باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 گىرۇزىيا ماملەكەتتىك ىر-بئي ۉيۉرمۅسۉSEUنۉن ىر-بئي كەچەلىگى ۅتتۉ
   2017-07-25 13:35:21     xjbs   

ۇدا ەكى كۉنۉ كەچتە، تاقتاپ ايتقاندا باش وونانىن جە 7-ايدىن 23-،24-كۉنۉ كەچتە، گىرۇزىيا ماملەكەتتىك ىر-بئي ۉيۉرمۅسۉSEUنۉن ىر-بئي كەچەلىگى شئنجاڭ ەل تىياتىرقاناسىندا تارتىمدۇۇ اتقارىلىپ، مول جاشوو كۉچۉنۅ تولعون بئي اراكەتتەرى مەنەن جەڭىل مۇزىكالار كۅرۅرمۅندۅرگۅ گىرۇزىيانىن ۅزگۅچۅ ەتنوگىرافىيالىق سالتىن سەزىندىردى.

جاعىمدۇۇ مۇزىكانىن قوشتووسۇندا، گىرۇزىيا ماملەكەتتىك بئي ۉيۉرمۅسۉنۉن ارتىستەرى ساحنادان جارقىلداپ چىعا كەلدى. ەركەك بئيچى ۇزۇن جەلبەگەي چاپان مەنەن اسماندا ۇچقان بۉركۉتتۅي زاماتتا ساحنادا پايدا بولۇپ، اندا-ساندا تىزەلەي قالىپ، قۇدۇم توقتووسۇز ايلانعان نۇرعا وقشوش ايلانىپ تۇردۇ؛ ايال بئيچى داعى ۇزۇن كۅينۅك كىيىپ، باشىنا جوولۇق سالىپ، جەڭىل قادامدارى مەنەن بىيلەگەن ەلەسى كۅرۅمۅندۅردۉ سۇقتاندىرىپ جاتتى. بىيچىلەردىن بۇل بىيىندە تۇرمۇشقا بولعون قىزعىندۇۇلۇق بەينەلەنىپ، ناق مايدانداقى اربئر كۅرۅرمۅندۉ تەرەڭ تااسىرلەندىردى. كۅرۅرمۅن تان مىڭمىڭ مىنداي دەدى:-الاردىن بئي اراكەتتەرى اياباي تازا، كۅركۅم، ىرعاقتۇۇلۇعۇ اياباي كۉچتۉۉ، اياباي تولقۇنداندىراارلۇۇ ەكەن، الاردىن بىيلەگەن بئيىن كۅرۉپ ۅزۉمچۅ قۇبانىپ، تولقۇندانىپ كەتتىم.

بىيدەن باشقا، 9 كىشىلىك ناق مايدان وركىستىر توبۇ داعى كۅپچۉلۉكتۉن ماانايىن كۅتۅرۉپ، اربئر بئي قىيمىلى ارالىعىندا بىردەن گىرۇزىيا ىرلارىن جاڭىرتىپ تۇردۇ. كۅرۅرمۅن ۋاڭ حاييان:-دەمەيدە بئز ويۇن نومۇرلارىن كۅرگۅلۉ بارعاندا، وركىستىرلەر توبۇ ساحنانىن ارتىندا التۇرعاي كەەبىر دايارداپ قويعون مۇزىكانىن قوشتووسۇندا عانا الىپ بارىلۇۇچۇ، ابئروق بۉگۉنكۉ اعا وقشوبويت، وركىستىر توبۇنداقىلار ساحناعا الىپ چىعىلعان، ارى ارۇباقىت ارتىستەردىن اراكەتى مەنەن ۅزارا جۇۇرۇلۇشۇپ، ساحنانىن تارتىمدۇۇلۇعۇن اشىرىپ تۇردۇ. دەمەكچى بولعونۇم ۅزارا جۇۇرۇلۇشۇۇ داراجاسى ابدان كۉچتۉۉ بولۇپتۇر، باارىبىز اياباي تولقۇندانىپ كۅردۉك، بئزدىن داعى ساحناعا چىعىپ وينوعۇبۇز كەلدى، اياباي جاقشى بولدۇ،-دەيت.

بىلۉۉگۅ قاراعاندا، گىرۇزىيا ماملەكەتتىك ىر-بئي ۉيۉرمۅسۉSEU 2011-جىلى قۇرۇلعان بولۇپ، ماملەكەت ىچىندەكى ەڭ وزوت بىيچىلەر جانا مۇزىكانتاردان قۇرالعان ەكەن. بۉگۉن، الار تۇنعۇچ جولۇ سۇنۇش مەنەن جۇڭگو شئنجاڭ ەل ارالىق بئي مايرامىنا قاتىشقان. ۉيۉرمۅ باشچىسى بۇادىزا كاحا:-بۇل جەردىن بئي كۅركۅم-ۅنۅر ماانايى ابدان قويۇۇ ەكەن، اياباي جىلۇۇ ماانايدا كۉتۉپ الىشتى، بئر قانچا كۉندۅن بەرى بىزگە ابدان كۅڭۉل بۅلۉشتۉ، كۅرۅرمۅندۅر داعى اياباي قىزعىن ەكەن، بۇلاردىن باارى بئزدى اياباي قۇباندىردى، كىيىنكى مەزگىلدەردە مۅرت بولسو داعى كەلىپ ويۇن قويوبۇز،-دەدى.


بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.