باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
لئياۋنئڭ بالەت ۉيۉرمۅسۉنۉن بالەت بئي تەياتىرى «سەگىز قىزدىن دارىياعا بويۇن تاشتاشى» شئنجاڭ ەل سارايىندا كۅرسۅتۉلدۉ
   2017-07-27 18:28:20     xjbs   

باش وونانىن جە 7-ايدىن 25،26-كۉنۉ، لئياۋنئڭ بالەت ۉيۉرمۅسۉ الىپ كەلگەن بالەت بئي تەياتىرى «سەگىز قىزدىن ۅزۉن دارىياعا بويۇن تاشتاشى» شئنجاڭ ەل سارايىندا قويۇلدۇ. ىستانسىيابىز قابارچىسى دوڭ جىيوڭدۇن بۇل جۅنۉندۅگۉ قابارى:

اسمان تىرەگەن اق تەرەكتەر، بىشقان بۇۇداي باشاعى، بىيلەگەن قىزىل قول جوولۇق... اسەمدەپ جاسالعان ساحنا دولبوورۇ اقىرىن چىققان مۇڭدۇۇ مۇزىكاعا ابدان شايكەشكەن، تۉندۉك- چىعىش جاپونعو قارشى سوعۇش بىرىكمە ارمئياسىنىن 8 ايال جووكەرى باسماچىلارعا قارشى تۇرۇۇ ۉچۉن، دارىياعا ۅزۉن تاشتاپ، مەكەن ۉچۉن قۇرمان بولعون بااتىردىق ئش- ىزدەرى اقىرىنداپ چىعا كەلدى. بۇل تەياتىر تۉندۉك- چىعىشتاعى ۇسحۇن دايراسىندا كۅرۉلگۅن بئر چىنىعى وقۇيادان ۅزگۅرتۉلۉپ جاسالعان. بۉتكۉل تەياتىردا قىزۇۇ تۇرمۇش كۅرۉنۉشتۅرۉ داعى بار، جووكەرلەردىن ۅلۉمدۅن قورقبوي دۇشماندار مەنەن اقىرىنا چەيىن كۉرۅش قىلعان القالارى داعى بار. چىنىعى وقۇيا، جاندۇۇ ۅنۅر اتقارۇۇ، ناق مايدانداعى ار بئر كۅرۅرمۅندۉ تااسىرلەندىردى. كۅرۅرمۅندۅر مىنداي دەشتى: تااسئرات ابدان تەرەڭ بولدۇ، انتكەنى مەن داعى اسكەرمىن، ايرىقچا كۅڭتۅرۉشتۉك العى مۇۇنداردىن اتا- مەكەن ۉچۉن، ۅزۉنۉن جاش ارى قىمباتتۇۇ ۅمۉرۉن قىيىعانىن كۅردۉم. شئنجاڭداعى قۇرالدۇۇ ساقچى وفىتسەر جووكەرى بولۇۇ سالاقاتىم مەنەن، مەن داعى سۅزسۉز باش شۇجئنىن تاپشىرماسىن ەستە بەكەم قارماپ، سۅزسۉز تۉردۅ شئنجاڭدىن قوومدۇق ئرى قىرداالى ۉچۉن بئر كىشىلىك سالىمىمدى قوشوم.

1938- جىلى جاپون باسماچىلارى تۉندۉك- چىعىشتاعى جاپون چاپقىنچىلارىنا قارشى بىرىكمە ارمئياعا قۇرچاپ چابۇۇل جاسايت. نەگىزگى كۉچتۉ ارمئيانىن قۇرچوودون چىعۇۇسۇن قورعوو ۉچۉن، سەگىز ايال جووكەر بىلەسەلۉۉلۉك مەنەن الدىنقى چەپتەكى دۇشماندىن وت كۉچۉن ەلىكتىرۉۉگۅ اتتانات. دۇشمانعا بەت كەلگەندە، الار قاجىباس قايرات مەنەن كۉرۅش قىلىپ، مۉلدۅ باش ىيبەيت، اقىرىندا وقتورۇ تۉگۅپ قالعاندا، ۇزحۇن دايراسىنا چوعۇۇ سەكىرىپ، بااتىرلارچا مەكەن ۉچۉن قۇرمان بولوت. ارتئس اۋ دئڭۋىن مىنداي دەدى: چىنىعى تۉردۅ تارىحقا قايرىلۇۇ ۉچۉن، ارتىستەر تولۇق دايىندىق كۅرۉپ ساباق دايىندادىق، كۅپتۅگۅن ۉجۅتتۉۉ فئلىمدەردى، كىتەپتەردى كۅردۉك، سەگىز قىزدىن ۅزۉن دايراعا تاشتاپ الۇۇسۇنا قاتىشتۇۇ تەمالارداعى جاپون چاپقىنچىلارىنا قارشى سوعۇش كىينولورۇن كۅرۉپ، داعى بئر دەمجىي تەرەڭدەتتىك. توقتووسۇز سىناپ، توقتووسۇز بىشىقتانعانعا ۉچ، تۅرت جىل بولۇپ قالدى، كۅپچۉلۉككۅ ەڭ جاقشى جاعىن كۅرسۅتۉپ بەرۉۉنۉ ۉمۉت قىلابىز.

ۇعۇشۇۇعا قاراعاندا، بالەت تەياتىرى «سەگىز قىزدىن دارىياعا بويۇن تاشتاشى» مۇرۇن 11- كەزەكتۉۉ جۇڭگو كۅركۅم ۅنۅر مايرامىندا حۇاۋىن سىيلىعىنا تاتىقتۇۇ بولعون، 2016- جىلداعى ماملەكەتتىك كۅركۅم ۅنۅر فوندۇ قارجى جاعىنان جاردام بەرگەن تۉر، بەيجىن، شاڭحاي، شئى- ان سىياقتۇۇ كۅپتۅگۅن شاارلاردا 60 مايداندان اشۇۇن قويۇلعان. لئياۋنئڭ بالەت بئيى ۉيۉرمۅسۉنۉن توبۇنۇن باشچىسى چۉ زىيچىياۋ مىنداي دەدى:- بۇل سەگىز ايال بااتىردىن ۇلۇۇ مەەرى- ماحاباتى داڭازاعا تاتىقتۇۇ، انسايىن كۅپ كىشىلەرگە بۇل تارىحتى چەچمەلۅۅ كەرەك، مەنچە ايرىقچا جاشتارعا بۇل تارىحتىن بئزدىن كۅركۅم ۅنۅرچۉلۅردۉن جووپكەرچىلىگى مەنەن ارقالووسۇ ەكەنىن ەستەرىندە بەكەم ساقتاتۇۇبۇز كەرەك.


   

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.