باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن جەر-جەرلەرى ۉچتۉن ايىنىن 2-كۉنۉندۅگۉ «ماملەكەتتىك قاتتوو قووپسۇزدۇق كۉنۉ» ۉگۉت قىيمىلىن قۇلاچ جايدىردى
   2017-12-06 19:28:46     xjbs   

 ىستانسىيابىز قابارى: 

     بۉگۉن اتاپ ايتقاندا ۉچتۉن ايىنىن 2-كۉنۉ 6-جولقۇ «ماملەكەتتىك قاتتوو قووپسۇزدۇق كۉنۉ»، بۉت شئنجاڭدىن جەر-جەرلەرى كۅپ تۉردۉۉ فورماداعى قاتتوو قووپسۇزدۇق ۉگۉت قىيمىلىن قۇلاچ جايدىرىپ، قاتتوو-تاشمال زاكون-ەرەجە بىلىمدەرىن ۉگۉتتۅپ جالپىلاشتىردى.

      تۉشتۅن مۇردا، ۉرۉمچۉ شاارى نىيانزىگو جۉرگۉنچۉلۅر ايالداماسىندا، ۉرۉمچۉ شااردىق قووم-قووپسۇزدۇق قاتتوو ساقچى بۅلۉمچۅ اتىرەتى ۉرۉمچۉ شااردىق قووپسۇز ۅندۉرۉشتۉ كۅزۅمۅلدۅپ-باشقارۇۇ مەكەمەسى، ۉرۉمچۉ شااردىق جول تاشىمال باشقارۇۇ مەكەمەسى مەنەن بىرگەلەشىپ، چوعۇۇ نىيانزىگو جۉرگۉنچۉلۅر ايالداماسىنداعى اپتوبۇزداردىن قووپسۇزدۇعۇن تەكشەردى ارى ايدووچۇلارعا قاتتوو قووپسۇزدۇق بىلىمدەرىن ۉگۉتتۅدۉ. ىستاتىستىكاعا نەگىزدەلگەندە، ازىرعا چەيىن، بىيىل ۉرۉمچۉ شاارىندا دەلو تۇرعۇزعان قاتتوو وقۇياسىنان جالپى 464 ۉ بار بولۇپ،بىلتىرقى وقشوش مەزگىلدەگىدەن %7.3 تۅمۅندۅگۅن، ۉرۉمچۉ شااردىق قووم قووپسۇزدۇق مەكەمەسى قاتتوو ساقچى بۅلۉمچۅ اتىرەتىنىن ورۇنباسار باشچىسى حۇ بئنلى : « بۉگۉن بئزدىن باردىق قاتتوو ساقچىلارىبىز جولعو چىعىپ، ارقايسى جول ووزدورۇندا «ۉچتۉن ايىنىن 2-كۉنۉ» بويۇنچا نەگىزگى تەمالۇۇ ۉگۉت الىپ باردىق، بئر جاعىنان قاتتوو تىعىنىن پايدا قىلعان، بەلگىلەمەگە قايچى اپتوو ۇناا توقتوتۇۇ، داعى ۅلچۅمدۅن اشقان اپتوو ۇناالاردى جۅنگۅ سالۇۇ مەنەن بىرگە نەگىزگى جول ووزدورۇندا ارى-بەرى ۅتكۅن كىشىلەرگە ۉچتۉن ايىنىن 2-كۉنۉندۅگۉ قووپسۇزدۇق ۉگۉت قولدونموسۇن تاراتتىق. قوومدوعۇ ار سالاداعىلاردىن چوعۇۇ چىمىرقانۇسۇندا، قاتتوو-تاشمال تارتئبىن جۅنگۅ سالۇۇ بارعانسايىن جاقشلانۇۇدا»، دەدى.

      ۉرۉمچۉ شااردىق قووم-قووپسۇزدۇق مەكەمەسى قاتتوو ساقچى بۅلۉمچۅ اتىرەتى داعى شئنجاڭ ەل رادىيو ىستانسىياسى حانزۇچا ۇنىۋىرسال رادىيوسۇنۇن « گۉلدۅي بالالىق »بەرۉۉسۉ مەنەن بىرگەلەشىپ، ۉرۉمچۉ شااردىق 13-باشتالعىچ مەكتەپ، ۉرۉمچۉ شااردىق 80-باشتالعىچ مەكتەپكە بارىپ، ناق مايداندا سۇرۇۇعو جووپ بەرۉۉ، ناق مايداندا ۉلگۉ كۅرسۅتۉۉ ىقماسىندا، باشتالعىچ مەكتەپ وقۇۇچۇلارىنا قاتتوو قووپسۇزدۇق بىلىمدەرىن ۉگۉتتۅدۉ. ۉرۉمچۉ شااردىق 13-باشتالعىچ مەكتەپ وقۇۇچۇسۇ جاڭ حانفاڭ : « اتام مەنەن اپام كۉندۅ دەگىدەي مەنى اپتوو ۇناا مەنەن مەكتەپ ووزۇنا چەيىن جەتكىرىپ كەلەت، مىندان كىيىن اتام مەنەن اپام مەنى مەكتەپكە اپتوو ۇناا مەنەن جەتكرىپ كەلگەندە  اپتوو ۇناانى مەكتەپ ووزۇنان الىسرااق جەرگە توقتوتسو، مەن ازىرااق جول جۉرۉپ مەكتەپتە كىرىپ كەتسەم، مەكتەپ ووزۇندا قاتتوو تىعىنى كۅرۉلبۅگۉدۅي»، دەدى.

   ۉچتۉن ايىنىن 1-كۉنۉ تۉشتۅن كىيىن، ماناس ووداندىق قووم-قووپسۇزدۇق مەكەمەسى قاتتوو ساقچى چوڭ اتىرەتى قاتتوو-تاشمال ساقچىلارىن ۇيۇمداشتىرىپ ايدووچۇلۇق ۉيرۅتۉۉ مەكتەپتەرىنە كىرىپ، كۇرسانتتارعا قووپسۇز جول جۉرۉۉ جانا قانتكەندە جول چىراعى مەنەن ماشئنا سەگىنالىن تۇۇرا ىشتەتۉۉ سىياقتۇۇ قاتتوو بئلىمدەرىن ۉگۉتتۅدۉ. ايدووچۇلۇقتۇ ۉيرۅنۉۉ مەكتەبىنىن كۇرسانتى جوۋ جەنفىڭ : « مەن بۉگۉن كۅپتۅگۅن زاكون-بەلگىلەمەدە بار جۅنۅكۅي ساباتتاردى ۉيرۅندۉم، مىندان كىيىن ايدووچۇلۇق كۉبۅلۉگۉن العاندان كىيىن اپتوو ۇناا ايداعاندا مۉلدۅ تەلەفون الباي، تامەكى تارتباي، اراق ىچبەي اپتوو ۇناانى قووپسۇز ايداپ، جاقشى اپتوو ۇناا ايدوو اداتىن جەتىلدىرەم» دەدى.

     تۉشتۅن مۇردا، بۅرتالا شااردىق قووم-قووپسۇزدۇق مەكەمەسى قاتتوو ساقچى چوڭ اتىرەتى قاتتوو-تاشمال قووپسۇزدۇعۇ بويۇنچا نەگىزگى تەمالۇۇ ۉگۉت قىيمىلىن قۇلاچ جايدىرۇۇعا ۇيۇمداشتىردى. ايدووچۇلۇق ۉيرۅتۉۉ مەكتەپتەرىنىن كۇرسانتتارى، تاكسى ايدووچۇلارى، ۇزۇن جولدۇ اپتوبۇز ايدووچۇلارىنىن ۅكۉلدۅرۉ كەڭىرى پىكىر الماشتىردى. كۅچۅ اپتوبوس ايداعانىنا 18 جىل بولعون جاڭ كايمىڭ، بىيىل جاقىندا ەلە «2017-جىلى شئنجاڭداعى جاقشى ايدووچۇ» ارداق اتاعىنا ەە بولعون، ال مىنداي دەدى: « مىندان كىيىن، مەن ۅزۉمۅ داعىدا قاتاڭ تالاپ قويۇپ، ۇشۇل جەردە ولتۇرعان باردىق قاتتوو ىشتەرىنە قاتىشۇۇچۇلارعا زاكون-تۉزۉمگۅ مويۇن سۇنۇپ، ادەپتۉۉ بولۇپ، قووپسۇز، مادانئي جول جۉرۉۉنۉ دەمىلگەلەيىم»، دەدى.

      ماملەكەت جولۇ G30 باجئياحۇ جول بۅلۉگۉندۅ، بۅرتالا وبلاستىق قووم قووپسۇزدۇق مەكەمەسى باجئياحۇ جوعورۇ داراجالۇۇ تاش جولۇ قاتتوو ساقچى چوڭ اتىرەتى قاتتوو وقۇيالارى سۉرۅت كۅرگۅزمۅسۉندۅ دەلولوردۇ مئساالعا كەلتىرىپ، جولدون ۅتكۅن ايدووچۇلارعا زاكونعو قايچى جورۇقتاردىن زىيانىن تۉشۅندۉردۉ. جۉك اۋتوۇناسىنىن ايدووچۇسۇ ما شىڭچىياڭ مىنداي دەدى: «ۇشۇل قاتتوو وقۇيالاردىن سۉرۅتتۅرۉن كۅرۉپ اياباي قورۇقتۇم، ايدووچۇ قاتارى قووپسۇزدۇقتۇ بئرىنچى ورۇنعا قويۇپ، ۅزۉمۅ وشوندوي ەلە ۉي-بۉلۅمۅ جووپتۇۇ بولومۇن. ايدووچۇ قاتارى بئز سۅزسۉز قووپسۇزدۇق بئلمدەردى ەستە بەكەم ساقتاشىبىز كەرەك ».  

      ۉگۉت قىيمىل بارىشىندا، كەرىيا ووداندىق قووم قووپسۇزدۇق مەكەمەسى قاتتوو ساقچى چوڭ اتىرەتى قالىڭ ايدووچۇلارعا اراق ئچىپ افتوۇنا ايدوو، باڭگى زات چەگىپ افتوۇنا ايدوو، قىزىل چىراقتى باسىپ ۅتۉۉ، چۇقۇل افتوۇنا جولۇن ەەلەپ الۇۇ سىياقتۇۇ قاتتووعو قايچى جورۇقتاردىن زىياندۇۇ ەكەنىن تۉشۉندۉرۉپ، كۅپچۉلۉككۅ جول قاتتوو قووپسۇزدۇعۇنا ماانئى بەرىپ، مادانئي قاتتووعو قاتىشۇۇچۇلاردان بولۇۇنۇ ەسكەرتتى. كەرىيا وودانىنداعى تاكسى ايدووچۇسۇ ازئز ىسلام مىنداي دەدى: «قاتتوو ەرەجەسى جانا جول قاتتوو قووپسۇزدۇعۇنا مويۇن سۇنۇۇنۇن زارىلدىعىن تولۇق تاانىپ جەتىپ، زاكون ەرەجەگە مويۇن سۇنۇۇ، مادانئي ساپارعا چىعۇۇنۇن ماڭىزىن سەزىپ جەتتىم. مەن داعى ۅزۉمۅ قاتااڭ تالاپ قويۇپ، جول قاتتوو قووپسۇزدۇعۇندا ۉگۉتتۅچۉلۅردۅن بولومۇن».

     قورعوس ەل ارالىق جۉرگۉنچۉلۅر بەكەتىندە، قورعوس شااردىق قووم قووپسۇزدۇق مەكەمەسى قاتتوو ساقچى چوڭ اتىرەتى اپتوبۇس، لەنيا جولۇ، تاكسى ايدووچۇلارىنا قاراتا قاتتوو قووپسۇزدۇق بىلمدەرىن ۉگۉتتۅدۉ. قورعوس شااردىق قووم قووپسۇزدۇق مەكەمەسى قاتتوو ساقچى چوڭ اتىرەتىنىن ورۇن باسار اتىرەت باشچىسى يان جىيەنجۉن مىنداي دەدى: «بئز قالىڭ قاتتوو قاتىشۇۇچۇلارىنا، جوعورۇ تەمپتۉۉ تاش جولۇنا كىرگەندە افتوۇنانى بايقاس قىلپ ايداپ، قووپسۇزدۇق ارالىعىن ساقتوو كەرەكتىگىن ەسكەرتەبىز. ناچار ابا ىرايىنا ۇچۇراعاندا قووپسۇز مادانئي جول جۉرۉپ، قووپسۇز افتوۇنا تەزدىگىن ساقتاشىبىز كەرەك».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.