باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
التىن بىرما كۅركۅم- ۅنۅر توبۇنۇن كەچەلىگى ۅتتۉ
   2017-08-04 12:01:54     xjbs   

اياق وونانىن جە 8- ايدىن 1- 2- كۉنۉ كەچىندە، التىن بىرما كۅركۅم- ۅنۅر توبۇنۇن كەچەلىگى ۉرۉمچۉ شااردىق شئنجاڭ دىراما تىياتىرىندا قويۇلدۇ. ىستانسىيابىز قابارچىسى دۇڭ جىيۇڭدۇن قابارى:
بۉت مايدان كەچەلىك «ساراي بئيى» «لئكۇتا بئيى» قاتارلۇۇ 15 بۅلۉقتۅن قۇرام تاپقان بولۇپ، بايسالدۇۇ جۇمشاق، كۅركۅم ىيكەمدۉۉ ساراي بئيىن تارتۇۇلادى؛ بئيدى نەگىز قىلعان بىرما ەلدىك بئيى، وشوندوي ەلە بىرما ەلىنىن تەرەڭ سۉيمۅنچۉلۉگۉنۅ ايلانعان جئپ قۇۇرچاق بئيى قويۇلدۇ. جاعىمدۇۇ ۅزگۅچۅ تۉس العان فولكۇلورلۇۇ مۇزىكانىن قوشتووسۇندا، ويۇنچۇلار بئي ۅنۅرۉ ارقىلۇۇ بىرمانىن ۅزگۅچۅ مادانئيات ۅزگۅچۅلۉگۉن جانا ەلدىك سالت- سانااسىن كۅرسۅتۉپ بەردى. كۅرۉۉچۉ ياڭ شئياۋيى مىنداي دەدى: مەنىمچە بىرما بئيى ەۋروپا جانا ورتو ازىيا رايونۇنداعى بئيلەر سىياقتۇۇ ىرعاعى شاڭدۇۇ ەمەس، ال سىپايىعا تااندىق ەكەن، بۇل جولقۇ كەچەلىك ارقىلۇۇ الاردىن بئيى مەنەن ساراي مادانئياتىنىن بايلانىشىن نەگىزىنەن تۉشۉندۉم.
التىن بىرما كۅركۅم-ۅنۅر توبۇ بولسو ەلدىك، دئننىي، ساراي قاتارلۇۇ كۅپ تۉردۉۉ بئي ۉلگۉسۉن جۇۇرۇپ بئر تۇلقۇلاشتىرعان ۇنىۋەرسال تىياتىر توبۇ، ويۇنچۇلارى بىرمانىن 8 شاارىنان كەلگەن 30 ەلدىك ۅنۅرپوزدور. التىن بىرما كۅركۅم- ۅنۅر توبۇنۇن باشچىسى چئن ماڭۋىن قابارچىعا، بۇل الاردىن بئرىنچى جولۇ شئنجاڭ كەلىشى ەكەنىن، بئرىنچى جولۇ جۇڭگو شئنجاڭداعى ەل ارالىق ۇلۇتتۇق بئي مايرامىنا قاتىشقانىن ايتىپ مىنداي دەدى: بۇل جولقۇ ويۇن ۉچۉن بئز ەكى ايدان اشىق دايىندىق كۅردۉك، شئنجاڭدىق كۅرۉۉچۉلۅردۉن قىزعىندۇۇلۇعۇن كۅرۉپ ابدان سۉيۉندۉم، بۇل دا بولسو بئزدىن بىرما مادانئياتى مەنەن جۇڭگو مادانئياتىنىن بئر تۉردۉۉ الماشۇۇسۇ سانالات، كىيىنكى جولقۇ بئي مايرامىنا داعى قاتىشۇۇنۇ ۉمۉت قىلابىز.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.