باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايون «8-مارت جە 3-ايدىن 8-كۉنۉ» ەل ارالىق ايالدار مايرامىنىن 108 جىلدىعىن ەسكەرۉۉ جىينالىشىن اچتى
   2018-03-08 19:23:46     xjbs   

   3-ايدىن 6-كۉنۉ، اپتونوم رايون «8-مارت جە 3-ايدىن 8-كۉنۉ» ەل ارالىق ايالدار مايرامىنىن 108 جىلدىعىن ەسكەرۉۉ جانا جولۇقچانداردىن مادانئياتتۇۇ جۇمۇش وردۇ، بەشتە جاقشى ۉي-بۉلۅ جىينالىشىن اچتى. اپتونوم رايوندۇق پارتكومدۇن تۇرۇقتۇۇ مۉچۅسۉ، ۅكۅلۅتۅن  باش قاتچىسى سارقىت اقان جىينالىشقا قاتىشىپ، ماملەكەتتىك جانا اپتونوم رايوندۇق جولۇقچانداردىن مادانئياتتۇۇ جۇمۇش وردۇ، شاار-ايىلداعى جۇمۇش وردۇندا سالىم قوشقون وزوت كوللەكتىپ جانا جەكەلەر، اپتونوم رايون بويۇنچا بەشتە جاقشى ۉي-بۉلۅ، اپتونوم رايوندوعۇ ەڭ قووز ۉي-بۉلۅ ۅكۉلدۅرۉ مەنەن كۅرۉشتۉ.  ىستانسىيابىزدىن قابارچىسى ايبىندىن قابارى؛

      داڭقتاپ سىيلوو جىينالىشىندا، ۉرۉمچۉ شااردىق بئرىنچى ورتو مەكتەپتەن كەلگەن وقۇتۇۇچۇ ۋاڭحوڭ اپتونوم رايون بويۇنچا جولۇقچانداردىن سالىم قوشۇۇ ۉلگۉسۉ بولۇپ باالاندى. ال وقۇتۇۇچۇلۇق مەنەن الپۇرۇشقان 28 جىل بارىشىندا، اربئر تۉركۉم وقۇتۇۇچۇلاردىن ۇنىۋرەسىتەتتە وقۇۇ اڭسووسۇن ىشكە اشىرۇۇسۇنا جاردام بەردى، اپتونوم رايوندۇن «ۇلۇتتار ىنتىماقتاشىپ بئر تۇۇعانداي جاشايلى» قىيمىل بارىشىندا، ۋاڭحوڭ داعى ۅزۉنۉن ازساندۇۇ ۇلۇت وقۇچۇۇسۇنۇن اتاسى وور وورۇعا چالدىققاندا 5 مئڭ يۇان سەلبىك بەردى. ۋاڭحوڭ مىنداي دەدى : «وقۇتۇۇچۇ قاتارى مەەرىم جەتكىرىپ وقۇۇچۇلاردىن اقىل ئماراتىن تۇرعۇزۇپ، وقۇۇچۇلاردىن تۇرمۇش جاعىندا جانا ۉيرۅنۉش جاعىنداعى قىينچىلىقتارىن چەچەمىن، ارجىلى مايرامداردا بالدار ماعا سالام ايتىپ تۇرۇشات، مەنىمچە ابدان كۅڭۉلدۅگۉدۅي بولدۇ. كەلەچەكتەگى قىزمات بارىشىندا انسايىن چىمىرقانىپ، جاش وقۇتۇۇچۇلاردى جاقشى جەتەكتەپ، ۅزارا ۉيرۅنۉش قىلىپ، بۉت ۅمۉرۉمدۅ زەەنىمدى اعارتۇۇ ىشتەرىنە ارنايىم». اپتونوم رايوندۇق «ەڭ قووز ۉي-بۉلۅ» لەنتاسىن تاعىنعان باي شىڭمىي تۇرپان پىچان وودانى دالانكارىز ايىلى يىڭى كارىز قىشتاعىنىن تۇرعۇنۇ بولۇپ، ال ىشتىكتۉۉلۉك مەنەن ۅزۉنۉن ەڭ چوڭ ۉيۉن يىڭى كارىز قىشتاعىنداعى ارۇلۇت قىشتاق تۇرعۇندارىنىن مادانئيات قورووسۇنا ىشتەتۉۉگۅ بەرگەنىن ايتىپ مىنداي دەدى: «اياباي سىيمىقتانام، بئزدىن قىشتاقتىن مادانئيات چوڭ قورووسۇ قۇرۇلۇپ بۉتتۉ، بئزدىن ۉيدۉن مادانئيات قورووسۇ چەگىنبەيت، داعى بئزدىن ارقايسى ۇلۇت اعا ئنى، ەجە سىڭدىلەرىبىز مەنەن بىردىكتە پىكىر الماشتىرىپ، جۇۇرۇلۇشۇۇ ساحناسىن قامداپ بەردى. مىندان كىيىن انسايىن چىمىرقانىپ جاقشى ساياساتتاردى ۉگۉتتۅپ، قىز كەلىندەردى جەتەكتۅۅ رولۇن اتقارات».

    جىينالىشتا ىلە قازاق اپتونوم وبلاستىق سوت مەكەمەسى اقى تالاپ 2-سوت كوللەگىياسى سىياقتۇۇ 99 ورۇن اپتونوم رايوندۇق جولۇقچانداردىن مادانئي جۇمۇش وردۇ دەگەن ارداقتۇۇ ناامعا ەە بولدۇ؛ ۋاڭپىڭ قاتارلۇۇ 99 كىشى اپتونوم رايوندۇق جولۇقچانداردىن سالىم قوشۇۇ ۉلگۉسۉ دەگەن ارداقتۇۇ ناامعا ەە بولدۇ؛ شئنجاڭ لامپاي كىيىم-كەچە چەكتۉۉ شەرىكتىگى قاتارلۇۇ 29 ورۇن اپتونوم رايوندۇق جولۇقچاندار سالىم قوشقون كوللەكتىپ ارداقتۇۇ ناامعا ەە بولدۇ؛ نۇرزامان مومئن قاتارلۇۇ 52 ۉي-بۉلۅگۅ اپتونوم رايوندۇق بەش جاقشى ۉي-بۉلۅ دەگەن ارداقتۇۇ ناام ىيعارىلدى؛ جىىن جىيەنجا قاتارلۇۇ 140 تۉتۉن اپتونوم رايوندۇق ەڭ قووز ۉي-بۉلۅ  بولۇپ باالاندى. اپتونوم رايوندۇق ايالدار بىرىكمەسى پارتگۇرۇپپاسىنىن شۇجئسى، ورۇن باسار تۅرايىمى حوۋ حانمىن مىنداي دەدى: «بۇل وزوت ايالداردىن ۅكۉلدۅرۉ ارقايسى كەسىپ، ارقايسى سالاا، ارۇلۇت ارسالادان كەلگەن، الار جۅنۅكۅي قىزمات ورۇندا، قاراپايىم تۇرمۇش بارىشىندا ۅزگۅچۅ ناتئيجالاردى جاراتتى، بئز نەگىزگى قاتماردىن اراسىنان تانداپ چىعۇۇ ارقىلۇۇ قوومعو جارىيالايبىز، وقشوبوعون وزوت ۅكۉلدۅردۉ جانا ۉلگۉلۅردۉ تانداپ چىعىپ، ۉلگۉلۅردۉن وزوت ئش-ىزدەرىن بااردىق ۉي-بۉلۅگۅ جەتكىرەبىز، سۇلۇۇ ايىمدار قووز ۉي-بۉلۅ قۇرۇۇ بارىشىندا ۅزۉنۉن جولۇقچانداردىن كۉچۉن قوشتۇ ».

    جىينالىش تەلە-تەلەفون فورماسىندا اچىلدى، اپتونوم رايونۇبۇزداعى 13 ايماق، وبلاستا بۅلۉمچۅ جىينالىش مايدانىن قۇردۇ. جىينالىشتا داعى «جولۇقچاندار پارتئياعا تالپىنىپ، جاڭى دووردو سالىم قوشۇپ، بىردىكتە جاڭى تۇرمۇشتۇ جاراتۇۇ» تەماسىنداعى قىزىقتۇۇ كونسەرت اتقارىلدى. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.