باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
باش شۇجئنىن زارىل سۅز روحۇن ئزچىل جۉزۅلۅشتۉرۉپ، ۇلۇتتار ىنتىماعىن بەكەم قورعويلۇ!
   2017-03-27 17:06:04     xjbs   

      باش شۇجئى شئى جىنپئڭ شئنجاڭ ۅكۉلدۅر توبۇنۇن قاراپ چىعۇۇسۇنا قاتىشقاندا، ۇلۇتتار ىنتىماعىن كۅزۉبۉزدۉن قارەگىندەي اسىراپ، ۅز ۅمۉرۉبۉزدۉ قادىرلاعانداي ۇلۇتتار ىنتىماعىن قادىرلاپ، اناردىن دانىنداي تىعىز ۇيۇشۇۇنۇ كۅرسۅتتۉ. باش شۇجئنىن سۅزۉ بۉت شئنجاڭداعى ار ۇلۇت ەلىن  شىقتاندىردى، كۅپچۉلۉك، قووم وموقتۇۇلۇعۇ جانا ۇزاققا بەيپىل باشقارۇۇ باش نئشاانىن تىعىز ىمەرچىكتەپ، ۇلۇتتار ىنتىماعىن كۉچ سالاا قورعوپ، باش شۇجئنىن زارىل سۅزۉنۉن روحۇن تااماي جۉزۅلۅشتۉرۅرۉن بىلدىرىشتى

     ۇلۇتتار ىنتىماعى بولسو ار ۇلۇت ەلىنىن جان تامىرى، ماملەكەتتىك قۇرۇلتايى ۅكۉلۉ، شئنجاڭ تۉستۉۉ مەتال توبۇ شەرىكتىگى شئنشىن كەنى فۇكاڭ مەتال ەرىتۉۉ زاۋۇتۇ تەحنىكا بوربورۇنۇن ادئس ىنجىنەرى رازىگۉل قۇناحۇن، ار ۇلۇت كادىر جۇرتچۇلۇعۇ قارىم- قاتتوو جاسوو، الماشتىرۇۇ، ۅز ارا جۇرۇلۇشۇۇداي ۇلۇتتار ىنتىماعىن كۉچۅتۉۉ كەرەكتىگىن ايتىپ مىنداي دەدى: بئز ار ۇلۇت ەلى اناردىن دانىنداي بەكەم ۇيۇشۇپ، مەيلى قىزماتتا، تۇرمۇشتا، جە باشقا جاقتا بولسۇن ۅز ارا ۉيرۅنۉپ، ۅز ارا جاردامداشىپ، ۅز ارا ۇرماتتاشىپ، ۅز ارا پىكىر الماشتىرىپ، بئر ۉي- بۉلۅ كىشىلەرىندەي بىرگە بولۇپ، ۇلۇتتار ىنتىماعى قىزماتىن انسايىن بەكەم چىنىعى الىپ بارۇۇبۇز كەرەك، بئز اپتونوم رايوندۇن تالابىنا نەگىز ۇلۇتتار ىنتىماقتاشىپ بئر تۇۇعانداي جاشايلى اتتۇۇ قىيمىلدى قۇلاچ جايدىرىپ، بۇل قىيمىل ارقىلۇۇ مىندان كىيىن بئز ار ۇلۇت جۇمۇشچۇ- قىزماتچىلارى جاراشىقتۇۇ چۅيرۅدۅ، بىرگە ۉيرۅنۉپ بىرگە قىزمات ىشتەپ، ۅز ارا پىكىر الماشتىرىپ، ۇلۇتتار ىنتىماعى قىزماتىن چىنىعى بەكەم ىشتەيبىز.

   2016- جىلدىق "جۇڭگونۇ تااسىرلەندىرگەن" ون چوڭ جىلدىق چىعاان كىشى، قومۇل شااردىق ورتو ەل سوت مەكەمەسىنەن پەنسىياعا چىققان كادىرى ابلىلىن ابلەز باش شۇجئنىن شئنجاڭ ۅكۉلدۅر توبۇنۇن قاراپ چىعۇۇسۇنا قاتىشقانداعى قاباردى ۉچ جولۇ كۅرگۅن، ال: باش شۇجئى شئى جىنپئڭدىن شئنجاڭ قىزماتىنا بولعون كۅڭۉل بۅلۉۉسۉ مەنى ابدان تااسىرلەندىردى، ار جولۇ كۅرگۅنۉمدۅ تاانىمدى ىيگەرۉۉم داعى دا تەرەڭدەدى. باش شۇجئى شئى جىنپئڭدىن سۅزۉ كىشىنى شىقتاندىردى. جوعورۇ ەل سوت مەكەمەسىنىن ورۇنداشتىرۇۇسۇنا نەگىز، بئز بۇعۇ جە 4- ايدا تۉشتۉك شئنجاڭعا، قۇلجادا جە 5- ايدا تۉندۉك شئنجاڭعا بارىپ ۉگۉت لەكسىيا سۉيلۅيبۉز، لەكسىيادا باش شۇجئى شئى جىنپئڭدىن زارىل سۅزۉنۉن روحۇن باسا كۅرسۅتۉپ، ار بئر سوت مەكەمەسىنە، ار بئر كادىر ساقچىلارعا جەتكىرىپ، ئش جۉزۉندۉك اراكەتىبىز ارقىلۇۇ باش شۇجئى شئى جىنپئڭدىن سۅزۉن جۉزۅلۅشتۉرۅبۉز.
   لوپنۇر وودانى گۉلباق ايىلى اقچىكە قىشتاعى ۇلۇتتۇقتار جانا حانزۇلار بىرگە قونۇشتانعان قىشتاق، ماملەكەتتىك ەل قۇرۇلتايى ۅكۉلۉ، اقچىكە قىشتاعىنىن پارتئيا ياچەيكا شۇجئسى، قىشتاق كومىتەتىنىن مۇدۇرۇ ياسىن تۇرسۇن، ار ۇلۇت جۇرتچۇلۇعۇ ۅندۉرۉش تۇرمۇشتا ۅز ارا جاردامداشىپ، ورتوق ۅنۉگۉپ، وشول ارقىلۇۇ ۇلۇتتار ىنتىماعىن ىلگەرى سۉرۉۉ كەرەكتىگىن ايتىپ مىنداي دەدى: بئزدىن جۇڭگو 56 ۇلۇتتان قۇرالعان چوڭ ماملەكەت، ۇلۇتتار ىنتىماعى جاقشى بولبوسو، ۅندۉرۉش تۇرمۇشۇبۇز دا چوڭ تااسىرگە ۇچۇرايت. قايتىپ بارعاندان كىيىن وموقتۇۇلۇقتۇ قورعوو قىزماتىن بەكەم جاقشى قارماپ، ۇلۇتتار ىنتىماعىن كۉچۅتۉپ، ۅندۉرۉش تۇرمۇش جاعىندا ۅز ارا جاردامدا بولۇپ، پارتئيانىن ار تۉردۉۉ قىزمات ورۇنداشتىرۇۇلارىن جاقشى جۉزۅلۅشتۉرۉپ، ەل تۇرمۇشۇن جاقشىرتۇۇنۇ انسايىن جاقشى ىشتەپ، قىشتاقتاعى ار ۇلۇت جۇرتچۇلۇعۇ ىنتىماقتا بولوبۇز.
 
   ىلە كەسىپى تەحنىكا ىنىستىتوتۇنۇن باشچىسى چىنتاۋ، ۇلۇتتار ىنتىماعىن مەكتەپ اعارتۇۇسۇ، ۉي- بۉلۅ اعارتۇۇسۇ، قوومدۇق اعارتۇۇنۇن ار قايسى باسقىچتارىنا سىڭدىرۇۇ كەرەكتىگىن ايتىپ مىنداي دەدى: بئزدىن كەسىپى تەحنىكا ىنىستىتوتۇبۇزدا از ساندۇۇ ۇلۇت وقۇۇچۇلارىنىن سانى 80 پايىزدان اشات، وشوندۇقتان بئزدىن مەكتەپتىن مۇرال تاربئيا قىزماتى، ئدىيا قىزماتى، ۇلۇتتار ىنتىماعى قىزماتى ابدان ماانىلۉۉ ورۇندا تۇرات. باش شۇجئنىن تالابىنا نەگىز، اعارتۇۇ سىستەماسىنىن "بىرگە ۉيرۅنۉۉ، بىرگە جاشوو، بىرگە وينوو"دوي 12 دە  بىرگە بولۇۇسۇ ارقىلۇۇ، ار ۇلۇت وقۇۇچۇلارىن ىنتىماقتاشتىرىپ، ۇلۇتتار ىنتىماعى تاربئيابىزدى وقۇتۇۇچۇ- وقۇۇچۇلاردىن جۉرۅگۉنۅن تەرەڭ ورۇن الدىرۇۇبۇز كەرەك.

    ەكى كۉندۅن بەرى، قۇرالدۇۇ ساقچى بۅلۉك شئنجاڭ باش اتىرەتىنە قاراشتۇۇ دوقتۇرقانا باردىق قىزماتكەرلەردى ۇيۇمداشتىرىپ باش شۇجئنىن زارىل سۅزۉنۉن روحۇن ۉيرۅندۉ. دوقتۇرقانا باشچىسى جۇاڭ شىحۇا، مىندان كىيىن ۅز قىزماتى مەنەن شايكەشتىرىپ ۇلۇتتار ىنتىماعىن ۇلاندۇۇ تااماي جۉزۅلۅشتۉرۅرۉن ايتىپ مىنداي دەدى: باش شۇجئى ارمئيا مەنەن ەلدىن، ارمئيا مەنەن ۅكۉمۅتتۉن ىنتىماعىن كۉچۅتۉۉنۉ ارنالۇۇ ورتوعو قويدۇ. بئز باش شۇجئى شئى جىنپئڭدىن زارىل سۅزۉنۉن روحۇن ۉيرۅنگۅندۅن كىيىن، باردىق وفىسسەر جووكەرلەردى ەل ارمئياسى ەل ۉچۉن قىزمات قىلۇۇداي ارداقتۇۇ جۅرۅلگۅسۉن كۅرسۅتۉۉگۅ تاربئيالاپ، ايرىقچا ازىر بئز بار كۉچۉبۉز مەنەن ۇلۇتتار ىنتىماقتاشىپ بئر تۇۇعانداي جاشايلى اتتۇۇ قىيمىلدى جاقشى الىپ بارىپ، بۇل قىيمىلدىن چىنىعى بەرەكەتىن كۅرسۅتۉپ، ۅز ارا كۅڭۉل بۅلۉۉ، ۅز ارا ۉيرۅنۉۉ، ۅز ارا كۉيۉنۉۉنۉ جاقشى ىشتەپ، باردىق دوقتۇر قىزماتكەرلەر ار ۇلۇت ەلىنىن سالاماتتىعىن كۅڭۉل تۅرۉنۅ قويۇپ، كوللەكتىپ روحۇن داڭازالاپ، چىعاان مىقتى تەحنىكا، اسىل ساپاتتۇۇ تەيلۅۅ ارقىلۇۇ، بۉت شئنجاڭداعى ار ۇلۇت ەلىنىن سالاماتتىعى ۉچۉن چىمىرقانا قىزمات ىشتەيبىز. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.