باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جازۇۇچۇ، جۇرنالىسىت ارى دىراماتورگ تۇرسۇن جۇمالى ۇۇلۇ
   2018-03-23 13:18:53     xjbs   

جازۇۇچۇ، جۇرنالىسىت ارى دىراماتورگ تۇرسۇن جۇمالى ۇۇلۇ 1967-جىلى 10-ايدىن 22-كۉنۉ اقچئي وودانى قۇلانساراق ايىلىندا ۅمۉر بوسوعوسۇن اتتاعان. 1990-جىلى شاڭعاي چىعىش جۇڭگو پەداگوگىكا ۇنىۋەرسىتەتىنىن جۇڭگو تئل-ادابئيات ادستىگىندە وقۇعان.وقۇۇسۇن بۉتكۅن سوڭ «شئنجاڭ قىرعىز ادابئياتى» جۇرنالىندا رەداكتور بولۇپ جۇمۇشتانعان.

 ال چىعارماچىلىق تۇشووسۇن 1984-جىلى «ساباقتاش» اتتۇۇ اڭگەمەسى مەنەن قىيعان. اتالعان تۇشوو كەسەر چىعارماسى ش ۇ ا ر بويۇنچا 1984-، 1987-جىلدىق بالدار ادابئياتىن باالوودو شىقتاندرۇۇ سيلىعىنا ەە بولعون. كۅپتۅگۅن چىعارمالارى حانزۇ، ۇيعۇر، قازاق، مۇڭعۇل تىلدەرىنە قوتورۇلعان.

چىعارماچىلىققا دەگەن مايتارىلباس رۇحۇنۇن نەگىزىندە 2001-جىلى شىئنجاڭ ەل باسماسى جاعىنان « مەرگەن» اتتۇۇ اڭگەمە-پوۋەستتەر جىيناعى جارىق كۅرگۅن. بۇل جىيناعى 2003-جىلى ش ۇ ا ر بويۇنچا كىتەپ بالوودو 2-داراجالۇۇ سىيلىققا ەە بولعون. وشوندوي ەلە «مەرگەن»، «وق» اتتۇۇ ۇلۇتتۇق بويوققو قانىق چىعارمالارى سىنچىلار تارابىنان تالقۇۇلوعو جەتىشكەن. جازۇۇچۇ داعى بئر جاعىنان الىپ ايتقاندا، قوتورموچۇلۇقتۇ قولدو بەكەم قارماپ، « قىزىل توقوي»، « مالالا دەگەن مەن بولوم»، « مورئى ۅزۅنۉ»، « بئز اياباي اجىرىم ىچىندە جاشاپ جاتابىز » سىياقتۇۇ جۇڭگو جانا چەت ەلدىك جازۇۇچۇلاردىن روماندارىن قىرعىز تىلىندە سۉيلۅتكۅن. ال 2002-جىلى شىنجاڭ ەل رادىيو ىستانسىياسى قىرعىز بۅلۉمۉنۅ قوتورۇلۇپ كەلگەندەن بەرى قاراي«جۇڭگو ۉنۉ»، «ۇنىۋرسال قابارلار»، كۅرۅكۅم ۅنۅرگۅ بايلانىشتۇۇ بەرۉۉلۅردۉن جووپتۇۇ رەداكتورلۇق مىلدەتىن اتقارىپ كەلۉۉدۅ.

 2005 -جىلى شئنجاڭ ۇيعۇر اپتونوم رايوندۇق پارتىكوم ۉگۉت بۅلۉمۉ تارابىنان وزوت قىزماتكەربولۇپ سىيلانسا، بئر قانچا جولۇ وزوت پارتئيا مۉچۅسۉ بولۇپ باالانعان.جەتەكچىلىكتىن ورۇنداشتىرۇۇسۇ بويۇنچا، قىرعىزدار توپتوشۇپ جاشاعان رايوندوردون 5000 دەن اشۇۇن ىر-كۉۉنۉ رادىيونۇن التىن قازىناسىنا جىيناپ كۅمۉلۉپ قالعان تالانتتاردىن ۉنۉن وبودون جاڭىرتقان. 2003 -جىلى رادىيو دىرامماسىنا قالەم شىلتەپ، 200 بۅلۉكتۅن اشۇۇن رادىيو دىرامماسىن قورتورعونعو ۉلگۉرسۅ، ەلبىزدىن بااتىردىق ەپوسۇ ماناستى باشقالار مەنەن بىرگەلەشىپ رادىيو دىرامماسىنا ۅزكۅرتۉپ، «جۇڭگو ۉنۉ» بەرۉۉسۉندۅ قىرعىزىستاندا بەرىلىپ ۇعارمانداردىن قىزىعۇۇسۇن قوزعوعون.اندان سىرىت ۅز قالەمىنە تااندىق «قۇلمۇزا مەنەن اقساتقىن»، «كۉۉ مەنەن ۅتكۅن ۅمۉر »، «مەرگەن» اتتۇۇ كۅپتۅگۅن دىراممالارى بار.

«قانتكەندە رادىيو دىرامماسىن جاقشى جازعالى بولوت»، «قابارچىلار ناق مايداندان قابار بەرۉۉ قۇرباتىن جەتىلدىرۉۉ كەرەك»، «اقپارات زىياراتى بئر تۉردۉۉ ۅزكۅچۅ كۅركۅم ۅنۅر» سىياقتۇۇ ئلمىي ماقالارى باسما بەتتەرىندە جارىلانعان.

 2004-جىلى «ەلدىك جۅۅ جوموقتور» دۇ، 2007«حانزۇچا-قىرعىزچا چوڭ سۅزدۉك» تۉ تۉزۉگۅۅ بەلسەمدۉۉلۉك مەنەن قاتىشقان. ال ازىر جۇڭگو «ماناس» ىزىلدۅۅ قوومۇنۇن، شئنجاڭ جازۇۇچۇلار قوومۇنۇن، شئنجاڭ ادابئيات-كۅركۅم ۅنۅرچۉلۅر قوومۇنۇن مۉچۅسۉ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.