باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 28 جۇڭگولۇق ساياقاتچى بار كەمە مالايزئيا ساباحتاعى حۇانتان ارالى ايلاناسىنداعى دەڭىزدە بايلانىش ۉزۉلۉپ قالعان
   2017-02-04 12:19:46     xjbs   
 شئنحۇا اگەنتتىگىنىن قابارى: 
      بئردىن ايىنىن جە 1- ايدىن 28- كۉنۉ ساات 21:00 دە، 28 جۇڭگولۇق ساياقاتچى بار كەمە مالايزئيا ساباحتاعى حۇانتان ارالى ايلاناسىنداعى دەڭىزدە بايلانىش ۉزۉلۉپ قالعان. ۇچۇردا، مالايزئيا قان جااتى دەڭىز ارمئياسى جانا دەڭىز ساقچىلارىنان قۇرالعان قۇتقارۇۇ كۉچۉ چۇقۇل قۇتقارۇۇ الىپ بارۇۇدا.
     ج ك پ بوربوردۇق كومىتەتىنىن باش شۇجئسى، ماملەكەت تۅراعاسى، بوربوردۇق اسكەرىي ىشتەر كومىتەتىنىن تۅراعاسى شئ جئنپىڭ داروو ۇشۇل بويۇنچا زارىل جولجوبو بەرىپ، تىشقى ىشتەر مىنسىتىرلىگى مەنەن ماملەكەتىبىزدىن مالايزئيادا تۇرۇشتۇۇ كونسۇلقاناسى جەرگىلىكتۉۉ قاتىشتۇۇ ورۇندار مەنەن بايلانىشىپ، شايكەشۉۉ ەپكىنىن ارتتىرىپ، قۇتقارۇۇ قىزماتىن بۉتۉن كۉچۉ مەنەن جاقشى ىشتۅۅسۉن تالاپ قىلدى. قاتتوو تاشمال مىنسىتىرلىگى، ماملەكەتتىك ساياقات مەكەمەسى سىياقتۇۇ قاتىشتۇۇ ورۇندارى داروو چۇقۇل تەڭتايلاش تۇرۇۇ مەحانىزىمىن قوزعوتۇپ، مالايزئيا جاقتىن قۇتقارۇۇسۇنا شايكەشتى.
   شئى جئنپىڭ مىنداي باسا بەلگىلەدى: ۇچۇر كۅكتۅم مايرامى، تۇۇعان جوقتوو، سىرتقا چىعىپ ساياقاتتووچۇ كىشىلەردىن سانى سالىشتىرمالۇۇ كۅپ، جەر-جەرلەر ار قايسى قاتىشتۇۇ ورۇندار قووپسۇزدۇق باشقارۇۇسۇن داعى بئر دەمجىي كۉچۅتۉپ، چۇقۇل قورعونۇۇ قىزماتىن جاقشى ىشتەپ، قالق- قالايىقتى قووپسۇزدۇق تاانىمىن جوعورۇلاتۇۇعا ەسكەرتىپ، قالق- قالايىقتىن قاتىرجام كۅكتۅم مايرامى ۅتكۅرۉۉسۉنۅ كەپەلەتتىك قىلۇۇسۇ كەرەك.
   ج ك پ بوربوردۇق كومىتەتى ساياسئي بئيوروسۇنۇن تۇرۇقتۇۇ مۉچۅسۉ، بوربوردۇق ەل ۅكۉمۅتۉنۉن باشچىسى لئ كىچىياڭ زارىل جولجوبو بەرىپ، مالايزئيا جاقتىن ەپكىندى ارتتىرۇۇعا ايداقچىلىق قىلىپ، بۉتۉن كۉچ مەنەن ماملەكەتىبىزدىن بايلانىشى ۉزۉلۉپ قالعان ساياقاتچىلاردى قۇتقارۇۇسۇن، بئر داعى كىشى قالبووسۇن تالاپ قىلدى. چەگارا سىرتىنداعى جۇڭگولۇق اتۇۇلداردى قورعوو مەحانىزىمى رامكاسىندا، قاتىشتۇۇ ىشتەردى جاقشى بئر جاقتىلۇۇ قىلىپ، ماملەكەتىبىز اتۇۇلدارىنىن زاكوندۇۇ تالامىن جاقشى قورعوپ، ارى قاتىشتۇۇ ورۇندار مەنەن ساياقاتچىلاردىن ۉي- بۉلۅ مۉچۅلۅرۉ مەنەن قابارلاشىپ، قاتىرجام قىلۇۇ كەرەك. كۅكتۅم مايرامى مەزگىلىندە ماملەكەتىبىزدىن چەت ەلگە ساياقاتقا چىققاندار سالىشتىرمالۇۇ كۅپ، قووپسۇزدۇق تاانىمى مەنەن قاتىشتۇۇ چارالاردى داعى بئر دەمجىي كۉچۅتۉپ، ساپاردىن وڭوشتۇۇ بولۇۇسۇنا كەپەلەتتىك قىلۇۇ كەرەك.
     شئ جئنپىڭدىن جولجوبوسۇ مەنەن لئ كىچىياڭدىن تالابىنا نەگىز، تىشقى ىشتەر مىنسىتىرلىگى مەنەن ماملەكەتىبىزدىن مالايزئيادا تۇرۇشتۇۇ كونسۇلقاناسى مالايزئيا جاق مەنەن قابارلاشىپ، قۇتقارۇۇ قىزماتىنا قاتىشۇۇعا كىشى جىبەرىپ، ارى مالايزئيانىن قاتىشتۇۇ ورۇندارىن بااردىق كۉچۉ مەنەن قۇتقارۇۇعا ايداقتادى، قاتتوو -تاشمال مىنستىرلىگى، ماملەكەتتىك ساياقات مەكەمەسى سىياقتۇۇ قاتىشتۇۇ ورۇندار چۇقۇل تەڭتايلاش تۇرۇۇ مەحانئزىمىن باشتاپ، قۇتقارۇۇعا شايكەشتى.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.