باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
2017- جىلقى جۇڭگو شئنجاڭ 11- كەزەكتۉۉ سايرام كۅلۉن ايلانۇۇ تاش جول ۋەلوسىپەت جارىشى باشتالدى
   2017-07-06 19:21:18     xjbs   

قۇلجانىن جە 5- ايدىن 30- كۉنۉ تۉشتۅن مۇردا، ەكى كۉنگۅ جالعاشۇۇچۇ 2017- جىلقى جۇڭگو شئنجاڭ 11- كەزەكتۉۉ سايرام كۅلۉن ايلانۇۇ تاش جول ۋەلوسىپەت جارىشى بورتالاا مۇڭعۇل اپتونوم وبىلاسى اراشان وودانىندا باشتالدى. ىستانسيابىز قابارچىسى چئيۇ جىندىن قابارى:
جولعو چىعۇۇ بۇيرۇعۇ بەرىلىشى مەنەن، ماملەكەت ئچى- سىرتىنان كەلگەن 31 كامانداداعى 171 چەبەر ارت- ارتىنان جولعو چىعىشتى. بئرىنچى جارىش ارالىعى اراشان وودانىنان باشتالىپ، سايرامى كۅلۉ سانتاي جايلووسۇنان اقىرلاشات، جالپى ارالىعى 76 كىلومەتىر، بئر كىلومەتىر كەلگەن بئيىك تووعو چىعۇۇ جانا چىيىر توو جولۇ چەربەرلەرگە كۅپ قىيىنچىلىق جاراتتى. مۇرداعى جارىشتاردىن ىچىندە، بۇل جارىش ارالىعى ەڭ اقىرقى چەچۉۉچۉ چەمپئيوندۇقتۇ بەلگىلۅۅچۉ جارىش ارالىعى بولۇچۇ. بورتالاا مۇڭعۇل وبىلاستىق مادانئيات دەنە تاربئيا رادىيو كىينو اقبارات باسما مەكەمەسىنىن ورۇنباسار مەكەمە باشچىسى شى لئشىن مىنداي دەدى: ۅرگۅ تارتقان جول بۅلۉگۉ 1200 مەتىردەن 2200 مەتىر ارالىعىندا، قىيىندىق داراجاسى جوعورۇ، دەنە تاربئياچىلاردىن كۉچۉن جانا ۇزۇن ارالىققا ۋەلوسىپەت مئنۉۉ چىدامىن سىنووچۇ ابدان قىيىن جول بۅلۉگۉ.


جارىش جارىمداعاندا، جاان جااپ، جول چەتىندەگى جارىش بايراعىن دا شاماال ۇچۇرۇپ كەتتى، ايرىم چەبەلەر جارىشتان باش تارتىپ قايرا ارتقا چەگىنىشتى. جارىش اقىرلاشقاندا، كۅپتۅگۅن چەبەلەر اقىرقى مااراعا جەتىپ كەلىشتى. فۇكاڭ بارىس ۋەلوسىپەت كامانداسىنىن چەبەرى شىڭ چئياڭجۉن مىنداي دەدى: بئز ۉچ جىل ماشىعىپ اقىرى بۇل جارىشقا قاتىشتىق، ماملەكەت ئچى- سىرتىنداعى مىقتى چەبەرلەر مەنەن بىرگە جارىشتىق، ابدان قۇبانىچتامىن، بۉگۉنكۉ بئرىنچى جارىش ارالىعىندا بئزدىن كاماندانىن جالپى ناتىيجاسى ابدان جاقشى بولدۇ، بەش چەبەردىن بارى جارىشتى تولۇق اقىرلاشتىردى.
ەڭ اقىرىندا، جۇڭگو RTS مايتىڭ كامانداسىنان كەلگەن تۇكحانگە بۇل جارىش ارالىعىنىن چەمپئيونۇ بولدۇ، ارى كاماندا جەتەكچىسىنىن سارى كۅينۅگۉ مەنەن جاشىل كۅينۅگۉنۅ ەە بولۇپ، ازىرىنچا جالپى ناتىيجاسى بويۇنچا تىزمەنىن الىندا كەلە جاتات. تۇكحانگە مىنداي دەدى: بۉگۉنكۉ جارىش ويدوعۇداي بولدۇ، سايرام كۅلۉن ايلانۇۇ جارىشىنىن ەرەجەسى بارعان سايىن جوعورلوودو، كۅرۉۉچۉلۅردۉن قىزىعۇۇسۇ دا بارعانسايىن ارتۇۇدا، دۉينۅنۉن ار قايسى جەرلەرىنەن كەلگەن مىقتى چەبەرلەر مەنەن بىرگە جارىشۇۇ بئز ۉچۉن چوڭ سىيمىق، ەرتەڭكى جارىشتا جالپىنىن جاقشى ناتىيجالارعا ەە بولۇۇسۇن ۉمۉت قىلامىن.
2- جارىش ارالىعىندا، چەبەرلەر قووز سايرام كۅلۉنۉن جەەگىن ايلانىپ تايماش الپارات، جارىش يۅ- لياڭۋاندان باشتالىپ سايرام كۅلۉنۉن تۉشتۉك ەشىگىنەن اقىرلاشات، جالپى ارالىعى 63 كىلومەتىر.


بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.