باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 5- كەزەكتۉۉ جۇڭگو شئنجاڭ ەل ارالىق بئي مايرامىن قورتۇندۇلوو جىينالىشى ۉرۉمچۉدۅ اچىلدى
   2017-08-16 13:09:07     xjbs   

اياق وونانىن جە 8- ايدىن 15- كۉنۉ، 5- كەزەكتۉۉ جۇڭگو شئنجاڭ ەل ارالىق بئي مايرامىن قورتۇندۇلوو جىينالىشى ۉرۉمچۉدۅ اچىلدى، اپتونوم رايوندۇق پارتىكومدۇن ورۇنباسار شۇجئسى، اپتونوم رايوندۇن تۅراعاسى شۅحرات زاكىردىن تابىشتووسۇ مەنەن، اپتونوم رايوندۇق پارتىكومدۇن تۇرۇقتۇۇ مۉچۅسۉ، اپتونوم رايوندۇن ورۇنباسار تۅراعاسى، 5- كەزەكتۉۉ جۇڭگو شئنجاڭ ەل ارالىق بئي مايرامىن ۇيۇمداشتىرۇۇ كومىتەتىنىن مۇدۇرۇ ەركىن تۇنىياز جىينالىشقا قاتىشتى، ارى سۅز سۉيلۅدۉ. اپتونوم رايوندۇق پارتىكومدۇن تۇرۇقتۇۇ مۉچۅسۉ، ۉگۉت بۅلۉمدۉن باشچىسى، 5- كەزەكتۉۉ جۇڭگو شئنجاڭ ەل ارالىق بئي مايرامىن ۇيۇمداشتىرۇۇ كومىتەتىنىن مۇدۇرۇ تىيەنۋىن جىينالىشتى باشقاردى. 
    ەركىن تۇنىياز مىنداي دەدى:- بۇل كەزەكتۉۉ جۇڭگو شئنجاڭ ەل ارالىق بئي مايرامىنا ماملەكەت ئچى- سىرتىنان كۅركۅم ۅنۅر ۉيرۉمۅسۉنۅن 21، ارتىستەردەن 1700 دەن كۅبۉرۅۅگۉ كەلىپ، ۉرۉمچۉدۅ ار ۇلۇت ەلىنە 23 ويۇن تىزمەسىندەكى 59 مايدان كەرەمەتتەي ويۇن نومۇرلارىن ارنادى وشونۇ مەنەن بئر ۇباقىتتا 5 تۉردۉۉ قوومدۇق قىيمىلدى بۇعا تەلەگەيلەشتىرىپ ۅتكۅزدۉ. بۇل كەزەكتۉۉ بئي مايرامى بوربوردۇن 2- جولقۇ شئنجاڭ قىزماتى مايەك جىينالىشى، ايرىقچا اپتونوم رايوندۇق 9- جولقۇ پارتئيا قۇرۇلتايى اچىلعاندان بەركى شئنجاڭدا كۅرۉلگۅن زور ۅنۉگۉۉ، ۅزگۅرۉۉلۅردۉ تولۇعۇ مەنەن چاعىلدىرىپ، شئنجاڭداعى ار ۇلۇت ەلىنىن ىنتىماقتاشىپ العا ىلگەرىلۅۅ روحۇ بەينەسى مەنەن بئر قىيلا جوعورۇ مادانئيات ساپاتىن چاعىلدىرىپ، شئنجاڭداعى ار ۇلۇت ەلىنىن اچىپ جىبەرىلگەن نازار چۅلكۅمۉن جانا كەنەن جايىلعان قۇچاعىن تۇيۇنتۇپ، جىبەك جولۇ ەكونومىكالىق القاعى ۅزۅكتۉۉ رايونۇنۇن مادانئيات، ئلىم- تەحنىكا، اعارتۇۇ بوربورۇن قۇرۇۇنۇ تەزدەتۉۉ، شئنجاڭدىن مادانئيات ىشتەرىنىن گۉلدۅنۉپ ۅنۉگۉۉسۉن باچىمداتۇۇدا زارىل رول اتقارىپ، شئنجاڭدىن قووم وموقتۇۇلۇعۇ جانا ۇزاققا بەيپىل باشقارۇۇ باش نىشاانىن ىشكە اشىرۇۇنۇ كۉچتۉۉ روحانئي تۉركۉك مەنەن قامدادى.

   ەركىن تۇنىياز مىنا بۇلاردى باسا كۅرسۅتتۉ:- بئي مايرامىن جاقشى ۅتكۅزۉۉنۉن زارىلدىق تاانىمىن بئردەمجىي جوعورۇ كۅتۅرۉپ، ىسلاات الىپ بارىپ، جاڭىلىق جاراتىپ، بايلانىشتۇۇ ساياسات جانا ۅرۉشتۅردۉ جەتەرلۉۉ جانا ىيكەمدۉۉ ىشتەتىپ، ەل ارالىق نازار چۅلكۅمۉن جانا دوور نەگىزگى تەماسىن كۉچۅتۉپ، بئي مايرامىنىن داڭقىن داعىدا اشىرىپ، ەلدىن كۉن سايىن ارتىپ باراجاتقان مادانئيات مۇقتاجىن قاندىرۇۇ كەرەك. بئي مايرامىنىن مازمۇنۇن تەرەڭ قازىپ، اپتونوم رايونۇبۇزداعى ار داراجالۇۇ مادانئيات تارماقتارى شئنجاڭدىن كۅپ تۉردۉۉ مادانئيات بئر تولقۇلاشقان ئش جۉزۉندۉلۉگۉ تۇرعۇسۇندا تۇرۇپ، باش نئشااندى تىعىز ىمەرچىكتەپ، سوتسىيالىستىك وزوت مادانئياتتىن العا ىلگەرىلۅۅ باعىتىن بەكەم ىيگەرىپ، سوتسىيالىستىك نارىق قاراشىن ۅۅرچۉتۉۉسۉ كەرەك. مادانئيات سىستەماسىنداقىلار بئي مايرامىن كەزمەت قىلىپ، ماملەكەت ئچى- سىرتىنداعى الدىنقى كۅركۅم ۅنۅر توپتورۇنۇن جەڭىشكە جەتكەن تاجئرىيپالارى مەنەن ارعالارىن ۉلگۉ الىپ، سەركە ىشمەرلەردەن بئر تۉركۉمدۉ جەتىشتىرىپ چىعىپ، شئنجاڭ كۅركۅم ۅنۅرۉندۅ جالپىلاي جاڭىلىق جاراتۇۇ دەڭگەەلىن جوعورۇ كۅتۅرۉۉسۉ كەرەك. 6- كەزەكتۉۉ جۇڭگو شئنجاڭ ەل ارالىق بئي مايرامىنا الدىن دايىندىق كۅرۉپ، پئلانداپ، بئي مايرامىن داڭقى مەنەن تااسىر كۉچۉن ۉزگۉلتۉكسۉز كەڭىرتىپ، جۇڭحۇا وزوت مادانئياتىنا مۇراسكەردىك قىلىپ جانا ۅۅرچۉتۉۉ، شئنجاڭدىن قووز وبرازىن بەينەلۅۅ، ەل ارالىق مادانئيات الماشتىرۇۇ قىزماتتاشتىعىن باچىمداتۇۇعا سالىم قوشۇۇسۇ كەرەك. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.