باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بايۇۇ جولۇندا بىرۅدا كەم قالسا بولبويت
   2017-10-12 12:15:13     xjbs   

      10 كەمباعال ووداندى، 800 كەمباعال قىشتاقتى كەمباعالدىقتان قۇتۇلدۇرۇپ، 590مئڭ كىشىنى كەمباعالدىقتان چىنىعى ارىلتۇۇ- بۇل اپتونوم رايوندۇق پارتىكوم بەكىتكەن 2017-جىلدىق كەمباعالداردى جۅلۅۅ مىلدەتى. 2017-جىل كىرگەندەن بەرى، تەڭىرتوونۇن تۉندۉك-تۉشتۉگۉندۅكۉ ارقايسى جاقتار تەڭ كۉچ چىعارىپ، تەڭ اراكەتكە كەلىپ، كەسىپتەر بويۇنچا كەمباعالداردى جۅلۅۅ، شئنجاڭ نئشااندۇۇ جاردام بەرۉۉ بويۇنچا كەمباعالداردى جۅلۅۅ، كەمباعالداردى شايكەشىپ جۅلۅۅ، تۉيۉن بەلگىلەپ كەمباعالداردى جۅلۅۅ، قوومدۇق جاقتان كەمباعالداردى جۅلۅۅ قاتارلۇۇ تۉردۉۉ كەمباعالداردى جۅلۅۅ چاارالارىن جۉرگۉزۉۉ ارقىلۇۇ كەمباعال جۇرتچۇلۇقتۇن تاعدىرىن ۅزگۅرتتۉ. ىستانسىيابىزدىن ۇنىۋەرسال قابارى:
      بۇل ەكى كۉندۅن بەرى، قومۇل شاارى ئۋىرعول رايونۇ بۇلۇڭتووروق ايىلى گىداجئڭ قىشتاعىنداقى بئر دىيقان ۉي-بۉلۅۅسۉنۉن ەڭ اقىرقى قىزىل جۉزۉمۉ بۇلۇڭتووروق ايىلى شئڭچۇان دىيقانچىلىق تۉشۉمدۅر كەسىپى قىزماتتاشتىق كوپىراتىبىنىن مۇزداق ساقتوو قامپاسىنا كىرگىزىلىشى مەنەن بىيىلقى مۅمۅلۅردۉ جىيىپ-تەرۉۉ قىزماتى اقىرلاشتى. 600 تونناعا جاقىن جاڭى مۅمۅ ەكى ايدان كىيىن بۉتكۉل ماملەكەتتىن ارقايسى جەرلەرىنە قاراي تاشىپ ساتىلات. قىزماتتاشتىق كوپىراتىبىنىن جووپتۇۇسۇ مىڭ جىيەنروڭ مىنداي دەدى:-قىش مەزگىلىندە مۅمۅلۅردۉن بااسى قىمباتتاپ، كىرەشەسى انسايىن جاقشى بولوت. سەبەبى ىلگەرى مەن ۅزۉم داعى جەر ايدووچۇ دىيقان بولچۇمۇن، كىيىن جەرگىلىكتەكى دىيقانداردان بئر بۅلۉگۉن قوزعوتۇپ، چىنىعى كەسىپتىك دىيقانداردان بولۇۇنۇ ويلودۇم. قارامانچا ەلە ۅندۉرۅ بەرۉۉگۅ بولبويت، بئز ماملەكەت بويۇنچا الدىنقى داراجاداقى ماركەنى، الدىنقى داراجاداقى تۉشۉمدۉ جاراتۇۇبۇز كەرەك.
     مىڭ جىيەنروڭ-گىداجئڭ قىشتاعىنىن تۇرعۇنۇ، دىيقانچىلىق تۉشۉمدۅرۉن الىپ-ساتۇۇ تئجاراتى مەنەن كۅپ جىل الەكتەنگەن، ال باش بولۇپ دىيقانچىلىق تۉشۉمدۅر قىزماتتاشتىق كوپىراتىبىن قۇرعاندان كىيىن، كەمباعال تۉتۉندۅردۉ كوپىراتىپكە كىرگىزىپ، جۇمۇش ىشتەتىپ، جىل اقىرىندا  كەلگەن پايدانى تەڭ بۅلۉشتۉرۅت. قىشتاق تۇرعۇنۇ لئ شىڭلئن مىنداي دەدى:-ناقاي كىرەشەبىز بۇل ۉچ جىلدان بەرى جىلسايىن ارتتى، بئرىنچى جىلى 40،50مئڭ يۇان ايلاناسىندا ناقاي كىرەشە كىرگىزدىك، بىيىل ەسەلەپ ارتتى، ازىر ون مو جەردەن كىرگەن ناقاي كىرەشە 80مئڭ يۇانعا جەتەت، قىزماتتاشتىق كوپىراتىبىنە مۉچۅ بولۇپ كىرگەنىم تۇۇرا بولۇپتۇر!
      كەمباعال قىشتاق تۇرعۇندارىنا ۅز بىلگى«ۅنۉگۉۉ جولۇن تاپتىرىپ»كەمباعالدىقتان ارىلتۇۇدا- الارعا ۅزۉندۉك«ۅنۉگۉۉ»شارتىن دايارداپ بەرىش كەرەك. ارداراجالۇۇ«ەل ابالىن بئلۉۉ، ەلگە نارىپ جەتكىرۉۉ، ەل كۅڭۉلۉن الۇۇ»قىشتاقتا تۇرۇشتۇۇ قىزمات اتىرەتىندەكىلەر بۇل ۉچۉن ابدان كۅپ ارعا ىزدەشتى. ونسۇۇ ووداندىق ەل پىروكۇراتۇرا مەكەمەسىنەن ونسۇۇ وودانى جام بازارى تۅمۅنكەتمەن قىشتاعىنا تۉشكۅن«ەل ابالىن بئلۉۉ، ەلگە نارىپ جەتكىرۉۉ، ەل كۅڭۉلۉن الۇۇ»قىزمات اتىرەتى قىشتاق تۇرعۇندارىن قوزعوتۇپ، زامانباپ ايىل-چاربا ماشىنالار كەسىپى قىزماتتاشتىق كوپىراتىبىن قۇردۇ، كوپىراتىپتە چوڭ-كىچىك بولۇپ 9داي ايىل-چاربا ماشىناسى بار، ۅزدۅرۉ ىشتەتسە باشقالارعا ئجاراعا بەرسە داعى بولوت. قىشتاق تۇرعۇنۇ جۉسۉپجان مامەت مىنداي دەدى:-قىزمات اتىرەتىندەكىلەردىن شايكەشىپ جاردام بەرۉۉسۉندۅ، الدى-ارتى بولۇپ 200مئڭ يۇانداي قارجى سالىنىپ، قىزماتتاشتىق كوپىراتىبىزگە كۅپتۅگۅن وزوت جابدۇۇلار ساتىپ الىنىپ كەلدى، ارى ايىل-چاربا ماشىنالارى تولۇقتاماسىنا سۇنۇش بەردىك. قىزماتتاشتىق كوپىراتىبىنە مۉچۅ جالپى 43 كىشى بار، پارتئيا 19-قۇرۇلتايى اچىلۇۇ الدىندا تۇرات، بئز انسايىن چىمىرقانىپ، قىزماتتاشتىق كوپىراتىبىزدى داعىدا زورويتۇپ، الدۇۇ قوومعو جەتۉۉنۉ ورتوق ىشكە اشىرابىز!
     بىيىل، اپتونوم رايون ئلىم-تەحنىكانىن كەمباعالداردى تۅپ جۅلۅۅ قىزماتىنداقى رولۇن ۇلاندۇۇ اشىرىپ، «ئلىم-تەحنىكا ارقىلۇۇ كەمباعالداردى تۅپ جۅلۅۅ ارنالۇۇ تۉر اراكەتىن»باشتاپ، قىشتاقتى جۉرگۉزۉۉ سوبەكتى قىلعان نەگىزدە، اربئر ئلىم-تەحنىكا، باقماچىلىق تۉرۉنۅ قازىنالىق قارجىدان 1مئليون يۇان ورۇنداشتىردى. تۉر قارجىسى ارقىلۇۇ قارجى سالۇۇدان قالىپتاشقان مال-مۉلۉكتۉن 70پايىزىن جارناق ەەسىنە ايلاندىرۇۇ بويۇنچا 230 ارحىپ تۇرعۇزۇلعان كەمباعال تۉتۉن جان-سانىنا بۅلۉپ بەرىپ، جىل اقىرىندا پايدانى بۅلۉشتۉرۉۉ ارقىلۇۇ كىرەشە ارتتىردى. حوتەن وودانى حىروڭشئن قىشتاعىنىن تۇرعۇنۇ كىمەلنىزا ماقسۇت مىنداي دەدى:-2 جاشىلچا ىلىمتا باستىرماسى مەنەن 4 مولۇق جاڭعاق باقچاسىن اقىسىز بۅلۉپ بەردى. بئز بۇل جەرگە پامئدور ايدادىق، العاچىندا انچا تۉشۉنۉپ كەتەلباعانبىز، كىيىن تەحنىك ىشكەرلەرى ۉيۉبۉزگۅ كەلىپ، جۇبايىم ۅكۅبۉزگۅ تەحنىكالىق جاقتان جەتەكتۅۅ الىپ بارعاندان كىيىن قانداي سۇۇعاتتوو، جەر سەمىرتكىچتى قانداي چاچۇۇ ىشتەرىنىن بااردىعىن ۉيرۅنۉپ الدىق، ەكى ىلىمتا باستىرماسىنان 40مئڭ يۇان كىرەشە تاپتىق. پارتئيا 19-قۇرۇلتايى جەڭىشتۉۉ اچىلعاندان كىيىن بىزگە وقشوش دىيقاندارعا دەگەن جاقشى ساياساتتىن بارعانسايىن كۅپ بولوورۇنا ىشەنەم! 

    اپتونوم رايوندۇق ئلىم-تەحنىكا نازاراتىنىن ورۇنباسار باشچىسى جوڭ جىيەن، ئلىم-تەحنىكا بويۇنچا كەمباعالداردى جۅلۅۅدۅ تەك قانا ئلىم-تەحنىكانى نەگىزكى قاتمارداقى ايىل-قىشتارعا تۉشۉرۉپ ەلە قالباستان داعى ازىرقى زامانداقى جاڭى تىپتەكى ايىل-چارباچىلىق ۇيۇم فورماسى مەنەن ۇيۇم تۉشۉنۉگۉن كەمباعال قىشتاقتارعا كىرگىزىپ، جۅرۅلگۅلۉ دىيقانداردى ازىرقى زامان جاڭى تىپتەكى دىيقانداردان قىلىپ جەتىشتىرۉۉ كەرەك:-دەپ تاانىشتىرىپ مىنداي دەدى: مۇردا تۉشتۉك شئنجاڭداقى 7 وودان شاارلاردى سىناق تۉيۉن قىلىپ ۇي باعىپ، قوي، گەپتەر باعىپ، جەر-جەمىش ۅستۉرۉ سىياقتۇۇ تۉشتۉك شئنجاڭدىن وزوت ۅنۅرجايىن جولعو قويعون، كەەبىر تۉرلۅردۅ بئر قىيلا جاقشى بولعون ەكونومىكالىق بەرەكەتى كۅرۉنۉكتۉۉ بولعون.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.