باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
شئنجاڭ تەمىر جولۇ 4-ايدىن 10-كۉنۉنۅن باشتاپ، كەزەكچى پويۇزداردىن جاڭى جۉرۉۉ قارىيتاسىن جولعو قويۇپ، بەش ساياقات پويۇزۇ قۇيرۇق ۇلاش قاتتايت
   2018-04-12 19:51:01     xjbs   

       4-ايدىن 10-كۉنۉ، بەيجىن ماالى ساات نۅلدۅن باشتاپ، شئنجاڭ تەمىر جولۇ جاڭى جۉرگۉنچۉلۅر پويۇزۇنۇن جۉرۉۉ قارىيتاسىن جولعو قويوت، بۇل 2018-جىلى شئنجاڭدىن تەمىر جول تارماقتارىنىن تۇنعۇچ جولقۇ قارىيتا تەڭشۅۅسۉ ەكەن. بۇل جولقۇ قارىيتا تەڭشۅۅدۅ «دۇڭحۇاڭدا جولۇعۇشۇۇ» «تۉندۉك شئنجاڭدى ايلانىپ ساياقاتتوو» جانا «تۉشتۉك شئنجاڭدى قانعىچا قىدىرۇۇ»دان تۇرعان بەش ساياقات پويۇزۇن كۅبۅيتۉپ، پويۇزعا ولتۇرۇپ شئنجاڭدى ساياقاتتوونۇ الدىن الا باشتايت ەكەن. قابارچىنىن جۇڭگو تەمىر جولۇ ۉرۉمچۉ مەكەمەسى توبۇ چەكتۉۉ شەرىكتىگىنەن ەەلەشىنچە، «تۉندۉك شئنجاڭدى ساياقاتتاپ ايلانۇۇ» كەزەكچى پويۇزۇنان ۉچۅۅ 4-ايدىن 10-كۉنۉنۅن 10-ايدىن ورتولورۇنا چەيىن قاتتايت ەكەن. «تۉشتۉك شئنجاڭدى قانعىچا قىدىرۇۇ»ساياقات پويۇزۇنان بىرۅۅ 4-ايدىن 12-كۉنۉنۅن 11-ايعا چەيىن قاتتايت ەكەن؛ «دۇڭحۇاڭدا جولۇعۇشۇۇ»كەزەكچى پويۇزۇنان بىرۅۅ 4-ايدىن 20-كۉنۉنۅن 10-ايدىن ورتولورۇنا چەيىن قاتتايت ەكەن. بۇل بەش ساياقات پويۇزۇنۇن باردىعى ار كۉنۉ دەگىدەي قاتتاپ، ساياقاتچىلار مەنەن اداتتاعى جۉرگۉنچۉلۅردۉن باردىعى ۅزدۅرۉ بەلەت ساتىپ الىپ ولتۇرسا بولوت ەكەن. جۉرۉۉ باعىتى چىعىش شئنجاڭ، تۉشتۉك شئنجاڭ جانا تۉندۉك شئنجاڭدى قاپتاپ، ۉچ باعىتتاعى ساياقاتتى سىزىل اچىپ، شئنجاڭ ىچى-سىرتىنداعى ساياقاتچىلارعا پويۇزعا ولتۇرۇۇ وڭۇتۇ مەنەن قامدايت ەكەن.  جاڭىدان جۉرۉۉ قارىيتاسى جولعو قويۇلعاندان كىيىن، شئنجاڭ تەمىر جول تارماقتارى جولعو سالعان ساياقات پويۇزۇنۇن سانى 71 گە جەتىپ، تاشمالدوو جۅندۅمۉ كۉنۉنۅ ورتوچو 2800 ورۇندۇق بولۇپ، جالپى كۉندۉك تاشمال جۅندۅمۉ 100 مئڭ 800 ورۇنعا جەتىپ، ار ۇلۇت ساياقاتچىلارىنىن سىرتقا چىعۇۇسۇ، شئنجاڭدىن ساياقات ىشتەرىنە دەم بەرۉۉ ۉچۉن كۉچتۉۉ قوزعولتقۇچ تىرۅۅچۉ مەنەن قامدووعو جاردام بەرەت ەكەن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.