باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۉشتۉك شئنجاڭدىن پاحتانى جىىپ تەرۉۉسۉ اياعىنا چىعىپ، سىرتتان كەلگەن پاحتا تەرۉۉچۉلۅر قاپچىعىن قامپايتىپ جۇرتۇنا قايتىشتى
   2017-12-05 20:33:07     xjbs   

     كۅز الدىبىزدا، تۉشتۉك شئنجاڭدىن پاحتا تەرۉۉ مەزگىلى اياعىنا چىعايىن دەدى، سىرتتان پاحتا تەرۉۉگۅ كەلگەن ىشتەمچىلەر قۇيرۇق ۇلاش جۇرتۇنا قايتۇۇ جولۇنا ساپارعا اتتاندى. ەرىكتۉۉ قابارچىبىز جاڭ شىنحۇا، شاۋچۉن قاتارلۇۇلاردىن بەرگەن ماالىماتى.
       اقسۇۇ ايماعى اپتونوم رايونۇبۇزداعى پاحتا نەگىزگى ۅندۉرۉۉچۉ رايوندوردۇن بئرى بولۇپ، بىيىل ەككەن 7 مئللىيون 900 مئڭ موو جەردەگى پاحتادان، جالپى تۉشۉمۉ بويۇنچا مئللىيون توننا ارتىق تۉشۉم الۇۇدان ۉمۉت زور. ونسۇۇ وودانى گۉلۉۋات ايىلى سىرتتان جاڭى پاحتا سورتۇن كىرگىزۉۉ ارقىلۇۇ، مو باشى تۉشۉمۉن ۅتكۅن جىلداعىدان 100 كىلوگىرام ايلاناسىندا ارتتىرعان. ونسۇۇ وودانى گۉلۉۋات ايىلىنداعى پاحتاچى دىيقان ۋاڭكاي : « ۅتكۅن جىلى ار مووسۇنان 350 كىلوگىرام پاحتا العانبىز، بىيىل 450 كىلوگىرام پاحتا الىپ، مووسۇنان 700 دۅ 800 يۇانعا چەيىن كىرەشە كىرگىزدىك»، دەدى.

       پاحتانىن تۉشۉمۉ ارتتسا، پاحتا تەرۉۉچۉلۅردۉن كىرەشە اعا شاي جوعورۇلايت. مارالباشى وودانى قاشقار ايماعىنداعى پاحتاچىلىق بويۇنچا ەڭ چوڭ وودان، بىيىل حوتەن، قاشقار سىياقتۇۇ جەرلەردەن زور تۉركۉمدۅگۉ پاحتا تەرۉۉچۉ ىشتەمچىلەردى ەلىكتىردى، حوتەن وودانىنان پاحتا تەرۉۉگۅ كەلگەن ىشتەمچى بۉبۉنىياز مەمەت قابارچىعا ۅزۉنۉن پاحتا تەرىپ تاپقان اقچاسنىن ەسەپتەپ مىنداي دەدى: « ۅتكۅن جىلى مەن مەكىت وودانىنا بارىپ پاحتا تەرىپ 5 مئڭ يۇان اقچا تاپقامىن، بىيىل گۉيۅۅم ەكۅۅبۉز مارالباشى وودانىنا بارىپ پاحتا تەردىك، بىيىل پاحتانىن تۉشۉمۉ دا ابدان جاقشى بولعوندۇقتان، گۉۉيۅم ەكۅۅبۉز 15 مئڭ يۇان اقچا تاپتىق»، دەدى.

     بايىنعولىن وبلاستى لوپنۇر وودانى بىيىل بئر مئلليون 80 مئڭ مو جەرگە پاحتا ەگىپ، مۇنۇن ىچىندە 600 مئڭ مو جەردەكىسىن كىشىلەر تەرۉۉگۅ مۇقتاج بولۇپ، شئنجاڭدىن ىچى سىرتىنان جالپى 60 مئڭدەن اشۇۇن كىشنى پاحتا تەرۉۉگۅ ەلكتىرىپ، دىيقان ىشتەمچىلەردىن اقچاسىنىن ويدوقۇداي قولۇنا تىيىپ، امان-ەسەن جۇرتۇنا قايتۇۇسۇنا كەپىلدىك قىلدى. لوپنۇر وودانى ادام كۉچۉ بايلىعى جانا قوومدۇق قامتاماسىزداندىرۇۇ مەكەمەسى دىيقان ىشتەمچىلەردىن ۇقۇعۇن قورعوو« جاشىل تۉستۉ جول» ۇن اچىپ، ۇقۇعۇن قورعوو لىنىياسىن شىدىرلاشتىردى. لوپنۇر وودانى شئڭپىڭ ايىلى داشى قىشتاعىندا، حىناندان كەلگەن پاحتا تەرۉۉچۉ ىشتەمچى گاۋفىن قىسقا قانا ەكى اي ىچىندە پاحتا تەرىپ 11 مئڭ يۇان اقچا تاپقان، بۇل انى اياباي قۇباندىردى، ال مىنداي دەدى: بىيىل بئرىنچى جولۇ شئنجاڭعا كەلىپ پاحتا تەردىم، مەن 72 كۉن پاحتا تەرىپ، 10 مئڭ يۇاندان كۅبۉرۅۅك اقچا تاپتىم، بئز مەنەن چوعۇۇ كەلگەندەر حىناندان قانا كەلدەر بولبوستون داعى سىچۇاندان كەلگەندەر دا بار، قوجويۇن بئزگە جاقشى قارادى، بئزدىن الىبىزدان جاقشى قابار الدى، وشوندۇقتان كۅپچۉلۉك كەڭەشىپ كەلەر جىلى شئنجاڭعا ەرتەرەەك كەلىپ پاحتا تەرۉۉنۉ ويلوشتۇق.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.