باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزدان ماملەكەتتىك ەل قۇرۇلتايىنا قاتىشقان ۅكۉلدۅر ۉرۉمچۉگۅ قايتىپ كەلدى
   2018-03-23 12:07:32     xjbs   

3-ايدىن 21-كۉنۉ تۉشتۅن كىيىن، ماملەكەتتىك 13- كەزەكتۉۉ ەل قۇرۇلتايى 1- جىينالىشىنا اپتونوم رايونۇبۇزدان بارعان ماملەكەتتىك ەل قۇرۇلتايى ۅكۉلدۅرۉ تۉردۉۉ جىينالىش قارالمالارىن جەڭىشتۉۉ بۉتۉرگۅندۅن كىيىن، ۇچاق مەنەن ۉرۉمچۉگۅ قايتىپ كەلدى. اپتونوم رايون جانا بىڭتۇاندىن قاتىشتۇۇ جەتەكچىلەرى ۇچاقجايعا جەتىپ بارىپ كۉتۉپ الدى. ىستانسىيابىز قابارچىلارى دۇڭ جىيوڭ، ايبىن، پىراكتىكانت قابارچى چىن يۇانچۉندۉن قابارى.

ماملەكەتتىك 13- كەزەكتۉۉ ەل قۇرۇلتايىنىن 1- جىينالىشى اچىلعان كەزدە، اپتونوم رايونۇبۇزدان بارعان ماملەكەتتىك ەل قۇرۇلتايى ۅكۉلدۅرۉ تولعون ساياسى قىزۇۇندۇۇلۇق، كۅتۅرۉڭكۉ رۇح، كۉچتۉۉ جووپتۇۇلۇق تاانىمى، قاتااڭ مىلدەت اتقارۇۇ رۇحۇ مەنەن جىينالىشقا قاتىشىپ، كۅپچۉلۉك قووم وموقتۇۇلۇعۇ جانا ۇزاققا بەيپىل باشقارۇۇ باشقى نئشاانى، ەكونومىكانىن جوعورۇ ساپاتتۇۇ ۅنۉگۉۉسۉن باچىمداتۇۇ، ەل تۇرمۇشۇن قامسزداندىرۇۇ جانا جاقشىلوو سىياقتۇۇلاردى تىعىز ىمەرچىكتەپ ىشتىكتۉۉ اقىل جانا چارالاردى ايتىپ، ىسلااتتى جالپى بەتكەي تەرەڭدەتۉۉ، كەمباعالدىقتان ارىلتۇۇ ۅتكۅلۉنۅ ات سالۇۇنۇ باچىمداتۇۇ، ەكولوگىيانى قورعوونۇ كۉچۅتۉۉ سىياقتۇۇلار بويۇنچا كۅپتۅگۅن قىمباتتۇۇ،دىلگىر سۇنۇش جانا پىكىرلەردى بەردى ارى جىينالىشقا 10 تۉيۉندۉۉ سۇنۇشتۇ تاپشىردى. ار بئر سۇنۇش - دولبوورعو ۅكۉلدۅردۉن اقىل- پاراساتى مەنەن قان - تەەرى سئڭىپ، تەڭىرتوودوقۇ قىز- ۇلانداردىن جۉرۅك سۅزۉن جانا ۉمۉتۉن ارقالادى. كەچە تۉشتۅن كىيىن، شئنجاڭ ۅكۉلدۅر توبۇ ار ۇلۇت ەلى تاپشىرعان ىيىق مىلدەتتى بۉتۉرۉپ، جۇرتۇنا قايتىپ كەلدى.

ماملەكەتتىك ەل قۇرۇلتايى ۅكۉلۉ يوۋ لىياڭيىڭ مىنداي دەدى:- باش شۇجئى شئى جئنپىڭدىن ماملەكەتتىك 13- كەزەكتۉۉ ەل قۇرۇلتايى 1- جىينالىشىنىن جابىلۇۇ جىينالىشىندا سۉيلۅگۅن زارىل سۅزۉ ازىرعا چەيىن قۇلاق تۉبۉمدۅ جاڭىرىپ تۇرات. باش شۇجئى: جول قانچالىق ۇزۇن بولسودا، وشول جولدو جۉرۉپ، ماراعا جەتۉۉ كەرەك،- دەدى. بۇل سۅزدۅر بىزدەي ار ۇلۇت اعا- ئنى، ەجە- سىڭدىلەردى ابدان شىقتاندىردى. جۇرتۇما قايتقاندان كىيىن باش شۇجئنىن بۇل سۅزدۅرۉن، جىينالىش رۇحۇن ماالىندا جەتكىزىپ جانا جۉزۅلۅشتۉرۉپ، ايىل-قىشتاقتاردى گۉلدۅندۉرۉۉ ىستىراتەگىياسى جاعىن داعىدا جاقشى ىشتەپ،  ۅزۉبۉزدۉن مۅمۅچۉلۉك كەسپىبىزگە بىرلەشتىرىپ، كەسپى قىزماتتاشتىق كوپپىراتىبى جانا انىن مۉچۅلۅرۉنۉن جاڭى تۉشۉنۉك، جاڭى تاانىم، جاڭى ابالى ارقىلۇۇ، جاڭى ۅنۉگۉۉنۉ كەڭىرتىپ، داعىدا كۅپ جۇرتتاشتاردى ەرتەرەەك الدۇۇ قوومدوقۇ باقىتىلۇۇ تۇرمۇشتۇ ۅتكۅزۉۉگۅ باشتايىم.

ماملەكەتتىك ەل قۇرۇلتاي ۅكۉلۉ مۇساجان نۇردۇن مىنداي دەدى:- پارتئيانىن نەگىزگى قاتمار ۇيۇمۇ __ پارتئيانىن جول، باعىت، ساياساتتارى مەنەن چەچىم ورۇنداشتىرۇۇلارىن ىزچىلدەشتىرىپ جۉزۅلۅشتۉرۉۉگۅ كەپىلدىك قىلۇۇنۇن نەگىزى، وشوندۇقتان، قىزمات وردۇما قايتىپ بارعاندان كىيىن، نەگىزگى قاتمار ۇيۇمدۇق قۇرۇلۇشۇن باارى كۉچۉم مەنەن كۉچۅتۉپ، جولدوش شئى جئنپىڭدى ۅزۅك قىلعان پارتئيا بوربوردۇق كومىتەتىنىن شئنجاڭدى باشقارۇۇ ىقىمىن جۉزۅلۅشتۉرۉۉگۅ كەپىلدىك قىلام. جۇرتۇما قايتقاندان كىيىن، پارتئيا مۉچۅلۅرۉن جاقشى باشقارىپ، پارتئيا مۉچۅلۅرۉ قوشۇۇن قۇرۇلۇشۇن كۉچۅتۉپ، پارتئيا مۉچۅلۅرۉنۉن ۉلگۉلۉك رولۇن جاقشى ۅۅرچۉتۉپ، قالىڭ ەلدى باشتاپ، چوعۇۇ كەمباعالدىقتان ارىلىپ، ورتوق بايىيبىز. 

 3-ايدىن 20-كۉنۉ تۉشتۅن مۇرۇن، ماملەكەتتىك 13- كەزەكتۉۉ ەل قۇرۇلتايى 1- جىينالىشىنىن ۅكۉلدۅر جولۇ 5- جولۇ اچىلدى. اپتونوم رايونۇبۇزدۇن ماملەكەتتىك ەل قۇرۇلتايى ۅكۉلۉ رۇقىيام مەتسەيدى «ۅكۉلدۅر جولۇ»ندا جۉرگۅنچۅ اقپارات ارالجىلارىنىن زىياراتىن قابىلدادى. ۉرۉمچۉگۅ ەمى ەلە جەتىپ كەلگەن ال قابارچىعا جۉرۅك سۅزۉن ايتىپ مىنداي دەدى:- پارتئيانىن ۉنۉن جۇرتۇما الىپ بارىپ، بۉت قىشتاقتاعىلارعا جەتكىزىپ، باش شۇجئنىن بئزدىن شئنجاڭداعى ار ۇلۇت ەلىنە كۅڭۉل بۅلۅتۇرعانىن سەزىندىرەم. مەن ماملەكەتتىك ەل قۇرۇلتايى ۅكۉلۉ قاتارى، جۇرتۇما قايتقاندان كىيىن ايلانامداعى قىشتاق تۇرعۇندارىن اناردىن  دانىنداي تىعىز بىرىگۉۉگۅ شىقتاندىرىپ، شئنجاڭدىن ۇلۇتتار ىنتىماعى ۉچۉن ۅزۉمدۉن بئر كىشىلىك سالىمىمدى قوشوم.

 ماملەكەتتىك ەل قۇرۇلتايى ۅكۉلۉ مىحراي ئبىرايىم مىنا بۇلاردى بئلدىردى:- قىزمات وردۇما بارعاندان كىيىن، باش شۇجئى شئى جئنپىڭدىن زارىل سۅزۉنۉن رۇحۇن چەچكىن ىزچىل جۉزۅلۅشتۉرۉپ، مادانئياتتا ۅزۉنۅ ىشەنۉۉدۅ بەكەم تۇرۇپ، سوتسىيالىستىك مادانئياتتىن گۉلدۅنۉپ ۅنۉگۉۉسۉن باچىمداتام. ايرىقچا، كۅركۅم ۅنۅرچۉ قاتارى، وزوت مادانئياتتى نەگىزگى قاتمارعا جەتكىزىپ، نەگىزگى قاتمارداعى ەلدىن نازار چۅلكۅمۉن كەڭىرىپ، الاردىن جۇڭحۇا مادانئياتىن مويۇندوو سەزىمىن اشىرام. 

      اعارتۇۇ قىزماتى مەنەن الپۇرۇشقان اپتونوم رايونۇبۇزداعى ماملەكەتتىك ەل قۇرۇلتايى ۅكۉلۉ قۇربان نىياز  ەمى شئى جئنپىڭدىن جاڭى دوور جۇڭگوچو سوتسىيالىزىم ئدىياسىن جەتەكچى قىلىپ، ەل ىراازى بولعون اعارتۇۇنۇ جاقشى ىشتۅۅنۉ ۅمۉرلۉك كۉرۅشۉۉ  ئشى قىلارىن ايتىپ مىنداي دەدى: مەن قايتقاندان كىيىن ماملەكەتتىك ەكى جىينالىش رۇحۇن استايدىل ۉيرۅنۉپ جانا ۉگۉتتۅپ، تۅراعا شئى جئنپىڭدىن جابىلۇۇ جىينالىشىندا سۉيلۅگۅن زارىل سۅزۉنۉن رۇحۇن استايدىل ىزچىلدەشتىرىپ، جۉزۅلۅشتۉرۉپ، ۅزۉمدۉن قىزماتىما بىرلەشتىرىپ، داعىدا كۅپ بالداردى ادىل، ساپاتتۇۇ اعارتۇۇدان باارلاندىرىپ، ەل ىراازى بولعون اعارتۇۇنۇ جاقشى ىشتەپ، بالداردىن «بەشتى مويۇندوو» تاانىمىن كۉچۅتۉپ، جۇڭحۇا ۇلۇتۇ ورتوق تولقۇسۇ تاانىمىن تۇرعۇزۇپ، داعىدا كۅپ سوتسىيالزىم ئزباسارلارىن تاربئيالايىم.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.