باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «بئر القاق بئر جول» جۇڭگو جانا چەت ەل ماالىمات ارالجىلارىنا اسان- ۉسۅن كۅپۉرۅۅسۉن سالىپ، «بئر القاق بئر جول» جاعىمدۇۇ ۉنۉن تەڭ تاراتتى
   2017-05-18 13:51:49     xjbs   

ىستانسىيابىز قابارى: 
       «بئر القاق بئر جول» دەمىلگەسى جەەكتەگى ماملەكەتتەردىن ەكونومىكا جانا سوودا، قارجى سالۇۇ سالااسىندا قىزماتتاشتىق سەكىسىن قۇرۇپ ەلە قالباي، داعى جەەكتەگى ار قايسى ماملەكەتتەردىن ماالىمات ارالجىلارىنىن مادانئيات تاراتۇۇسۇ مەنەن اقپارات الماشتىرۇۇسۇنا اسان-ۉسۉن كۅپۉرۅۅسۉن سالىپ بەردى، ار قايسى ماالىمات ارالجىلارى «بئر القاق بئر جول» جاعىمدۇۇ ۉنۉن ورتوق تاراتتى. ىستانسىىيابىز قابارچىسى لئلوڭدۇن بۇل جـۅنۉندۅگۉ قابارى:
 
        «بئر القاق بئر جول» ەل ارالىق قىزماتتاشتىعى جوعورۇ داراجالۇۇلار فورۇمۇ مەزگىلىندە، كۅپ تۉستۉۉ، كۅپ تىلدۉۉ، ار تۉردۉۉ كىيىنگەن ار قايسى ماملەكەتتەردىن قابارچىلارى اقپارات بوربورۇنا چوعۇلدۇ، كۅپچۉلۉك چوعۇۇ قىزماتتانىپ، چوعۇۇ تاماقتانىپ، ۅز ارا پىكىر الماشتىردى، وشونۇ مەنەن بئر ۇباقىتتا ۅز ارا زىياراتتادى، بۇل جەر قۇدۇم جۇڭگو جانا چەت ەل قابارچىلارىنىن چوڭ ۉي- بۉلۅۅسۉندۅي بولدۇ.

        قازاقىستان ماملەكەتتىك تەلە ىستانسىياسىنىن قابارچىسى دۇلات نۇركەن كۅپ جولۇ جۇڭگوعو زىياراتقا كەلگەن، ال مىنداي دەدى:- «جىبەك جولۇ ەكونومىكا القاعى»ن تۅراعا شئى جئنپىڭ قازاقىستاندا ورتوعو قويعون، اقپاراتچىلار مىندان ارى كۅپتۅپ پىكىر الماشتىرىپ، «بئر القاق بئر جول» دوعۇ جاڭى ىشتەردى كۅپتۅپ تاراتۇۇسۇ كەرەك. قازاقىستاندا «ۉي ساتىپ الۇۇدان مۇردا قوڭشۇڭدۇ جاقشى تاندا» دەگەن مىنداي بئر ماقال بار. جۇڭگو مەنەن قازاقىستان جاقشى قوڭشۇلار، ەكى ماملەكەت ورتوسۇنداعى جاقشى قوڭشۇلاش دوستۇق ۇزۇن مەزگىل جالعاشات، «بئر القاق بئر جول» دۇن اتقارىلۇۇسۇ مەنەن، ەكى ماملەكەت ورتوسۇنداعى سوودا قارىم- قاتتووسۇ، مادانئيات الماشتىرۇۇسۇ داعى بئر دەمجىي كۉچۅيۅت. جۇڭگو شئنجاڭ قازاقسىتانعا ەڭ جاقىن جەر، اقپارات قىزماتچىسى بولۇۇ مەنەن، بۇل ىرەتكى مۅرتتۅن پايدالانىپ، جۇڭگو شئنجاڭدى داعى بئر قادام تۉشۉنۉۉنۉ ۉمۉت قىلام.

       بۇل ىرەتكى فورۇمدۇ قابارلووعو قاتىشقان چەت ەل ماالىمات ارالجىلارى نەگىزىنەن «بئر القاق بئر جول» جەەگىندەگى ماملەكەتتەر مەنەن رايوندوردۇ تولۇق قاپتاعان، مىندا رەيتىر اگەنتتىگى، فىرانسئيا قابارلار اگەنتتىگى، اقچا- مامىلە ۇباقىت گەزىتى سىياقتۇۇ اتاقتۇۇ اقپارات اپپاراتتارى بولۇپ ەلە قالباي، داعى كەنىيا، تانزانىيا، اراب بىرلەشمە امىرلىعى، لاوس، ۋەتنام، فئلىپپىن سىياقتۇۇ ماملەكەتتەردىن ماالىمات ارالجىلارى داعى بار، كەە بئر قابارچىلار بئرىنچى جولۇ جۇڭگوعو كەلگەن، داعى كەە بىرۅۅلۅرۉ كۅپ جولۇ كەلىپ جۇڭگودو زىياراتتا بولعون. «بۉگۉنكۉ ورۇسسئيا» تەلە ىستانسىياسى ارابچا قانالىنىن قابارچىسى ارۉيج مۇحاممەد ۉچۉنچۉ جولۇ جۇڭگوعو زىياراتقا كەلۉۉسۉ، ال مىنداي دەدى:- «بئر القاق بئر جول» ۇلۇۇ باشتالۇۇ، ار قايسى ماملەكەتتىن ەكونومىكا سوودا، مادانئيات بايلانىشى انسايىن كۅبۅيدۉ، تاندووسۇ داعى كۅبۅيدۉ، ار قايسى ماملەكەتتەر ۉچۉن وڭ تااسئر پايدا قىلدى. اقپارات قىزماتچىسى بولۇۇ سالاقاتىم مەنەن مىنداي چىنىعى مازمۇندۇ چاعىلدىرىپ بەرۉۉم كەرەك، ورۇسسئيا مەنەن جۇڭگو شئنجاڭ سالىشتىرمالۇۇ الىس، شئنجاڭعا بارىپ كۅربۅگۅن بولسوم داعى، بئروق مىندان ارى شئنجاڭعا بارىپ زىياراتتاپ، ساياقاتتاپ، چىنىعى شئنجاڭدى ورۇسسئيالىق كۅرۅرمۅندۅرگۅ تاانىشتىرۇۇنۇ ابدان قاالايم.


        جۇڭگو- ەۋروپا كەزەكچى پويۇزۇ ۅتكۅن ماملەكەتتەردىن بىرۅۅ-پولشا، ۇچۇردا جۇڭگونۇن كۅپتۅگۅن جەرلەرى مەنەن ەكونومىكا سوودا قارىم- قاتتووسۇن جاسايت، جۇڭگودون ەۋروپاعا قاتتاعان كەزەكچى جۉك پويۇزۇ پولشاعا زور ۅلچۅمدۅگۉ جۇڭگو ۅنۅر جاي تۉشۉمدۅرۉن الىپ كەلدى. پولشا قابارلار اگەنتتىگىنىن قابارچىسى رافاۋۇ تومانىسكىي مىنداي دەدى:- جۇڭگو جانا ەۋروپا كەزەكچى پويۇزۇ پولشالىقتارعا انسايىن كۅپ جۇڭگو شاارلارىن تاانىشتىردى، بەيجىن، شاڭحاي ەلە ەمەس، داعى يئۋۇ، چىڭدۇ، ۉرۉمچۉ سىياقتۇۇ بۇل جاڭىدان گۉلدۅنگۅن شاارلاردى تاانىشتىردى. مىندان كىيىن مەن جۇڭگو جانا ەۋروپا كەزەكچى پويۇزۇن ەەرچىي، لئنىياداعى ماملەكەتتەر مەنەن رايوندوردۇ زىياراتتايم، البەتتە بۇل جۇڭگو شئنجاڭدى داعى قامتىيت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.