باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
كۉرۅشۉۉ ۉستۉندۅگۉ كىشىنىن جاشووسۇ انسايىن تارتىمدۇۇ بولوت
   2018-04-12 21:17:16     xjbs   

 ۉرۉمچۉ حۇگۇاڭ ۅسپۉرۉمدۅر قووزقات قىزمات بۅلمۅسۉنۉن جووپتۇسۇ حۇ سۉيسۉي اتاسىنىن ارمانى ۉچۉن ۅزۉ جاقتىرعان ويمو سۉرۅت كەسبىنەن باش تارتىپ، كۅپ نەرسەدەن قابارى جوق ەلە ۅسپۉرۉمدۅر قووزقات اعارتۇۇسۇ قىزماتىن باشتاعان 12 جىلدان بەرى، ال كۉرۅشۉۉ ارقىلۇۇ بالداردىن ۇرماتىنا ەە بولۇپ، ئلىمىي قووزقات اعارتۇسۇۇ تۉشۉنۉگۉن ار بئر ۉي-بۉلۅ باشچىلارىنا جەتكىرگەن. ىستانسىيابىز قابارچىسى حىفىيدىن قابارى.

  حۇ سۉيسۉي تىيانجىن قووزقات ئنىستىتوتۇنۇن ويمو سۉرۅت كەسبىن بۉتۉرگۅن، جوعورۇ وقۇۇجايىنا سىنوو بەرگەن جىلى، ال بۉت شئنجاڭداعى بئردەن-بىر تىيانجىن قووزقات ىنىستىتوتۇنا قابىلدانعان وقۇۇچۇ ەكەن. وقۇۇسۇن بۉتۉرگۅندۅن كىيىن، حۇ سۉيسۉي باشتان-بويعو ويمو سۉرۅت چىعارماچىلىعى جانا ىزىلدۅۅ مەنەن الەكتەنەت، بئروق اتا-ەنەسىنىن اڭساعان ويۇ سەبەپتۉۉ شئنجاڭعا قايتىپ كەلىپ، ۅسپۉرۉمدۅردۉ قووزقات جاعىنان تاربئيالوو مەنەن الەكتەنگەنىنە 30 جىلدان اشقان اتا-ەنەسى مەنەن بئرگە ۅسپۉرۉمدۅر قووزقات قىزمات ئشقاناسىن قۇرات. حۇ سۉيسۉي، تەگىندە بالاقايلارعا سۉرۅت سىزۇۇنۇ ۉيرۅنۉۉ ابدان قىزىعارلۇۇ ارى وڭوي جۇمۇش، بئروق 12 جىلدىن الدىندا بالدارعا ساباق ۅتكۅن ماالدا، بئروق ال ۇلاندۇۇ قىيىنچىلىققا ۇچۇراعانىن ايتىپ: « بالدار مەنەن بئرگە بولعوندو، مەن بىياقتان تۉشۉندۉرسۅم الار تىياقتان سۉيلۅپ، مەن الارعا بۇل سۉرۅتتۉ سىزۇۇنۇ ۉيرۅتسۅم الار باشقا سۉرۅتتۉ سىزىشىپ، مىندايدى كۅرگۅندۅ بئردە ىيلاپ بئردە ەنەمدى ساعىنىپ، بالاقايلار بئردەمدە دااراتقاناعا بارابىز دەپ چۇرقۇراشىپ، بئر ساات ساباق ۅتكۉچۅكتۉ قارا تەر مەنەن جۇۇلچۇمۇن، بئروق بالاقايلار دا مەنى انچا مويۇنداباي، الاردىن اتا-ەنەلەرى دا مەندەن شەكتەنىپ، مەن بئر قانچا جولۇ اتاما ايتىپ بۇل جۇمۇشتۇ ىشتەبەي ەلە قويويۇن دەگەن كۉندۅرۉم دا بولعون»، دەيت. 

      اتاسىنىن شىقتاندىرۇۇسۇ مەنەن، حۇ سۉيسۉي ايلاناداعى بالدار باقچاسىنا بارىپ ساباق ۇعۇپ، كۅپچۉلۉك مەنەن سۉيلۅشۉپ، ارى بالدار تاربئياسى پىسحولوگىياسى، ووزەكى سۉيلۅۅ تاانۇۇ ئلىمى سىياقتۇۇ ساباقتاردى ۅزدۉگۉنۅن ۉيرۅنۉپ، بۉت زەەنى مەنەن بالداردىن دۉينۅسۉنۅ كىرەت. ال مىنداي دەدى:- جارىم جىلدان كىيىن بئر جولۇ ساباق ۅتكۅن ەلەم، ال ساباقتىن مازمۇنۇ «ابدان قۇرساعى اچىقان بئر تۉكتۉۉ قۇرت» ەلە، مەن الارعا تەكىستتى وقۇپ، اڭگەمە سۉيلۅپ بەرىپ، ابدان وبرازدۇۇ تۉردۅ تۉكتۉۉ قۇرتتۇن ۅسۉپ- جەتىلۉۉ بارىشىن سۉيلۅپ بەردىم. بئر كىچى بالانىن ەنەسى بالاسىن العانى كەلگەن ەلە، ال ارتىنا قايرىلىپ مەنى قۇچاقتاپ، «حۇ مۇعالئم» دەدى، مەن انى ۅۅپ قويدۇم، چىنىندا ەلە ابدان تااسىردۉۉ، ازىرعا چەيىن وشول كۅرۉنۉشتۉ ەستەسەم ەلە ىيلايىم، بۇل مەن كەسىپكە كىرگەندەن كىيىنكى ەڭ ەلە ناتىيجالۇۇ سەزىنگەن بئر ىرەت، مەنى مويۇنداعان بئر كىشى بولدۇ دەپ سەزىندىم، بۇل بئر بۇرۇلۇۇ بولسو كەرەك.
     حۇ سۉيسۉيدۉن قىزمات بۅلمۅسۉ 300 كۋادىرات مەتىر، بالدار باقچاسى، تولۇقسۇز، ورتو مەكتەپ، تولۇق ورتو، تەز سىزما، مۇلتفىلىم سىياقتۇۇ جەتى، سەگىز رايونعو بۅلۉنگۅن، جۇماا ارالىعىندا. وقشوبوعون قۇراقتاعى 40، 50                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                             بالا بۇل جەرگە چوعۇلۇپ سۉرۅت سىزۇۇنۇ ۉيرۅنۅت، كەەلەر بئر ۉيرۅنگۅن بويۇنچا ون نەچە جىل ۉيرۅنۅت... 12 جىلدان بەرى، حۇ سۉيسۉي تاربئيالاعان بالداردىن كۅبۉ قووز ۅنۅر كەسىپتىك مەكتەپتەرىنە قابىلدانىپ، كەەلەرى ۇنۋەرىستىتەتتى بۉتۉرگۅندۅن كىيىن «شانەل» «ZARA»   سىياقتۇۇ دۉينۅلۉك اتاقتۇۇ شەرىكتىكتەردىن دولبورلووچۇسۇ بولدۇ، ال بۇلاردان چەكسىز سىيمىقتانات. ال مىنداي دەدى:- ەگەر كەزىندە مەن كەسپىي قووز ۅنۅر ىزىلدۅۅچۉسۉ بولۇۇنۇ تانداسام جە قووز ۅنۅر كەسىبى باسما سۉرۅت جولۇن تانداعان بولسوم، مۉمكۉن باقىت جالعىز مەندىك عانا بولور ەلە؛ مەنچە مەن جالعىز ۇشۇنچا كۅپ بالاعا كەلەچەك باقىت جاراتتىم، مىنچا كۅپ بالا مۉمكۉن سۉرۅتچۉ، دولبوورلوچۇ بولۇپ چىعار، مۉمكۉن مەن كىيگەن كىيىمدەردى الاردىن بىرۅۅ دولبوورلوعون بولوت، ىشتەتكەن تۉشۉمدۅردۉ الار ۅز قولۇ مەنەن چىعارات، چىمىرقانىپ بۇل باقىتتى باشىنان ۅتكۅرگۅندۅ باقىت انان كەرەمەت بولوت.

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.