باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 «ەل ابالىن بئلۉۉ، ەلگە نارپ جەتكىزۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى كەمباعال قىينچىلىعى بار وقۇۇچۇلاردىن ۇنىۋرەسىتەتتە وقۇۇ اڭسووسۇن ىشكە اشىرۇۇعا دەم بەردى
   2017-09-11 19:46:49     xjbs   

ىستانسىيابىز قابارى:

   ۉچتۉرپان وودانى وتباشى ايىلى قۇمبۇلۇڭ قىشتاعىنداقى تۇنساقىز گايىت بىيىل سانجى كەسىپى تەحىنىك ئنستوتۇنا ۅتتۉ، بئروق ۉيۉ كەمبالدىق ايىنان وقۇۇ اقىسىن تاپشىرا البوو قىيىن ماسەلەسىنە تۇش كەلدى، بۇعا قاراتا اپتونوم رايوندۇق توقويچۇلۇق نازارتى «ەل ابالىن بئلۉۉ، ەلگە نارىپ جەتكىزۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتى سەلبىك جىينوو ارقىلۇۇ، تۇنساقىز گايىتتى ۇنىۋرەسىتەتكە جىبەرىشتى. ىستانسىيابىزدىن قابارچىسى ايبىن، ۉچتۉرپان رادىيو ىستانسىياسىنىن قابارچىسى جاڭ حىنىن قابارى؛

     مىنا ازىر ۇنىۋرەسىتتەتىن جاڭى وقۇۇچۇلارى وقۇۇسۇن باشتايت، بئروق 19 جاشتاعى تۇنىساقىز گايىت وقۇۇ اقچاسىن تولۇق تاپشىرا الباعاندىق ايىنان باشى ماڭ بولدۇ. ال: «ۉي-بۉلۅ شارت-جاعدايبىز جاقشى ەمەس، تۇۇعاندارىبىز داعى جاردام بەرۉۉنۉ ويلوپ جاتىشات، بئروق ۇنىۋرەسىتەتتىن وقۇۇ اقىسى جانا تۇرمۇش راسقۇتۇن جىيناپ بولو البادىم.»،- دەدى.
    
     تۇنساقىز گايىت 10 جاشىندا اتاسى قازا بولعون، وشوندون ۇلام ەنەسى مەنەن بىرگە جاشاپ كەلەت، ۉيۉندۅگۉ 2 مو جاڭعاقتىقتان ارجىلى 3 مئڭ يۇانعا جاقىن كىرەشە تابات، چىعاشا قىلعاندان سىرت، بئر جىلدا از قانا اقچا قالات. اپتونوم رايوندۇق توقويچۇلۇق نازارتىنىن «ەل ابالىن بئلۉۉ، ەلگە نارىپ جەتكىزۉۉ، ەل كۅڭۉلۉن الۇۇ» قىشتاقتا تۇرۇشتۇۇ قىزمات اتىرەتىنىن مۉچۅسۉ چىن حاۋ بۇل ىشتەن قابار تاپقاندان كىيىن، شىبىر سۅز دوستور چامعاراعىنا چىعارىپ ۇنىۋرەسىتەت وقۇۇچۇسۇنا جاردام قىلۇۇنۇ دەمىلگە قىلات، تەك قانا بئر كۉن ۇباقىتتا بۉت شئنجاڭدىن جەر-جەرلەرىنەن جانا بەيجىن، شاڭحاي، حىنان قاتارلۇۇ جەرلەردەن 100 كىشى 10 مئڭ يۇاندان اشۇۇن قايرىمدۇۇلۇق اقچاسىن چوعۇلتۇشات. چىن حاۋ: «بئزدىن قىزمات اتىرەتىبىز ستۇدەنتتەردىن وقۇۇ قادامىنىن كەمباعالدىق سەبەپتۉۉ توسۇلۇپ قالۇۇسۇنا جول قويبويبۇز، بئز اعا جاردام قىلىپ، انى مەكتەپ داربازاسىنا كىرگىزىپ، انىن ۇنىۋرەسىتەت اڭسووسۇن ىشكە اشىرۇۇنۇ كۅزدۅ قارمادىق. قىشتاقتا تۇرعان بئر جىلدا، قىشتاق تۇرعۇندارى ۉچۉن كۅبۉرۅك ئش قىلىپ بەرۉۉنۉ تىلەك قىلام.» دەدى. 
   
      قىزمات اتىرەتى جانا مەرىمدۉۉ كىشىلەردىن قايرىمدۇۇلۇق اقچاسىن الىپ، تۇنساقىز گايىت توعۇزدۇن ايىنىن 6-كۉنۉ ۅزۉنۉن بئلىم الۇۇ جولۇنا اتتاندى. ال مىنداي دەدى: «قىزمات اتىرەتى مەنىن ۇنىۋەرسىتتە وقۇۇشۇما اقچا چوعۇلتۇۇ، قىزمات اتىرەتىنە تەرەڭ ىراازچىلىق بىلدىرەمىن، مەن مەكتەپكە بارعاندان كىيىن، جاقشى ۉيرۅنۉش قىلىپ، انسايىن كۅپتۅگۅن بئلمدەردى ەەلەپ، قوومعو جووپ قايتارامىن، وشوندوي ەلە ماعا وقشوش انسايىن كۅپ قىينچىلىعى بار وقۇۇچۇلارعا جاردام قىلام.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.