باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۋاڭ ياڭ  شئنجاڭ ۅكۉلدۅر توبۇنۇن قاراپ چىعۇۇسۇنا قاتىشتى
   2018-03-13 08:55:02     xjbs   

      ۋاڭ ياڭ ماملەكەتتىك 13-كەزەكتۉۉ ەل قۇرۇلتايى 1-جىينالىشىنا قاتىشقان شئنجاڭ ۅكۉلدۅر توبۇنۇن قاراپ چىعۇۇسۇنا قاتىشقاندا مىنا بۇلاردى باسا كۅرسۅتتۉ:- قووم وموقتۇۇلۇعۇ جانا ۇزاققا بەيپىل باشقارۇۇ باشقى نئشاانىن تىعىز ىمەرچىكتەپ، ۇلۇتتار ىنتىماعىن جىلىشتاتىپ، جۇڭگوچو سوتسىيالىستىك شئنجاڭ قۇرۇپ چىعۇۇ كەرەك. چىن چۇانگو جىينالىشتى باشقاردى، ەركىن ەمىرباقى، شۅحرات زاكىر، شاۋكەت ئمىن، سۉن جئنلۇڭ، جۇ حايلۇن قاراپ چىعۇۇعا قاتىشتى.  ىستانسىيابىز قابارچىسى لئى لوڭدۇن قابارى: 


      3-ايدىن 12-كۉنۉ تۉشتۅن مۇرۇن، ماملەكەتتىك 13-كەزەكتۉۉ ەل قۇرۇلتايى 1- جىينالىشىنا قاتىشقان شئنجاڭ ۅكۉلدۅر توبۇ ەل سارايىنىن شئنجاڭ زالىندا جالپى مۉچۅلۅر جىينالىشىن اچىپ، ماملەكەتتىك ەل قۇرۇلتايى تۇراقتۇۇ كومىتەت قىزمات بايانداماسىن قاراپ چىقتى. جۇڭگو كوممۇنىستىك پارتئياسى بوربوردۇق كومىتەت ساياسئي بئيروسۇنۇن تۇرۇقتۇۇ مۉچۅسۉ، بوربوردۇق ەل ۅكۉمۅتتۉن ورۇنباسار  باشچىسى ۋاڭ ياڭ قاراپ چىعۇۇعا قاتىشتى. 

     ەل سارايىنىن شئنجاڭ زالىندا جادىراعان جازدىن جىلۇۇلۇعۇنا تولۇپ، مەەرى- ماحاباتقا بالقىدى. تۉشتۅن مۇردا سااات 9دا ۋاڭ ياڭ جۉزۉنۅ كۉلكۉ ۉيرۉلگۅن بويدون جىينالىش مايدانىنا كىرىپ كەلدى، از ساندۇۇ ۇلۇتتاردىن ۇلۇتتۇق كىيىمىن كىيگەن ۅكۉلدۅردۅن رۇقىيام مەتسەيدى، قۇربان نىيازدار الدىعا چىعىپ، ۇيعۇرلاردىن  توپۇسۇن تارتۇۇلاپ، شئنجاڭداعى ار ۇلۇت ەلىنىن ۇلۇۇ ۇرماتىن جانا جاقشى قاالوو تىلەكتەرىن بئلدىردى. بۉت ۅكۉلدۅر قىزۇۇ قول چاپتى. ۋاڭ ياڭ كۅپچۉلۉك مەنەن بئر- بئردەن قول الىشىپ كۅرۉشۉپ، چىنىعى ماانايدا پئكىر الماشتىردى.

شئنجاڭ ۅكۉلدۅر توبۇنۇن باشچىسى، اپتونوم رايوندۇق پارتىكومدۇن شۇجئسى چىن چۇانگو جىينالىشتى باشقاردى. ماملەكەتتىك ەل قۇرۇلتايى ۅكۉلۉ، ماملەكەتتىك ەل قۇرۇلتايى تۇراقتۇۇ كومىتەتىنىن ورۇنباسار باشچىسى ەركىن ەمىرباقى جانا ماملەكەتتىك ەل قۇرۇلتايى ۅكۉلدۅرۉنۅن شۅحرات زاكىر، شاۋكەت ئمىن، سۇن جئنلۇڭ، جۇ حايلۇندار قاراپ چىعۇۇعا قاتىشتى.
        
    جىينالىش مايدانىنىن ماانايى ابدان قىزۇۇ بولۇپ، ۅكۉلدۅر استايدىل قاراپ چىعىپ، ارت- ارتىنان سۅز قىلىشتى. چىن چۇانگو، شۅحرات زاكىر، سۇن جئنلۇڭ، ابدۇرەقىپ تۉمۉرنىياز، رۇقىيام مەتسەيدى، سۇن جئنلۇڭ، سۉي جئيۇشىيۇ، لاچىن بايقا، ەكبار ماتناسىر، قۇربان نىياز سىياقتۇۇ ۅكۉلدۅر، پارتئيا بوربوردۇق كومىتەتىنىن شئنجاڭدى باشقارۇۇ ىقىمىن ىزچىلدەشتىرۉۉ، قووم وموقتۇۇلۇعۇن قورعوو، ەكونومىكانىن جوعورۇ ساپاتتۇۇ ۅنۉگۉۉسۉن باچىمداتۇۇ، بىڭتۇان ىسلااتىن تەرەڭدەتۉۉ، ماملەكەتىبىزدە ىسلاام دئنىن سوتسىيالىستىك قوومعو شايكەشتىرۉۉگۅ ىشتىكتۉۉ جەتەكتۅۅ، ۇلۇتتار ىنتىماعى، كەمباعالدىقتان ارىلتۇۇ ۅتكۅلۉنۅ ات سالۇۇ، اعارتۇۇ ىشتەرىن زور كۉچ ەنەن ۅنۉكتۉرۉۉ سىياقتۇۇلاردا سۇنۇش-پىكىرلەردى بەردى.
   
 ۋاڭ ياڭ  ۅكۉلدۅردۉن سۅزۉن استايدىل ۇعۇپ، ارالاتىپ سۅز ايتىپ، ۅكۉلدۅر مەنەن تەرەڭ پىكىر الماشتىردى. ۅكۉلدۅردۉن سۅزۉن استايدىل ۇققاندان كىيىن، ۋاڭ ياڭ مىنداي دەدى:- ماملەكەتتىك 13- كەزەكتۉۉ ەل قۇرۇلتايى 1- جىينالىشىنىن 3- جولقۇ جالپى مۉچۅلۅر جىينالىشىندا جوعورۇ بەلەت مەنەن نەگىزگى زاكونعو تۉزۅتۉۉ كىرگىزۉۉ دولبوورۇ قابىلداندى، بۇل ماملەكەتىبىزدىن ساياسى تۇرمۇشۇنداعى بئر بەلگى مۉنۅزدۉۉ ماڭىزعا ەە چوڭ جۇمۇش. جاڭىدان ۅزگۅرتۉلگۅن نەگىزگى زاكون جۇڭحۇا ۇلۇتۇنۇن ۇلۇۇ گۉلدۅندۉۉسۉن كۉچتۉۉ زاكون كەپەلەتى مەنەن قامدايت. ماملەكەتتىك ەل قۇرۇلتايى تۇراقتۇۇ كومىتەتىنىن قىزمات بايانداماسىن تولۇق قۇپتايىم.

ۋاڭ ياڭ مىنا بۇلاردى باسا كۅرسۅتتۉ:- جاڭى دووردو شئنجاڭ قىزماتىن جاقشى ىشتۅۅدۅ پارتئيا 19-قۇرۇلتايى جانا پارتئيا 19- كەزەكتۉۉ بوربوردۇق كومىتەتىنىن 2-، 3-جالپى جىينالىشىن رۇحۇن جالپى بەتكەي ىزچىلدەشتىرىپ، شئى جئنپىڭدىن جاڭى دوور جۇڭگوچو سوتسىيالىزىم ئدىياسىن جەتەكچى قىلىپ، قووم وموقتۇۇلۇعۇ جانا ۇزاققا بەيپىل باشقارۇۇ باشقى نئشاانىن تىعىز ىمەرچىكتەپ، ار ۇلۇت ەلىنىن قارىم-قاتتووسۇن، الماشتىرۇۇسۇن، جۇرۇلۇشۇۇسۇن بئردەمجىي ىلگەرى سۉرۉپ، جۇڭحۇا ۇلۇتۇ ورتوق تولقۇسۇ تاانىمىن چىيرالتىپ، قوومدۇن شايكەشتۉۉ وموقتۇۇلۇعۇن چەچكىن قورعوپ، بىڭتۇاندىن شئنجاڭدىن وموقتۇۇلۇعۇ جانا شئنجاڭدى قۇرۇۇداعى زارىل رولۇن تولۇق ۅۅرچۉتۉپ، ىنتىماق شايكەشتۉۉ، گۉلدۅنگۅن بايكەر، مادانئياتتۇۇ العالاعان، بەيپىل جاشاعان جۇڭگوچو سوتسىيالىستىك شئنجاڭدى قۇرۇپ چىعۇۇ ۉچۉن چىمىرقانۇۇ كەرەك.
   
  چىن چۇانگو مىنا بۇلاردى بئلدىردى:- جولدوش ۋاڭ ياڭ شئنجاڭ ۅكۉلدۅر توبۇنۇن قاراپ چىعۇۇسۇنا قاتىشىپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن شئنجاڭداعى ار ۇلۇت ەلىنە بولعون چىنىعى قامقوردۇعۇن جانا تەرەڭ مەەرى- ماحاباتىن الىپ كەلدى. بئز جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن مىقتۇۇ جەتەكچىلىگىندە، شئى جئنپىڭدىن جاڭى دوور جۇڭگوچو سوتسىيالىزىم ئدىياسىن جەتەكچى قىلىپ، پارتئيا 19-قۇرۇلتاي رۇحۇن جالپى بەتكەي ىزچىلدەشتىرىپ، باشقى نئشاانعا نازار وودارىپ، بىردىكمە مۇشتۇ جاقشى ۇرۇپ، پارتئيا بوربوردۇق كومىتەتىنىن شئنجاڭدى باشقارۇۇ ىقمىن جۉزۅلۅشتۉرۉۉنۉ باچىمداتىپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن قاتىرجام قىلابىز.
 
ماملەكەتتىك ەل قۇرۇلتايى ۅكۉلدۅرۉنۉن نايىم ياسىن، شى داگاڭ، لئيۇ حايشىڭ، لئى ۋئي، ما شۅجۉن، لو دۇڭچۇان، پىڭ جيارۉيلۅر قاراپ چىعۇۇعا قاتىشتى. ماملەكەتتىك 12- كەزەكتۉۉ ەل قۇرۇلتايى تۇراقتۇۇ كومىتەتىنىن مۉچۅسۉ اسقات كەرىمباي سىرتتان قاتىشتى.   

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.