باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 سىرداشتار مۇزىكا اسپابىن چوعۇۇ جاساپ، ىنتىماق ىرىن چوعۇۇ جاڭىرتالى
   2018-01-30 16:26:01     xjbs   
    بئردىن ايىنىن جە 1- ايدىن 25- كۉنۉ تۉشتۅن كىيىن، تۇرپان شاارى ئدىقۇت رايونۇ جۉزۉم بازارى مۇنار قوومدۇق قونۇشۇنداعى مەمەت ابدۇگۇلدۉن ۉيۉندۅ باشقى كەيىپكەر جانا انىن جاقشى دوسۇ ۋاڭ جىيانگو تامبۇردۇن ۉنۉن تەڭشەگەندەن كىيىن «ۇلۇتتار ىنتىماعى جاقشى» «مۇدانحان» دەگەن مۇزىكالاردى چالىپ، بۇل مۇزىكالىق اسباپتىن ۉنۉن سىناق كۅردۉ.
      59 جاشتاعى مەمەت ابدۇگۇل جەرگىلىكتەگى اتاقتۇۇ ۇلۇتتۇق مۇزىكالىق اسباپ جاسووچۇ، اندان 10 جاش ۇلۇۇ ۋاڭ جىيانگو ۇلۇتتۇق مۇزىكالىق اسباپتى جاسووسۇ جانا ىزىلدۅۅچۉ. ون  نەچە جىل مۇردا، بئر جولقۇ ۇلۇتتۇق مۇزىكالىق اسباپ جاسوو كۇرسۇندا ەكۉۉ ساباق الۇۇ سەبەبى مەنەن تاانىشىپ قالات. مەمەت ابدۇگۇل مىنداي دەدى: ال ماعا كۅپتۅگۅن تەحنىكالاردى ۉيرۅتتۉ، مۇزىكالىق اسباپ جاسوونۇن ەڭ تاتاال جەرلەرىندە ماعا جاردام بەردى. كەەدە مۇزىكالىق اسباپتاردى جاسوو جۇمۇشۇ كۅپ بولۇپ كەتكەندە، جەتىشبەي قالسام، ۋاڭ اعام كەلىپ جاردام بەرەت، ۇباراچىلىق دەبەي دايىما كەلىپ جاردامداشىپ تۇرات.
       
      بۇعا ىراازىچىلىعىن بىلدىرۉۉ ۉچۉن، ار كۉنۉ جايدا قوروودو ۉجمۅ، ۅرۉك، جۉزۉمدۅر بىشقاندا، مەمەت ابدىگۉل ۋاڭ جىيانگونۇ قونوققو چاقىرات. ۋاڭ جىيانگو مىنداي دەدى:- ۉجمۅ بىشتى، كەلىپ ۉجمۅ جەپ كەت، مەن ساعا بئر سەبەت الىپ قويدۇم دەيت. جۉزۉم بىشقاندا جۉزۉپ جە دەپ چاقىرات. بۇل زاتتىق نەرسە ەمەس، ىنتىماق، مەەرى- ماحابات.
  بىلتىر قۇلجادا، مەمەت ابدۇگۇل جەتى مئڭ نەچە يۇاندىق مۇزىكالىق اسباپ جاسوو بۇيرۇتماسىن قابىلدايت، بئروق بئر ۇباقتا ەلە ماتەرىيال الۇۇعا مىنچالىق كۅپ اقچا تابا البايت، ۋاڭ جىيانگو مىندان قاباردار بولعوندون كىيىن مايانا كارتاسىنداعى پەنسىيا مااشىن اعا چىعارىپ بەرەت، بۇل مەمەت ابدۇگۇلدۉ ابدان تااسىرلەندىرەت. ال مىنداي دەدى:- ۋاڭ اعامدىن جاردامى بولبوعوندو، مەن بۇيرۇتمانى بۉتۉرۅ البايت ەلەم، اعا چىنىندە ەلە ىراقمات ايتام! ال مەنىن بئر تۇۇعانىمداي ەلە.
         بۉگۉنكۉ كۉندۅ ەكۅۅ ۇلاندۇۇ تۉردۅ بۇل ۇلۇتتار ىنتىماعى مۇزىكاسىن جاڭىرتىپ كەلەت. ۋاڭ جىيانگو مىنداي دەدى:-  مەمەت ۇستام مەنەن بولعون مەەرى- ماحاباتىبىز ۇشۇنچا جاقشى، بئز چوعۇۇ مۇزىكالىق اسباپ جاسايبىز، ۅز ارا پىكىر الماشتىرابىز جانا تەحنىكا الماشتىرابىز. مىندان ارى بئزدىن دوستۇعۇبۇز انسايىن جاقشى ساقتالات، بالدارىبىزدى بىزگە وقشوش ۅز ارا ىنتىماقتاشتىرابىز.
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.