باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «قاجىباستىق مەنەن چىمىرقانا ىلگەرلەگەن بەش جىل»-«كەدەيلەردى سۅۅمۅلدۅۅگۅ ات سالۇۇ جاعىندا، شئنجاڭ انسايىن كۉچ چىعارات»
   2017-05-18 13:10:50     xjbs   

 ىستانسىيابىز قابارى: 
   پارتئيا 18- قۇرۇلتايىنان بەرى، جولدوش شئى جىنپئڭدى ۅزۅك قىلعان پارتئيا بوربوردۇق كومىتەتتىن قىزۇۇ قامقوردۇعۇ استىندا، اپتونوم رايوندۇق پارتكوم، ۅكۉمۅت قووم وموقتۇۇلۇعۇ جانا ۇزاققا چەيىن بەيپىل باشقارۇۇ باش نئشاانىن تىعىز ىمەرچىكتەي، ار ۇلۇت كادىر جۇرتچۇلۇعۇن ىنتىماقتا جەتەكتەپ كۉچ توپتوپ، چىمىرقانا ىلگەرلەپ، قىيىنچىلىقتاردى جەڭىپ، شئنجاڭدىن ەكونومىكا قووم ۅنۉگۉۉسۉنۉن جاڭى باراعىن جازىپ قالتىردى. پارتئيا 18- قۇرۇلتايىنان بەركى جولدوش شئى جىنپئڭدى ۅزۅك قىلعان پارتئيا بوبوردۇق كومىتەتتىن «بەشتىن بئر تۇلقۇلاشتىرۇۇ» جالپى ورۇنداشتىرۇۇسۇن بىركەلكى جىلىشتاتۇۇ جانا «تۅرت جالپى بەتكەي» ىستىراتەگىياسىلىق ورۇنداشتىرۇۇسۇن شايكەشتۉۉ جىلىشتاتۇۇسۇنۇن جاندۇۇ ئش جۉزۉندۉلۉگۉن جانا ۇلۇۇ جەتىشكەندىكتەرىن كۉچ سالاا ۉگۉتتۅۅ ۉچۉن، اپتونوم رايوندۇن كەدەيلىكتەن ارىلۇۇعا ات سالۇۇ، ەكونومىكا قووم ۅنۉگۉۉسۉ، ەل تۇرمۇشۇنۇن جاقشىلانۇۇسۇ، قووم وموقتۇۇلۇعۇن قورعوو، ۇلۇتتار ىنتىماعىن ىلگەرى سۉرۉۉ سىياقتۇۇ جاعىندا قولعو كەلتىرگەن جەتىشكەندىگىن تولۇق ايقىندوو، ار ۇلۇت جۇرتچۇلۇعۇنۇن تۇرمۇشۇنداعى جاڭى ۅزگۅرۉۉنۉ جانا چىنىعى ەە بولۇۇ سەزىمىن تولۇق كۅرسۅتۉۉ ۉچۉن، قۇلجانىن جە 5- ايدىن 18- كۉنۉنۅن باشتاپ، «شئنجاڭ ەل رادىيو ىستانسىياسى ساارقى قابارلار» بەرۉۉسۉ «كۉچ قوشۇپ چىمىرقانا ىلگەرلەگەن بەش جىل» دەگەن ارنالۇۇ تۉرمۅكتۉ جولعو قويموقچۇ.
   قۇلجا ايىنداعى تۉشتۉك شئنجاڭ ابدان ىسىق مەزگىلگە كىردى، قىزىلسۇۇ قىرعىز اپتونوم وبىلاسى ارتىش شاارى سۇنتاق ايىلى باعىلا قىشتاعىنىن دىيقانى تىلەبالدى قۇربان قوروسۇنداعى جىلۇۇ باستىرماسىندا جاڭىدان ۅسكۅن قىزىل مىلىق جانا كۅك بۇۇرچاقتى وتوپ جاتقان ەلە، چەكەسىنەن كەتكەن تەردى اچىپ قويۇۇعا دا چولوسۇ تىيبەدى، سەبەبى بۇل جىلۇۇ باستىرماسى انىن بىيىلقى كىرەشەسىنىن ۉمۉتۉ. ال مىنداي دەدى: ۅكۉمۅت ەكى جىلۇۇ باستىرما تۇرعۇزۇپ بەردى، مەن جاشىلچالاردىن تۉرۉن كۅبۅيتۉپ، كىرەشەمدى بئردەمجىي ارتتىرماقچىمىن.
   سۇنتاق ايىلى باعىلا قشىتاعى مۇردا كەدەيلىكتەن ارىلتۇۇچۇ تۉيۉندۉۉ قىشتاق ەلە، تىلەبالدى قۇربان جانا قىشتاقتاعى 146 تۉتۉن دىيقاندىن بارى ارحىپ تۇرعۇزۇپ كارتا بەرگەن كەدەي قىيىنچىلىقتۇۇ تۉتۉندۅر تىزمەسى كىرگەن، 2016- جىلى ارتىش شاارى كەدەيلىكتەن ارىلتۇۇعا ار سالۇۇ قىزماتىن قوزعوتۇپ، تۉردۉ قىشتاققا جەتكىرۉۉ، قارجىنى قىشتاققا جەتكىرۉۉ، ار بئرىن سۅۅمۅلدۅۅ سىياقتۇۇ جەلەلەش تۅپ جۅلۅۅ چارالارى ارقىلۇۇ، قىسقا عانا بئر جىل ىچىندە، باعىلا قىشتاعى كەدەيلىكتەن ارىلىپ كەدەي دەگەن قالپاعىن الىپ تاشتوونۇ ىشكە اشىرعان، تىلەبالدى قۇربان جانا باشقا قىشتاق تۇرعۇندارى بىردىكتە بايۇۇ جولۇنا تۉشكۅن.
   جۇڭگو ەڭسۅۅسۉن ىشكە اشىرۇۇنۇن جۉرۉش كوردىناتىندا، جالپى بەتكەي الدۇۇ بولۇۇ- ەڭ العىلىقتۇۇ بئر قادام. 2016- جىلى اياق وونا جە 7- ايدىن 20- كۉنۉ اچىلعان چىعىش باتىش  بۅلۉكتۉ كەدەيلىكتەن ارىلتۇۇ مايەك جىينالىشىندا، باش شۇجئى شئن جىنپئڭ بۇيرۇق بەرىپ: كەدەيلەردى سۅۅمۅلدۅپ جالچىتۇۇ- ەڭ اقىرقى قورعونۇن بۇزۇۇ باسقىچىنا جەتتى، دەگەن. شئنجاڭدا كەدەيلىكتەن ارىلۇۇعا ات سالۇۇ باشقى بۇيرۇقتۇن استىندا، ار تۉردۉۉ ات سالۇۇعا انسايىن كۉچ چىعارۇۇ كەرەك.

       پارتئيا 18- قۇرۇلتايىنان بەرى، پارتئيا بوربوردۇق كومىتەتتىن ۅسكۅلۅڭ ماانى بەرۉۉسۉ استىندا، رايونۇبۇز قووم وموقتۇۇلۇعۇ جانا ۇزاققا چەيىن بەيپىل باشقارۇۇ باش نئشاانىن چوردوندوشتۇرۇپ، كەدەيلىكتەن ارىلۇۇعا ات سالۇۇنۇ ئرى ساياسىي مىلدەت جانا بئرىنچى ەل تۇرمۇشۇ قۇرۇلۇشۇ قاتارى قاراپ جىلىشتاتىپ، كەدەي قىيىنچىلىقتۇۇ جان-سان 2013- جىلدىن اقىرىنداعى 2 مئلىلىيون 610 مئڭدەن 2016- جىلدىن اقىرىنداعى 1 مئلىلىيون 220 مئڭگە ازايىپ، جالپى 1 مئلىلىيون 390 مئڭ كەدەي جان-سان ازايىپ، ارى «بئر اشىرۇۇ، ەكى قامسىز بولۇۇ، ۉچ كەپىلدىگى بولۇۇ»داي كەدەيلىكتەن ارىلۇۇ ۅلچۅمۉنۅ جەكەن،
   بىيىل رايونۇبۇز 590 مئڭ كەدەي قىيىنچىلىقتۇۇ جان-ساندى كەدەيلىكتەن ارىلتۇۇ، 800 كەدەي قىيىنچىلىقتۇۇ قىشتاقتى چەگىندىرىپ چىعىپ، 10 كەدەي قىيىنچىلىقتۇۇ ووداندىن كەدەي دەگەن قالپاعىن الىپ تاشتوودوي كەدەيلىكتەن ارىلتۇۇعا ات سالۇۇ مىلدەتىن ۅز ماالىندا ىشكە اشىرۇۇنۇ بەكىتكەن. بۇل نئشااندى ىشكە اشىرۇۇ ۉچۉن، اپتونوم رايوندۇق پارتىكوم «التى تۅپ جۅلۅۅ» تالابىن جالپى بەيكەي جۉزۅلۅشتۉرۉپ، «بەش بئر تۉركۉم» كەدەيلىكتەن ارىلتۇۇ جولۇندا بەكەم تۇرۇپ، بئر تۉركۉم زارىل ساياسات چەچىمدەردى چىعارىپ، چوڭ بەكىم، انسايىن تۅپ جۅلۅۅ چاراسى، قالىپتان اشقان ەپكىن ارقىلۇۇ كەدەي قىيىنچىلىققا ايقىن پوزىتسىيا بىلدىرۉۉدۅ.
   تۉشتۉك شئنجاڭداعى تۅرت ايماق وبىلاستىن كەدەي قىيىنچىلىقتۇۇ ابالى وور، كەدەي قىيىنىلىقتۇۇ داراحاسى تەرەڭ، رايون مۉنۅزدۉۉ جالپى قىيىنچىلىعى وور، كەدەي بولۇۇ سەبەبى تاتاال بولۇپ، كەدەيلىكتەن ارىلتۇۇ مىلدەتى ابدان وور، اپتونوم رايون تۉشتۉك شئنجاڭداعى تۅرت ايماق وبىلاستى كەدەيلىكتەن ارىلتۇۇعا ات سالۇۇنۇن نەگىزگى مايدانى قىلىپ بەكىتىپ، بۅتۅن جەرگە كۅچۉرۉپ كەدەيلىكتەن ارىلتۇۇ جانا شاار-ايىلداعى ارتىق ەمگەك كۉچتۅرۉن قوتورۇۇنۇ زارىل چىعار تۉيۉن قىلعان.
   
   اقسۇۇ ايماعى ۉچتۇرپان وودانى جاڭى اۋات ايىلى بولسو چەك اراعا جاقىن ايىل، جاراتىلىشتىق شارت-جاعدايى ناچار، كىرەشە كەلۉۉ قاينارى از بولۇۇسۇ دىيقان مالچىلاردىن كەدەي بولۇۇسۇنۇن نەگىزگى سەبەبى بولعون. بىيىل جىل باشىنان بەرى، ۉچتۇرپان وودانى «بۅتۅن جەرگە كۅچۉرۉپ كەدەيلىكتەن ارىلتۇۇ»عا كۉچ جۇمشاپ، بۇل جەردەگى دىيقان مالچىلاردىن توو اراسىنان كۅچۉپ چىعۇۇسۇنا جادام بەرگەن. ايىل ۅكۉمۅتۉنۅ 70 كىلومەتىر الىستىقتاعى يەڭى ات تووسۇنداعى كۅچۉۉنۉ قاالاباعان كەدەي تۉتۉن امەيجان كادىر جانا 280 تۉتۉن دىيقان مالچىلار، كۅچۉپ تۉشكۅن ايىلداشتارىن كۅرۉپ توو ەتەگىنە كۅچۉپ تۉشۉۉنۉ چەچىم قىلعان. ال مىنداي دەدى: مەن تۇرۇقتۇۇ قونۇشتاندىرۇۇ وردۇن كۅردۉم، ال جەردىن شارتى ابدان جاقشى ەكەن، قىشىندا قويدۇ قوروودو، جايىندا سىرتتا باعىشات ەكەن، ۅكۉمۅت دا ەمگەك كۉچتۅرۉن سىرتقا چىعارۇۇنۇ ۇيۇمداشتىرىپتىر، مەن داعى جاقشى چىمىرقانىپ جاقشى اقچا تاپسام دەيمىن.
  «كۅچۉرۉپ چىعارۇۇ، تۇرۇقتۇۇ وتۇراقتاشتىرۇۇ، كەدەيلىكتەن ارىلتۇۇ، بايۇۇ جولۇنا تۉشۉۉ»، رايونۇبۇزدۇن ار قايسى جەرلەرى داعى بۅتۅن جەرگە كۅچۉرۉپ كەدەيلىكتەن ارىلتۇۇ مەنەن جاڭىچا شاار-بازارلاشتىرۇۇ، جاڭى ايىل-قىشتاق قۇرۇلۇشۇ، كەسىپتى ۅنۉكتۉرۉۉنۉ بىرلەشتىرىپ، كەدەي قىيىنچىلىقتۇۇ جۇرتچۇلۇقتۇن ۅندۉرۉش تۇرمۇشۇن جاقشىرتقان.
   چىرا وودانىنىن بۅتۅن جەرگە كۅچۉرۉپ كەلدەيلىكتەن ارىلتۇۇ سىناق رايون تۉرۉ چىرا وودانى مەنەن گۉلاحما بازارىنىن ارالىعىنا جايعاشقان، جالپى جوسپور ايانتى 30 مئڭ مو، بۇل سىناق رايون توولۇۇ شارت جاعدايى ناچار، نەگىزگى جابدۇۇسۇ كەمچىل قىشتاقتاردى توپتۇق كۅچۉرۉپ، توپتۇق ورۇنداشتىرعان. ۇچۇردا سىناق رايوندو 821 جۉرۉش تۇراقجاي سالىنىپ، جول، بالدار باقچاسى، مەكتەپ، سالاماتتىقتى ساقتوو جايى سىياقتۇۇ جامااتتىق نەگىزگى جابدۇۇسۇ دا تەڭ ارىمدا قۇرۇلعان. سىناق رايوندۇن كادىرى چىن جۇڭشئن ەكونومىكالىق توقويدۇ كۅرسۅتۉپ مىنداي دەدى: 10 مئڭ مولۇق ۅزگۅچۅ مۅمۅ-جەمىش جەتىشتىردىك، ال چىلان، المۇرت، گىلاس، المانى ۅز ىچىنە الات، باردىعى بۇعۇ جە 4- ايدىن 12- كۉنۉنۅن مۇردا ەگىلدى. بىيىل تەكە جە 6- ايدىن 20- كۉنۉنۅن مۇردا تۇراقجاي رايونۇنداعى باردىق ۉيلۅر قۇرۇلۇپ بۉتۅت، باردىعى كۅچۉپ كىرۉۉ ۅلچۅمۉنۅ جەتەت.
    
   بئر كىشىنى جۇمۇشتاندىرىپ بئر ۉي- بۉلۅنۉ كەدەيلىكتەن ارىلتۇۇ. كەدەيلىكتەن ارىلتۇۇعا تۅپ كۉچ چىعارۇۇ، قىردالدى بۇرۇپ جەڭىشكە جەتۉۉ جاعىندا، رايونۇبۇز تۉشتۉك شئنجاڭداعى شاار-ايىل ارتىق ەمگەك كۉچتۅرۉن ۇيۇمداشتىرىپ، كۅپ جولدور ارقىلۇۇ قوتورۇۇنۇ كەدەيلىكتەن ارىلتۇۇ كىرەشەسىن ارتتىرۇۇنۇن تۉيۉندۉۉ جولۇ قىلعان. قۇلجا جە 5- ايدىن باشىندا، اپتونوم رايون «قاشقار، حوتەن ايماعىنداعى شاار- ايىل ارتىق ەمگەك كۉچتۅرۉن ۇيۇمدۇۇ قوتورۇپ جۇمۇشتاندىرۇۇنۇن ۉچ جىلدىق جوسپورۇن» قوزعوتۇپ، ۉچ جىل ىچىندە 100 مئڭ شاار- ايىل ارتىق ەمگەك كۉچتۅرۉن قوتورۇپ جۇمۇشتاندىرۇۇنۇ پىلانداعان. ۇچۇردا جۇڭتاي توبۇ كورلا باقچا رايونۇنا قابىلدانعان العاچقى تۉركۉمدۅگۉ قاشقار، حوتەن ايماعىنان بارعان 420 جۇمۇشچۇ قىزمات الدىنداعى تابئيالوونۇ باشتاعان.  حوتەن ايماعى كەرىيە وودانىنان بارعان جۇمۇشچۇ مامەتەمىن ماتسەيىت مىنداي دەدى: ابدان سۉيۉندۉم، تەزىرەەك جۇمۇشقا چىعۇۇنۇ ۉمۉت قىلام، كىيىن اپامدى دا الىپ كەلىپ الام.
  «تۅرت جالپى بەتكەي» ىستىراتەگىيالىق ورۇنداشتىرۇۇدا، جالپى بەتكەي الدۇۇ قووم قۇرۇپ چىعۇۇ جەتەكچى ورۇندۇن ىستىراتەگىيالىق نئشاانىندا تۇرات، بۇل ۇلۇۇ نئشااندى ىشكە اشىرۇۇنۇن تۉيۉنۉ ايىل-قىشتاقتا، قىيىن تۉيۉنۉ تۇشتۉك شئنجاڭ رايونۇندا، كەدەيلىكتەن ارىلۇۇعا ات سالۇۇ ۅز ماالىندا جالپى بەتكەي الدۇۇ قوومدۇ ىشكە اشىرۇۇنۇن ەڭ العىلىقتۇۇ ەڭ وور مىلدەتىنە ايلاندى. ىستىراتەگىيالىق اچىقتىق، ايقىن چارا، باشقى بۇيرۇقتۇن استىندا، شئنجاڭدىن كەدەيلىكتەن ارىلۇۇعا ات سالۇۇدا جەڭىشكە جەتۉۉ ىشەنىمى تولۇق، كۉچۉ جەتىشتۉۉ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.