باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قاشقار، حوتەن ايماعى ۉچ جىلدا 100 مئڭ ادامدى جۇمۇشقا ورۇنداشتىرۇۇ پئلانى وڭۇشتۇۇ ىلگەرى سۉرۉلدۉ
   2017-07-04 18:32:06     xjbs   

باش وونانىن جە 7- ايدىن 1- كۉنۉ، جەركەن وودانىنىن ايىل-قىشتاقتارىنداعى ارتىق ەمگەك كۉچتۅرۉنۅن 201 كىشى كورلا پويۇز ىستانسىياسىنا جەتىپ كەلدى، الار تاربئيالانعاندان كىيىن كورلا شااردىق چۅيرۅ قورعوو مەكەمەسى، توقويچۇلۇق مەكەمەسى، شااردىق اكىمچىلىك قۇرۇلۇش مەكەمەسى قاامداعان جااماتتىق قىزمات وردۇنا جۇمۇشقا ورۇنداشتىرىلات.
تەكەنىن جە 6- ايدىن 28- كۉنۉ مەكىت وودانىنان كەلگەن اقمات تۇرسۇن جۇبايى مەنەن ارنالۇۇ پويۇزعا ولتۇرۇپ ۉرۉمچۉ شاارىنا جەتىپ كەلىپ، بئر كىيىم- كەچەك كەرقاناسىنا جۇمۇشقا بۅلۉندۉ. بۇل جولقۇ ارنالۇۇ پويۇز قاشقار، حوتەن ايماعىنان كەلگەن شاار ايىل-قىشتاقتارداعى 2000 ارتىق ەمگەك كۉچتۅرۉ ايرىم- ايرىم بايىنعۇلۇن مۇڭعۇل اپتونوم وبىلاستى جانا تۉندۉك شئنجاڭ، چىعىش شئنجاڭداعى ەمگەك كۉچۉ چوردوندوشقون كەرقانالارعا جەتكىرىلىپ،  قوتورۇلۇپ جۇمۇشقا ورۇنداشتىرىلات.

جۇمۇشقا ورۇنداشتىرۇۇ ەل تۇرمۇشۇنۇن نەگىزى، ۇزۇنتان بەرى قاشقار، حوتەن ايماعىنىن شاار- ايىلدارىنداعى ارتىق ەمگەك كۉچتۅرۉ بئر قىيلا كۅپ، بئروق جۇمۇشقا ورۇنداشتىرۇۇ ۅرۉشۉ از بولۇپ، بىيىل بۇعۇدا جە 4- ايدا اپتونوم رايوندۇق پارتكوم قاشقار، حوتەن ايماعىنان ۉچ جىلدا 100 مئڭ ادامدى جۇمۇشقا ورۇنداشتىرۇۇ پئلانىن جولعو قويۇۇنۇ چەچىم قىلدى، بىيىل 30 مئڭ ادامدى قوتورۇپ جۇمۇشقا ورۇنداشتىرۇۇنۇ پئلاندادى. اپتونوم رايوندۇق ادام كۉچۉ بايلىعى جانا قوومدۇق قامتاماسزداندىرۇۇ نازاراتىنىن ىستاتىستىكاسىنا قاراعاندا تەكەنىن جە 6- ايدىن 30- كۉنۉ اتالعان جوسپور بويۇنچا 19 مئڭ ادام جۇمۇشقا ورۇنداشتىرىلعان.
قاشقار، حوتەن ايماعىنىن شاار- ايىلدارىنداعى ارتىق ەمگەك كۉچتۅرۉن ۇيۇمدوو، كۅپ جول ارقىلۇۇ قوتورۇپ جۇمۇشقا ورۇنداشتىرۇۇ قىزماتىن جاقشى ىشتۅۅ ۉچۉن اپتونوم رايوندۇق قاتىشتۇۇ تارماقتار «قاشقار، حوتەن ايماعىنىن شاار- ايىلدارىنداعى ارتىق ەمگەك كۉچتۅرۉن ۇيۇمدوو ارقىلۇۇ قوتورۇپ جۇمۇشقا ورۇنداشتىرۇۇ جوسپورۇن (2017- 2019)» اتايىن تۉزدۉ. اتالعان «جوسپورعو» قاراعاندا، اپتونوم رايونۇبۇز ماملەكەت مەنچىگىندەگى كەرقانالارعا بئر تۉركۉمۉن جۇمۇشقا ورۇنداشتىرۇۇ، تۉيۉندۉۉ كەسىپتەرگە بئر تۉركۉمۉن جۇمۇشقا ورۇنداشتىرۇۇ، بىڭتۇان ايىل-چاربا دىۋەزىياسىنا بئر تۉركۉمۉن جۇمۇشقا ورۇنداشتىرۇۇ، جااماتتىق قىزمات وردۇنا بئر تۉركۉمۉن جۇمۇشقا ورۇنداشتىرۇۇ، كەمباعالداردى جۅلۅپ- جالچىتۇۇ بويۇنچا بئر تۉركۉمۉن جۇمۇشقا ورۇنداشتىرۇۇ، جااماتتىق ەمەس كەرقانالارىنا بئر تۉركۉمۉن ورۇنداشتىرۇۇ ارقىلۇۇ قاشقار، حوتەن ايماعىنىن شاار- ايىلدارىنداعى ارتىق ەمگەك كۉچتۅرۉن قوتورۇپ جۇمۇشقا ورۇنداشتىرۇۇنۇ ىلگەرى سۉرۅت.

 ەلگە نارىپ جەتكىرۉۉ ساياساتىن چىعارىپ جانا تەز تاراتىپ، قاشقار، حوتەن ايماعىنداعى قالايىق- قالىقتى قۇبانىچقا بۅلۅدۉ. ۉيدۅ بەكەر ولتۇرعان، ەردى- جۇبايلار، قارتايعان اتا- ەنەلەر بالدارىن ەرچىتىپ قاتتاتقالى كەلدى، ساياسات چىعىپ بئر جۇما بولبوي، قاشقار، حوتەن ايماعىنان 80 مئڭ ادام قاتتالدى. بۇل قاتتالعان ادامدارعا قاراتا اپتونوم رايونۇبۇز تاربئيالوو، بئر تۉركۉمدۉ جەتىشتىرىپ بئر تۉركۉمدۉ جەتكىرۉۉ پىرىنسىبى بويۇنچا تۉركۉمگۅ بۅلۉپ قوتورۇپ جۇمۇشقا ورۇنداشتىرۇۇنۇ جولعو قويوت.

ار قايسى قابىلداعان جەرلەر الدىن پئلانداپ، جۇمۇشقا ورۇنداشتىرۇۇ وردۇن اچىپ ۅنۉكتۉرۉۉنۉ جۉزۅلۅشتۉرۉپ، اپتونوم رايوندۇق ماملەكەت مەنچىگىندەكى مال- مۉلكتۉ كۅزۅمۅلدۅپ باشقارۇۇ كومىتەتى كۅزۅمۅلدۅپ باشقارعان 16 كەرقانا جانا بوربوردۇن شئنجاڭدا تۇرۇشتۇۇ 16 كەرقانا، جالپى 10 مئڭ قىزمات وردۇن اچىپ ۅنۉكتۉردۉ؛ اپتونوم رايوندۇق ەكونومىكا جانا ماالىماتتاشتىرۇۇ كومىتەتى 9205 قىزمات وردۇن جۉزۅلۅشتۉرۉپ، قىزمات وردۇن 12 ايماق، وبىلاستاعى 84 كەرقاناعا بۅلۉشتۉرۉپ، قاشقار، حوتەن ايماعىنىن شاار- ايىلدارىنداعى ارتىق ەمگەك كۉچتۅرۉنۉن ماالىندا قىزماتقا ورۇنداشۇۇسۇنا كەپەلەتتىك قىلدى.

قوتورۇپ جۇمۇشقا ورۇنداشتىرعانداردى تۇرۇقتۇۇ قونۇشتاندىرىپ، الىپ قالۇۇ ۉچۉن قابىلداعان ار قايسى جەرلەر ەرتەرەەك دايىندىق كۅرۉپ، تاربئيالوو دولبورۇن تۉزدۉ، وشوندوي ەلە تاماق، جاتاق سىياقتۇۇ جاقتاردى بار كۉچۉ مەنەن قامتاماتسىزداندىردى. شئنجاڭ شۅفىڭ ئلىم- تەحنىكا جارناق چەكتۉۉ شەرىكتىگىنىن پارتكوم شۇجئىسى، باش لئدىرى كاڭ جيان مىنداي دەدى:« بئز بۇل تۉركۉمدۅكۉ تۉشتۉك شئنجاڭدان كەلگەن جاڭى جۇمۇشچۇلارعا ەردى- جۇباي ۉيۉ جانا بويتوقتور جاتاعىن، داعى جۇرقان، كىيىم، بەت جۇيتۇرعان داس، چاي ىستىكانى سىياقتۇۇ نەگىزگى تۇرمۇشۇ بۇيۇمدارىن دايارداپ، الار كەلۉۉسۉ مەنەن جىلۇۇلۇق سەزىندىردىك، بئز داعى «بىرۅۅ بىرۅۅنۅ جاردام بەرۉۉ» ىقماسى ارقىلۇۇ الاردى تۇۇعانداشتىرىپ، دوستوشتۇرۇپ، ۉيرۅنۉۉ، قىزمات، تۇرمۇش سىياقتۇۇ جاقتاردان جاردام بەرىپ، الاردى ەرتەرەەك تەحنىكا ەەلەپ، كەرقانانىن تولۇمدۇۇ جۇمۇشچۇسۇنا ايلانۇۇسۇنا دەم بەردىك».

بۉگۉنكۉ كۉندۅ، قاشقار، حوتەن ايماعىنىن شاار- ايىلدارىنان قوتورۇپ جۇمۇشقا ورۇنداشتىرىلعان 19 مئڭ ارتىق ەمگەك كۉچۉ وقشوبوعون قىزمات وردۇندا جاڭى تۇرمۇشۇن باشتادى، جوڭتاي توبۇ توقسۇن ۅنۅر جاي باقچاسىندا قاراقاش وودانىنان كەلگەن تۇردۇاۋات تۇرعۇن جانا التىنگۉل ئمىننىياز ەردى- ايال ەكى اي تاربئيالاندى. الار چىمىرقانىپ ۉيرۅندۉ، ايرىقچا التىنگۉل حانزۇ تئل سىنووسۇندا دايىما 100 نومۇر الدى، ال بولوچوققو تولۇق ىشەنىچ مەنەن مىنداي دەدى:« بئز چىمىرقانىپ بىلىم جانا تەحنىكا ۉيرۅنۉپ، جاقشى تابىلعالارىبىز ارقىلۇۇ پارتئيا جانا ۅكۉمۅتتۉن قامقوردۇعۇنا جووپ قايتارىپ، داعى دا جاقشى تۇرمۇشتۇ توسۇپ الابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.