باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇمۇشقا ورۇنداشتىرۇۇ جولۇن كەڭىرتىپ، جۇمۇشقا ورۇنداشتىرۇۇ جۅندۅمۉن جوعورۇلاتۇۇ
   2017-04-26 13:18:25     xjbs   

ىستانسىيابىز قابارى: 
      ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتىنىن2-جولقۇ جالپى كەڭەيتىلگەن جىينالىشىندا: جۇمۇشقا ورۇنداشتىرۇۇنۇ ىلگەرى سۉرۉۉ ەڭ كۅرۉنۉكتۉۉ ورۇنعا قويۇلۇپ، جۇمۇشقا ورۇنداشتىرۇۇ جولدورۇن كەڭىرتىپ، جۇمۇشقا ورۇنداشتىرۇۇ چاربا جاراتۇۇ ۅرۉشۉن قۇرۇپ، جۇمۇشقا ورۇنداشتىرۇۇ جۅندۅمۉن جوعورۇلاتۇۇعا ۇلاندۇۇ كۉچ چىعارۇۇ ورتوعو قويۇلدۇ. ۇچۇردا، اپتونوم رايونۇبۇزدۇن جەر-جەرلەرى دىلگىر چارا قولدونۇپ، امالدىن بارىنچا جۇمۇشقا ورۇنداشتىرۇۇنۇ ىلگەرى سۉرۉپ، جۇمۇشقا ورۇنداشتىرۇۇنۇ كەڭىرتىپ، تۇرۇقتۇۇ جۇمۇشقا ورۇنداشتىرۇۇدا.

   ەكى كۉندۅن بەرى، اۋات وودانى تامتوعراق ايىلىنان كەلگەن 28 جاشتاعى مارىيەم داۋۇت ابدان قۇبانىچتا، ال جاڭى ەلە تەكشەرۉۉدۅن ۅتۉپ، شئنجاڭ لۇتاي مول تۉشۉم پاحتا كەسىبى چەكتۉۉ جووپتۇۇلۇق شەرىكتىگىنىن توقتومدۇۇ جۇمۇشچۇسۇنا ايلانىپ، ار ايداعى 3 مئڭ يۇان ماياناسى انى ابدان سۉيۉندۉردۉ. ال مىنداي دەدى: ازىر مەن ار ايدا 3 مئڭ يۇاندان مايانا الا تۇرعان بولدۇم، چىنىن ايتسام ابدان ىراازىمىن. مەن دا ەرتەرەەك باقتىلۇۇ تۇرمۇش ۅتكۅرۉۉنۉ ۉمۉت قىلامىن.
    بىيىل اقسۇۇ ايماقتىق ادام كۉچۉ بايلىعى جانا قوومدۇق قامسزداندىرۇۇ تارماقتارى جۇمۇشقا ورۇنداشتىرۇۇ بويۇنچا تاربئيالوو ارنالۇۇ تۉر تولۇقتاما قارجىسىن ورۇنداشتىرىپ، ايىل- قىشتاقتارداعى ارتىق ەمگەك كۉچتۅرۉن اقىسىز تۉردۅ ەلەكتىرىك، كەپشەرلۅۅچۉ، قۇرۇلۇشچۇ، جاسالعالووچۇ، ۉي جۇمۇشتارىنا تەيلۅۅ جۉرگۉزۉۉچۉ سىياقتۇۇ كۇرستار مەنەن قامسىزداپ، ازىرعا چەيىن 25 مئڭدەن كۅبۉرۅۅك كىشىنى تاربئيالاپ، الاردىن اقىرىندىق مەنەن جۇمۇشقا ورۇنداشۇۇسۇن ىشكە اشىرۇۇعا جاردام بەرگەن. اۋات وودانىندا بىيىل ايىل- قىشتاقتارداعى 3 مىڭدەن كۅبۉرۅۅك ارتىق ەمگەك كۉچتۅرۉ تاربئيالاندى، انىن ىچىندە ايىل- قىشتاقتارداعى مئڭ ارتىق ەمگەك كۉچتۅرۉ جۇمۇشقا ورۇنداشۇۇنۇ ىشكە اشىرعان. اۋات ووداندىق ادام كۉچۉ بايلىعى جانا قوومدۇق قامسزداندىرۇۇ مەكەمەسىنىن كادىرى ەحمەت ەگەم مىنداي دەدى: بئز ارنالۇۇ كىشى ورۇنداشتىرىپ اقسۇۇ جەلئيا، اقسۇۇ توقۇماچىلىق ۅنۅرجاي شاارى سىياقتۇۇ بايلانىشتۇۇ كەرقانالارعا جىبەرىپ ابال ەەلەدىك. كىيىنكى قادامدا كەرقانانىن جۇمۇشچۇ ىشتەتۉۉ اجاتىنا نەگىز، بئز ەمگەك كۉچتۅردۉ جىبەرىپ قوتورۇپ جۇمۇشقا ورۇنداشتىرابىز.
  
        ىلە وبىلاسى جۇمۇشقا ورۇنداشتىرۇۇ بويۇنچا كەدەيلەردى سۅۅمۅلدۅۅ چاتىر ماشئناسى، ايىل-بازاردا قىزماتچى قابىلدوو جىينالىشى، بازاردا قابىلدوو جىينالىشى سىياقتۇۇ قىيمىلدار ارقىلۇۇ، اداتتاعى جۇمۇشچۇ، اماندىق قورعووچۇ، تازالىقىچ، بىشماكەر سىياقتۇۇ جۇمۇش ورۇنداردى قاراپايىم ەلدىن ەشىك الدىنا چەيىن جەتكىرگەن. بئرىنچى مەزگىلدە ىلە وبىلاسىنداعى 8 جۉزدۅن اشۇۇن كەرقانا 27 مئڭدەن اشۇۇن جۇمۇش وردۇ مەنەن قامسىز قىلىپ، كەلىشىم تۉزۉۉشۉ سالىشتىرماسى 50 پايىزعا جەتكەن. ىلە وبىلاستىق جۇمۇشقا ورۇنداشتىرۇۇ تەيلۅۅسۉن باشقارۇۇ مەكەمەسى ۇنىۋەرسال بۅلۉمۉنۉن باشچىسى ۋاڭ مئن مىنداي دەدى: كىيىنكى قادامدا بئز، ج ك پ شئنجاڭ ۇيعۇر اپتونوم رايوندۇق 9-كەزەكتۉۉ كومىتەتىنىن 2- جولقۇ جالپى كەڭەيتىلگەن جىينالىشىنىن روحۇن استايدىل ئزچىل جۉزۅلۅشتۉرۉپ، «جۇمۇشقا ورۇنداشتىرىپ كەدەيلەردى جۅلۅۅ جۉز قىشتاق ساپارى»، جۇمۇشقا ورۇنداشتىرۇۇعا جاردام بەرۉۉ، جۇمۇشقا ورۇنداشتىرىپ سۉيۅمۅلدۅۅ، قامدوو ـ اجات الماشتىرۇۇ ۅرۉشۉن قۇرۇپ جانا ايىل- قىشتاقتارداعى ارتىق ەمگەك كۉچتۅرۉن قوتورۇپ جۇمۇشقا ورۇنداشتىرۇۇ قىزماتىن جاقشى قۇلاچ جايدىرىپ، مىندان جاراتقان كىرەشەسىن 3 مئلىلىيارد 300 مئلىلىيون يۇانعا جەتكىزۉۉ نئشاانىن ىشكە اشىرابىز.
    
      جىڭ وودانىندا، ۅكۉمۅت الدى مەنەن جۇمۇشقا ورۇنداشتىرۇۇ قىيىن بولعوندوردۇ جۇمۇش وردۇ مەنەن قامسىزداپ، جۇمۇش ىزدەگەندەردىن جۇمۇشقا ورۇنداشۇۇ ارزۇۇسۇن ىشكە اشىرۇۇسۇنا جاردام بەرگەن. بۇعۇنۇن جە 4- ايدىن ورتولورۇنا چەيىن جىڭ وودانىندا جاڭىدان كۅبۅيگۅن جۇمۇشقا ورۇنداشۇۇچۇلار سانى 951 گە جەتكەن. جىڭ وودانى باجياحۇ دىيقانچىلىق مايدانىنىن جۇمۇشچۇسۇ ليۇ يىڭلئڭ جاقىندا جۇمۇشقا ورۇنداشتىرۇۇعا جاردام بەرۉۉ ارقىلۇۇ، جىڭ ووداندىق ۅنۅرجاي باقچا رايونۇ شئنجاڭ شۇنحى تىيانيى توقۇماچىلىق چەكتۉۉ شەرىكتىگىنىن بئر جۇمۇشچۇسۇنا ايلانعان. ال مىنداي دەدى: مەن مۇردا دىيقان ەلەم، ادام كۉچۉ بايلىعى جانا قوومدۇق قامسزداندىرۇۇ مەكەمەسى تاانىشتىرىپ، بۇل جەرگە كەلگەمىن، بۇل جەردە تاماقتانسام، تۇرسام بولوت، بارى ابدان ىڭعايلۇۇ بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.