باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
4-كەزەكتۉۉ ناق مايدان قىزماتكەر قابىلدوو جىينالىشى ۅتتۉ
   2017-07-06 19:21:12     xjbs   

قۇلجانىن جە 5-ايدىن 6-كۉنۉ ساات 10دون 30مئنوت ۅتكۅندۅ، ادام كۉچۉ بايلىعى جانا قوومدۇق قامتاماسىزداندىرۇۇ مىنىستىرلىگى باشتاعان 4-كەزەكتۉۉ ايرىم بئر بۅلۉك چوڭ-ورتو شاارلار بىردىكتە جوعورۇ وقۇۇ جايلارىن بۉتۉرگۅن وقۇۇچۇلاردى قىزماتقا قابىلدوو جاز مەزگىلدىك قىيمىلىنىن شئنجاڭ ناق مايدان قىزماتكەر قابىلدوو جىينالىشى شئنجاڭ ەل ارالىق كۅرگۅزمۅ بوربورۇندا ۅتتۉ.

 بۇل قىيمىل 2013-جىلى باشتالعاندان بەرى تۇنعۇچ جولۇ شئنجاڭدا پۇنكىت قۇرۇۇسۇ بولۇپ، ماقساتى چوڭ- ورتو شاارلاردىن جامااتتىق جۇمۇشقا ورۇنداشۇۇ تەيلۅۅ اپپارات بايلىقتارىن بىرىكتىرىپ، ىنتەرنەتتۉۉ جانا ىنتەرنەتسىز جاعدايدا اشتاشتىرۇۇنۇ قۇلاچ جايدىرىپ، شئنجاڭدا جوعورۇ وقۇۇ جايدى بۉتۉرگۅن وقۇۇچۇلارعا بولعون جۇمۇشقا ورۇنداشۇۇ بويۇنچا جاردام بەرۉۉ ەپكىنىن اشىرىپ، شئنجاڭدىن جوعورۇ وقۇۇ جايىن بۉتۉرگۅن وقۇۇچۇلاردىن داعىدا تولۇق جۇمۇشقا ورۇنداشۇۇسۇن جىلىشتاتتى.

اپتونوم رايوندۇق جامااتتىق جۇمۇشقا ورۇنداشۇۇ تەيلۅۅ مەكەمەسىنىن باشچىسى پالىدەن رەيىم مىنداي دەدى:-بۇل جولقۇ وقۇۇچۇ قابىلدوو كۅۅلۅمۉ ابدان زور بولدۇ، ناق مايداندا جالپى 677 كەرقانا، كەسىپ ورۇن 2مئڭ 771 قىزمات وردۇ مەنەن قامداپ، جالپى 20مئڭ 403 قىزماتكەر قابىلداندى. مىندا، بەيجىن، تىيەنجىن، جئياڭسۇ قاتارلۇۇ ۅلكۅ-شاارلاردىن جامااتتىق جۇمۇشقا ورۇنداشۇۇ جانا ىشمەرلەر تەيلۅۅ اپپاراتتارى توپ ۇيۇمداپ، قىزماتكەر قابىلدوو جىينالىشىنا قاتىشتى، قىزماتكەر قابىلدووعو ۇيۇمدالعان 140 ورۇن جالپى 514 قىزمات وردۇن قامداپ، 5مئڭ 484 وقۇۇچۇ قىزماتقا قابىلداندى. شئنجاڭدان ۇيۇمدالعان قىزماتكەر قابىلدووچۇ 537ورۇن 2مئڭ 257 قىزمات وردۇ مەنەن قامداپ، جالپى 14مئڭ 919 وقۇۇچۇ قابىلداندى.

 بىيىل اپتونوم رايونۇبۇزدا جوعورۇ وقۇۇ جايىن بۉتۉرۅتۇرعان وقۇۇچۇ 84مئڭ بولۇپ، جۇمۇشقا ورۇنداشۇۇ باسىمى قىيلا كۉچتۉۉ بولۇۇدا.

 بۇعا قاراتا، اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ تارماقتارى كەرقانالارعا تەرەڭ چۅگۉپ زىياراتتاپ، كەرقانالارعا جاقشى تەيلۅۅ جۉرگۉزۉۉ مەنەن بىرگە زور چەنەمدەكى جۇمۇشقا ورۇنداشۇۇ قىزمات وردۇ ۇچۇرۇن جىيناپ، نەگىزگى قىزمات وردۇلارى نەگىزىنەن اعارتۇۇ، كۇرس، ئلمىي ىزىلدۅۅ، ۅندۉرۉش، دارىلوو، حئمىيا ۅنۅرجاي، قۇرۇلۇش، بازار تئجارات ساتۇۇسۇ، تەحنىك قىزماتكەرى، توۋار وبوروت قاتارلۇۇ كۅپتۅگۅن كەسىپتەردى قاپتادى. شئنجاڭدا جوعورۇ وقۇۇ جايىن بۉتۉرگۅن وقۇۇچۇلاردىن تۅپ جۇمۇشقا ورۇنداشۇۇسۇن جىلىشتاتۇۇ ۉچۉن، قىيمىل ناق مايدانىندا تۅپ جۇمۇشقا ورۇنداشتىرۇۇ تەيلۅۅسۉن كەڭىرتۉۉ ارنالۇۇ رايونۇن اچىلدى.

ادام كۉچۉ بايلىعى جانا قوومدۇق قامتاماسىزداندىرۇۇ مىنىستىرلىگى ماملەكەتتىك ىشمەرلەر الماشتىرۇۇ بوربورۇنۇن ورۇن باسار مۇدۇرۇ شىيەيۇان مىنداي دەدى:-بۇل جولقۇ قىيمىل«ىنتەرنەت+ساندۇۇ-ماالىمات+اقىل-ىدىرەكتۉۉ تەلەگەيلەشتىرۉۉ»تاانىمىن نەگىز قىلعان تۉردۅ، جۇڭگونۇن ماملەكەتتىك ىشمەرلەر ىنتەرنەتى جوعورۇ وقۇۇ جاي وقۇۇچۇلارى جۇمۇشقا ورۇنداشۇۇ تەيلۅۅسۉنۅ سۉيۅنۉپ، قىزماتكەر قابىلدوو تەيلۅۅسۉن ىنتەرنەت تەحنىكاسى مەنەن جۇۇرۇلۇشتۇرۇۇنۇ جىلىشتاتىپ، شئنجاڭ ىچىندەكى كۅپتۅگۅن جوعورۇ وقۇۇ جاي وقۇۇچۇلارىنا كەسىپى قۇربات سىناعىن جۉرگۉزۉپ، ئرى ساندۇۇ-ماالىمات اقىل ىدىرەك تەلەگەيلەشۉۉ جانا تۅپ جىلىشتاتۇۇ قىزمات ۇچۇرلارى ارقىلۇۇ، قىزماتكەر قابىلدووچۇ ورۇندار مەنەن قىزماتقا قابىلدانۇۇچۇلار ورتوسۇنداعى«تۅپ تەلەگەيلەشتىرۉۉ»نۉ وشوندوي ەلە ىنتەرنەتتە جانا ىنتەرنەتسىز جاعدايداقى ۅنۉمدۉۉ اشتاشۇۇنۇ ىشكە اشىردى.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.