باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 اپتونوم رايونۇبۇز جۇمۇشقا ورۇنداشتىرىپ كەمباعالداردى جۅلۅۅ قۇرۇلۇشۇن باچىم جىلىشتاتىپ، كەمباعالدىقتان ارىلتۇۇ قىيىن ۅتكۅلۉنۅ ات سالۇۇ كۉرۅشۉندۅ سۅزسۉز جەڭىشكە جەتۉۉنۉ كۉچتۉۉ تىرۅۅچ مەنەن قامدادى
   2017-12-06 17:07:54     xjbs   

      بىيىل،  اپتونوم رايونۇبۇز جۇمۇشقا ورۇنداشتىرىپ كەمباعالدادى جۅلۅۅ قۇرۇلۇشۇن باچىم جىلىشتاتىپ، ۇيۇمداشتىرىپ قوتورۇپ جۇمۇشقا ورۇنداشتىرۇۇ، چاربا جاراتقانداردى شىقتاندىرۇۇ ىقماسى ارقىلۇۇ، كۅپ تۉردۉۉ جولدور مەنەن ارحىپ تۇرعۇزۇپ كارتا بۉتۉرگۅن كەمباعال كىشىلەردىن جۇمۇشقا ورۇنداشۇۇسۇن ىشكە اشىرۇۇنۇ جىلىشتاتىپ، كەمباعالدىقتان ارىلتۇۇ قىيىن ۅتكۅلۉنۅ ات سالۇۇ كۉرۅشۉندۅ سۅزسۉز جەڭىشكە جەتۉۉنۉ كۉچتۉۉ تىرۅۅچ مەنەن قامدادى. 

     جىڭ وودانى ماڭدئڭ ايىلى چىڭگۇان قىشتاعىنىن تۇرعۇنۇ تۇراقان سەيداقۇن ۇچۇردا قىردارلار الدىن زاكاس بەرگەن ۇلۇتتۇق كىيم-گەچەنى تىگۉۉ مەنەن شاشىلىش بولدۇ. قابارچى انىن كىيىم تىگۉۉچۉلۉك وردۇنا بارعاندا، ال ابدان كۉلۉڭدۅگۅن جىلۇۇ ماانايدا ۅزۉنۉن 100 چارچىمەتىر كەلەتۇرعان جاڭى كىيىم-گەچە تىگۉۉچۉلۉك وردۇن، ايرىقچا جاپجاڭى كىيىم تىگۉۉ ماشئناسىن كۅرسۅتتۉ.
 
     بەش جىلدىن الدىندا، تۇراقان سەيداقۇندۇن كۉيۉۉسۉ قوقۇستۇققا ۇچۇراپ، نەگىزىنەن ەمگەك قىلۇۇ جۅندۅمۉنۅن ايرىلىپ قالعان، انىن بالدارى كىچىنە بولعوندۇقتان، بئر ۉيدۅكۉ بەش جاندىن تۇرمۇشۇن ۅز ۅنۅرۉ مەنەن قامدووعو امالسىز قالعان. بىيىل باش وونا جە 7-ايدا، جەرگىلىكتەگى قىشتاقتا تۇرۇشتۇۇ قىزمات اتىرەتىندەگىلەردىن جاردامىندا، ال ۉرۉمچۉگۅ كىيىم-گەچە تىگۉۉ، بىچۇۇ تەحنىكاسىن ۉيرۅنۉۉگۅ كەلىپ، ارادان ۇزۇن ۅتبۅي ەلە، جاڭى تىگۉۉچۉلۉك وردۇنا كۅچۉپ كىرەت، بۇل بئر قانچا كۉندۅ ال جاپجاڭى كىيىم تىگۉۉ ماشئناسىنا ەە بولۇپ، چاقان سووداسى كۉندۅن-كۉنگۅ ۅز قالىبىنا تۉشتۉ. تۇراقان سەيداقۇن : « مۇردا تۇرمۇشۇبۇز ابدان قىيىنچلىقتا بولچۇ، تەحنىكا ۉيرۅنۉپ جاڭى تىگۉۉچۉلۉك وردۇنا كۅچۉپ كىرگەندەن كىيىن، تۇرمۇشۇم كۅپ ەلە جاقشىلانىپ قالدى، بئر ايدا ەكى مئڭ يۇاندان كىرەشە كىرگىزىپ جاتام. بۇل بئر قانچا كۉندۅ ۅكۉمۅتتۅن ماعا داعى بئر جاپجاڭى كىيىم تىگۉۉ ماشئناسىن بەردى،  ەمى مىندان كىيىن داعىدا كۅپ اقچا تابالاتۇرعان بولدۇم. پارتئيا مەنەن ۅكۉمۅتكۅ كۅپتۅن كۅپ القىش ايتام، ازىر چۅيرۅبۉز جاقشىلاندى، مەن داعى مىندان كىيىن بئر قانچا شاكىرت قابىلداپ، داعىدا كۅپتۅگۅن ەجە-سئڭدىلەرىم مەنەن چوعۇۇ كىرەشەمدى ارتتىرىپ كەمباعالدىقتان قۇتۇلام»، دەدى.

    بۅرتالا موڭعۇل اپتونوم وبلاستىق جىڭ دايرا الابىن باشقارۇۇ وردۇ جىڭ وودانى ماڭدىڭ ايىلى چىڭگۇان قىشتاعىندا تۇرۇشتۇۇ «ەل ابالىن بئلۉۉ، ەلگە نارىپ جەتكىرۉۉ، ەل كۅڭۉلۉن الۇۇ»قىزمات اتىرەتىنىن جاردامىندا، قىشتاقتاقى كەمباعال كىشىلەر كىيىم-كەچە دۉكۅنۉ، بال پىرانىك دۉكۅنۉ، چاقان تاماققانا اچىپ، زاماتتا ەلە كىچىنە قوجويۇندارعا ايلانىشتى. قىزمات اتىرەتىنىن باشچىسى گومۇ سۇروڭ مىنداي دەدى:-بئز كەمباعال جۇرتچۇلۇق توبۇن جۅلۅۅ قارجىسىنان جالپى 430مئڭ يۇاندى قولعو كەلتىرىپ، ۇچۇرداقى چاربا جاراتۇۇ نەگىزىن بەكەمدەدىك، كىيىنكى مەزگىلدە كۇرستۇق تاربئيالوونۇ بەكەم قارماپ، داعىدا كۅپتۅگۅن كەمباعال جۇرتچۇلۇق توبۇن ۅنۅر ۉيرۅتۉۉگۅ ۇيۇمدايبىز، ۇشۇنداي ۅرۉشتۅر ارقىلۇۇ دىيقانداردىن كىرەشەسىن ارتتىرىپ، بايۇۇ جولۇن كەڭىرتەبىز.

    چاربا جاراتۇۇعا دەم بەرۉۉدۅن باشقادا داعى، اپتونوم رايونۇبۇز ايىل-قىشتاقتارداقى ارتىق ەمگەك كۉچتۅرۉن ۅز جەرىندە، جاقىن جەردە جۇمۇشقا ورۇنداشتىرۇۇنۇ ىشتىكتۉۉ جىلىشتاتتى. بۇل بئر قانچا كۉندۅ، تۇرپان شاارى ەدىقۇت رايونۇ يار بازارى يارعول قىشتاعىنىن تۇرعۇنۇ عوجاحمەت سايىتتىن جۉزۉمزارلىعى اياباي قىزىپ كەتتى، 10 نەچە جاردامعا كەلگەن قىشتاق تۇرعۇندارى قولدورۇنا كۉرۅكتۅرۉن الىشىپ، جۉزۉم باراڭىن كۅمۉشتۉ. تۇرپان شاارى ەدىقۇت رايونۇ چئچۇانحۇ بازارىنداقى دىيقان ساتار ەۋزۇل مىنداي دەدى: ۅكۉمۅت بئزدى جاقىن جەرگە چىعىپ جۇمۇش ىشتۅۅگۅ ۇيۇمداشتىردى، چارچابادىق، ار كۉنۉ 170 يۇان اقچا بەرەت، مەنىن قىيىنچىلىعىمدى جەڭىلدەتتى، تۇرمۇشۇمدۇ جاقشىلووعو چوڭ جاردام بەردى.

     جاقىندا، تۇرپان شاارى ەدىقۇت رايوندۇق توقويچۇلۇق مەكەمەسى ەدىقۇت رايونۇنداقى ارتىق ەمگەك كۉچتۅرۉنۅن ايرىقچا كەمباعال كىشلەردەن 400 دۅن كۅبۉرۅۅكتۉ ەدىقۇت رايونۇنداقى ارقايسى ايىل بازارلاردىن اتىزدارىنا بارىپ، ۉيۉندۅ ەمگەك كۉچۉ كەمچىل بولعون دىيقاندارعا جاردامداشىپ جۉزۉم باراڭىن كۅمۉۉگۅ ۇيۇمداشتىرىپ، جۉزۉمدۉن قووپسۇز قىشتان چىعۇۇسۇن كەپىلدىككە الدى. تۇرپان شاارى ەدىقۇت رايوندۇق توقويچۇلۇق مەكەمەسىنىن ورۇنباسار باشچىسى مارىيام ماحمۇت مىنداي دەدى: دىيقانداردىن ەمگەك كۉچۉنۅ بولعون مۇقتاجى بئر قىيلا چوڭ بولعوندۇقتان الاردى جۉزۉم باراڭىن كۅمۉۉگۅ ۇيۇمداشتىردىق، بۇل قىيمىل ۅزارا پىكىر الماشتىرۇۇنۇن جاقشى ۅرۉشۉ، الاردىن كىرەشەسىن ارتتىرعالى بولوت!

      بىيىل، اپتونوم رايونۇبۇز « ۉي-بۅلۅسۉندۅ جۇمۇشقا ورۇنداشقان بئر دا كىشى جوق كەمباعال ۉي-بۉلۅلۅر» گۅ ارحىپ تۇرعۇزۇپ كارتا بۉتۉرۉۉ نەگىزىندە، « ۉي-بۅلۅسۉندۅ جۇمۇشقا ورۇنداشقان بئر دا كىشى جوق كەمباعال ۉي-بۉلۅلۅردۅ ەڭ از بولعوندو بئر كىشنى قوتورۇپ جۇمۇشقا ورۇنداشتىرۇۇ» نئشانىن بەكىتىپ، قاتمارعا ، باسقىچقا بۅلۉپ جۇمۇشقا ورۇنداشتىرىپ كەمباعالدىقتان ارىلتۇۇ نئشان مىلدەتىن انىق بەكىتتى. ۅز جەرىندە، جاقىن ايلاناسىندا جۇمۇشقا ورۇنداشتىرۇۇ، شئنجاڭدىن ىچىندە رايون اتتاپ قوتورۇپ جۇمۇشقا ورۇنداشتىرۇۇ، شئنجاڭدىن سىرتىنا قوتورۇپ جۇمۇشقا ورۇنداشتىرۇۇ، چارابا جاراتۇۇ ارقىلۇۇ جۇمۇشقا ورۇنداشتىرۇۇعا تۉرتكۉ بولۇۇ سياقتۇۇ كۅپتۅگۅن ارعالار ارقىلۇۇ، جۇمۇشقا ورۇنداشتىرىپ كەمباعالدىقتان ارىلتۇۇنۇ جىلىشتاتۇۇ قۇرۇلۇشۇن تەرەڭدەي قۇلاچ جايدىردى. ازىرعا چەيىن، اپتونوم رايونۇبۇز ارحىپ تۇرعۇزۇپ كارتا بۉتۉرگۅن 150 مئڭ كەمباعال كىشنى جۇمۇشقا ورۇنداشتىرىپ، الاردى كەمباعالدىقتان ارىلتتى.     

    اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى جۇمۇشقا ورۇنداشتىرۇۇنۇ ىلگەرى سۉرۉۉ باشقارماسىنىن باشچىسى جاڭ روڭ مىنا بۇلاردى بئلدىردى:-19-قۇرۇلتاي رۇحۇن تەرەڭدەي ۉيرۅنۉپ، ىزچىلدەشتىرۉۉ ۉچۉن، كىيىنكى قادامدا جۇمۇشقا ورۇنداشتىرۇۇنۇ ىلگەرى سۉرۉۉ مەنەن كەمباعالدىقتان ارىلتۇۇ قىزماتىن تىعىز بىرلەشتىرەبىز. جالپى بەتكەي الدۇۇ قووم قۇرۇۇ باسقىچىندا جەڭىشتى قولعو كەلتىرىپ، جۇمۇشقا ورۇنداشتىرۇۇ قىزماتىنىن زارىل تۉيۉنۉن جۇمۇشقا ورۇنداشتىرىپ كەمباعالدىقتان ارىلتۇۇعا كۉچ جۇمشووعو قاراتابىز.مىندا بىرىنچىدەن، رايون اتتاپ قوتورۇپ جۇمۇشقا ورۇنداشتىرۇۇ، ەكىنچىدەن، رايون چۅلكۅم ىچىندەكى كەرحانالار باقچالۇۇ رايونۇ، بۅلۉمچۅ زاۋۇت سىياقتۇۇلاردا قالىپتۇۇ جۇمۇشقا ورۇنداشتىرۇۇنۇ كۉچ سالاا ىلگەرى سۉرۅبۉز، وشونۇ مەنەن قاتار، الاردىن ەشىك الدىندا كىچك دۉكۅن، ماگەزىن سىياقتۇۇلاردى اچىپ ۅنۉكتۉرۉۉسۉنۅ شىق بەرىپ، جۇمۇشقا ورۇنداشۇۇسۇن ىلگەرى سۉرۅبۉز. بۇل بئر قانچا قوتورۇپ جۇمۇشقا ورۇنداشتىرۇۇ ارعالار ارقىلۇۇ كىرەشە ارتتىرىپ، كەمباعالدىقتان ارىلتابىز!

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.