باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن تەمىر جول قۇرۇلۇشۇنۇن تەمپى ۉزگۉلتۉكسۉز ارتىپ، تەمىر جول تورۇ كەمەلدەنىپ، كىشىلەردىن ساپارعا چىعۇۇسۇنا زور داراجادا وڭتويلۇق جاراتىپ جاتات
   2017-07-17 12:39:32     xjbs   

 ىستانسىيابىز قابارى:   
     تامىز ىسىعان جاي كىرگەندەن بەرى، اپتونوم رايونۇبۇزداعى تەمىر جول قۇرۇلۇشچۇلارى قاتۇۇ ىسىققا قاراباي، ەڭ جاقشى قۇرۇلۇش مەزگىلىن بەكەم قارماپ، قۇرۇلۇش تۉرلۅرۉنۉن جۉرۉشۉن تەزدەتىپ، اپتونوم رايونۇبۇزدۇن تەمىر جول قۇرۇلۇشۇنۇن تەمپى ۉزگۉلتۉكسۉز ارتىپ، تەمىر جول تورۇ كەمەلدەنىپ، كىشىلەردىن ساپارعا چىعۇۇسۇنا زور داراجادا وڭتويلۇق جاراتىپ جاتات.  ىستانسىيابىز قابارچىسى جئنلئي، بايىنعۇلۇن وبلاستىق ەل رادىيو ىستانسىياسىنىن قابارچىسى جوۋ چۉنمئيدىن قابارى.
بئر قانچا كۉندۅن بەرى، تەمپۇراتۇرا كۉندۅن كۉنگۅ جوعورۇلاپ، كۉن اياباي ىسىق بولسودا، بئروق گولمود _ كورلا تەمىر جول قۇرۇلۇشچۇلارى قۇرۇلۇش ارىمىن توقتوتبودۇ، تەمىر جولعو رەلىس تۅشۅۅ قىزماتى تارتىپتۉۉ قۇلاچ جايدىرىلدى. گولمود- كورلا تەمىر جولۇنۇن جالپى ۇزۇندۇعۇ 1210 كىلومەتىردەن ۇزۇن بولۇپ، شئنجاڭ چەك اراسى ىچىندەكى تەمىر جول ۇزۇندۇعۇ 708 كىلومەتىر كەلەت.
    بۇل تەمىر جول قۇرۇلۇشۇ بۉتكۅندۅن كىيىن، اپتونوم رايونۇبۇزدان سىرتقا چىعاتۇرعان ۉچۉنچۉ تەمىر جول چوڭ ۅتۅڭۉنۅ ايلانات. كورلادان چىڭحاي گولمودعو چەيىنكى ماشئنا مەنەن قاتتاعاندا 26 سااتتا باراتۇرعان جول، پويۇز قاتتاعاندان كىيىن 12 ساات ايلاناسىندا قىسقارات. گولمود _ كورلا تەمىر جولۇ بويۇنچا شئنجاڭدا قۇرۇلۇش الىپ بارۇۇعا قول باشچىلىق قىلۇۇ باش ىشتابىنىن ورۇنباسار قول باشچىسى لاي گۇاڭمئڭ مىنداي دەدى:-رەلئس تۅشۅۅ قۇرۇلۇشۇن ىمەرچىكتەپ، بئز ار كۉنۉ 800 دەن كۅبۉرۅۅك ادامدى قۇرۇلۇش ناق مايدانىندا ماشقۇلات الىپ بارۇۇعا ورۇنداشتىرابىز. بىيىل جىل سوڭۇنا چەيىن 291 كىلومەتىر جەرگە رەلىس تۅشۅيبۉز، پويۇز جولۇ بۉتكۅندۅن كىيىن، الدىنداعى 200 كىلومەتىر تەمىر جولدو پويۇز قاتتوو شارتىن تۉزۉۉگۅ كەپىلدىك قىلابىز.

بىيىل، شئنجاڭدىن تەمىر جول قۇرۇلۇش تەمپى جالپى بەتكەي تەزدەپ، تەمىر جول قۇرۇلۇش تۉرۉنۅ 34 مئلىيارت 700 مئلىيون يۇان قارجى سالىندى. انىن ىچىندە، ۉرۉمچۉ تەمىر جول مەكەمەسى ماملەكەتتەن تەمىر جول قۇرۇلۇشۇنا قارجى سالاتۇرعان 10 مئلىيارت 200 مئلىيون يۇان قارجىنى ۅز ىچىنە العان بولۇپ، 8 تۉيۉندۉۉ تەمىر جول تۉرۉنۅ جاڭىدان جانا ۇلاندۇۇ قۇرۇلۇش الىپ بارات. گولموددون _ كورلاعا چەيىنكى تەمىر جول، التايدان كوكتوقوي، چىعىش جۇڭعارعا باراتۇرعان تەمىر جول، تۉشتۉك شئنجاڭ تەمىر جولۇن لانجۇ- شئنجاڭ تەمىر جولۇنا تۇتاشتىرۇۇ لەنىياسى، بۅرتالاا وبلاستىق بۅلۉمچۅ لەنىياسى، قاراماي- چۅيچۅك تەمىر جولۇنۇن تىيە چاڭگوۋدان چۅيچۅككۅ چەيىنكى بۅلۉگۉ، ۉرۉمچۉ پويۇز ىستانسىياسى وشوندوي ەلە قاتىشۇۇ قۇرۇلۇشتار، ۉرۉمچۉ تەمىر جول ۅزۅكتۉۉ قۇرۇلۇشۇنداعى باتىش مەنەن تۉندۉكتۉ تۇتاشتىرۇۇ لەنىياسى جانا ۉرۉمچۉ تەمىر جول بويۇنچا كونتىيونەر ۅزۅكتۉۉ بوربورۇ قۇرۇلۇشۇ سىياقتۇۇلاردى قامتىيت.
      ازىر، تۉشتۉك شئنجاڭ تەمىر جولۇن لانجۇ- شئنجاڭ تەمىر جولۇنا تۇتاشتىرۇۇ لەنىياسىنا چۇقۇل قۇرۇلۇش الىپ بارىلىپ جاتات، ۇل قۇرۇلۇشتارى نەگىزىنەن بۉتتۉ. توعۇزدۇن ايىنىن جە 9- ايدىن 15- كۉنۉ رەلىس تۅشۅلۉپ، جەتىنىن ايىنىن جە 10- ايدىن 1- كۉنۉ جاسالىپ بۉتۅت. بۇل قۇرۇلۇش تۉرۉنۉن جالپى ۇزۇندۇعۇ 16 كىلومەتىر، بۇعا سالىنعان جالپى قارجى 540 مئلىيون يۇان بولۇپ، قۇرۇلۇش بۉتكۅندۅن كىيىن، تۉشتۉك شئنجاڭ تەمىر جولۇ تەز تەمپتۉۉ تەمىر جولۇنا جالعاشىپ، الار مەنەن تورلوشۇپ، تۉشتۉك شئنجاڭ تەمىر جول پويۇزۇنا ولتۇرعان جۉرگۉنچۉلۅر كۉلۉك پويۇزعا الماشا الات. ۉرۉمچۉ تەمىر جول مەكەمەسى ۉرۉمچۉ پويۇز ىشتەرى بۅلۉگۉ تۇرپان تۉندۉك پويۇز ىستانسىياسىنىن جۉرگۉنچۉلۅر تاشمال كەزەكچى قىزماتچىسى باۋ يىحان مىنداي دەدى:- تۉشتۉك شئنجاڭ تەمىر جول لەنىياسى بئزدىن لانجۇ- شئنجاڭ تەمىر جول ارنالۇۇ لەنىيابىزعا تۅتۅلۅي قالعانىپ، كۉلۉك پويۇز مەنەن ىچكەرى ۅلكۅلۅرگۅ بارا الات، انداي بولعوندو، البەتتە، ىڭعايلۇۇ، تەز ارى ىراقات بولوت.

جالپى 1 مئلىيارت 140 مئلىيون يۇان قارجى سالىنعان بۅرتالاا بۅلۉمچۅ لەنىياسى تەمىر جولۇ قۇرۇلۇشتۇن العىلىقتۇۇ مەزگىلىنە كىردى. قۇرۇلۇش ۇلۇنا بۉتۉندۅي قۇرۇلۇش باشتالدى. توعۇزدۇن ايى جە 9- ايدىن سوڭۇندا، ۇل قۇرۇلۇشۇ بۉتۉندۅي بۉتكۅندۅن كىيىن، رەلىس تۅشۅۅ باسقىچىنا كىرەت. 2585 مەتىرلىك الاتوو تونەلى، S205 لەنىياسى ۉستۉنۅ سالىنعان چوڭ كۅپۅرۅ سىياقتۇۇ تۉيۉندۅرگۅ بۉتۉندۅي قۇرۇلۇش باشتالدى. جۇڭگو تەمىر جول 7- مەكەمەسى بۅرتالاا وبلاستىق بۅلۉمچۅ لەنىياسى تەمىر جول تۉر بۅلۉمۉنۉن ورۇنباسار باش قۇرۇلۇش ىنجىنەرى جاڭ جىنحۇا مىنداي دەدى:-كۉنۉ 3 مەتىردەن بۉتۉپ جاتات. كەلەر جىلى اياق وونانىن جە 8- ايدىن سوڭۇنا بارعاندا، تەنەل بۉتۉندۅي بۉتۅت، جەتىنىن ايىنان باشتاپ، كۅپۅرۅ قاندىرعاسى سالىنىپ، كەلەر جىلى اياق وونا جە 8- ايدا كۅپۅرۅ بۉتۅپ، قۇرۇلۇش سوڭۇنا چىعات.
 
مىندان بۅلۅك، حوتەندەن چارقالىققا چەيىنكى، جاڭ جۉنمىياۋدان قۇمۇل _ لئيۇ گوۋعو چەيىنكى تەمىر جول، تۉشتۉك شئنجاڭدىن كورلا _ اقسۇۇ - قاشقار تەمىر جولۇنۇن تەمپىن جوعورۇ كۅتۅرۉپ ۅزگۅرتۉۉ قۇرۇلۇشۇ، توقسۇدان بايعا چەيىنكى تەمىر جول، ۉرۉمچۉ تەمىر جول قوش لەنىياسى ۉرۉمچۉ تۉندۉك پويۇز ىستانسىياسىنان چىعىش جۇڭعارعا چەيىنكى قوش باعىتتۇۇ ەلەكتىرلەشتىرۉۉ قۇرۇلۇشۇ، اقسۇۇدان ارالعا چەيىنكى تەمىر جول سىياقتۇۇ 6 تۉردۉن الدىنقى مەزگىلدىك قىزماتتارى تارتىپتۉۉ باچىمداتىلۇۇدا.

 
شئنجاڭدىن تەمىر جول تورۇنۇن ۉزگۉلتۉكسۉز كەمەلدەندىرىلۉۉسۉنۅن ۇلام، شئنجاڭدىن تۉندۉك جانا تۉشتۉگۉندۅكۉ ار ۇلۇت ەلىنىن ساپارعا چىعۇۇسۇ ىڭعايلۇۇ بولۇپ جاتات. تەكەنىن جە 6- ايدىن 10- كۉنۉ، تۉندۉك التاي پويۇز ىستانسىياسىندا پويۇز قاتتاپ، التاي شاارىندا پويۇز جوق بولۇۇ تارىحى مەنەن قوشتوشۇپ، ماملەكەتتىك تەمىر جول تورۇنا ئراسىمىي جالعاندى. ازىر، ار كۉنۉ اقسۇۇ، ۉرۉمچۉ، قاشقاردان التايعا باراتۇرعان 4 پويۇز قاتتايت. التاي شاار تۇرعۇنۇ حوۋ ايىم مىنداي دەدى:- ۇشۇنداي پويۇزدۇن جەتىپ كەلۉۉسۉن ۇزۇنتان بەرى كۉتكۅنبۉز، پويۇز قاتتاعاندان كىيىن، ماشئنادان ماشئنا الماشۇۇنۇن كەرەكى جوق، بىزدەي قالىڭ جۉرگۉنچۉلۅرگۅ كۅپتۅگۅن ىڭعايلۇۇلۇقتاردى جاراتتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.