باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «سۉر كۅرسۅتۉپ، قۇرالدۇۇ تۉرتكۉ بولۇۇ»، اپتونوم رايوندۇن تەروردۇققا قارشى تۇرۇپ وموقتۇۇلۇقتۇ قورعوو انت بەرۉۉ جىينالىشى حوتەندە ۅتكۅرۉلدۉ
   2017-02-17 12:37:12     xjbs   

ىستانسىيابىز قابارى: 
     ىستانسىيابىز  قابارچىسى سۉن ۋەيدىن قابارى:جالعان قۇراندىن جە 2- ايدىن 16- كۉنۉ  تۉشتۅن مۇردا، «سۉر كۅرسۅتۉپ، قۇرالدۇۇ تۉرتكۉ بولۇۇ»، اپتونوم رايوندۇن تەروردۇققا قارشى تۇرۇپ وموقتۇۇلۇقتۇ قورعوو انت بەرۉۉ جىينالىشى حوتەندە ۅتكۅرۉلۉپ، قالىڭ قووم- قووپسۇزدۇعۇ كادىر ساقچىلارى، قۇرالدۇۇ ساقچى وفىتسەر- جووكەرلەرى جانا ار قايسى جاقتارداعى وموقتۇۇلۇقتۇ قورعوو كۉچتۅرۉن ، جولدوش شئ جئنپىڭدى ۅزۅك قىلعان پارتئيا بوربوردۇق كومىتەتىنىن بەكەم جەتەكچىلىگىندە، قووم وموقتۇۇلۇعۇ مەنەن ۇزاققا بەيپىل باشقارۇۇدان تۇرعان باش نىشاندى چەچكىن تاامايلاشتىرىپ، ار ۇلۇت قالق- قالايىقتىن باقۇبات قونۇشتانىپ چاربانى گۉلدۅندۉرۉۉسۉن بۇزعان «ۉچ تۉردۉۉ كۉچتۅر» گۅ چەچكىن تۉردۅ تالقاندوو مۉنۅزدۉۉ، كۅزۉن جويۇۇ مۉنۅزدۇۇ سوققۇ ۇرۇپ، شئنجاڭدىن باقۇبات ىنتىماقتۇۇلۇعۇ، شايكەشتۉۉ وموقتۇۇ ئرى قىرداالىن چەچكىن قورعووعو داعى بئر دەمجىي قىيمىلعا كەلتىردى. 

      اپتونوم رايوندۇق پارتكومدۇن ورۇنباسار شۇجئسى، ساياسئي- زاكون كومىتەتىنىن شۇجئسى جۇ حايلۉن انت بەرۉۉ جىينالىشىنا قاتىشتى ارى سۅز سۉيلۅدۉ.
     حوتەن شاارى ىنتىماق ايانتىندا، موتوسەكىلەت ەپكىندۉۉلۅر سوققۇ ۇرۇۇ اتىرەتى قاتااڭ تۉردۅ بۇيرۇق كۉتۉپ تۇردۇ. قولۇنا قۇرال العان، جۉرۅكتۉۉ، كۉچتۉۉ قووم- قووپسۇزدۇق كادىر ساقچىلارى مەنەن وفىتسەر جووكەرلەر سىياقتۇۇ وموقتۇۇلۇق قورعوو كۉچتۅرۉ قاتار تئزىلىپ كۅكۉرۅگۉن كۅتۅرۉپ تۉز تۇردۇ. اسكەرىي افتوۇناالار، بىرونىۋىكتەر بۇيرۇق كۉتكۅن ابالدا تۇردۇ. «پارتئيانىن قولباشچىلىعىن ۇعابىز، جەڭىشتۉۉ كۉرۅش قىلابىز، ىستىلدە وزوت بولوبۇز!» ار قايسى وموقتۇۇلۇقتۇ قورعوو كۉچتۅرۉنۉن ۉنۉ ابدان بىيىك چىقتى. قىلداپ جاسالعان جابدۇۇلار، ىرەتتۉۉ قاتارعا تىزىلگەن ساقچىلاردىن كەبەتەسى، شاڭدۇۇ ۉن، وموقتۇۇلۇقتۇۇ قورعوو كۉچۉنۉن قووم وموقتۇۇلۇعۇ مەنەن ۇزاققا بەيپىل باشقارۇۇ باش نىشانىن ئش جۉزۉنۅ اشىرۇۇ، ار ۇلۇت ەلىنىن جاشوو قووپسۇزدۇعۇن چەچكىن قورعوودوي چەچكىن چەچىمى مەنەن ىشەنىمىن كۅرسۅتۉپ بەردى.
     جۇ حايلۉن مىنداي دەدى:- ۇچۇردا شئنجاڭ جانا ەلە «ۉچ مەزگىل قاتتالىپ جاتقان» ۅزگۅچۅ تارىحىي دووردو تۇرۇۇدا، اپتونوم رايوندۇق پارتكوم بااردىق ابالدى ەسەپكە الىپ، جانجاقتىلۇۇ ورۇنداشتىرىپ، ۇلاندۇۇ تۉردۅ سىيرالاشقان ۅلچۅمدۉۉ نەگىزدەردى، تەروردۇققا قارشى تۇرۇپ وموقتۇۇلۇقتۇ قورعوو ۇنۋەرسال «بىرىكمە كۉچ»تۉ ۇلاندۇۇ چىعارىپ، دۇشماندىن قىندان چىعىپ كەرىلۉۉسۉنۅ سوققۇ ۇرۇپ، «ۉچ تۉردۉۉ كۉچتۅر»دۉن جاشوو مەيكىندىگىن جويدۇ. جاقىنقى مەزگىلدەردەن بەرى، تەرورچۇلارعا ۇلاندۇۇ قاتااڭ سوققۇ ۇرۇلۇپ، جوعورۇ باسىمدا باسار جولۇ قالباي، قورققون الدى مەنەن سەكىرەت دەگەندەي، ار ۇلۇت ەلىنىن ۅمۉر قووپسۇزدۇعۇ جانا مال- مۉلك قووپسۇزدۇعۇنا وور زىيان الىپ كەلىپ، جانا بئر جولۇ ەڭ جاپايى، قالجىرلاشىپ كەتكەن، ادامدىق قاسىيەيىن جوعوتقون جىيركەنىچتۉۉ كەبەتەسى جانا ادامزاتقا قارشى، قوومعو قارشى، مادانئىياتقا قارشى جاپايى تۉپكۉ مۉنۅزۉن اشكەرەلەپ بەردى. بئز بولوتتوي قايرات مەنەن، تەمىردەي قول مەنەن، تەمىردەي باتىمدۇۇلۇق مەنەن، بىچاقتى قىنىنان چىعارىپ، وور مۇش اتىپ، قاتۇۇ قولدۇق مەنەن، دۇشمانعا سوققۇ ۇرۇپ، دۇشماندىن قالدىقتارىن تۉبۉنۅن جويۇپ، ايباتتى كۅرسۅتۉپ، بەيپىلدىكتى چىعارۇۇبۇز كەرەك. 

       جۇ حايلۉن مىنا بۇلاردى باسا بەلگىلەدى: ار قايسى وموقتۇۇلۇقتۇق قورعوو كۉچتۅرۉ نەگىزگى ماقساتتى ەستە بەكەم قارماپ، پارتئيانىن جەتەكچىلىگىن ۇعۇپ، ەلدى قىزۇۇ سۉيۉپ، دۇشماندارعا سوققۇ ۇرۇپ، تەرودۇققا قارشى تۇرۇپ وموقتۇۇلۇقتۇ قورعوو كۉرۅشۉندۅ باشقى مۇش، ۅتكۉر شامشار، مىقتى قوشۇۇن بولۇپ، قىزۇۇ قانى جانا ادالدىعى مەنەن ەلدى قورعووچۇلاردىن انتىن بەرۉۉسۉ كەرەك! ار ۇباقىت دايىن تۇرۇپ، جوعورۇ داراجادا قورعونۇپ، تىعىز شايكەشىپ، جوعورۇ ۅنۉمدۅ قولباشچىلىق قىلىپ، تەزدىك مەنەن بئر جاقتىلۇۇ قىلىپ، چاعىلعانداي سوققۇ بەرىپ، توپقو سوققۇ ۇرۇپ، قاچقانداردى قۇۇپ، كۅشۅگۅ ارتىنداعىنى چىعارىپ، تامىرىن قازىپ، مىعىن الىپ، ۇياسىن چۇباپ، باشتان- بويعو قۇۇپ سوققۇ ۇرۇپ، باسىپ سوققۇ ۇرۇپ، قازىپ سوققۇ ۇرۇپ، تەرورچۇلارعا ەچ قانداي تىنىق العىداي مۅرت بەربەي، تازا، چەگىنە جەتكىرە سوققۇ ۇرۇپ، چۅبۉن وتوپ تامىرىن جوعوتۇپ، ەچ قانداي كىيىنكى ااپات قالتىرباي، ئش جۉزۉندۉۉ كۉرۅش  ماشىعى جانا وموقتۇۇلۇقتۇۇ قورعوو جۅندۅم ناتىيجاسى مەنەن ار ۇلۇت قالق- قالايىقتىن قووپسۇزدۇق سەزىمىن ارتتىرۇۇسۇ كەرەك! اراكەتكە كەلۉۉگـۅ باتىمدۇۇ بولۇپ، الدىنا قاراي ات سالۇۇعا باتىمدۇۇ بولۇپ، قۇرمان بولۇۇعا باتىمدۇۇ بولۇپ، ساياسىيدە  قاتااڭ، كەسىپتە قاتااڭ، جووپكەرچىلىكتە قاتااڭ، ەرەجەدە قاتااڭ، ىستىلدە قاتااڭ بولۇۇداي قاارىماندىق قايراتى مەنەن ايباتتۇۇ، بازمىرت، ادىلەتتىن بااتىرلار ىرىن جاڭىرتۇۇسۇ كەرەك!

       جۇ حايلۉن مىنداي دەدى:- جولدوش شئ جئنپىڭدى ۅزۅك قىلعان پارتئيا بوربوردۇق كومىتەتىنىن چىن پەيىل قامقوردۇعۇ جانا كۉچتۉۉ جەتەكچىلىگى بولسو، اپتونوم رايوندۇق پارتكومدۇن تۇۇرا چەچىم ورۇنداشتىرۇۇلارى بولسو، بۉتكۉل شئنجاڭداعى 23 مئلليون ار ۇلۇت ەلىنىن كۉچتۉۉ ارتقى تايانچى بولسو، ەل دەموكراتىيا دىكتاتۇراسىنىن كۉچتۉۉ تەمىر مۇشۇ بولسو، بئز سۅزسۉز ەل مەنەن دۇشمان بولعون تەرورچۇلارعا ەچ قانداي جول، ەچ قانداي مۅرت بەربەي، تاش- تالقانىن چىعارىپ، حوتەندىن قووم وموقتۇۇلۇعۇن قورعوودون تۇرعان بۇل كۉرۅشتۅ جەڭىشكە جەتەبىز، شئنجاڭدىن تەروردۇققا قارشى كۉرۅشۉندۅ جەڭىشكە جەتەبىز!

      ارتىنان، ار قايسى وموقتۇۇلۇقتۇ قورعوو كۉچتۅرۉ افتوۇناالار مەنەن جولعو چىعىپ، قىزمات وردۇنا بارىپ، قۇرالدۇۇ قىدىرۇۇنۇ الىپ باردى. قۇرالدۇۇ ساقچى وفىتسەر جووكەرلەرى جانا قووم قووپسۇزدۇق ۅزگـۅچۅ ساقچىلارى سىياقتۇۇ ار قايسى وموقتۇۇلۇقتۇ قورعوو كۉچتۅرۉ الدى- ارتى بولۇپ حوتەن شاارىنىن نەگىزگى كۅچۅلۅرۉ جانا تۉيۉندۉۉ ورۇندارىندا قۇرالدۇۇ قىدىرۇۇ الىپ بارىپ، اتا مەكەندىن بىرىمدىگىن قورعوو، چەگارانىن وموقتۇۇلۇعۇن قورعوودوي كۉچتۉۉ چەچىمى جانا كۉچتۉۉ جـۅندۅمۉن كۅرسۅتتۉ.

      شئنجاڭ اسكەرىي رايونۇ، قۇرالدۇۇ ساقچى بۅلۉك شئنجاڭ باش اتىرەتىنىن جەتەكچىلەرىنەن لئ فايئ، گۇان يانمئيلەر جىينالىشقا قاتىشتى. حوتەن ايماقتىق پارتكومدۇن شۇجئسى نىيۇ شۅشئڭ جىينالىشتى باشقاردى.
     اپتونوم رايون، شئنجاڭ اسكەرىي رايونۇ، قۇرالدۇۇ ساقچى بۅلۉك شئنجاڭ باش اتىرەتىنىن قاتىشتۇۇ ورۇندارىنىن جەتەكچىلەرى، حوتەن ايماعى جانا شئنجاڭ ۅندۉرۉش قۇرۇلۇش بئڭتۇانى 14- دئۋزىياسىنىن قاتىشتۇۇ جەتەكچىلەرى جىينالىشقا قاتىشتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.