باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«اتا-مەكەنگە جووپ قايتارۇۇ»اتىنداعى اپتونوم رايوندۇق قوش تئل اعارتۇۇ مۅمۅسۉن كۅرسۅتۉۉ ويۇن كەچەلىگى ۅتتۉ
   2017-07-06 19:21:18     xjbs   

قۇلجانىن جە 5-ايدىن 25-كۉنۉ، اپتونوم رايوندۇق پارتىكوم ۉگۉت بۅلۉمۉ، اپتونوم رايوندۇق اعارتۇۇ نازاراتى بىردىكتە باش بولۇپ، شئنجاڭ تەلە ىستانسىياسى ۅتكۅرۉۉنۉ ۉستۉنۅ العان، شئنجاڭ كۅركۅم-ۅنۅر ئنىستىتوتۇ شايكەشىپ ۅتكۅرگۅن«اتا-مەكەنگە جووپ قايتارۇۇ»اتىنداعى اپتونوم رايوندۇق قوش تئل اعارتۇۇ مۅمۅسۉن كۅرسۅتۉۉ ويۇن كەچەلىگى شئنجاڭ ەل سارايىندا ۅتتۉ.

اپتونوم رايوندۇق ەل قۇرۇلتاي تۇرۇقتۇۇ كومىتەتىنىن مۇدۇرۇ نايىم يااسىن، اپتونوم رايوندۇق پارتىكومدۇن ورۇن باسار شۇجئسى، اعارتۇۇ قىزمات كومىتەتىنىن شۇجئسى لئ پىڭشئىن، بوربوردۇن شئنجاڭ قىزماتىن شايكەشتىرۉۉ گۇرپپاسى ئشقاناسىنىن ورۇن باسار مۇدۇرۇ لۇشئن جانا اپتونوم رايون جەتەكچىلەرىنەن لئ شۅجۉن، ەركىن تۇنئياز، تىيەنۋىن، لو دوڭچۇان قاتارلۇۇلار باش قالاداقى 2مىڭدەن اشۇۇن ارۇلۇت، ارسالا كادىر جۇرتچۇلۇعۇ مەنەن بىردىكتە ويۇن نومۇرلارىن كۅرۉشتۉ.

 ىستانسىيابىز قابارچىسى دۇۋۇ، سۉنۋىيلەردىن قابارى:

كەچەلىكتە، ارۇلۇت وقۇۇ جاشىنان مۇرداقى بالاقايلارى، ارنالۇۇ كۇرس جانا ورتو تەحنكوم مەكتەپتەرى وشوندوي ەلە ىچكەردەكى تولۇق ورتو كىلاستارىنداقى وقۇتۇۇچۇ-وقۇۇچۇلار، وزوت وقۇۇ بۉتۉرگۅن وقۇۇچۇلار ۅكۉلدۅرۉ قاتارلۇۇ 1مئڭ 200دەن اشۇۇن ويۇن نومۇرعا قاتىشقاندار ۅزدۅرۉنۉن ۉيرۅنۉۉ، ۅسۉپ جەتىلۉۉ بارىشىن كۅركۅم-ۅنۅر پىروگىرامماسى قىلىپ تۉزۉپ چىعىپ، اتا-مەكەنگە جووپ قايتارۇۇ اتىنداقى قوش تئل اعارتۇۇسۇنۇن بۇل ماملەكەتتىك ىستىراتەگىيانىن شئنجاڭ جۉرگۉزۉلۉشۉ زور تابىشتارعا قول جەتكىرگەندىگىن بەينەلەدى.

بۇل مەنىن ماملەكەتىم، مەن ماملەكەتىمدى سۉيۅم. ار ۇلۇت بالدارى قوش تئلدە ىرداپ جۉرگۅن «ماملەكەتىم» دەگەن ىر مەنەن كەچەلىكتىن كۅشۅگۅسۉ اچىلدى، بۇل مايدان كەچەلىك جۇڭحۇا ۇلۇتتارىنىن ۇلۇۇ قايرا كۉلدۅنۉۉسۉنۅن تۇرعان ۇلۇۇ جۇڭگو اڭسووسۇن ىشكە اشىرۇۇنۇ نەگىزگى تۉيۉن قىلىپ، «ۇلۇتتار ىنتىماقتاشىپ بئر تۇۇعانداي جاشايلى» اتتۇۇ قىىيمىلدى باشتان-اقىرى سىڭدىرگەن، كەچەلىك بەش بۅلۉكتۅن قۇرالعان. شاڭدۇۇ ىر، جاعىمدۇۇ ىرعاق، تااسىردۉۉ اڭگەمە ارقىلۇۇ رايونۇبۇز جاشتارىنىن ۅمۉر بويۇ الدىعا ىلگەرلەپ، قوش تئلدى جاقشى ۉيرۅنۉپ، اتا-مەكەنگە سالىم قوشۇۇ جۉرۅك سۅزۉن بئلدىردى.

 مۇزىكالۇۇ كومەدىيا «قوش تئل اعارتۇۇسۇ جاقشى»، تىياتىر «المۇرت باقچاسىندا باش قوشۇۇ»، «اتا مەكەنگە جووپ قايتارۇۇ» اتتۇۇ ىر دەكلاماتسىيالوو سىياقتۇۇ بەرۉۉلۅر، ناق مايدانداعى كۅپچۉلۉكتۉن جاقتىرىپ كۅرۉۉسۉنۅ ەە بولدۇ. كۅرۅرمۅن دىلمۇرات تۇرسۇنئياز بولسو ياركەن وودانىنان كەلگەن ىچكى ۅلكۅدۅگۉ تولۇقسۇز ورتو كىلاسىنىن وقۇۇچۇسۇ، ال مىنداي دەدى: بۇل كەچەلىكتى كۅرۉپ تەرەڭ تااسىرلەندىم، بۇل جەردەگى مەكتەبىم جاتاق، تاماق، وقۇۇ قاتارلۇۇلار مەنەن اقىسىز قامسىز قىلدى، وقۇتۇۇچۇلار دا ابدان جاقشى مامىلە قىلىشات، بئز مۇنۇ قادىرلاشىبىز كەرەك.

 مىندان كىيىن مەن قوش تئلدى انسايىن جاقشى ۉيرۅنۉپ، جاقشى ۇنىۋەسىتەتتە وقۇپ، وقۇۇمدۇ اياقتاعاندان كىيىن شئنجاڭعا قايتىپ تۇۇلعان جەردى قۇرۇۇعا سالىم قوشومۇن. ۉرۉمچۉ شااردىق 15- ورتو مەكتەپتىن ىچكى ۅلكۅدۅگۉ تولۇقسۇز كىلاسىنىن وقۇتۇۇچۇسۇ يۉ فىڭلان مىنداي دەدى: بئز شئنجاڭدىن قوش تئل اعارتۇۇسۇنۇن ۅنۉگۉۉ كەلەچەگىن كۅردۉك، ۅزۉمدۉ دا پارتئيانىن ەلگە نارىپ جەتكىرۉۉ ساياساتىنىن جازعى جەلى استىندا باقتىلۇۇ سەزدىم. قوش تئل اعارتۇۇسۇ مەيلى بئزدىن بالدارىبىزعا بولسۇن، اتا-ەنەلەر ۉچۉن بولسۇن زور پايداسى بار.

 

 

 

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.