باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
« تاكلىماكانداعى دوولبوس ۉنۉ »نۉن شئنجاڭدا تۇنعۇچ مايدان قويۇۇ ازەمىن ۉرۉمچۉ شاارىندا ۅتتۉ
   2017-07-06 19:20:59     xjbs   

بۇعۇنۇن جە 4- ايدىن 22- كۉنۉ تەڭىر توو كىنو ىستودىياسى 2017- جىلدىق تۉيۉندۉۉ كىنو « تاكلىماكانداعى دوولبوس ۉنۉ »نۉن شئنجاڭدا تۇنعۇچ مايدان قويۇۇ ازەمىن ۉرۉمچۉ شاارىندا ۅتكۅردۉ. اپتونوم رايون جەتەكچىلەرىنەن ەركىن تونىياز، ما شۅجۉن، تئيانۋىن قاتارلۇۇلار بئر بۅلۉك ورۇنداردىن قىزماتكەرلەرى ۅكۉلدۅرۉ، شئنجاڭ ۇنىۋەرسەتى وقۇۇتۇچۇ- وقۇۇچۇلارى قاتارلۇۇلاردان بولۇپ 700 ارتىق ادام مەنەن چۇعۇۇ تۇنعۇچ قويۇۇ ازەمىنە قاتىشتى ارى كىنونۇ چوعۇۇ كۅردۉ.

 «تاكلىماكانداعى دوولبوس ۉنۉ»- اتتۇۇ كىنو اپتونوم رايونۇبۇزدۇن «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىزماتىن ارتقى كۅرنۉش قىلعان ، تاكلىماكان چۅلۉ چەك اراسىنداعى بئر توولۇ قىشتاقتاعى قىشتاقتا تۇرۇشتۇۇ كادىرلاردىن ۇيعۇر قىز ايگۉلدۉن بئيچى بولۇۇ ارمانىن ئش جۉزۉنۅ اشىرۇۇسۇنا جاردام بەرىپ، قىشتاق تۇرعۇندارىنان باشتاپ چالباعالى ۇزۇن بولعون ناعرا چالۇۇداي اڭگەمەسى چاعىلدىرىلعان. كىنودوعۇ قىشتاق مۇردا ىر- بئي جۇرتۇ بولعون، بئروق بئر قانچا جىل مۇردا دئنىي وپسۇز ئدىيانىن تااسىرىنە ۇچۇراپ، قىشتاق تۇرعۇندارى ىرداپ- بىيلۅۅگۅ باتىنا البايتۇرعان بولۇپ قالات. «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىيمىلى بويۇنچا قىزمات گۇرۇپپاسى كەلگەندەن كىيىن قىشتاق تۇرعۇندارىنا ئش- جۉزۉندۉ ئش بۉتۉرۉپ، ەلدىن قام- قايعىسىن چەچىپ، ايرىقچا كۅپچۉلۉكتۉۉ باشتاپ دۇمباق چالىپ، ىرداپ- بىيلەپ، مۇرداقى قۇبانىچتۉۉ ماانايدى قالبىنا كەلتىرەت، وشوندوي ەلە ايگۉلگۅ جاردام قىلىپ تالانت ساحناسىنا چىعارات، وشونۇ مەنەن بئر مەزگىل تىنىچىپ كەتكەن قىشتاق قايرادان جاندانىپ كەتەت.

 90 مئنوتتۇق كىنو قاراپايىم كىران، جالپاق تئل، چىن ىقىلاستۇۇ مەەرى- ماحابات ارقىلۇۇ اڭگەمە ايتىپ، قىشتاق تۇرعۇندارىنىن گۉلكۉسۉ جانا داعى بئر جولۇ چالىنعان ناعرا مەنەن كىنونۇ اياقتاتىپ، كىنونۇن نەگىزگى ماقساتىن تولۇق چاعىلدىرىپ، ناق مايدانداعى كۅرۅرمۅندۅردۉ تااسىرلەندىردى.

كۅرۅرمۅن فاڭ ايىم مىنداي دەدى:« ارتىستەر ابدان جاقشى رول الىپتىر، اياباي تااسىرلەندىم. قىزمات گۇرۇپپاسىنداقىلارعا دا وڭوي ەمەس ەكەن، اياباي جاپا تارتىپتىر، انىن ۉستۉنۅ بۇل كىچىك قىز ابدان جاقشى رول الىپتىر، ابدان تااسىردۉۉ ەكەن، مەن ۅزۉمدۉ قارماپ الباي ىيلاپ جىبەردىم. بۇل دۇمباق ۉنۉ ادامدى تاڭ قالتىردى، مەنچە بۇل دۇمباق ۉنۉن ۇعۇپ وپسۇز ئدىيا تاراتۇۇچۇلار قاچىپ كەتىپ، از ۇلۇتتاردىن ىر- بئيدى جاقشى كۅرۉۉدۅي تۇرمۇشۇ قالبىنا كەلەت».

 اپتونوم رايوندۇق قوومدۇق ىلىمدەر اگادەمىياسى ىزىلدۅۅ وردۇنۇن ورۇن باسار باشچىسى دئلمۇرات وشۇر مۇردا حوتەن وودانىندا قىشتاقتا تۇرعان بولۇپ، قابارچىعا مىنداي دەدى:« كىنونۇن كۅپ كۅرۉشتۅرۉ ماعا ابدان تاانىش بىلىندى. مەن تۇرعان قىشتاقتى كۅرگۅندۅي بولدۇم، وشوندۇقتان اياباي قۇباندىم. مەن «ەل ابالىن بىلۉۉ، ەلگە نارىپ جەتكىرۉۉ، ەل كۅڭۉلۉن الۇۇ» قىيمىلى بويۇنچا ەل تۇرمۇشۇنا تەرەڭ چۅگۉۉنۉ باشىمان ۅتكۅردۉم، انىن ۉستۉنۅ بئر قىيلا كۅرۉنۉكتۉۉ ناتىيجالارعا قول جەتكىردىك، ايرىقچا باش نىشااندى ىمىرچىكتۅۅ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇ جاقتان، ال ەمى كىنودو داعى بۇلاردى ابدان ۇبايىنا جەتكىرە بايانداپتىر».

كۅرۅرمۅن ىسلامجان مىنداي دەدى: « اياباي تااسىردۉۉ ەكەن، مەەرى- ماحابات ارقىلۇۇ بئز سىزىل تۇش كەلگەن ماسەلەلەردى چاعىلدىرىپتىر، اقىرىندا دوولبوس ۉنۉ ارقىلۇۇ بۇل ايرىمالىقتى ايرىپتىر، دووش مەنەن مەەرى- ماحاباتتى چەبەردىك مەنەن بىرگەلەشتىرىپتىر».

كىنو سىنارىياسىن جازۇۇچۇلاردىن بئرى لئى مۇشاۋ قابارچىعا مىنداي دەدى:« مادانئيات كۅركۅم ۅنۅر قىزماتكەرى قاتارى چىعارمابىز ارقىلۇۇ شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇسۇ ۉچۉن بئر كىشىلىك سالىمىبىزدى قوشۇۇبۇز تئيىش. تەك بئز دوولبوس- دۇمباقتى چالساق، بئيدى بىيلەسەك، ىردى ىرداساق، اتىلەستى كىيسەك انان دئنىي وپسۇز كۉچتۅر قورقوت، الار مۇنۇ كۅرۉنۉ قاالابايت، وشوندۇقتان بئز توقتوسۇز ۇشۇنۇ كەڭىرتۉۉبۉز كەرەك».

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.