باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اردايىم چوعۇۇ ارالاشقان‹تۇۇعاندىق مەرىم »
   2018-03-08 17:08:02     xjbs   

       باش شۇجئى شئى جئنپىڭ پارتئيا 19-قۇرۇلتاي بايانداماسىندا: ۇلۇتتار ىنتىماقتۇۇلۇق تاربئياسىن تەرەڭ جىلىشتاتىپ، جۇڭحۇا ۇلۇتۇنۇن ورتوق تۇلقۇ تاانىمىن بەكەمدەپ، ۇلۇتتاردىن قارىم قاتتوو، ارالاشۇۇ، جۇۇرۇلۇشۇسۇن كۉچۅتۉپ، ارقايسى ۇلۇتتار قۇدۇم اناردىن دانىنداي تىعىز بىرىگىپ، ورتوق ىنتىماقتاشىپ كۉرۅش قىلىپ، ورتوق گۉلدۅنۉۉسۉن ىلگەرى سۉرۉۉنۉ ورتوعو قويدۇ. 2018-جىلى كۅكتۅم مايرامىندا، اپتونوم رايون ۇلۇتتار ىنتىماقتۇۇلۇق «قوشوقتوشۇۇ جۇمالىعى» قىيمىلىن سىزىل قۇلاچ جايدىرىپ، ارقايسى ۇلۇت كادىر جۇمۇشچۇلارى قوشوقتوشقون تۇۇعاندارى مەنەن ۅندۉرۉش، تۇرمۇش بارىشىندا بىرگە بولۇپ، اردايىم چوعۇۇ ارالاشىپ، بايلانىشى انسايىن جاقىنداپ سەزىمدى تەرەڭدەشتى.     
      جاقىندا ۅتۉپ كەتكەن پانۇس مايرامىندا، جىڭ وودانى لۇيۇەن قوومدۇق قونۇشتۇن كادىرى ماينۇر ماناپ ۅزۉنۉن قوشوقتوشقون تۇۇعانى حۇا حوڭفۇ مەنەن يۇانشاۋ جاسادى، چىنعى تولتۇرۇلعان گۉرۉچ قۇمالاق ۉستۅلگۅ تىزگەندە، كۅپچۉلۉك چوعۇۇ ووز تئيىشتى، تاتتۇۇ داامى تۇۇعاندىق مەرىمدى قويۇلاشتىرىپ جىبەردى.  لۇيۇەن قووومدۇق قونۇشتۇن تۇرعۇنۇ حۇا حوڭفۇ: «ماينۇر قارىنداشىم بئز مەنەن بىردىكتە گۉرۉچ قۇمالاق تۉيۉپ بىردىكتە بىشىردى. ار ۇلۇت ەجە-سىڭدىلەر، اعا ىنىلەر اردايىم چوعۇۇ قىيمىل قۇلاچ جايدىرابىز، ىنتىماقتۇۇلۇقتۇ كۉچۅتۉپ، قووز تۇرمۇشتان ورتوق باارلانابىز.
   2018-جىلى بئرىنچى ايلامپالۇۇ «قوشوقتوشۇپ تۇۇعانداشۇۇ جۇمالىعى» قىيمىلى كۅكتۅم مايرامىنا تۇش كەلدى، بۉت شئنجاڭداعى 1 مئلىيون 100 مىڭدەن اشۇۇن ارۇلۇت كادىرلارى تىلەكتەرىن ارتىنىپ، بەلەكتەرىن الىپ نەگىزگى قاتمارداعى قوشوقتوشقون تۇۇعاندارىنىن ۉيلۅرۉنۅ باردى، كۅكتۅم مايرام قۇت جازۇۇسۇن جازىپ، قۇت قاتىن چاپتاپ، اينەك گۉلدۅرۉن قىيىپ، جۇۋاۋا تۉيۉپ چوعۇۇ تاماقتا بىرگە بولدۇ، كۅكتۅم مايرامدى قۇتتۇۇقتاپ، ۅز ارا باقىت تىلەشتى.
    كۅكتۅم مايرامى كەزىندە تۇرپان شاارى ەدىقۇت رايونۇ يار بازارى جاي ورتو مەكتەبىنىنىن ۉچ مۇعالىمى يار بازارى جاي قىشتاعىنىن تۇرعۇنۇ ىسمايىل رەقىپتىن ۉيۉندۅ قوندۇ. مۇعالىمدەردىن قولمو قول ۉيرۅتۉۉسۉندۅ ىسمايىل رەقىپتىن 11 جاشتاعى قىزى تەرەزە گۉلۉن قىيۇۇنۇ ۉيرۅنۉپ الىپ، كۅپچۉلۉك مەنەن بىردىكتە باقىت ىرىسقا ىرىمدالعان تەرەزە گۉلۉن ۉيدۉ جاسالعالادى. ىسمايىل رەقىپ مىنداي دەدى:  مۇعالىمدار ۉيۉمدۅ قونۇپ، ابدان قۇباندىق، بئز بىردىكتە پانۇس ئلىپ، تاماق جەپ، مانىلۉۉ ۅتتۉ، مۇنۇ ۇنۇتپايم».

     حوتەن شاارى گۇجانباق ايىلى رۇقى قىشتاعىندا، اپتونوم رايوندۇق مۇپاتتىش نازاراتىنىن كادىرى جاۋ يۅنا قوشوقتوشقون تۇۇعانى بايمان وبۇلقاسىمدىن ۉچ جاشقا كىرگەن قىزى ايشەمگۉل جۉمەنىيازعا جاڭىدان ۇياڭ جۉندۉۉ ويۇنچاقتى مايرامدىق بەلەك قاتارىندا الا بارعان. بايىمان وبۇلقاسىم بئر ۉي-بۉلۅ ۉچۉن ايتقاندا، بئر جىلدان بەركى قارىم-قاتتوو بارىشىندا، جاۋ يۅنا ەچاق ەلە الاردىن ەڭ جاقىن تۇۇعاندارىنا ايلانعان: « بالاسى مەنەن  بولعون مەەر-ماحاباتىبىز ابدان جاقشى، قۇدۇم بئر تۇۇعان ەجەمە وقشوتوم»، دەيت.
كۅكتۅم مايرامى مەزگىلىندە، مۇڭعۇلكۅرۅ وودانىنداعى 1500 دۅن اشۇۇن كادىر مالفەرماسىنداعى مالچىلاردىن ۉيلۅرۉنۅ بارىپ، قوشوقتوشقون تۇۇعاندارى مەنەن بىرگە جۇۋاۋا تۉيۉپ، كۅكتۅم مايرامى كەچەلەگى كونسەرتىن كۅرۉپ، كۅكتۅم مايرامدىق تاماق جەپ، ەسكى جىلدى ۇزاتىپ جاڭى جىلدى ۇتۇرلاپ الۇۇ مايرامىن چوعۇۇ ۅتكۅردۉ. مۇڭعۇلكۅرۅ وودانى قاشاجار بازارى سارى ۅزۅك قىشتاعىندا، چوقتوي قىزىل پانۇس چىراعى مەنەن كۅكتۅم مايرامدىق بوسوعولۇق باتا قاعازى بولاتقان نۉسۉپبەكتىن ۉيۉن بئر باشقاچا تۉسكۅ بۅلۅپ، بولاتقان نۉسۉپبەك ەرتەلەپ ەلە دايىنداپ قويعون مۅمۅ، تورت پىرانىكتەرىن الىپ چىعىپ تۇۇعانداردىن جاقشى كۉتۉپ الدى : « كۅكتۅم مايرامى كۅپچۉلۉكتۉن ورتوق مايرامى، تۇۇعاندارىبىز بئزدىن ۉيگۅ كۅكتۅم مايرامدىن ۅتكۅرگۅلۉ كەلگەنىنەن ابدان قۇباندىق»، دەيت. مۇڭعۇلكۅرۅ ووداندىق چۅيرۅ قورعوو مەكەمەسىنىن كادىرى دۇۇمان قالىيقوجا قابارچىعا، بۇل جولقۇ جازدا،  قوشوقتوشقون تۇۇعاندارىنىن باقماقچىلىق قورووسۇن كەڭىرتىپ قۇرۇۇسۇنا جاردام بەرىپ، باقماقچىلىق كۅۅلۅمۉن كەڭىرتىپ، ۉي-بۉلۅسۉنۉن كىرەشەسىن ارتتىرارىن ايتىپ مىنداي دەدى: « ىراشكەردىككە چاقىرعان كۅكتۅم مايرامىن چوعۇۇ ۅتكۅرۉپ، تۇۇعاندار مەنەن پىكىر الماشتىرىپ، كۅڭۉلدۅگۉ سۅزدۉردۉ ايتىشىپ، بىيىل تۇۇعانىمدىن قوي قورووسۇن جاڭىرتىپ، باقچىلىق كەسىبىن ۅنۉكتۉرۉپ، ەرتەەرەك كەمباعالدىقتان ارىلىپ بايۇۇ جولۇنا ات سالۇۇسۇنا جاردام بەردىم»، دەدى.

     تۇۇعاندار تاماق-اشتا چوعۇۇ بولۇپ تۇۇعاندارىنىن ۉيلۅرۉندۅ قونۇپ ابالداشىپ، مەەر-ماحاباتى انسايىن قويۇۇلاشتى. «قوشوقتوشۇپ تۇۇعانداشۇۇ جۇمالىعى» قىيمىلى اپتونوم رايونۇبۇزداعى ار ۇلۇت كادىرلارىن «تۇۇعانچىلوو»دون«ۉيلۅرگۅ چەيىن بارۇۇ» اندان «ۉيلۅردۅ قونۇپ ابالداشۇۇ»، «قىشتاق ىچىنەن»، «ۉيلۅرگۅ چەيىن بارۇۇ» اندان «كۅڭۉل تۅرۉنۅن ورۇن الۇۇ»داي بۇرۇلۇۇنۇ ىشكە اشىرعان. بىيىل، اپتونوم رايونۇبۇزدۇن «قوشوقتوشۇپ تۇۇعانداشۇۇ جۇمالعى» دايىمدۇۇلاشقان چەندە ىچكەرلەي سىزىل قۇلاچ جايدىرىلات. اپتونوم رايوندۇن ۇلۇتتار ىنتىماقتاشىپ بئر تۇۇعانداي جاشوو قىيمىلىنا جەتەكچىلىك قىلۇۇ گۇرۇپپاسى ئشقاناسىنىن ورۇنباسار گۇرۇپپا باشچىسى دۇان حۇڭيا : « بىيىل بئز ۉگۉت تاربئيا، ۅز ارا تئل ۉيرۅنۉۉ، كەمباعالداردى جۅلۅپ جاردام بەرۉۉ، شايكەشتىرىپ بايلانىشتىرۇۇ، ۇيۇمداپ كەپەلەتكە الۇۇ سىياقتۇۇ ارقايسى تۉردۉۉ مىلدەتتەردى بئردەمجىي تەرەڭدەتىپ، ۇلۇتتار ىنتىماقتاشىپ بئر تۇۇعانداي جاشايلى جفنا ۇلۇتتار ىنتىماقتۇلۇعۇ بويۇنچا بئرلەشمە كۅڭۉل اچۇۇ قىيىلىن تۉزۉمدۅشتۉرۉۉ، دايىمدۇۇلاشتىرۇۇ، ۇزۇن ۇباقىت بەرەكەت بەرۉۉسۉن مىقتۇۇ جىلىشتاتابىز»، دەدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.