باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۉشتۉك شئنجاڭدىن پاحتانى جىىپ تەرۉۉسۉ اياعىنا چىعىپ، سىرتتان كەلگەن پاحتا تەرۉۉچۉلۅر قاپچىعىن قامپايتىپ جۇرتۇنا قايتىشتى
   2017-12-06 18:34:11     xjbs   

     ۇچۇردا، تۉشتۉك شئنجاڭدىن پاحتا تەرۉۉ مەزگىلى اياعىنا چىعايىن دەدى، سىرتتان پاحتا تەرۉۉگۅ كەلگەن ىشتەمچىلەر قۇيرۇق ۇلاش جۇرتۇنا قايتۇۇ ساپارىنا اتتاندى. ەرىكتۉۉ قابارچىبىز جاڭ شىنحۇا، شاۋچۉن قاتارلۇۇلاردىن بەرگەن ماالىماتى.

       اقسۇۇ ايماعى اپتونوم رايونۇبۇزداعى پاحتا نەگىزگى ۅندۉرۉۉچۉ رايوندوردۇن بئرى بولۇپ، بىيىل ەككەن 7 مئللىيون 900 مئڭ موو جەردەگى پاحتادان جالپى   مئللىيون توننادان ارتىق تۉشۉم الۇۇدان ۉمۉت زور. ونسۇۇ وودانى گۉلاۋات ايىلى سىرتتان جاڭى پاحتا سورتۇن كىرگىزۉۉ ارقىلۇۇ، مو باشى تۉشۉمۉن ۅتكۅن جىلداعىدان 100 كىلوگىرام ايلاناسىندا ارتتىرعان. ونسۇۇ وودانى گۉلاۋات ايىلىنداعى پاحتاچى دىيقان ۋاڭكاي : « ۅتكۅن جىلى ار موسۇنان 350 كىلوگىرام پاحتا العانبىز، بىيىل 450 كىلوگىرام پاحتا الىپ، مووسۇنان 700 دۅ 800 يۇانعا چەيىن كىرەشە تاپتىق»، دەدى.

     پاحتانىن تۉشۉمۉ ارتسا، پاحتا تەرۉۉچۉلۅردۉن كىرەشەسى اعا شاي جوعورۇلادى. مارالباشى وودانى قاشقار ايماعىنداعى پاحتاچىلىق بويۇنچا ەڭ چوڭ وودان، بىيىل حوتەن، قاشقار سىياقتۇۇ جەرلەردەن زور تۉركۉمدۅگۉ پاحتا تەرۉۉچۉ ىشتەمچىلەردى ەلىكتىردى، حوتەن وودانىنان پاحتا تەرۉۉگۅ كەلگەن ىشتەمچى بۉبۉنىياز مەمەت قابارچىعا ۅزۉنۉن پاحتا تەرىپ تاپقان اقچاسنىن ەسەپتەپ مىنداي دەدى: « ۅتكۅن جىلى مەن مەكىت وودانىنا بارىپ پاحتا تەرىپ 5 مئڭ يۇان اقچا تاپقامىن، بىيىل كۉيۅۅم ەكۅۅبۉز مارالباشى وودانىنا بارىپ پاحتا تەردىك، بىيىل پاحتانىن تۉشۉمۉ دا ابدان جاقشى بولعوندۇقتان، كۉۉيۅم ەكۅۅبۉز 15 مئڭ يۇان اقچا تاپتىق».

     بايىنعولىن وبلاستى لوپنۇر وودانى بىيىل بئر مئلليون 80 مئڭ مو جەرگە پاحتا  ۅستۉردۉ، مۇنۇن ىچىندە 600 مئڭ مو جەردەكىسىن كىشىلەر تەرۉۉگۅ مۇقتاج بولۇپ، شئنجاڭدىن ئچى سىرتىنان جالپى 60 مىڭدەن اشۇۇن كىشنى پاحتا تەرۉۉگۅ  تارتىپ، دىيقان ىشتەمچىلەردىن اقچاسىنىن ويدوقۇداي قولۇنا تئيىپ، امان-ەسەن جۇرتۇنا قايتۇۇسۇنا كەپىلدىك قىلدى. لوپنۇر ووداندىق ادام كۉچۉ بايلىعى جانا قوومدۇق قامتاماسىزداندىرۇۇ مەكەمەسى دىيقان ىشتەمچىلەردىن ۇقۇعۇن قورعوو « جاشىل جول» ۇن اچىپ، ۇقۇعۇن قورعوو لىنىياسىن شىدىرلاشتىردى. لوپنۇر وودانى شئڭپىڭ ايىلى داشى قىشتاعىندا، حىناندان كەلگەن پاحتا تەرۉۉچۉ  گاۋفىن قىسقا قانا ەكى اي ىچىندە پاحتا تەرىپ 11 مئڭ يۇان اقچا تاپقان، بۇل انى اياباي قۇباندىردى، ال مىنداي دەدى: بىيىل بئرىنچى جولۇ شئنجاڭعا كەلىپ پاحتا تەردىم، مەن 72 كۉن پاحتا تەرىپ، 10 مئڭ يۇاندان كۅبۉرۅۅك اقچا تاپتىم، بئز مەنەن چوعۇۇ كەلگەندەر حىناندان قانا كەلدەر بولبوستون داعى سىچۇاندان كەلگەندەر دا بار، قوجويۇن بئزگە جاقشى قارادى، بئزدىن الىبىزدان جاقشى قابار الدى، وشوندۇقتان كۅپچۉلۉك كەڭەشىپ كەلەر جىلى شئنجاڭعا ەرتەرەەك كەلىپ پاحتا تەرۉۉنۉ ويلوشتۇق.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.