باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تووروقتوي چەك اراعا بەكەم تامىر تارتۇۇ
   2018-01-30 17:07:49     xjbs   
ىستانسىيابىز قابارى: 
   شئنجاڭ مەدىتسىنا ۇنىۋەرىستەتىنە قاراشتۇۇ بئرىنچى دوقتۇرقاناسى جۉرۅك قان تامىر ئچكى بۅلۉمۉنۉن وورۇ مۉنۅزدۅۅ وردۇندا،جۉرۅك قان تامىر وورۇسۇ بويۇنچا ادئس، بىيىل 86 جاشقا چىققان حى بئڭشيان بەيتاپتاردىن وورۇسۇن استايدىل كۅرۉپ جاتقان ەلە. بەلگىلەمە بويۇنچا تۉشتۅن مۇردا اداتتا 10 كىشى كۅرۅت، ساات 12 جارىمدا ەلە وورۇ كۅرۉۉ اقىرلاشات، بئروق حى بئڭشىيان سەستىراعا داعى 20 نومەر بەرىپ، وورۇ كۅرۉۉ ۇباقىتىن تۉشكۉ ساات 2گە چەيىن سوزۇپ ىشتەن تۉشكۅن، حى بئڭشىيان مىنداي دەدى: بەيتاپتار الىستان كەلىشەت چىنىندا ابدان قىيىن، جاڭى ەلە ەكى بەيتاپ التايدان كەلىشىپتىر، مەيمانقاناعا جاتسا بئر كۉندۉگۉ ەڭ ارزان بولعوندو 200 يۇان بولوت، وشوعو مەن الارعا كۅڭۉل بۅلۉپ، ايرىم تەكشەرۉۉلۅردۉ امالدىن بارىنچا الدىن بۉتۉردۉم.
         حى بئڭشىيەن جىجئياڭ ۅلكۅسۉنۉن لانشئى شاارىنان، 1956-جىلى، ۇنىۋىرىستەتتى بۉتۉرگۅندۅن كىيىن ال شئنجاڭ مەدىتسىنا ۇنىۋەرىستەتىنە قاراشتۇۇ بئرىنچى دوقتۇرقاناسىنا كەلىپ قىزماتتانات. شئنجاڭعا كەلگەندەن كىيىن، جەڭىشتۉۉ تۉردۅ شئنجاڭ تارىحىنداقى بئرىنچى ەلەكتىرو كاردىيوگىرامما(جۉرۅك سۉرۅتتۅمۅسۉن) جاساپ چىعىپ، جۉرۅك ۇلتۇرا دووش دولقۇنۇندا تەكشەرۉۉ تەحنىكاسى جوق ابال استىندا، بئرىنچى بولۇپ جۉرۅككۅ ۅتكۅزگۉچ تۉتۉكچەسىن سالۇۇ قاتارلۇۇ تەكشەرۉۉ تەحنىكالارىن قۇلاچ جايدىرعان؛ ۇلاندۇۇ ىلىكتۅۅ ارقىلۇۇ، ال شئنجاڭداقى جۉرۅك وورۇسۇنا چالدىققان نوقاستارعا بئرىنچى بولۇپ جۉرۅك سوقتۇرۇۇ اسپابىن سالات. 1961-جىلدان بەرى، حى بئڭشىيەن تووروقتوي چەك ارا رايونعو تەرەڭ تامىر تارتىپ، ار ۇلۇت جۇرتچۇلۇعۇنۇن سالاماتتىعى ۉچۉن كۉچ قوشوت.   
      شئنجاڭ مەدىتسىنا ۇنىۋەرىستەتىنە قاراشتۇۇ بئرىنچى دوقتۇرقاناسىنىن كادىرلار بۅلۉمۉ ىچكى وورۇلار 1-بۅلۉمۉنۉن ورۇن باسار مۇدۇر ۋاراچى الىمجان قادىر مىنداي دەدى:-بئزدى ۅتۅ ەلە تااسىرلەندىردى، ەڭ تەرەڭ تااسئر قالتىرعانى انىن قىزمات وردۇن بەكەم سۉيۉۉ رۇحۇ بولدۇ. از ساندۇۇ ۇلۇت جولدوشتور مەنەن پىكىر الماشتىرۇۇ قىيىن بولعوندو، ال اتايى بۇل قىيىنچىلىقتى چەچۉۉ ۉچۉن ۅزدۉگۉنۅن ۇيعۇر تئلىن، قازاق تئلىن ۉيرۅندۉ. ار ۇلۇت وقۇۇچۇلارىن تاربئيالووعو ۅتۅ ماانئى بەرۉۉچۉ، ال: از ساندۇۇ ۇلۇت دوقتۇرلارىن تاربئيالاپ جەتىشتىرۉۉدۅ تئل وڭۇتتۇۇلۇعۇ بولسو ابدان جاقشى قىزمات ىشتەي الات دەچۉ. ال بۇل جەرگە كەلەلباعان نەگىزگى قاتمار دوقتۇرلارىنا چۅنتۅگۉنۅن قارجى چىعارىپ، كىتەپ جىبەرىپ بەرىپ، جۉرۅك قان تامىر ىچكى بۅلۉمۉ جاعىنداقى جاڭىچا جىلىشتوولوردۇ اقىسىز تاراتۇۇنۇ 20 قانچا جىل ۇلانتتى.
   حى بئڭشىيان مىنداي دەدى:-مەن شئنجاڭعا كەلىپ قىزماتتانعان 60قانچا جىلدان بەرى، ۅزۉم تۇيۇنعان ەڭ چوڭ كۅڭۉل جۇباتاار سىيمىعىم بولسو مەن شئنجاڭدىن دوقتۇرلارىن جەتىشتىرىپ چىققانىم بولدۇ. ار ۇلۇت دوقتۇرلارىن سۅزسۉز كۅپتۅپ جەتىشتىرۉۉ كەرەك، الاردىن نەگىزگى قاتمارداقى رولۇ مەنىكىنەن چوڭ، مەن تاربئيالاپ جەتىشتىرگەن كۅپتۅگۅن وقۇۇچۇلار شئنجاڭدىن ارقايسى جەرلەرىندە قىزماتتانۇۇدا، ۇلۇتتار ىنتىماقتىعىنىن ابدان زارىل نەگىزى، ەل ۉچۉن تەيلۅۅ جۉرگۉزۉۉ مەن ۉچۉن ەڭ چوڭ سىيمىق!
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.