باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۅراعا شئ جىنپىڭدىن جىبەك جولۇ روحۇ جۅنۉندۅ تەرەڭ تۉشۉنۉك بەرىشى- اپتونوم رايونۇبۇز ارسالاا ىشمەرلەرى اراسىندا كەڭىرى تااسئر قوزعودۇ
   2017-05-17 18:42:49     xjbs   

ىستانسىيابىز قابارى:    
      تۅراعا شئ جىنپىڭ «بئر القاق بئر جول»ەل ارالىق قىزماتتاشتىق جوعورۇ داراجالۇۇ فورۇمۇندا:-تىنچ قىزماتتاشىپ، كەڭپەيىل اچىپ جىبەرىلۉۉ، ۅزارا ۉيرۅنۉپ، ۅزارا ۉلگۉ الۉۉ، ۅزارا پايدا جەتكىرىپ، ورتوق پايدا الۇۇداي جىبەك جولۇ روحۇن نەگىز قىلعان تۉردۅ ارقايسى تۉر قىزماتتاشتىقتاردى بەكەم جىلىشتاتىپ، داعىدا نۇرلۇۇ بولوچوقتۇ تىرىشىپ بىردىكتە جاراتۇۇ كەرەكتىگىن ايتتى. تۅراعا شئ جىنپىڭدىن جىبەك جولۇ روحۇ جۅنۉندۅ تەرەڭ تۉشۉنۉك بەرىشى- اپتونوم رايونۇبۇز ارسالاا ىشمەرلەرى اراسىندا كەڭىرى تااسئر قوزعودۇ. «جىبەك جولۇ ەكونومىكالىق القاعى»ۅزۅكتۉۉ رايون قاتارى، اپتونوم رايونۇبۇزدۇن ارقايسى جەرلەرى«بئر القاق بئر جول»قۇرۇلۇشۇنا جوعورۇ داراجادا ماانئ بەرىپ، ئش جۉزۉندۉك اراكەت مەنەن«بئر القاق بئر جول»ۅنۉگۉۉ قۇرۇلۇشۇنا دىلگىر قاتىشىپ، دوورعو شاي ىلگەرلەپ، ارقايسى ۅنۉگۉۉ مۅرتتۅرۉن بەكەم قارماپ، «بئر القاق بئر جول»قۇرۇلۇشۇن الىستارعا چەيىن وموقتۇۇ جىلىشتاتىپ، داعىدا قووز بولوچوققو بەت الاارىن بئلدىرىشتى. ىستانسىيابىزدىن ۇنىۋىرسال قابارى:
     قۇلجانىن جە 5-ايدىن 16-كۉنۉ، اسىل ساپاتتۇۇ قاعاز تاقتاسى سالىنعان جۇڭگو-ەۋروپا(بوربور ازىيا)كەزەكچى پويۇزۇ- 12كۉندۉك جول ساپارىن باشتان كەچىرگەندەن كىيىن، گەرمانىيانىن دۇيۇسبۇرك شاارىنان جۇڭگو-ەۋروپا(بوربور ازىيا)كەزەكچى پويۇزدارىن ۉرۉمچۉدۅ چوعۇلتۇۇ بوربورۇنا جەتىپ كەلدى. بۇل شئنجاڭدىن تۇنعۇچ جولقۇ دەڭىز جولۇ جانا تەمىر جولۇ بىرىكمە تاشىمالىن ۉستۉنۅ العان كەزەكچى پويۇزۇ ەسەپتەلەت. تاشمالدى كۅتۅرۅۅگۅ العان جوڭتاي توبۇنۇن ورۇن باسار باش لئدىرى لئ لىياڭفۇ مىنداي دەدى:-مۇرۇنقۇ كەزدەردە گەرمانىيادان اسىل ساپاتتۇۇ قاعاز تاقتاسىن ساتىپ العاندان كىيىن دەڭىز تاشىمالى ارقىلۇۇ 60 كۉندۅي ۇباقىتتا اراڭ جەتىپ كەلۉۉچۉ، ازىر الدىندا دەڭىز تاشىمالىن باسىپ، ارتىنان تەمىر جولعو قوتورۇلۇپ كەلۉۉدۅ تەك عانا جارىم ايعا جەتبەگەن ۇباقىت سارىپتالاتۇرعان بولدۇ. «بئر القاق بئر جول»ەل ارالىق قىزماتتاشتىق جوعورۇ داراجالۇۇ فورۇمۇندا، شئ جىنپىڭ تۅراعا:-جابدۇۇ قابارلاشۇۇسۇ-قىزماتتاشىپ ۅنۉگۉۉنۉن نەگىزى، بئز قۇرعاقتىق، دەڭىز  ، ابا جولۇ جانا ىنتەرنەتتەن تۇرعان تۅرت تاراپتى بئر تۇلقۇلاشتىرۇۇنۇ كۉچۅپ جىلىشتاتۇۇبۇز كەرەكتىگىن ورتوعو قويدۇ. بۇل تەمىر جول جانا دەڭىز ۉستۉ بىرىكمە تاشىمال لەنىياسىنىن ەۋروپا-ازىيا چوڭ قۇرعاقتىعىن، اتلانتىك وكىيان، تىنچ وكىيان جانا ئندى وكىياندى كەسىپ ۅتۉپ، «بئر القاق» مەنەن«بئر جول»دۇن جىلچىقسىز اشتاشۇۇسۇنۇن چىنىعى ىشكە اشقاندىعىنىن بەلگىسى. ۅنۉمگۅ قول جەتكىرگەن كەرقانا قاتارى ۅزۉمدۅ ابدان تەرەڭ تااسئرات پايدا بولدۇ، ۅتكۅن مەزگىلدەردە ارقايسى ماملەكەتتىن بااردىعىندا بىردەن تاموجنادان ۅتكۅرۉپ، بايلانىشتۇۇ ۅتۅلمۅلۅردۉ بۉتۉرۉپ، انان الماشتىرىپ جۉكتۅۅدۅ از دەگەندە 40،50كۉن ۇباقىت سارىپتالۇۇچۇ، انىن ۉستۉنۅ قووپسۇزدۇعۇنا داعى كەپىلدىك قىلعالى بولبويت ەلە. ال ەمى ازىر ابدان قووپسۇز جەتكىرىلۉۉدۅ، «بئر القاق بئر جول»لەنىياسىن بويلوعون ارقايسى ماملەكەتتەردىن بااردىعى نارىپ الات، كۅپچۉلۉكتۉن بااردىعى قولدوو كۅرسۅتۅت، بۇل بئر التىن جول، كەرقانانىن ۅنۉگۉۉ باعىتىنان ايتقاندا، شىدىر كەتىپ باراجاتقان كەمە دەسەك دا بولوت، «بئر القاق بئر جولدۇن»ىستىراتەگىيالىق ماانئسى جۇڭگو ۉچۉن ايرىقچا شئنجاڭداقى كەرقانالار ۉچۉن الىپ ايتقاندا ابدان زارىل ارى تەرەڭ ماانىگە ەە. ۅزارا پايدا جەتكىرىپ، ورتوق پايدا الابىز!
      توۋار جۉگۉرتۉۉ جولۇنۇن اچىلۇۇسۇ- كەسىپ ۅنۉگۉۉسۉن زور داراجادا تۉرتمۅكتۅيت، ەل ارالىق قۇرعاقتىق پورتتورۇن اچۇۇ ارقىلۇۇ ۅزگۅچۅ كەزەكچى پويۇزداردىن جۉرۉشۉۉسۉ تەزدەسە دۉينۅنۉن جاقشى توۋارلارى تاشىپ كەلىنىپ، جەرگىلىكتىن جاقشى تۉشۉمدۅرۉ تاشىلىپ بارىلات، شئنجاڭ كەسىپتەرىنىن داراجا جوعورۇلاتىشى داعى تەز بولوت ارى جاقشى ۅنۉگۅت. قۇلجانىن جە 5-ايدىن 19-كۉنۉ، پاكىستاندىن گۇادار پورتۇنان كەلگەن چوڭ راك، تۉندۉك جاق ۇزۇن باش راگى، چوڭ سارى بالىق، قارا تەمگىل بالىق قاتارلۇۇ 16 تۉردۉۉ دەڭىز تۉشۉمدۅرۉ قاراماي شاارىنا تاشىلىپ كەلدى. ماملەكەتىبىز مەنەن پاكىستاندىن چەكتەشىپ تۇرۇۇداي جۇعۇراپئيالىق وڭۇتتۇۇلۇعۇنا سۉيۅنۉپ، 2017-جىلى قۇلجا ايى جە 5-ايدا قاراماي شاارىنان ورۇن-وچوق العان شئنجاڭ يۉفىي ەل ارالىق بالىقچىلىق كەسىبى چەكتۉۉ جووپتۇۇلۇق شەرىكتىگى گۇادار پورتۇندا «جۇڭگو يۉفىي دەڭىز-وكىيان ئلىم-تەحنىكا(گۇادال)چەكتۉۉ جووپتۇۇلۇق شەرىكتىگىن قۇرۇپ، جالپى 510مئليون يۇان قارجى سالۇۇنۇ پئلانداعان، گۇادار پورتۇندا جەرگىلىك بويۇنچا ەڭ چوڭ بالىقچىلىق بوربورۇن قۇرعان. شئنجاڭ يۉفىي ەل ارالىق بالىقچىلىق كەسىبى چەكتۉۉ جووپتۇۇلۇق شەرىكتىگى مامۇرۇ ىشتەر بۅلۉمۉنۉن لئدىرى ما چئڭلۇ مىنداي دەدى:-تۅراعا شئ جىنپىڭ«بئر القاق بئر جول»ەل ارالىق قىزماتتاشۇۇ جوعورۇ داراجالۇۇ فورۇمۇندا نەگىزگى تەما لەكسىياسىن سۉيلۅۅ بارىشىندا ۅنۉگۉۉ كەدەرگىسىن تۉگۅتۉپ، ۅنۉگۉۉ ايرىمالىعىن كىچىرتىپ، ۅنۉگۉۉ ناتىيجالارىنان ورتوق باارلانۇۇنۇ ورتوعو قويدۇ.

كەسىپتەن تۇرعان بۇل ەكونومىكالىق نەگىزدى بەكەم قارماپ، ار قايسى ماملەكەت ۅنۉگۉۉ كۅمۅسكۅ كۉچۉن كۅرسۅتۉپ، ەكونومىكانىن جۇۇرۇلۇشۇۇ، ۅنۉگۉۉنۉن بىرىگۉۉسۉ، تابىلعالاردىن نارىپ جەتكىرۉۉسۉن ىشكە اشىرسا، بۇل بئزدىن كەرقانالاردىن مىندان كىيىنكى ۅنۉگۉۉ مەيكىندىگىن اچۇۇسۇنا باعىت كۅرسۅتۉپ بەرەت. بئز جۇڭگو پاكىستان ەكونومىكالىق كارىدورۇن قۇرۇشۇبۇز كەرەك، جۇڭگو پاكىستان ەكونومىكالىق كارىدورۇ دەڭىزدەگى جودار پورتۇن باشتالۇۇ تۉيۉن قىلعان. جۇڭگو كەرقانالارى ال جەردە ابدان قىزۇۇ قارشى الىنات، مەنىن شەرىكتىگىمدىن 25 جىلدىق باجىسى كەچىرىم قىلىندى، قولدوو ەپكىنى ابدان چوڭ بولدۇ. بئزدىن نەگىزگى كۅزدۅگۅنۉبۉز ئران، دۇباي. ماملەكەت ىچىندە بولسو بەيجىن، شاڭحاي، گۇاڭجۇۋدان تۇرعان ۉچ چوڭ شاار، وشول ارقىلۇۇ جەر شارىنا جايىلۇۇ.
   وشونۇ مەنەن بىرگە، پاكىستان سووداگەرلەرى زاكاز قىلىپ ساتىپ العان 400 توننا اقسۇۇنۇن الماسى اقسۇۇ شاارى ادا ئمپورت ەكىسپورت چەكتۉۉ جووپتۇلۇق شەرىكتىگىنەن قوروپتولۇپ جولعو چىقتى، اتالعان شەرىكتىكتىن تۉشۉمدۅرۉ ۇچۇردا قازاقىستان، تاجىكسىتان، ۅزبەكىستان، قىرعىزىستان، پاكىستان، مالايزىيا، اراب بىرىككەن امىرلىگىندەگى دۇباي سىياقتۇۇ ماملەكەت جانا رايوندورعو ساتىلۇۇدا. ار جولقۇ ەكىسپورتتوونۇن كۉسۅت مەزگىلىندە، الما قوروپتوو ۉچۉن بارعان دىيقانداردىن سانى 80 دەن اشات، جارىم جىلداعى كىشى باشىندىق ناقاي كىرەشەسى 30 مئڭ يۇاندان اشات. بئر القاق بئر جول جوعورۇ داراجالۇۇلار فورۇمۇنۇن اچىلۇۇسۇ، ادا شەرىكتىگىنىن ەل ارالىق بازاردى بئردەمجىي اچۇۇسۇنا جەتەرلۉۉ كۉچ قوشتۇ. شەىكتىكتىن لئدىرى كىرام ۉسۅن مىنداي دەدى: مەنىمچە اندان دا چوڭ وڭۇت بار، بئزدىن اقسۇۇنۇن ۅزگۅچۅ تۉشۉمۉ بولعون قىزىل الما، چىلان، جاڭعاعى كۅپتۅگۅن ماملەكەتتەرگە جەتۉۉسۉنۅن ۉمۉت بار، بئزدىن پىلان بولسو ۉچ جىل ىچىندە جوعورۇ داراجاداعى بازارعا كىرۉۉ.
  بئر القاق بئر جول دەمىلگەسىن ىمەرچىكتەي،  ماملەكەت ىچىندەگى كۅپتۅگۅن كەرقانالار شئنجاڭدىن بئر القاق بئر جول ۅزۅكتۉۉ رايوندوعۇ ابزەلدۉۉلۉگۉنۅن پايدالانىپ ەل ارالىق بازاردى ورۇنداشتىرعان. ۅتكۅن جىلى تەكە جە 6-ايدا، تەمىر جول قۇرۇلۇشۇ شئنجاڭ چەكتۉۉ شەرىكتىگى ۉرۉمچۅن ورۇن-وچوق الىپ، ۉرۉمچۉدۅ دۉينۅدۅگۉ الدىنقى جەر استى جابدۇۇسۇن جانا رەلىستۉۉ قاتتوو جابدۇۇ باازاسىن قۇرعان. اتالعان باازانىن ورۇنباسار دىرەكتورۇ جاڭ شىمئن مىنداي دەدى: ماملەكەتىبىزدە بئر القاق بئر جولدون تۇرعان مىنداي دەمىلگەسى بولعوندۇقتان، بئزدىن جۇڭگو تەمىر جول قۇرۇلۇشۇدا شئنجاڭدا رايوندۇق قول باشچىلىق وردۇن قۇرعان، وشوندوي ەلە بئر ەل ارالىق بۅلۉم دا قۇرعان، بۇل ورتو ازىياداعى بەش ماملەكەت مەنەن بايلانىشتا بولوت. كۅپچۉلۉك دىلگىر قاتىشسا، قۇرۇلۇش تۉرۉ، جابدۇۇ اجاتى سىياقتۇۇلاردىن باارى دا ورۇنداشتىرىلات.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.