باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 اپتونوم رايونۇبۇزدۇن ارقايسى جەرلەرى، كەمباعالداردى جۅلۅپ ۅنۉكتۉرۉۉ قىزمات ىڭعايىندا ىشتىكتۉۉ جاڭىلىق جاراتىپ، كەمباعال جان-ساندىن كىرەشە ارتتىرۇۇ قۇرباتىن جانا ۅنۉگۉۉ قۇرباتىن جوعورۇ كۅتۅردۉ
   2017-12-06 19:37:16     xjbs   

    پارتئيانىن 19- قۇرۇلتاي بايانداماسىندا: 2020- جىلى جالپى بەتكەي الدۇۇ قووم قۇرۇپ چىعۇۇ ورتوعو قويۇلعان. ۇچۇردا اپتونوم رايونۇبۇزدۇن جەر-جەرلەرى ۅز جەرىنە شاي كەمباعالداردى جۅلۅپ ۅنۉكتۉرۉۉ قىزمات ىڭعايىندا ىشتىكتۉۉ جاڭىلىق جاراتىپ، كەمباعالداردى تۅپ جۅلۅۅ تۉزۉلمۅ مەحانىزىمىن تۇرعۇزۇپ جانا كەمەلدەندىرىپ، كەمباعال جان-ساندىن كىرەشە ارتتىرۇۇ قۇرباتى مەنەن ۅنۉگۉۉ قۇرباتىن سىزىل جوعورۇ كۅتۅردۉ. ىستانسىيابىز قابارچىلارى ما گولەي، دئڭ شئياۋدانداردىن قابارى:
       
  ەكى كۉندۅن بەرى، باركۅل وودانى كۇيسۇ بازارى مالچىلىق قىشتاعىنىن تۇرعۇنۇ تۇردان مولدوقان جايدا تئجارات قىلعان مالچىلار شاتتىعى وردۇن جااپ، ۉيۉندۅ مال بوردووعو دايىندىق قىلىپ، كەلەەر جىلى جازىندا بازارعا چىعارىپ ساتۇۇنۇ پىلاندوودو. بئر قانچا جىلدىن الدىندا، ەچ قانداي ۅنۅرۉ جوق تۇردان مولدوقان قىشتاقتاعى ارحىپ تۇرعۇزۇپ كارتا بۉتۉرگۅن كەمباعال قىيىنچىلىقتۇۇ تۉتۉن بولۇپ، ۅكۉمۅتتۉن جاردام قارجىسىنا تايانىپ تۇرمۇش ۅتكۅرچۉ. بىلتىر، تۇردان مولدوقان كۉيسۇ بازارى ۅتكۅرگۅن اشپازدىق ۅنۅرۉ بويۇنچا تاربئيالوو كۇرسۇنا قاتىشىپ، ارتىنان بازاردىق ۅكۉمۅتتۉن قولدوپ جادام بەرۉۉسۉندۅ مالچىلار شاتتىعى وردۇن اچىپ، ۉي- بۉلۅ تۇرمۇشۇ زور داراجادا ۅزگۅرگۅن. ال مىنداي دەدى: ازىرقى تۇرمۇشۇبۇز مۇرداعىدان كۅپ جاقشى، جاڭى ۉيگۅ كۅچۉپ كىردىك، بىيىل مالچىلار شاتتىعى وردۇنان 20 مئڭ يۇان كىرەشە تاپتىم، انان داعى جايىت تولۇقتاماسىنا ەە بولدۇم. كىيىنكى جىلى داعى ۅزگۅچۅلۅنتۉپ مالچىلار شاتتىعى وردۇما كۅپتۅپ قاردار تارتسام دەيمىن، تۇرمۇشۇم كۉن سايىن جاقشىلانىشىنا ىشەنچىم ارتتى.
    
   باركۅل وودانىندا، تۇردان مولدوقان سىياقتۇۇ كەمباعالدىقتان ىيگىلىكتۉۉ ارىلعان ۉي- بۉلۅلۅر ابدان كۅپ. بىلتىرتان بەرى، باركۅل وودانى كەمباعال جان- ساندارعا ارحىپ تۇرعۇزۇپ كارتا بۉتۉرۉۉ قىزماتىنىن تالابىنا نەگىز، كەمباعال قىيىنچىلىقتۇۇ جان- سانداردىن كىرەشەسى، كەرەكتۅۅسۉ، سالاماتتىعى، اعارتۇۇسۇ سىياقتۇۇ كەمباعال قىيىنچىلىق كۅرسۅتكۉچۉن باالوو سىستەماسىن قۇرۇپ، ۅزگۅچۅ كەسىپ ارقىلۇۇ تۉرتمۅكتۅۅ، قوتورۇپ جۇمۇشقا ورۇنداشتىرۇۇ، ەكولوگىيالىق تولۇقتاما، قوومدۇق قامتاماسىزداندىرۇۇ، چەك اراداعى كەمباعالداردى جۅلۅۅ سىياقتۇۇ «10 چوڭ اتايى تۉر اراكەتى» ارقىلۇۇ كەمباعالدىقتان تۅپ ارىلتۇۇنۇ جىلىشتاتتى. بئر جىلدان اشۇۇن ۇباقىت چىمىرقانۇۇ ارقىلۇۇ، باركۅل وودانىنداعى 7703 ارحىپ تۇرعۇزۇپ كارتا بۉتۉرگۅن كەمباعال  جان- ساندىن ىچىندە 7426سى كەمباعالدىقتان ارىلۇۇ ۅلچۅمۉنۅ جەتىپ، كەمباعال قىيىنچىلىق ابالى كۅرۉلۉۉ سالىشتىرماسى 2015- جىلداعى 9.5 پايىزدان ازىرقى 0.39 پايىزعا تۅمۅندۅگۅن.
 
      حوتەن ايماعى نىيە وودانى جەرگىلىك ۅزگۅچۅ مۅمۅلۉۉ باق كەسىبىن تايانىچ قىلىپ، كەسىپتەر ارقىلۇۇ كەمباعالداردى سۅۅمۅلدۅۅنۉ كۉچۅپ الىپ باردى. ۇچۇردا نىيە وودانىنداعى كەمباعال  تۉتۉندۅردۉن كىشى باشىندىق ورتوچو  مۅمۅلۉۉ باق ايانتى 3.6 موعو جەتىپ، كىشى بارشىنا تۇۇرا كەلگەن ورتوچو كىرەشەسى 3مئڭ 217 يۇان 56 تىيىن بولعون. وشونۇ مەنەن بئر ۇباقىتتا، نىيە وودانى ەمگەك كۉچتۅردۉ قوتورۇپ جۇمۇشقا ورۇنداشتىرۇۇنۇ ىشتىكتۉۉ جەتەكتەپ، توولۇۇ سۇۇق رايون جانا چۅلدۅ جاشاعان جاشوو شارت- جاعدايى ناچار 336 تۉتۉن جان سانىن كۅچۉرۉپ ورۇنداشتىرىپ كەمباعالدىقتان ارىلتۇۇ قىزماتىن ىشتەپ، ەمگەك قىلۇۇ جۅندۅمۉ جوق جە ەمگەك قىلۇۇ جۅندۅمۉن جويعون 1مئڭ 982 تۉتۉنگۅ قاراتا دارىلوو جاقتان جاردام بەرۉۉ جانا قوومدۇق قامتاماسىزداندىرۇۇ ساياساتى ارقىلۇۇ كەمباعالدىقتان ارىلتۇۇنۇ جولعو قويۇپ، كەمباعالدىقتان تۅپ ارىلتۇۇ چىنىعى بەرەكەتكە ەە بولدۇ. نىيە ووداندىق كەمباعالداردى جۅلۅپ-جالچىتۇۇ ئشقاناسىنىن مۇدۇرۇ لىيۇ جئيەن مىنداي دەدى: ماملەكەت جانا اپتونوم رايوندۇن ۉچۉنچۉ جاق كەمباعالدىقتان چەگىنىپ چىعۇۇسۇن تەكشەرىپ ۅتكۅرۉپ الۇۇسۇنان شىدىر ۅتتۉك، مىندان كىيىنكى قىزمات بارىشىندا، پارتئيانىن 19- قۇرۇلتاي رۇحۇن جەتەكچى قىلىپ، ۇلاندۇۇ جاڭى قىر اشىپ، قىيىن ۅتكۅلگۅ ات سالۇۇ مۅمۅسۉن ۇلاندۇۇ بەكەمدەپ، 2020- جىلعا بارعاندا ماملەكەت مەنەن تەڭ ارىمدا جالپى بەتكەي الدۇۇ قووم قۇرۇپ چىعۇۇ نئشاانىن ىشكە اشىرۇۇعا كەپىلدىك قىلابىز.
    
   (ناق مايدان ۉنۉ: ساتىپ جاتقان قايماعىڭىز ابدان جاقشى ەكەن، سووداڭىز بارعان سايىن جاقشىلانىپ جاتىپتىر. ووبا، سۉت جاقشى. اندا اقچانى جاقشى تااپ جاتقان ەكەنسىز.)
    چاپچال وودانى سۉنجاچىنىرۇ بازارى سۇنجاچىنىرۇ قىشتاعىنىن تۇرعۇنۇ تاڭ حۇڭدۇن ۉيۉنۅ، قىشتاقتاعى ەلەكتىروندۇق سوودا تەيلۅۅ پۉنكۉتۉندۅكۉلۅر كەلىپ جاڭى ەلە جاساپ قويعون 50 قايماقتى ساتىپ كەتىشتى. تاڭ حۇڭدۇن ۇۇلۇ ىچكى ۅلكۅدۅ ۇنىۋەرسىتەتتە وقۇيت، ۉيۉندۅ بئر قانچا مو ايدوو جەرىنەن باشقا ەچ نەرسەسى جوق، جۇبايلار ۇباقىتىلۇۇ جۇمۇش ىشتۅۅ ارقىلۇۇ تۇرمۇشۇن ۅتكۅرۉپ كەلگەن. بازارعا ەلەكتىروندۇق سوودا تەيلۅۅ پۉنكۉتۉ قۇرۇلعاندان بەرى، تاڭ حۇڭدۇن ۅنۅرۉ تاانىلا باشتادى. ال سۉت ساتىپ الىپ قايماق چىعارىپ ساتات، كۉيۅۅسۉ جەرلىك تووق باعىپ، جىلقى چۇچۇعۇن جاساپ ساتىپ، تۇرمۇش شارت- جاعدايى مۇرداعىدان كۅرنۉكتۉۉ جاقشىلاندى، تاڭ حۇڭ مىنداي دەدى: ەلەكتىروندۇق سوودا ۅرۉشۉ ارقىلۇۇ ساتۇۇ جولۇ ابدان جاقشى بولۇۇدا، انىن ۉستۉنۅ ۋاكۇمسۇز قىلىپ قاچالانىپ ىچكى ۅلكۅگۅ ساتىلىپ جاتات. باشتابىندا 8، 9 يۇاندان ساتىپ جاتقانبىز، ازىر 15 يۇانعا چەيىن ۅستۉ. ازىر ۉيۉبۉزدۅگۉ باردىق راسقۇتتار، بالامدىن وقۇۇ قارجىسى، تۇرمۇشتۇق قارجى چەچىلدى.
      2016- جىلى، اپتونوم رايونۇبۇزدۇن كەمباعالدىقتان ارىلتۇۇ بويۇنچا قىيىن ۅتكۅۅلگۅ ات سالۇۇ جالپى ورۇنداشتىرۇۇسۇنا نەگىز، چاپچال وودانى كەمباعالدىقتان ارىلۇۇ قىيىن ۅتكۅلۉۉنۅ ات سالۇۇ بويۇنچا كەمباعالدىقتان جالپى بەتكەي قۇتۇلۇۇ قىزماتىن قوزعوتۇپ، كادىرلاردى كەمباعالدار مەنەن قوشوقتوشۇپ جاردام بەرۉۉ ىقماسىندا، كەمباعال تۉتۉندۅردۉ قورووسۇندا قوي، ۇي باعۇۇ، جاشىلچا ايدووعو شىقتاندىرىپ، ەمگەك كۉچۉن قوتورۇپ جۇمۇشقا ورۇنداشتىرۇۇ سىياقتۇۇلارعا كەڭىرى قاتىشتىرىپ، كەمباعال تۉتۉندۅردۉن چىنىعى كەمباعالدىقتان ارىلۇسۇۇن كەپىلدىككە العان. اندان بۅلۅك، چاپچال وودانى داعى ەلەكتىروندۇق سوودا ۅرۉشۉ ارقىلۇۇ، ار ۇلۇت جۇرتچۇلۇعۇن ىنتەرنەتتە بايۇۇ جولۇنا باشتاعان. بىيىل، بۉتكۉل ووداندىن ىنتەرنەتتە جانا ىنتەرنەتسىز جاعدايدا تۉشۉمدۅردۉ ساتۇۇ ىقماسىندا، تۉردۉۉ تۉشۉمدۅردۉن ساتىلۇۇ جالپى سۇمماسى 35 مئللىيون يۇانعا جەتىپ، 20 مىڭدەن اشۇۇن كەمباعال تۉتۉندۉ كىرەشەسىن ارتتىرىپ بايۇۇ جولۇنا باشتاعان. چاپچال ووداندىق كەمباعالداردى جۅلۅپ-جالچىتۇۇ ئشقاناسىنىن جووپتۇۇسۇ جوۋ يۇانلئى مىنداي دەدى:-ۅزگۅچۅ كەسىپ، جۇمۇشقا ورۇنداشتىرىپ قوتورۇۇ سىياقتۇۇ 15 تۉردۉۉ ارنالۇۇ تۉر قىيمىلىن قۇلاچ جايدىرىپ، ايرىقچا ەلەكتىروندۇق سوودا ىشتەرىن ايىل-قىشتاققا كىرگىزۉۉدۅ ۉلگۉلۉۉ وودان بولۇۇنۇ وڭۇت دەپ قاراپ، ىنتەرنەت جاڭى ەكونومىكا فورماسىن ايىل-قىشتاققا كىرگىزىپ، «ايىل-قىشتاق ەلەكتىروندۇق سووداسى + كەمباعالدىقتان ارىلۇۇ»دان تۇرعان بۇل تۉردۉۉ ىقمانى بئردەمجىي جاقشىرتىپ جوعورۇلاتىپ، ايىل-قىشتاقتىن نەگىزگى جەتەكچى كەسىبى مەنەن جۇۇرۇلۇشتۇرۇپ، كەمباعال تۉتۉندۅردۉن چاربا جاراتىپ، جۇمۇشقا ورۇنداشۇۇسۇن تۉرتمۅكتۅپ، ۇچۇرداعى كەمباعالدىقتان ارىلۇۇ ناتىيجاسىن بەكەمدەدىك!

     جاقىنقى جىلداردان بەرى، ەلەكتىروندۇق سوودا ۅرۉشۉنۉن ۅنۉگۉسۉنۉن شاراپاتى جانا قاتتوو-تاشمال وبورت نەگىزگى جابدۇۇسۇنۇن ۉزگۉلتۉكسۉز كەمەلدەنۉۉسۉندۅ، اپتونوم رايونۇبۇزدۇن ايىل-قىشتاق ەلەكتىروندۇق سوودا ىشتەرى كەسىبى ۅنۉگۉۉسۉ باچىمداپ، انسايىن كۅپتۅگۅن دىيقان-مالچى جۇرتچۇلۇعۇن كەمباعالدىقتان ارىلتۇۇنۇ ىلگەرى سۉردۉ. الئبابانىن چەك القىعان ەلەكتىروندۇق سوودا ىشتەرى شئنجاڭ تەيلۅۅ بوربورۇنۇن اتقارۇۇچۇ باش كۅزۅمۅلدۅچۉسۉ جاۋ جوۋلىياڭ مىنداي دەدى : « ەلەكتىروندۇق سوودا ىشتەرى كەمباعالدىقتان تۅپ ارىلتۇۇنۇن زارىل تاندووسۇ، بئز داعىدا كۅپتۅگۅن دىيقان تۉتۉندۅردۉ ەلەكتىروندۇق سوودا ىشتەرى ارقىلۇۇ الاردىن تۉشۉمدۅرۉن سىرتقا ساتۇۇسۇنا جاردام بەرەبىز. ەلەكتىروندۇق سوودا ىشتەرى داعىدا كۅپتۅگۅن كىشىلەردى جۇمۇش وردۇ مەنەن قامداپ، ەلەكتىروندۇق سوودا ىشتەرى ارقىلۇۇ انسايىن كۅپتۅگۅن جاشتاردىن چاربا جاراتۇۇ اڭسووسۇن ىشكە اشىرىپ، جۇمۇشقا ورۇنداشتىرۇۇ سالىشتىرماسىن جوعورۇلاتۇۇ ارقىلۇۇ داعىدا كۅپتۅگۅن كەمباعال تۉتۉندۅردۉ بئر قىيلا جاقشى كىرەشە كىرگىزۉۉ ىشەنچىنە ەە قىلابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.