باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«2017- جىلدىق ەل ارالىق ارمئيا جارىشى» كورلادا كۅشۅگۅسۉن اچتى
   2017-07-31 19:43:23     xjbs   

باش وونانىن جە 7- ايدىن 30- كۉنۉ جۇڭگو قۇرعاقتىق ارمئياسى ۅتكۅرۉنۉ ۉستۉنۅ العان«2017- جىلدىق ەل ارالىق ارمئيا جارىشى» كورلادا كۅشۅگۅسۉن اچتى. جۇڭگوچو ۅزگۅچۅلۉككۅ ەە بارابان چالۇۇ، ارىستان- اجدارى بئي، ياڭگار بئيى سىياقتۇۇ ويۇنداردىن قوشتوسۇندا «2017- جىلدىق ەل ارالىق ارمئيا جارىشى» ىراسمئي كۅشۅگۅسۉن اچتى، ارتىنان قۇرالدۇۇ تىك ۇچاق، تانكەگە قارشى راكەتا قويۇپ بەرۉۉ اۋتو ۇنااسى، نەگىزگى سوعۇش تانكەسى، قاپىسىنان سوققۇ بەرۉۉچۉ زامبىرەك سىياقتۇۇ ماملەكەتىبىز قۇرعاقتىق ارمئياسىنىن بئر بۅلۉك نەگىزگى سوعۇش قۇرال- جابدۇۇلارى مايدانعا چىقتى، وشوندوي ەلە ۅزگۅچۅ ۇچۇۇ تەحنىكاسى، الىستان سوققۇ بەرۉۉ سىياقتۇۇ ويوندار كۅرسۅتۉپ، ناق مايدانداعى كۅرۅرمۅندۅردۉن كۅزۉن اچىپ قويدۇ.

كۅرۅرمۅن:« بئز جاڭسۇ نانجئڭدەن ارنايىن كورلاعا بۇل جارىشتى كۅرگۅلۉ كەلدىك، ماملەكەتىبىز كۉچتۉۉ بولسو انان ەل قۇبانىچتۇۇ جاشايت، مەن جۇڭگودون، ارمئيابىزدان سىيمىقتانام»- دەدى. داعى بئر كۅرۅرمۅن:«اياعانداي ايباتتۇۇ بولۇپتۇر، ارمئيابىز ابدان كۉچتۉۉ ەكەن، ارمئيا بولعون ىشەنىچىم اشتى»- دەدى. باش وونانىن جە 7- ايدىن 31- كۉنۉنۅن باشتاپ اياق وونانىن جە 8- ايدىن 12- كۉنۉنۅ چەيىن جۇڭگو، ورۇسىسيا، ۅزۉبەكىستان سىياقتۇۇ 10 ماملەكەتتى ۅز ىچىنە العان جارىشقا قاتششۇۇچۇ 23 اتىرەتتەگى 447 اسكەر «سۇۋولوۋف قوقۇس سوققۇ بەرۉۉ» جۅۅ اسكەرلەر سوعۇش ماشئنا اتىرەتى، راكەتادان قورعوونۇ اسكەرلەرى، قووپسۇز چۅيرۅ بويۇنچا يادرو بىيو- حىمىيالىق چالعىندوو اتىرەتى جانا «قۇرال- جاراق ۇستاتى» قۇرال- جاراق وڭشوو سىياقتۇۇ 4 تۉر بويۇنچا قىزۇۇ تايماشۇۇ الىپ باراتۇرعان بولۇپ، ار قايسى ماملەكەتتەن جارىشقا قاتىشقان اتىرەت اتانداشۇۇنۇ چىدامسىزدىق مەنەن كۉتۉپ جاتتى.

 ۋەنەسۇلا ۅكۉلدۅر توبۇ قول باشچىسى تورىس مىنداي دەدى: «بئز الىسقى تۉشتۉك امىرىكادان بۇل جەرگە كەلدىك، بىيىل بئزدىن ۉچۉنچۉ جولۇ جارىشقا قاتىشۇۇبۇز، بئز ۇزۇن مەزگىل ماشىق قىلدىق، جۇڭگو، ورۇسىسيا جانا باشقا ماملەكەتتەر مەنەن تايماشۇۇنۇ چىدامسىزدىق مەنەن كۉتۅبۉز». جۇڭگو ۅكۉلدۅر توبۇنۇن قول باشچىسى جئى جيانجۉن تاانىشتىرىپ مىنداي دەدى:« ماملەكەتىبىز قۇرعاقتىق ارمئياسى 84 جووكەردى 4 تۉردۉۉ جارىشقا قاتىشۇۇعا جىبەردى، جۇڭگونۇن جارىشقا قاتىشۇۇ اتىرەتى جاشتاردان قۇرۇلعان اتىرەت، ورتوچو جاقشى 24 بولۇپ، ەڭ كىچىسۉۉ 19 جاشتا، الدىنقى مەزگىلدەردە بئز قاتااڭ ماشىقتانۇۇ ارقىلۇۇ جارىشقا داياردىق كۅردۉك، بۇل جولقۇ جارىشتا ۅز ۅرۉبۉزدۉ جاقشى ۅرچۉتۅ الۇۇبۇزعا ىشەنەم».

 

 

 

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.