۅن تۇرعان ەڭ ئرى قالايىق- قالىق قىزماتىن استايدئل ىشتەپ، « ۇلۇتتار ىنتىماقتاشىپ بئر تۇۇعانداي جاشايلى» قىيمىلىن تەرەڭ قۇلاچ جايدىرىپ، ەلدى بوربور قىلۇۇداي ۅنۉگۉۉ ئدىياسىندا بەكەم تۇرۇپ، اپتونوم رايوندۇق پارتكومدۇن تۉيۉندۉۉ ەلگە نارىپ جەتكىرۉۉ قۇرۇلۇشۇ، كەمباعالداردى كەمباعالدىقتان ارىلۇۇ سىياقتۇۇ بئر سىيىرا قىزمات ورۇنداشتىرۇۇلارىن سىزىل تەرەڭ جۉزۅلۅشتۉرۉپ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇسۇن ئش جۉزۉنۅ اشىرۇۇ ۉچۉن كۉرۅش قىلۇۇبۇز كەرەك.
 
لىيۇ ۋانلوڭ، لئى ۋىي، شاۋكەت ئمىن، شۉ حايروڭ، لئى شۅجۉن، ەركىن تونىياز، ما شۅجۉن، پىڭ جارۉي، تئيان ۋىن، سارقىت اقان، اسقات كەرىمباي، لىيۇ شئنچئى سىياقتۇۇ اپتونوم رايوندۇق پارتكوم، ەل قۇرۇلتاي، ۅكۉمۅت، ساياسئي كەڭەش، شئنجاڭ اسكەرىي رايون، شئنجاڭ ۅندۉرۉش قۇرۇلۇش بىڭتۇانى جەتەكچىلەرى مەنەن بئر بۅلۉك ەس الۇۇعا، پەنسىياعا چىققان قارت جولدوشتور، اپتونوم رايوندۇق جوعورۇ ەل سوت مەكەمەسى، اپتونوم رايوندۇق ەل پىراكۇراتۇرا مەكەمەسى، قۇرالدۇۇ ساقچى شئنجاڭ باش اتىرەتى، ابا ارمئياسى ۉرۉمچۉ بازاسى، شئنجاڭ قووم قووپسۇزدۇق چەك ارا قورعوو باش اتىرەتى، شئنجاڭ قووم قووپسۇزدۇق ۅرت ۅچۉرۉۉ باش اتىرەتىنىن نەگىزگى جووپتۇۇلارى، اپتونوم رايونعو تىكە قاراشتۇۇ ورۇنداردىن جووپتۇۇلارى، ۉرۉمچۉدۅكۉ پارتئيا 18- قۇرۇلتايىنىن ۅكۉلدۅرۉ جانا بئر بۅلۉك  ماملەكەتتىك ەل قۇرۇلتايى ۅكۉلدۅرۉ، ماملەكەتتىك ساياسئي كەڭەش مۉچۅلۅرۉ، اپتونوم رايونۇبۇزداعى ار قايسى دەموگىراتتىك پارتئيا توپتور، سوودا ۅنۅر جايچىلار بىرىكمەسى، پارتئياسىز ىشمەرلەر ۅكۉلدۅرۉ، ار ۇلۇت ار سالاا جانا دئن سالااسىنداعى، شئنجاڭعا نىشااندۇۇ جاردام بەرۉۉگۅ كەلگەن كادىرلاردىن ۅكۉلدۅرۉ، ماملەكەتتىك جانا اپتونوم رايوندۇق ەمگەك ۉلگۉلۅرۉ، وزوت كوللىكتىپ ۅكۉلدۅرۉ، ۇلۇتتار ىنتىماعىن جىلىشتاتقان وزوت ۉلگۉلۉ جەكەلەر، وزوت كوللىكتىپ ۅكۉلدۅرۉ، ارمئيانى قولدوپ، ەلدى سۉيۉۉ ۉلگۉلۅرۉ، قاارمان ۉلگۉلۅردۉن ۅكۉلدۅر سىياقتۇۇ اتالعان چوعۇلۇشقا قاتىشتى.
چوعۇلۇشتا، ار ۇلۇت ادابئيات كۅركۅم ۅنۅر قىزماتكەرلەرى كەرەمەتتەي كۅركۅم ۅنۅر نومۇرلارىن كۅرسۅتتۉ. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.