باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو تاجىكىستان پىرەزدەنتى راحمانىن مەنەن كۅرۉشتۉ
   2017-09-07 17:36:07     xjbs   

     توعۇزدۇن ايىنىن 5-كۉنۉ تۉشتۅن كىيىن، اپتونوم رايوندۇق پارتكومدۇن شۇجئىسى چىن چۇانگو ۉرۉمچۉدۅ جۇڭگوعو ئش-ساپارى بويۇنچا ارى بازارى جاڭىدان  گۉلدۅنگۅن ماملەكەتتەر مەنەن ۅنۉگۉپ جاتقان ماملەكەتتەر سۉيلۅشۉۉسۉنۅ قاتىشۇۇعا كەلگەن تاجىكىستان پىرەزدەنتى راحمانىن مەنەن كۅرۉشتۉ.

     چىن چۇانگو اپتونوم رايوندۇق پارتكوم، ۅكۉمۅت اتىنان راحمانىندى  توسۇپ الدى.  چىن چۇانگو مىنداي دەدى: جۇڭگو مەنەن تاجىكىستان  اراعا قىل ۅتكۉس جاقىن قوشۇنا جاقشى دوستور جانا جوعورۇ داراجاداعى ۅز ارا ىشەنىم ورنوتقون شەرىكتەر، ۅز ارا قولدوشۇپ، پايدا مەنەن زىياندا چوعۇۇ بولعون تاعدىرلاش ورتوق تۇلقۇلار سانالات. دەپولوماتىيالىق بايلانىش ورنوتقون 25 جىلدان بەرى، ەكى ماملەكەت باشتان-بويعو ۅز ارا ۇرماتتاشىپ، ۅز ارا تۉشۉنۉشۉپ، قولدوشۇپ، جۇڭگو مەنەن تاجىكىستان بايلانىشىنىن ۅنۉگۉسۉندۅ مول ناتىيجالارعا قول جەتكىردى. جاقىنقى جىلداردان بەرى، تۅراعا شئى جئنپىڭ مەنەن ۅزۉڭۉزدۉن چوعۇۇ دەم بولۇشۇڭۇزداردا، ەكى ماملەكەتتىن جوعورۇ قاتمارداعى باردى-كەلدى، ساياسئي ۅز ار ىشەنىمى، ناقتىلۇۇ قىزماتتاشتىعىندا مۇردا بولۇپ كۅربۅگۅن داراجاداعى جوعورۇ دەڭگەەلگە قول جەتكىردى. بۇل جولقۇ ئش-ساپارىڭىز مەزگىلىندە، ەكى ماملەكەت باشچىلارى بئر كەلكى تۉردۅ جۇڭگو-تاجىكىستاندىن جالپى بەتكەي ىستەراتەگىيالۇۇ شەرىك بايلانىشىن قۇرۇۇنۇ چەچىم قىلدىڭىزدار، بۇل سۅزسۉز تۉردۅ جۇڭگو مەنەن تاجىكىستان بايلانىشىن جاڭى تارىحى باشتالۇۇ تۉيۉنۉندۅ داعىدا زور ۅنۉۉگۉسۉن ىشكە اشىرات. چىن چۇانگو مىنداي دەدى: جۇڭگو شئنجاڭ مەنەن تاجىكىستاندىن توو-سۇۇلارى جالعاشىپ، ادامگەرچىلىك جاعى ابدان جاقىن، شئنجاڭ باشتان-بويعو تاجىكىستان مەنەن بولعون الماشتىرۇۇ قىزماتتاشتىقتى قۇلاچ جايدىرۇۇعا ۅسكۅلۅڭ ماانئى بەرىپ، كۅرۉنۉكتۉۉ تابىلعالارعا قول جەتكىردى. شئنجاڭ جىبەك جولۇ ەكونومىكا القاعىنداعى ۅزۅكتۉۉ رايون قاتارى، تاجىكىستان مەنەن جاقىن قوشۇنالىق ۅزگۅچۅ ابزەلدۉلۉگۉن تولۇق جايىلتىپ، تۅراعا شئى جئنپىڭ مەنەن پىرەزدەنت راحمانىندىن قول قويۇشقان جەلەلەش ورتوق تاانىمىن استايدىل تااماي جۉزۅلۅشتۉرۉپ، تاجىكىستان مەنەن بولعون الماشتىرۇۇ قىزماتتاشتىعىن ىچكەرلەي ۅنۉگۉۉسۉن ىشتىكتۉۉ جىلىشتاتىپ، ەكونومىكا-سوودا قىزماتتاشتىعىن بئردەمجىي تەرەڭدەتىپ، گۇمانتارلىق الماشتىرۇۇسۇن كەڭىرتىپ، قووپسۇزدۇق زاكون اتقارۇۇ قىزماتتاشتىعىن كۉچۅتۉپ، رايوندۇن قووپسۇز تۇرۇقتۇلۇعۇن چوعۇۇ قورعوپ، ەكى ماملەكەت بايلانىشىنىن سوو ۅنۉگۉسۉن جىلىشتاتىپ، ەكى ماملەكەت ەلىنىن دوستۇعۇن تەرەڭدەتۉۉگۅ داعىدا ىشتىكتۉۉ سالىم قوشوت.

    راحمانىن جۇڭگونۇن التىن كىرپىچ ماملەكەتتەر ۅنۅرجاي-سوودا فورۇمۇ، التىن كىرپىچ ماملەكەتتەر جەتەكچىلەرىنىن 9-جولقۇ جولۇعۇشۇۇسۇ، بازارى جاڭىدان  گۉلدۅنگۅن ماملەكەتتەر مەنەن ۅنۉگۉپ جاتقان ماملەكەتتەر سۉيلۅشۉۉسۉن جەڭىشتۉۉ ۅتكۅرگۅنۉن قۇتتۇقتادى. ال مىنداي دەدى: جۇڭگو تاجىكىستاندىن جاقشى قوشۇنا، جاقشى شەرىگى، جاقشى دوسۇ، دەپلوماتىيالىق بايلانىش ورنوتقون 25 جىلدان بەرى، تاجىكىستان مەنەن جۇڭگو بايلانىشى ۇزۇن ۇباقىتتۇۇ ۅنۉگۉۉلۅرگۅ قول جەتكىردى. بۇل جولۇ مەن جۇڭگودو ئش-ساپاردا بولۇپ، تۅراعا شئى جئنپىڭ مەنەن دوستورچو ارى ىچكەرلەي مايەك الىپ بارىپ، بئر كەلكى تۉردۅ جۇڭگو-تاجىكىستاندىن جالپى بەتكەي ىستەراتەگىيالۇۇ شەرىك بايلانىشىن قۇرۇۇنۇ چەچىم قىلدىق. راحمانىن مىنداي دەدى: تاجىكىستان مەنەن جۇڭگو شئنجاڭدىن ەكونومىكا-سوودا جاعىنداعى قارىم-قاتتووسۇ ابدان تىعىز، قىزماتتاشتىق سالاسى كەڭىرى. بئز شئنجاڭدىن ەكونومىكا قوومۇنۇن زور ۅزگۅرگۅنۉن كۅرۉپ ابدان قۇباندىق، بئز جىبەك جولۇ ەكونومىكا القاعى قۇرۇلۇشۇنا ىشتىكتۉۉ قاتىشىپ، تاجىكىستان مەنەن جۇڭگو شئنجاڭدىن اقچا مامىلە، ايىلچاربا، سۇۇ ىشتەرى، ەنەرگىيا، ئلىم-تەحنىكا، نەگىزگى جابدۇۇسۇن ۅز ارا جالعاشتىرۇۇ سىياقتۇۇ سالالارداعى قىزماتتاشتىعىن بئردەمجى كەڭىرى ۅنۉكتۉرۉپ، اعارتۇۇ، مادانئيات، جاشتار سىياقتۇۇ جاقتارداعى الماشتىرۇۇنۇ تىعىزداشتىرىپ، قووپسۇزدۇق سالاسىنداعى قىزماتتاشتىقتى كۉچۅتۉپ، رايوندۇن قووپسۇزدۇعۇن چوعۇۇ قورعويبۇز.

     اپتونوم رايوندۇق پارتكومدۇن تۇرۇقتۇۇ مۉچۅسۉ، باش قاتچىسى لئى شۅجۉن، اپتونوم رايوندۇن ورۇنباسار تۅراعاسى جاۋ چۇڭجىيۇ، جۇڭگونۇن تاجىكىستاندا تۇرۇشتۇۇ ەلچىسى يۅبئن، تاجىكىستاندىن تىشقى ىشتەر مئنىستىرى اسىلوۋ سىروجىدىن، پىرەزدەنت راحمانىندىن تىشقى ىشتەر جاردامچىسى سالىفىي ازماشال، تاجىكىستان قارجى سالۇۇ جانا ماملەكەت مەنچىگىندەگى مۉلۉكتۉ باشقارۇۇ كومتەتىنىن تۅراعاسى شاحارزودا پايىزدىن، تاجىكىستاندىن جۇڭگودو تۇرۇشتۇۇ ەلچىسى داۋلاتزودا پاۋىز جولۇعۇشۇۇدا چوعۇۇ بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.