باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
سانجى وبلاسى جاڭىلىق جاراتۇۇنۇ تۉرتمۅكتۅپ، اقىل-ىدەرەك ارقىلۇۇ جەڭىشتى قولعو كەلتىردى
   2017-09-13 13:25:09     xjbs   

     سانجى وبلاسى «ئلىم-تەحنىكا ارقىلۇۇ وبلاستى جالچىتۇۇ» جانا « جاڭىلىق جاراتۇۇعا تۉرتمۅكتۅۅ»دۅي ۅنۉگۉۉ ىستەراتەگىياسىن ىچكەرلەي جولعو قويۇپ، ئلىم-تەحنىكادا جاڭىلىق جاراتۇۇ جۅندۅمۉ مەنەن ۇنىۋىرسال باساكە كۉچۉن كۉچ سالا جوعورۇلاتىپ، ەكونومىكانىن ۅنۉگۉ ىڭعايىن ۅزگۅرتۉۉ مەنەن كەسىپ قۇرۇلماسىن وزوتتوشتۇرۇۇنۇ ئلىم-تەحنىكالىق تىرۅۅچ مەنەن قامداپ، ىچكى ارتۇۇ جاعى، اقىل-ىدەرەك ارقىلۇۇ جەڭىشكە جەتۉۉ جولۇنا باستى. سانجى ىستانسىياسىنىن قابارچىلارى جە ۋىيجەن، كايحۇا، ەرىكتۉۉ قابارچى ۇۋ جىڭيۉنۉن بەرگەن قابارى.

     بىيىل تەكە جە 6-ايدا، ۅزگۅچۅ تىرانسىفورماتور جارناق چەكتۉۉ شەرىكتىگى بئر قۇبانىچتۇۇ قاباردى ۇقتۇ:  مىندان مۇرداعى توعۇز ايدا، شەرىكتىك دۉينۅ جۉزۉندۅگۅ تۇنعۇچ ۅزگۅچۅ جوعورۇ باسىمدۇۇ ىيكەمدۉۉ تىكە ەلەكتىر جەتكىرۉۉچۉ باسىم الماشتىرۇۇ كىلاپانىن جەڭىشتۉۉ ىزىلدەپ جاساپ چىققان، بۇل تەحنىكا ۅزگۅچۅ تىرانسىفورماتور بويۇنچا ەل ارادا بئرىنچى ىيكەمدۉۉ تىكە اعىمدا ەلەكتىر جەتكىرۉۉ تەحنىكاسىنىن ۇچۇرداعى بار بولعون ەڭ جوعورۇ داراجاسى±350 كىلوۋلتتون ±800 كىلوۋولتتۇق ۅزگۅچۅ جوعورۇ باسىمدۇۇ داراجاعا جوعورۇلاپ، ەلەكتىر جەتكىرۉۉ سىيىمدۇلۇعۇ ۇچۇرداعى ەڭ جوعورۇ بولعوندو مئللىيون كىلوۋلت داراجاسىنان 5 مئللىيون كىلوۋلت داراجاسىنا جوعورۇلاپ، تىكە اعىمدا ەلەكتىر جەتكىرۉۉ بويۇنچا جاڭى دوور ا اچقان.  تۉشۉمدۉ ساتۇۇدان دۉينۅ جۉزدۉۉ كەسىپ ۅلچۅمۉن تۉزۉپ چىعىپ، جۉرۉشتۅشكۅن تەيلۅۅ مەنەن قامدووعو چەيىن، ۅزگۅچۅ تىرانسىفورماتور ئلىم-تەحنىكادا جاڭىلىق جاراتۇۇعا سۅۅنۉپ، نۇقۇرا شئنجاڭداعى «جۇڭگو جاسووچۇلۇعۇ» ارقىلۇۇ دۉينۅ ەنەرگىياسىنىن ۅنۉگۉۉسۉن «جابدىعان».
     ۅزگۅچۅ تىرانسفورماتور چەكتۉۉ شەرىكتىگىنىن مۇدۇرىيات باشچىسى جاڭشىن : « ئلىم-تەحنىكادا جاڭىلىق جاراتۇۇ دەگەن بئزدىن كەرقانانىن ۅنۉگۉسۉنۉن تۉبۅلۉكتۉۉ تەماسى. ەلەكتىردىن الىسقى جاعىنا نازار سالعاندا،  ەلەكتىرلەشۉۉ بۉت جۇڭگودون تارتىپ بۉت جەر شارى ەنەرگىياسىنىن ۅز اا جالعاشتىرۇۇعا چەيىن، ۉزگۉلتۉكسۉز تۉردۅ بئرىنە بئرى جوعورۇ بولعون ئلىم-تەحنىكا جوعورۇ ۅرۉشۉنۅ قاراي جۉرۅت. بئز تەك قانا ۉزگۉلتۉسۅز تۉردۅ جاڭىلىق جاراتىپ ۅنۉكسۅك ەلە، كەرقانابىزدىن ۇلۇ انسايىن بەكەمدەلىپ الدىعا قاراي ۅسۉپ-ۅنۉگۅت »، دەدى.

     ۅزگۅچۅ تىرانسفورماتور سانجى وبلاسىندا ىچكەرلەي جولعو قويعون «جاڭىلىق جاراتۇۇ ارقىلۇۇ قوزعولۇۇ»ۅنۉگۉۉ ىستەراتەگىياسىنىن بئر كىچىرتىلگەن كۅرۉنۉشۉ. سانجى وبلاسى جاڭىلىق جاراتۇۇ فاكتورۇن كەرقاناعا قاراي چوردوندوشتۇرۇۇعا ىشتىكتۉۉ جەتەكچىلىك قىلعان ارى قولدوعون. پارتئيا 18-قۇرۇلتايىنان بەرى، بۉتكۅل وبلاستىن جەرگىلىك قازىناسىنان اجىراتىلعان قارجى بئر مئللىيارت 732 مئلليون يۇان بولۇپ، چوڭ كەرقانا جە چاقان قىزماتتاشتىق كوپپەراتتىبى بولسۇن، جاڭىلىق جاراتۇۇ كۅمۉسكۅ كۉچۉ ۉزگۉلتۉكسۉز تۉردۅ جاندانعان.

    جەمسار وودانى شىندى ايىلى شئنجاڭ گوحو ايىلچابا ئلىم-تەحنىكا چەكتۉۉ شەرىكتىگى  مۇردا بەشبالىق قارتۅشكۅ پىنتوزاسىن بىشىقتاپ ىشتۅۅ دىيقاندار قىزماتتاشتىق كوپپەراتىبى ەلە. جەمسار ووداندىق ۅندۉرۉش كۉچۉن جىلىشتاتۇۇ بوربورۇنۇن جاردامىندا، شەرىكتىك شئنجاڭ ايىلچاربا ۇنىۋىرىستەتى سىياقتۇۇ ئلىمىي ىزىلدۅۅ وردۇ مەنەن ۅندۉرۉش كەرقانالارى جانا جوعورۇ وقۇۇ جايلارى ىزىلدۅۅ قىزماتتاشتىعىن قۇلاچ جايدىرىپ، ۅزگۉلتۉكسۉز تۉردۅ جاڭى تۉشۉمدۅردۉ ىزىلدەپ جاساعان.
    شەرىكتىكتىن مۇدۇرىيات باشچىسى دئڭ يانچىڭ : « مۇرداعى جالاڭ جۅرۅلگۅلۉۉ قولدو جاساعان قارتۅشكۅ پىنتوزاسىنان ۇچۇردا باشقا تۉرگۅ كۅبۅيتۉپ، چىچىرقاناق پىنتوزاسى، ماكا پىنتوزاسى،  جالپاق پىنتوزا سىياقتۇۇ سەگىز تۉرگۅ كۅبۅيۉپ، ازىر ارقايسى تۉردۉۉ مويۇندوو كۉبۅلۉگۉ كۉچكۅ ەە بولدۇ. 2017-جىلى جىل ەتەگىندە تۉركۉمدۅپ ۅندۉرۉپ، فۇكاڭ نەفىت بازااسىنىن 200 مئڭ يۇاندىق زاكاسىن قابىلدادىق»، دەدى.
      جەمسار ووداندىق ۅندۉرۉش كۉچۉن جىلىشتاتۇۇ بوربورۇ، سانجى مادانئياتتا جاڭىلىق جاراتۇۇ بوربورۇ، فۇكاڭ كەسىپ باقچاسى سۇتۇڭ مىكىرو كەسىپتەر باقچاسى، مورىي ووداندىق ئلىم-تەحنىكا ارقىلۇۇ بالاپان چىعارۇۇ بويۇنچا جۇمۇشقا ورۇنداشتىرۇۇ ماشىق بازااسى قاتارلۇۇ كۅپتۅگۅن جاڭىلىق جاراتۇۇ ۅرۉشۉ سانجى وبلاسىنىن كۅپچۉلۉكتۉن چاربا جاراتۇۇ، تۉمۅن مئڭ كىشىنىن جاڭىلىق جاراتۇۇ قىزۇۇ تولقۇنۇ كۅتۅرۉلگۅن. وشونۇ مەنەن بئرگە، ۉچ چوڭ ماملەكەت داراجالۇۇ باقچا رايونۇ مەنەن ەكى ماملەكەت داراجالۇۇ جاڭىلىق جاراتۇۇ ۅرۉشۉ جاڭىلىق جاراتۇۇ ۅنۉگۉسۉنۅ ۇراباس قىيمىلداتقىچ كۉچ مەنەن قامداعان. سانجى ماملەكەتتىك ايىلچاربا ئلىم-تەحنىكا باقچا رايونۇن اچىپ-ۅنۉكتۉرۉۉگۅ كەتكەن قارجى چىعاشاسىنىن ىچكى ۅندۉرۉش جالپى نارقىندا ەەلەگەن سالىشتىرماسى سىزىل %6 دان جوعورۇ بولۇپ، باقچا رايونۇ جۇڭگو ايىلچاربا ئلىمدەر اكادەمىياسى مەنەن قول قارماشىپ ماملەكەت داراجالۇۇ ئلىمىي ىزىلدۅۅ اپپاراتىنىن باتىش بۅلۉك ايىلچارباسىن ىزىلدۅۅ بوربورۇن چوعۇۇ قۇرۇپ، تۉندۉك باتىش ايىلچاربا، توقويچۇلۇق ئلىم-تەحنىكا ۇنىۋىرىستەتى سىياقتۇۇ 15 جوعورۇ وقۇۇجايى مەنەن تەرەڭ قىزماتتاشتىقتى قۇلاچ جايدىرىپ، جۇڭگو ئلىمدەر اكادەمىياسى، جۇڭگو قۇرۇلۇشچۇلۇق اكادەمىياسىنان تۇرعان التى اكادەمىيا مەنەن باقچا رايونۇ ىچىنە اكادەمىكتەر قىزمات پونكىتىن قۇرۇپ، 100 دۅن اشۇۇن جاڭىلىق جاراتۇۇ تئبىندەگى كەرقانانىن كەسىپتەر توبۇن قالىپتاندىرعان. بىيىل، سانجى ماملەكەتتىك ايىلچاربا ئلىم-تەحنىكا باقچاسى داعى «جىبەك جولۇ ەكونومىكا القاعى جاڭىلىق جاراتۇۇ ماتورۇن ۅنۉكتۉرۉۉ سىناق تۉيۉن رايونۇ» جوسپور قۇرۇلۇش كۅلۅمۉنۅ كىرگىزىلدى. باقچا رايونۇن باشقارۇۇ كومتەتىنىن مۇدۇرۇ ۋاڭ ۋىنيۇ : « ئزىلدۅۅ اپپاراتى مەنەن ئلىمىي ىزىلدۅۅ ۅرۉشۉنۅن تولۇق پايدالانىپ، جوعورۇ جاڭى تەحنىكا كەرقانالارىنىن كەسىپتەشۉۉسۉ بويۇنچا سەركە اتالعان كەرقانالاردىن ابزەلدۉلۉگۉ ارقىلۇۇ، بئزدىن شئنجاڭدىن اسىل ساپالۇۇ دىيقانچىلىق تۉشۉمدۅرۉن، ايىلچارباداعى جاڭى تەحنىكا، جاڭى تۉر مەنەن بئزدىن كەەبئر اچىپ-ۅنۉكتۉرگۅن جەتىشكەندىكتەرىبىزدى بۉتكۉل ماملەكەتكە التۉگۉل جىبەك جولۇ بويۇنداعى ماملەكەتتەرگە جايىلتابىز»، دەدى.
      ئلىم-تەحنىكادا جاڭىلىق جاراتۇۇ جۅرۅلگۅلۉۉ كەسىپتىن تئبىن ۅزگۅرتۉپ داراجاسىن جوعورۇلاتۇۇعا دەم بولۇۇ مەنەن بىرگە جاڭىدان جالچىعان ىستەراتەگىيالۇۇ كەسىپتىن ۅنۉگۉسۉن جىلىشتاتقان. سانجى شاارىنا جايعاشقان شئنجاڭ ۇچۇر كەسىپ باقچاسى بوربور ازئيا، باتىش ازئياعا باعىتتالعان ۇچۇر تەيلۅۅ كەسىبىن سىرتتان كۅتۅرۅگۅ الۇۇ بازااسى، جۇمشاق دەتال اچىپ-ۅنۉكتۉرۉ بازااسى، بۇيۇم تورۇن قولدونۇۇ بازااسى، بۇلۇت ەسەپتۅۅ تەيلۅۅ بازااسىن چىمىرقانىپ جاراتقان. ۇچۇردا، جۇڭگو تەلەگىراف، جۇڭگو كۅچمۅ قابارلاشۇۇ، جۇڭگو بئرلەشمە قابارلاشۇۇسۇنان تۇرعان ۉچ چوڭ تئجارات سان-سىيفىر بوربورۇ تۉرۉ باقچا ىچىنەن ورۇن الدى. ازىر، جۇڭگو كۅچمۅ قابارلاشۇۇسۇ شئنجاڭ سانجى سان-سىيفىر بوربور تۉرۉنۉن بەش جەكە ۇل قۇرۇلۇشۇ ۇچۇردا ەچاق بۉتۉپ، كەلەر جىلى جازدا بازادا قۇراشتىرىلات. تۉردۉن باردىعى قۇرۇلۇپ بۉتكۅندۅن كىيىن، شئنجاڭداعى ەڭ چوڭ ۇچۇر ساندۇۇ-ماالىمات تئجارات بوربورۇ مەنەن بوربور ازئيا ساندۇۇ-ماالىمات تئجارات بوربورۇنا ايلانات. جۇڭگو كۅچمۅ قابارلاشۇۇسۇ شئنجاڭ چەكتۉۉ شەرىكتىگى پارتكومۇنۇن شۇجئىسى، مۇدۇرىيات باشچىسى، باشقى دىرەكتورۇ يئن شەنجى : « بۇل قووم جانا كەرقانا، ۅكۉمۅتكۅ بۇلۇت ەسەپتۅۅ جانا چوڭ ساندۇۇ-ماالىمات تەيلۅۅسۉ مەنەن قامداپ، شئنجاڭدى چىعار تۉيۉن قىلىپ، تۉندۉك باتىشقا، بوربور ازئياداعى ارقايسى ماملەكەتكە باعىتتالىپ، بئزدىن شئنجاڭدىن ەكونومىكا ۅنۉگۉسۉ مەنەن قوومدۇن ۇچۇرلاشۇۇداي ۅنۉگۉسۉنۅ جان-جاقتىلۇۇ تەيلۅۅ مەنەن قامدايت»، دەدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.