باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇمۇشقا ورۇنداشتىرىپ كەمباعالدىقتان ارىلتۇۇ، حوتەن ايماعىنىن كەمباعالدىقتان ارىلتۇۇ ۅتكۅلۉنۅ ات سالۇۇ كۉرۅشۉندۅ جەڭىشكە جەتۉۉسۉنۅ سەپتىگىن تىيگىزدى
   2018-01-11 20:09:53     xjbs   

ىستانسىيابىز قابارى:     
  
     بئردىن ايى جە 1- ايدىن 1- كۉنۉ، اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى، حوتەن ايماقتىق پارتكوم،ۋالئي مەكەمەسى بىردىكتە ۅتكۅرگۅن 2018- جىلقى ارحىپ تۇرعۇزۇپ كارتا بۉتۉرگۅن كەمباعال قىيىنچىلىقتۇۇ ۉي- بۉلۅردۉ جۇمۇشتاندىرىپ سۅۅمۅلدۅۅ اراكەتىن قوزعوتۇۇ ازەمى حوتەن ايماعى كەرىيە ووداندىق شئنيە قوتورۇپ جۇمۇشقا ورۇنداشتىرۇۇ كەسىپتىك ۅنۅر تاربئيالوو مەكتەبىندە ۅتتۉ.
   
   كەرىيە وودانىنان كەلگەن 500 كەمباعال قىيىنچىلىقتۇۇ ۉي- بۉلۅنۉن ەمگەك كۉچتۅرۉ گۇاڭدۇڭ، چئڭداۋ، حۇبەي سىياقتۇۇ ىچكى ۅلكۅدۅگۉ كەرقانالارعا بارىپ جۇمۇشتانىپ، بىيىلقى حوتەن ايماعىنداعى جۇمۇشتاندىرىپ كەمباعالداردى جۅلۅۅنۉن كۅشۅگۅسۉن اچتى. كەرىيە ووداندىق شئنيە قوتورۇپ جۇمۇشقا ورۇنداشتىرۇۇ كەسىپتىك ۅنۅر تاربئيالوو مەكتەبىندە بئر ايعا جاقىن نەگىزگى ساپات جانا نەگىزگى ۅنۅر بويۇنچا تاربئيالانۇۇ ارقىلۇۇ، كۇرسانتتاردىن ماملەكەت تئل دەڭگەەلى جوعورۇلادى. كۇرسانت ايگۉل ماتقاسىم مىنداي دەدى: جاڭى جىلدىن بئرىنچى كۉنۉ، مەن شەرىكتەرىم مەنەن بىرگە گۇاڭدۇڭ حۇيجۇۋ چەكتۉۉ شەرىكتىنە بارىپ جۇمۇشتانعانى تۇرام، ابدان تۇلقۇندانىپ جاتام، پارتئيا جانا ۅكۉمۅتتۉن بئزگە ۇشۇنداي جاقشى جۇمۇشتانۇۇ وڭتۇن جاراتىپ بەرگەنىنە ىراازىمىن. ال جاققا بارعاندان كىيىن، بئز تەحنىكانى، ماملەكەت تئلىن جاقشى ۉيرۅنۉپ، ۇلۇتتار ىنتىماعىن كۉچۅتۉپ، كۅپ اقچا تااپ، ۉي- بۉلۅمدۉن ەەتەرەەك كەمباعالدىقتان ارىلىپ بايۇۇسۇنا جاردام بەرەمىن.
 
     29 جاشتاعى ماتقاسىم مەتتۇرسۇن بۇل جولۇ حۇبەي ۇۋحان فۇجە ەلەكتىروندۇق شايمان چەكتۉۉ شەرىكتىنە جۇمۇشچۇ بولۇۇعا بارات، ال ۅزۉنۉن چىمىرقانۇۇسۇ ارقىلۇۇ كۅپتۅگۅن ايىلداشتارىنا جاقشى تااسئرىن كۅرسۅتۉپ الاردىن سىرتقا چىعىپ جۇمۇشتانۇۇسۇن ۉمۉت قىلارىن ايتىپ مىنداي دەدى: مەن ال جاققا بارعاندان كىيىن كۅپ اقچا تااپ، جاقشى ىشتەپ، ال جاقتا ۇققان، ۉيرۅنگۅن، كۅرگۅندۅرۉمدۉ ايىلداشتارىما سۉيلۅپ بەرىپ، الارعا دا سىرتتىن قانچالىق جاقشى ەكەنىن، جۇمۇش ىشتۅۅنۉن جاقشى جاقتارىن سەزىندىرىپ، الاردى سىرتقا چىعىپ اقچا تابۇۇعا ەلىكتىرەمىن.

     بىلۉۉگۅ قاراعاندا، 2017- جىلى كەرىيە وودانى 102 مئڭ 700 كىشى ىرەت قوتورۇپ جۇمۇشقا ورۇنداشتىرعان، مىندا، ارحىپ تۇرعۇزۇپ كارتا بۉتۉرگۅن كەمباعال قىيىنچىلىقتۇۇ تۉتۉندۉن سانى 36 پايىزىن ەەلەگەن. اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى دىيقان  ىشتەمچىلەر قىزمات باشقارماسىنىن ورۇنباسار باشچىسى لئى حۇڭۇۋ مىنداي دەدى: قوتورۇپ جۇمۇشقا ورۇنداشتىرۇۇ ەڭ تىكەلەي ەڭ ۅنۉمدۉۉ كەمباعالدىقتان ارىلتۇۇ ارعاسى. بئز ىچكى ۅلكۅدۅگۉ كەرقانالارعا قوتورۇپ جۇمۇشتاندىرۇۇعا ۇيۇمداپ، شئنجاڭ ىچىندە رايون اتتاتىپ قوتورۇپ جۇمۇشتاندىرۇۇ جانا ۅز جەرىندە جاقىن  جەردە جۇمۇشتاندىرۇۇ سىياقتۇۇ  ۉچ تۉردۉۉ جول ارقىلۇۇ، بئزدىن كەمباعال قىيىنچىلىقتۇۇ ۉي- بۅلۅلۅردۅگۉ ارتىق ەمگەك كۉچتۅردۉن تۇرۇقتۇۇ جۇمۇشتانۇۇسۇنا كەپىلدىك قىلىپ، وشول ارقىلۇۇ تۇرۇقتۇۇ كەمباعالدىقتان ارىلۇۇسۇن ىشكە اشىرابىز.
    كەمباعالدىقتان ارىلتۇۇ ەڭ چوڭ ساياسىي مىلدەت، ەڭ چوڭ ەل تۇرمۇشۇ قۇرۇلۇشۇ، ەڭ چوڭ ۅنۉگۉۉ وڭۇتۇ. تۉشتۉك شئنجاڭداعى ايىل- قىشتاق كەمباعال قىيىنچىلىقتۇۇ ۉي- بۉلۅلۅر جۅنۉنۅن العاندا، مادانئيات دەڭگەلى تۅمۅن بولۇۇ، كەسىپتەنۉۉ ۅنۅرۉ كەمچىل، سىرتقا چىعۇۇ قۇرباتى جانا نازار چۅلكۅمۉ تار بولۇۇ الاردىن كەمباعالداشۇۇسۇنۇن سەبەبى، وشوندوي ەلە جۇمۇشقا ورۇنداشا البووسۇنداعى مۉچۉلۉشتۉك جاعى، كەمباعالداردى جۅلۅۅ تابىلعاسى تۇرۇقتۇۇ بولۇۇ، كەمباعال قىيىنچىلىقتۇۇ جان- سانداردىن كىرەشەسى كەپىلدىككە ەە بولۇۇسۇ ۉچۉن، بئر تۉردۉۉ دايىمدۇۇ تۇرۇقتۇۇ كىرەشەسىن ارتتىرۇۇ تۉزۉمۉن قۇرۇپ، ايىل- قىشتاقتاعى كەمباعال قىيىنچىلىقتۇۇ  جان- سانداردى ۇيۇمداشتىرىپ، ۅنۅرگۅ تاربئيالوو ارقىلۇۇ، ۅنۅر مەنەن قۇرالدانۇۇنۇ ىشكە اشىرىپ، انان داعى قوتورۇپ جۇمۇشتاندىرۇۇ ارقىلۇۇ، ايىل- قىشتاق كەمباعال قىيىنچىلىقتۇۇ جان-ساندى قارا كۉچۉنۅ تايانۇۇدان ۅنۅرۉ ارقىلۇۇ ەمگەكتەنۉۉگۅ ۅزگۅرتۉپ، ۅكۉمۅت شاارداعى كەرقانالارعا تاانىشتىرىپ، الاردى قوشوقتوپ ۅز ارا بئر-بئرىنىن سىرتقا چىعۇۇسۇنا جاردام بەرىپ، اقىرىندىق مەنەن شاار تۇرمۇشۇنا ارالاشتىرىپ، وشول ارقىلۇۇ كەمباعالدىقتان ارىلۇۇ قىيىن ۅتكۅلۉنۅ ات سالۇۇعا سەپتىگىن تىيگىزىپ، كەمباعالداردى سۅۅمۅلدۅۅ تابىلعاسىنىن تۇرۇقتۇۇ بولۇۇسۇ ۉچۉن جاقشى ارعا مەنەن قامسىزدوو كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.