باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جاشىل جايلوو، تۇنۇق سۇۇ، تازا اباا دىيقانچا ەس الۇۇ وردۇلارىنىن سووداسىن ابدان جانداندىرعان
   2017-09-13 19:37:28     xjbs   

ىستانسىيابىز قابارى:

     جاشىل جايلوو، تۇنۇق سۇۇ، انسايىن جاشىلدىققا بۅلۅنگۅن جاقشى ەكولوگىيالىق چۅيرۅ بولعوندۇقتان، ۉرۉمچۉ وودانى شۉيشئگو بازارى فاڭجىياجۇاڭ قىشتاعىنداعى قىشتاق تۇرعۇنۇ  جاڭچئڭ اچقان دىيقاندار شاتتىق وردۇنۇن سووداسى بارعانسايىن جاقشىلانعان.ىستانسىيابىز قابارچىسى لانتىياندىن قابارى.

     تۉشكۉ تاماق ماالىندا، شۉيشئگو بازارى فاڭجىياجۇاڭ قىشتاعىنداعى 155-نومۇرلۇۇ دىيقاندار شاتتىق وردۇنۇن قوروسۇنۇن ئچى تاماقتانعالى كەلگەن قاردارلار مەنەن جىق تولۇپ، قوجويۇن جاڭچئڭ كەلگەن مەيمانداردى كۉتۉ مەنەن ابدان شاشىلىش بولعون. تاماقتانۇۇعا كەلگەن قاردارلار تاماق زاكاس قىلىپ بۉتكۅندۅن كىيىن، جاڭچئڭ زاكاس العان تاماق تىزمەسىن اشپوزورعو جەتكىرىپ بەردى. اشپوزدوردۇن داروو ەلە دايىنداپ العان قاتىقتارى مەنەن ىسىق وت ۇچقۇنۇنا قۇۇرۇعاندان كىيىن چىققان تاماقتىن جىتى، كىشىنىن ووزۇنان شىلەكەيىن اعىزدى. كۅپ ۅتبۅي ەلە، بئر تاقسا  قىزارتا قۇۇرۇلۇپ چىققان تاامدۇۇ قالەمپىر تووق ەتى قۇۇرۇماسى قاردارلاردىن الدىنا تارتىلدى. جاڭچئڭ قابارچىعا، ازىر ساياقاتچىلىقتىن ابدان جاندانعان مەزگىلىنەن ۅتۉپ كەتكەن بولسودا، بئروق بۇل جەردىن سووداسى ابالقىداي ەلە جاقشى ەكەنىن ايتىپ مىنداي دەدى: « ۇچۇردا كۉندۉك كىرەشەبىز ون مئڭ يۇاندان اشات، ساياقاتچىلىقتىن ابدان جاندانعان مەزگىلىندە كۉندۉك كىرەشەبىز 40، 50 كەەدە 60 مئڭ يۇاندارعا چەيىن بولوت. ەكى جىل مۇرۇن بئزدىن بۇل جەرىبىزدىن چۅيرۅسۉ بئر قىيلا قۇرعاق بولعوندۇقتان، كىشى باشىندىق كىرەشەسى بئر قىيلا تۅمۅن بولچۇ، ارتىنان ساياقاتچىلىق بئزدىن بۇل جەردەگى دىيقاندار شاتتىق وردۇلارىنىن سووداسىن جىلىشتاتىپ، قاراپايىم ەلدى بايۇۇ جولۇنا جەتەكتەدى».

      ساياقاتچىلىق كەسىبىن ۅنۉكتۉرۉۉدۅ، ەكولوگىيالىق چۅيرۅ داعى ەلە تۉيۉندۉۉ ورۇندا تۇرات، بئروق العاچىندا ۅكۉمۅت قىشتاق ەلىن جاشىلداندىرۇۇعا قوزعوتۇشۇ ابدان شىدىر بولعون ەمەس. جاڭچئڭ : « باشتابىندا انچا كۅڭۉلۉبۉز تارتقان جوق، سەبەبى مىنداي بەرەكەتكە قول جەتكىرەرىن بئلىپ جەتە البادىق، ازىر قاراپايىم ەل اقچا تااپ، ىچىنەن قۇبانىپ قالدى. ازىر جاشىلداندىرۇۇ جاعىندا قاراپايىم ەل ۅكۉمۅتتۉن ورۇنداشتىرۇسۇۇن قاراپ ولتۇربايت، ار جىلى جاز مەزگىلىندە ۅزدۅر قوزعولۇپ داراق تىگىپ، تۉتۉن سايىن جارىش ۅتكۅرۉپ، بئرىنەن بئرى ايلاناسىن جاشىلداندىرۇۇعا ماانئى بەرىپ كەلەت»، دەدى.

     تۉشتۅن كىيىن بەيجىن ماالى ساات 4 تۅ، بۇل جەرگە تاماقتانۇۇعا كەلگەن قاردارلار سوولعۇنداپ، جاڭچئڭ شاشىلىشتىقتان بوشونۇپ ەس الىپ قالعان. كۉتۉسۉز چىققان كۉلكۉ قوورونۇن ىچىندەگى تىنچتىقتى بۇزدۇ. تەگىندە، بۇل بئر توودو جاشاچۇ جاپايى قۇشتۇن كۉتۉۉسۉز ۇچۇپ كەلىپ دىيقاندار شاتتىق وردۇنۇن ىچىندە سايراعان دووشۇ ەلە. كۉتۉۉچۉ ما شىڭشىڭ : -بۇل جەردىن چۅيرۅسۉ جاقشىلانىپ، توودوعۇ جاپايى جاندۇۇلار دا كۅبۅيگۅنۉن ايتىپ : « مۇردا بۇل جەردە مىنداي قۇش ابدان كۅپ بولچۇ، بئر قانچا جىلدىن الدىندا قايرا ازايىپ كەتكەن ەلە، جاقىنقى جىلداردان بەرى بۇل جەردىن جاشىلداندىرۇۇسۇ جاقشىلانىپ، ابااسى دا تازارعاندان كىيىن ، مىنداي جاپايى قۇشتار قايرادان كۅبۅيۅ باشتادى»، دەدى.

      2016 -جىلى فاڭجىياجۇاڭ قىشتاعىداعىلاردىن ورتوچو جىلدىق كىرەشەسى 29800 يۇانعا جەتكەن. ۉرۉمچۉ وودانى شۉيشئگو بازارى فاڭجىياجۇاڭ قىشتاق كومتەتىنىن مۇدۇرۇ حايجۉ: بىيىل جەتىنىن ايىنىن ورتولورۇندا، شۉيشئگو بازارىنىن قار-مۇز ۅزگۅچۅ چاقان بازارى تۉر قۇرۇلۇشۇنۇن نەگىزگى تۇلقۇ قۇرۇلۇشۇ بۉتۉپ، فاڭجىياجۇاڭ قىشتاعىنىن جولدورۇنۇن داراجاسى دا جوعورۇلاپ، مىندان كىيىن جۇرتتاشتارى اچقان دىيقاندار شاتتىق وردۇلارىنىن سووداسى سۅزسۉز جاقشىلاناتۇرعانىن ايتىپ : « كەلەر جىلى جازدا، بئز قىشتاعىبىزدى جاشىلداندىرۇۇ ىشتەرىن داعىدا جاقشى ىشتەپ، چۅيرۅسۉن انسايىن جاقشىلايبىز، كەلەر جىلعا بارعاندا بئز كىرەشەبىزدى ەسەلەپ ارتتىرۇۇعا ىشەنچىبىز بار»، دەدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.