باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
مەن ۇزۇن مەزگىلدۉۉ قىزمات ىشتەي الاتۇرعان بولدۇم
   2017-02-16 11:46:16     xjbs   

ىستانسىيابىز قابارى:
جالعان قۇران جە 2- ايدىن 13- كۉنۉ، لوپ وودانى لوپ بازارى قىرقاش قىشتاعىندا كۉن اچىق بولدۇ، قىشتاق تۇرعۇنۇ روزومامەت نۇرمامەتتىن ماانايى ۅزگۅچۅ جاقشى. تۉشكۅ ماالى بولۇپ ۉيۉندۅگۉلۅرگۅ تاماق جاساپ جاتتى. تاماق جاسوو ال جۅنۉنۅن العاندا ابدان جۅنۅكۅي ئش. بئروق بۇل ۅنۅرۉ مەنەن بئر قىزماتتا بئر جىلدان اشىق ىشتەپ كۅرگۅن ەمەس. سەبەبى ار جىلداعى ايىل- قىشتاق مىلدەتتۉۉ ەمگەك انىن ىشتەرىنە توسقوول بولۇپ كەلگەن. زىيارات بارىشىندا ال قابارچىعا ئشتىن سەبەبىن انىق تۉشۉندۉردۉ.
  روزومامەت ۉيدۉن جالعىز بالاسى، اتاسى ەەرتە قازا بولعون، 17 جاشىنان باشتاپ مىلدەتتۉۉ ەمگەك ىشتەپ كەلەت. بئرىنچى جولقۇ مىلدەتتۉۉ ەمگەكتە ارىق وڭشوپ، بئر اي ىشتەگەن، وشوندون باشتان توقتوبوي ىشتەپ كەلەت، بىيىل 40 جاشقا چىقتى، قانچا جولۇ مىلدەتتۉۉ ەمگەك ىشتەگەنىن ۅزۉن دا ەستەي البادى، توعون وڭشوودون سىرت داعى دىڭ جەر اچىپ، داراق وتۇرعۇزۇپ، سۇۇ سىڭبۅۅچۉ توعون، سەلدەن ساقتانۇۇچۇ توعونعو ىشتەگەن.

   ال مىنداي دەدى: مىلدەتتۉۉ ەمگەكتى نەگىزىنەن جايىندا ىشتەيبىز، قىسقا بولعوندو 3-5 كۉن، بئر اپتا بولوت، ۇزۇن بولعوندو بئر ەكى اي ىشتەبىز، كەەدە ىشتەي تۇرعان ەمگەگىبىز ۇداا بولبويت، مىلدەتتۉۉ ەمگەك ىشتەيمىن دەپ بئر قانچا جولۇ قىزماتىمان دا ايرىلىپ قالدىم.
   بئر قانچا جىلدىن الدىندا، روزومامەت حوتەن شاارىنىن تۉنكۉ بازارىنان بئر اش- تاماق جايماسىن اچىپ، ايىنا 1700 يۇاندان كىرەشە كىرگىزدى. بئر قانچا اي ىشتەگەندەن كىيىن ەنەسى تەلەفون چالىپ، بازاردىق ۅكۉمۅت سۇۇ سىڭبۅۅچۉ توعون جاساي تۇرعۇندىعىن، روزومامەتتىن قايتىپ كەلىپ مىلدەتۉۉ ەمگەك ىشتۅۅسۉن ايتات. ال بئر جۇماعا سۇرانىپ مىلدەتتۉۉ ەمگەگىن بۉتۉرۉپ كەلگەنىندە، مۇرداعى ئش وردۇ باشقا بئرۅۅنۉ قابىلداپ العان بولوت.
  مىنداي ىشتەر بئر جولۇ عانا كۅرۉلبۅدۉ، كەەدە قۇرۇلۇش مايدانىنان مىلدەتتۉۉ ەمگەك سەبەبىنەن كەتۉۉگۅ ارعاسىز بولوت؛ كەەدە اشقانادا اشپوز بولۇپ ىشتەپ جاتقانىندا، مىلدەتتۉۉ ەمگەك سەبەبىنەن اندان باش تارتۇۇعا ارعاسىز بولوت.

   جالعان قۇران جە 2- ايدىن 6- كۉنۉ قىرقاش قىشتاعى تۇرعۇندار جىينالىشىن اچىپ، اپتونوم رايون ايىل- قىشتاق مىلدەتتۉۉ ەمگەك ەلگە نارىپ جەتكىرۉۉ ساياساتىن جالپى بەتكەي كۉچۉنۅن قالتىرعانىن ۇقتۇرعاندان كىيىن، روزومامەت قاتۇۇ قول چااپ ابدان سۉيۉندۉ.
  بىلۉۉگۅ قاراعاندا، وشول كۉنۉ قار جااپ تۇرعان ەكەن، باردىق قىشتاق تۇرعۇندارى دا روزومامەت سىياقتۇۇ ابدان سۉيۉنۉشكۅن، جااعان قارعا قاراباستان ۇزۇنعا چايىن قول چااپ قۇبانىشقان. كۅپ ۅتپۅي روزومامەت ۅزۉنۉن ايىلداش دوسۇ مەنەن بايلانىشقان. دوسۇ لوپ وودانىندا بئر قانچا جەردە اشقانا اچات، بئر قانچا جولۇ ارنالۇۇ چاقىرىپ جاردام بەرۉۉسۉن سۇرانعان، بئروق ار جىلداعى مىلدەتۉۉ ەمگەكتى ەستەپ، باردىق سۇنۇشتارىنا ماقۇل بولبوعون. ال قابارچىعا مىنداي دەدى: ازىر سۉيلۅشۉپ قويدۇم، كىيىنكى ايدان باشتاپ ىشتەپ باشتايم، مەن ازىر ۇزۇن مۅۅنۉتتۉۉ قىزمات ىشتەي الا تۇرعان بولدۇم.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.