جۇڭگو تىشقى ئشتەر مئنىستىرلىگى 4-يانۋار جە بئردىن ايىنىن 4-كۉنۉ بوربوردۇق ەل ۅكۉمۅتۉنۉن باشچىسى لئى كىچىياڭدىن لەنساڭجيياڭ-مەكونگ دارىياسى قىزماتتاشتىعىنىن ەكىنچى جولقۇ جەتەكچىلەر جىينالىشىنا قاتىشۇۇسۇ جانا كامبودجادا ئش-ساپاردا بولۇۇسۇ بويۇنچا جۇڭگو جانا چەت ماملەكەت ماالىمات ارالجىلارىنا ماالىمات بىلدىرۉۉ جىينالىشىن ۅتكۅردۉ، تىشقى ئشتەر مئنىستىرلىگىنىن ورۇنباسار مئنىستىرى كۇڭ شۇانيوۋ بايلانىشتۇۇ ابالداردى تانىشتىرى ارى جۇڭگو جانا چەت ماملەكەت قابارچىلارىنىن سۇرووسۇنا قايرىلدى. كۇڭ شۇانيوۋ مىنداي دەدى: كامبودجانىن باش ۋازىرى حوڭسىندىن سۇنۇشۇ بويۇنچا، ۅكۉمۅت باشچىسى لئى كىچىياڭ 10-يانىۋاردان، 11-يانىۋارعا چەيىن جە بئردىن ايىنىن 10-كۉنۉنۅن 11-كۉنۉنۅ چەيىن كامبودجانىن پىنومپەن شاارىندا لانساڭجىياڭ-مەكونگ دارىياسى قىزماتتاشتىعىنىن ەكىنچى جولقۇ جەتەكچىلەرى جىينالىشىنا قاتىشات ارى كامبودجادا ىراسئمىي ئش-ساپاردا بولوت. بۇل جولقۇ ئش-ساپارى بىيىل جۇڭگونۇن قوشۇنالار مەنەن بولعون دئپلوماتىيالىق بايلانىشىنىن باشتالىشى بولۇپ، لانساڭجىياڭ-مەكونگ دارىياسى قىزماتتاشتىعىن تەرەڭدەتۉۉدۅ زارىل ماانىگە ەە، وشوندوي ەلە ۇچۇرداعى جانا مىندان كىيىنكى بئر مەزگىلدەگى جۇڭگو مەنەن كامبودجا بايلانىشىنىن ۅنۉگۉسۉۉندۅ تەرەڭ تااسىرگە ەە ەكەن.