باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدۇن تەمىر جول، تاش جول تارماقتارى كۅكتۅم مايرامىنىن الدىنداقى جۉرگۉنچۉلۅر اعىمى قارقىنىن توسۇپ الدى
   2018-02-14 13:30:24     xjbs   

ىستانسىيابىز قابارى:
2- ايدىن 13- كۉنۉ اپتونوم رايونۇبۇزدۇن تەمىر جول، تاش جول تارماقتارى كۅكتۅم مايرامىنىن الدىنداقى جۉرگۉنچۉلۅر اعىمى قارقىنىن توسۇپ الىپ، ار قايسى ورۇندار ىشتىكتۉۉلۉك مەنەن جۉرگۉنچۉلۅردۉن وڭۇشتۇۇ ساپار تارتۇۇسۇن قامتاماتسىزداندىردى.ىستانسىيابىز قابارچىسى جئن لئيدىن قابارى. 
   
ۉرۉمچۉ ۋاكزالىندا جوون توپ جۉرگۉنچۉلۅر چوڭ- كىچىك ەمىرەەك- كەچەسىن كۅتۅرۉپ، پويۇزعا چىعىپ جاتتى. قابارچى پويۇز بەلەتىن ساتۇۇ زالىنا كەلىپ، بەلەت ساتىپ العالى جانا بەلەت چىعارعالى كەلگەن جۉرگۉنچۉلۅردۉن كۅپ ەمەس ەكەنىن، بۇل ەكى كۉندۅ شئنجاڭ ئچى- سىرتىنا باراتۇرعان پويۇز بەلەتىنىن از قالعانىن بئلدى. جۉرگۉنچۉ تاڭ حوڭلئڭ  تالايىنا جاراشا بۅرتالاعا قايتاتۇرعان پويۇز بەلەتىن ساتىپ الدى. ال مىنداي دەدى:« بۉگۉن تۉشكۉ پويۇزدۇن بەلەتى قالباپتىر، كەچكى پويۇزدۇن بەلەتىن الدىم. قاتۇۇ ورۇندۇق، ادام ابدان كۅپ، قاتۇۇ ورۇندۇق بەلەتتەن داعى بئر قانچاسى ەلە قالىپتىر، بئر از كەچىگىپ كەلگەن بولسوم بەلەت الا البايت ەكەمىن، بەلەت الا العانىمان ابدان سۉيۉندۉم». جۉرگۉنچۉ جاڭ رۉي جۇرتۇ سىچۇانعا قايتىپ كۅكتۅم مايرامىن ۅتكۅزمۅكچۉ بولعون بولۇپ، ال پويۇز بەلەتىن بئر اي استىندا ىنتەرنەتتەن قىيىندا تالاشىپ جۉرۉپ ساتىپ العان. ال مىنداي دەدى: « بئر قانچا كۉن ىنتەرنەتتە بەلەت تالاشتىم. سااردا، تۉشتۅ، كەچتە تالاشىپ جۉرۉپ، اقىرى بەلەت الدىم».

بىلۉۉگۅ قاراعاندا، بۇل ەكى كۉندۅ تەمىر جولدو قىسقا ساپارعا چىعۇۇچۇ جۉرگۉنچۉلۅر اعىمى كۅرۉنۉكتۉۉ كۅبۅيگۅن. ۇشۇل سەبەپتۉۉ ۉرۉمچۉ ۋوكزالى جانا ۉرۉمچۉ تۉشتۉك ۋاكزالى اپتوماتتىك بەلەت ساتۇۇ، بەلەت چىعارۇۇ ماشئناسىن سەپتۅۅ، تەز تەمىپتە ۋاكزالعا كىرۉۉ كارىدورۇن كۅبۅيتۉۉ سىياقتۇۇ تەڭ تايلاش تۇرۇۇ ئش- چارالارىن قولدونعون. ۉرۉمچۉ ۋاكزالى جۉرگۉنچۉلۅر تاشمال كەزەكچىسى ۇۋ حايتاۋ مىنداي دەدى:« تاشمال نەگىزىنەن تۉندۉك شئنجاڭداعى شىحانزا، كۇيتۉن، قاراماي، تۉشتۉك شئنجاڭداعى كورلا، اقسۇۇ سىياقتۇۇ باعىتتارعا چوردووندوشۇپ، بەلەت ساتىپ الۇۇ قىيىنعا تۉشتۉ، ۋاكزالعا كىرۉۉ قارقىنىنا قاراتا قووپسۇزدۇق تەكشەرۉۉ كارىدورۇن، بەلەت ساتۇۇ  كۅزۅنۅگۉن كۅبۅيتۉپ، جۉرگۉنچۉلۅردۉن ۋاكزالعا كىرۉۉسۉنۅ وڭتويلۇق جاراتىپ، تەزدىك مەنەن پويۇزعا چىعۇۇسۇنا كەپەلەتتىك قىلدىق».
اندان باشقا اپتونوم رايونۇبۇزدۇن تاش جول تارماقتارى دا جۉرگۉنچۉلۅر تاشمالى بويۇنچا كۅكتۅم مايرامىنىن الدىنداعى جۉرگۉنچۉلۅر اعىمى قارقىنىن توسۇپ الدى، جەر- جەرلەردەگى قاتتوو تارماقتارى ماالىندا تاشمال كۉچۉن كۅبۅيتۉپ، ار ۇلۇت جۉرگۉنچۉلۅرۉنۉن جۇرتۇنا قايتىپ كۅكتۅم مايرامىن ۅتكۅرۉسۉن قامتاماتسىزداندىردى. ۉرۉمچۉ نانزىگو جۉرگۉنچۉلۅر تاشمال ايالداماسىندا كۅپتۅگۅن جۉرگۉنچۉلۅر ىنتەرنەتتەن بەلەت ساتىپ العاندىقتان بەلەت ساتۇۇ زالىندا تىعىن بولبودۇ. جۉرگۉنچۉ لىيۇ چيانكۉن: ( « سئز قايدا باراسىز، ساۋانعا، كۅكتۅم مايرامىن ۅتكۅرگۅلۉ بارات ەكەنسىزدا، بەلەت الدىڭىزبى، الدىم، 10 مئنوتتا ەلە بەلەت ساتىپ الا الدىم».) ۇچۇردا ار قايسى جەرلەرگە قاتتووچۇ اۋتو ۇنالار سانى كۅرۉنۉكتۉۉ كۅبۅيدۉ، ايدووچۇ جاڭى يانبئڭ نەگىزىنەن دۉربۉلجۉندۅن ۉرۉمچۉگۅ قاتتايتۇرعان بولۇپ، ۇچۇردا ابدان شاشىلىش كەتتى. ال مىنداي دەدى:« الدىنقى ەكى اپتوبۇز جۉرگۉنچۉلۅر مەنەن توشتۇ، ازىر بەش- التى اپتوبوز جەتىشە الباي قالدىق، باردىعى ۉيگۅ قايتىپ كۅكتۅم مايرامىن ۅتكۅرگۅلۉ بارات، وشوندۇقتان ساياقات اپتوبۇزۇ جانا بەكەر قالعان اپتوبۇزدۇن بارى تاشمالدووعو اتتاندى».
  
ۇچۇردا ۉرۉمچۉدۅن تارباعاتاي، بۅرتالا سىياقتۇۇ جەرلەرگە بارۇۇچۇ جۉرگۉنچۉلۅر اعىمى سىزىل كۅبۅيگۅن. ۇشۇل سەبەپتۉۉ جۉرگۉنچۉلۅر تاشمال تارماقتارى دا چۇقۇل تاشمال كۉچۉن كۅبۅيتۉپ، جۉرگۉنچۉلۅر اعىمى باسىمىن باساڭداتتى. ۉرۉمچۉ نانزىگو جۉرگۉنچۉلۅر تاشمال ايالداماسى كەرەكچى باشچىسى پاڭ چوڭ مىنداي دەدى:« 2- ايدىن 13- كۉنۉ 14- كۉنۉ كۅكتۅم مايرامىنىن الدىنداعى جۉرگۉنچۉلۅر تاشمالىنىن قارقىنى بولۇپ، بوجومول مەنەن 5000 دەن اشات، اپتوبوز بەلەتىن ساتىپ الاتۇرعان جۉرگۉنچۉلۅر الدىن كەلىپ بەلەت ساتىپ السا بولوت، ۇچۇردا بئز جۉرگۉنچۉلۅر اعىمىنىن كۅبۅيۉۉسۉنۅ نەگىز اپتوبوز كۅبۅيتتۉك، چۅچۅك شاارى، دۉربۉلجۉن وودانى، چاعانتوقوي وودانى  سىياقتۇۇ جەرلەرگە ەكى، ۉچ اپتوبوز كۅبۅيتتۉك».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.